ಅವಿಯಲ್ ಮತ್ತು ಮಸಾಲಾ ಚಪಾತಿ (ಪುದೀನಾ ಪರೋಟ)

ತಮಿಳುನಾಡು ಮತ್ತು ಕೇರಳದ ಬಹುತೇಕರ ಶುಭಸಮಾರಂಭಗಳಲ್ಲಿ ಉಣಬಡಿಸುವ ಅತ್ಯಂತ ರುಚಿಕರವಾದ ಆರೋಗ್ಯಕರವಾದ ಮತ್ತು ಸಾಂಪ್ರದಾಯಕವಾದ ಅವಿಯಲ್ ಮತ್ತು ಅದರ ಜೊತೆ ಮಸಾಲಾ ಚಪಾತಿ (ಪುದೀನಾ ಪರೋಟ)ಯನ್ನು ನಮ್ಮ ಮನೆಗಳಲ್ಲಿಯೇ ತಯಾರಿಸುವ ವಿಧಾನವನ್ನು ನಮ್ಮ ಅನ್ನಪೂರ್ಣ ಮಾಲಿಕೆಯ ಮೂಲಕ ತಿಳಿದು ಕೊಳ್ಳೋಣ.

ಸುಮಾರು 5-6 ಜನರಿಗೆ ಸಾಕಾಗುವಷ್ಟು ಅವಿಯಲ್ ತಯಾರಿಸಲು ಬೇಕಾಗುವ ತರಕಾರಿ ಮತ್ತು ಸಾಮಗ್ರಿಗಳು

  • ಹುರಳೀಕಾಯಿ – 1 ಬಟ್ಟಲು
  • ಸೀಮೇಬದನೇಕಾಯಿ – 1 ಬಟ್ಟಲು
  • ಕ್ಯಾರೆಟ್ – 1 ಬಟ್ಟಲು
  • ಗೆಡ್ಡೇಕೋಸು – 1 ಬಟ್ಟಲು
  • ಎಲೇಕೋಸು – 1 ಬಟ್ಟಲು
  • ಬಾಳೇಕಾಯಿ – 1 ಬಟ್ಟಲು
  • ನುಗ್ಗೇಕಾಯಿ – 1 ಬಟ್ಟಲು
  • ಬದನೇಕಾಯಿ – 1 ಬಟ್ಟಲು
  • ಹಸೀ ಬಟಾಣಿ – 1 ಬಟ್ಟಲು
  • ಹುರಳೀಕಾಯಿ – 1 ಬಟ್ಟಲು
  • ಸೀಮೇಬದನೇಕಾಯಿ – 1 ಬಟ್ಟಲು
  • ಕ್ಯಾರೆಟ್ – 1 ಬಟ್ಟಲು
  • ಗೆಡ್ಡೇಕೋಸು – 1 ಬಟ್ಟಲು
  • ಎಲೇಕೋಸು – 1 ಬಟ್ಟಲು
  • ಆಲೂಗೆಡ್ಡೆ – 1 ಬಟ್ಟಲು
  • ಬಾಳೇಕಾಯಿ – 1 ಬಟ್ಟಲು
  • ನುಗ್ಗೇಕಾಯಿ – 1 ಬಟ್ಟಲು
  • ಬದನೇಕಾಯಿ – 1 ಬಟ್ಟಲು
  • ಹಸೀ ಬಟಾಣಿ – 1 ಬಟ್ಟಲು
  • ತೆಂಗಿನಕಾಯಿ ತುರಿ – 2 ಬಟ್ಟಲು
  • ಹಸೀಮೆಣಸಿನಕಾಯಿ 15-20 (ಖಾರಕ್ಕೆ ಅನುಗುಣವಾಗಿ)
  • ಚಿಟುಕಿ ಅರಿಶಿನ
  • ಚಿಟುಕಿ ಇಂಗು
  • ಸಾಸಿವೆ – 1/2 ಚಮಚ
  • ಜೀರಿಗೆ – 2 ಚಮಚ
  • ಕರಿಬೇವು – 2 ಕಡ್ಡಿ
  • ಕೊಬ್ಬರೀ ಎಣ್ಣೆ 3-4 ಚಮಚ
  • ಗಟ್ಟಿ ಮೊಸರು = 1/2 ಲೀಟರ್
  • ರುಚಿಗೆ ತಕ್ಕಷ್ಟು ಉಪ್ಪು

ಅವಿಯಲ್ ತಯಾರಿಸುವ ವಿಧಾನ

  • ಮೇಲೇ ತಿಳಿಸಿರುವ ಎಲ್ಲಾ ತರಕಾರಿಗಳನ್ನು ಮಧ್ಯಮ ಗಾತ್ರದಲ್ಲಿ ಕತ್ತರಿಸಿಕೊಂಡು ಕುಕ್ಕರಿನಲ್ಲಿ ಸ್ವಲ್ಪ ನೀರು ಮತ್ತು ಉಪ್ಪನ್ನು ಹಾಕಿ ಒಂದು ವಿಷಲ್ ಬರುವವರೆಗೂ ಬೇಯಿಸಿಕೊಳ್ಳಿ
  • ಕಾಯಿತುರಿ, ಜೀರಿಗೆ, ಅರಿಶಿನ, ಇಂಗು ಮತ್ತು ಹಸೀಮೆಣಸಿನಕಾಯಿಯನ್ನು ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ
  • ಚೆನ್ನಾಗಿ ಬೆಂದ ತರಕಾರಿಗೆ ರುಬ್ಬಿಕೊಂಡ ಮಿಶ್ರಣವನ್ನು ಹಾಕಿ ಅದಕ್ಕೆ ರುಚಿಗೆ ತಕ್ಕಷ್ತು ಉಪ್ಪನ್ನು ಸೇರಿಸಿ ಕುದಿಯಲು ಬಿಡಿ.
  • ಸಣ್ಣ ಬಾಣಲೆಯಲ್ಲಿ ಕೊಬ್ಬರೀ ಎಣ್ಣೆಯನ್ನು ಹಾಕಿಕೊಂಡು, ಎಣ್ಣೆ ಕಾದ ನಂತರ ಸಾಸಿವೆ ಮತ್ತು ಇಂಗಿನ ಒಗ್ಗರಣೆಯನ್ನು ಹಾಕಿಕೊಳ್ಳಿ
  • ಒಗ್ಗರಣೆಯನ್ನು ಕುದಿಯುತ್ತಿರುವ ಮಿಶ್ರಣಕ್ಕೆ ಹಾಕಿ ಐದಾರು ನಿಮಿಷಗಳಷ್ಟು ಕುದಿಸಿ ಒಲೆಯನ್ನು ಆರಿಸಿ ಅದಕ್ಕೆ ಕಡೆದ ಮೊಸರನ್ನು ಸೇರಿಸಿದಲ್ಲಿ ಬಿಸಿ ಬಿಸಿಯಾದ ರುಚಿಯಾದ ಮತ್ತು ಆರೋಗ್ಯಕರವಾದ ತರಕಾರಿಗಳ ಅವಿಯಲ್ ಸಿದ್ಧ.

ಮಸಾಲಾ ಚಪಾತಿ ಮಾಡಲು ಬೇಕಾಗುವ ಸಾಮಗ್ರಿಗಳು

  • ಗೋಧಿ ಹಿಟ್ಟು – 2 ಬಟ್ಟಲು
  • ಅಚ್ಚ ಮೆಣಸಿನ ಪುಡಿ – 1/2 ಚಮಚ
  • ಜೀರಿಗೆ – 1/2 ಚಮಚ
  • ಸಣ್ಣಗೆ ಹೆಚ್ಚಿದ ಪುದೀನ ಸೊಪ್ಪು – 1/2 ಬಟ್ಟಲು
  • ಆಡುಗೆ ಎಣ್ಣೆ 4-5 ಚಮಚ
  • ರುಚಿಗೆ ತಕ್ಕಷ್ಟು ಉಪ್ಪು

ಮಸಾಲಾ ಚಪಾತಿ ತಯಾರಿಸುವ ವಿಧಾನ

  • ಗೋದಿಹಿಟ್ಟಿಗೆ ಕತ್ತರಿಸಿದ ಪುದೀನ, ಜೀರಿಗೆ, ಅಚ್ಚ ಮೆಣಸಿನಪುಡಿ, ರುಚಿಗೆ ತಕ್ಕಷ್ಟು ಉಪ್ಪನ್ನು ಬೆರೆಸಿ, ಒಂದೆರಡು ಚಮಚ ಅಡುಗೆ ಎಣ್ಣೆಯನ್ನು ಸೇರಿಸಿ ಚಪಾತಿ ಹದಕ್ಕೆ ಕಲೆಸಿಕೊಳ್ಳಿ
  • ಕಲೆಸಿದ ಹಿಟ್ಟನ್ನು ಐದಾರು ನಿಮಿಷಗಳ ಕಾಲ ನೆನೆಯಲು ಬಿಡಿ.
  • ಕಲೆಸಿದ ಹಿಟ್ಟನ್ನು ಸಣ್ಣ ಸಣ್ಣದಾದ ಉಂಡೆಗಳನ್ನಾಗಿ ಮಾಡಿಕೊಂಡು ಚಪಾತಿಯ ರೀತಿಯಲ್ಲಿ ಲಟ್ಟಿಸಿಕೊಳ್ಳಿ
  • ಒಲೆಯ ಮೇಲೆ ಕಾವಲಿಯನ್ನು ಇಟ್ಟು ಕಾವಲಿ ಕಾದ ನಂತರ ಲಟ್ಟಿಸಿಕೊಂಡ ಚಪಾತಿಯನ್ನು ಹಾಕಿ ಎರಡೂ ಬದಿಯಲ್ಲಿಯೂ
  • ಬಂಗಾರದ ಬಣ್ಣ ಬರುವವರೆಗೂ ಬೇಯಿಸಿದಲ್ಲಿ ಬಿಸಿ ಬಿಸಿಯಾದ ಮತ್ತು ರುಚಿಯಾದ ಮಸಾಲೇ ಚಪಾತಿ (ಪುದೀನ ಪರೋಟ) ಸಿದ್ದ

ಈಗಾಗಲೇ ಮಾಡಿಟ್ಟು ಕೊಂಡಿರುವ ಅವಿಯಲ್ ಜೊತೆ ಈ ಮಸಾಲೇ ಚಪಾತಿ(ಪುದೀನ ಪರೋಟ) ಜೊತೆಗೆ ಸಣ್ಣದಾಗಿ ಕತ್ತರಿಸಿರುವ ಈರುಳ್ಳಿ ಮತ್ತು ಸೌತೇಕಾಯಿಯೊಂದಿಗೆ ಸವಿಯಲು ಮಜವಾಗಿರುತ್ತದೆ.

ಬಿಸಿ ಬಿಸಿಯಾದ ಅವಿಯಲ್ ಮತ್ತು ಮಸಾಲಾ ಚಪಾತಿ (ಪುದೀನಾ ಪರೋಟ) ಮಾಡುವುದನ್ನು ಈ ವೀಡೀಯೋ ಮೂಲಕವೂ ನೋಡಿ ತಿಳಿಯ ಬಹುದಾಗಿದೆ.
https://youtu.be/pD7iydBLYsM

ಇನ್ನೇಕೆ ತಡಾ ನೋಡ್ಕೋಳ್ಳಿ, ಓದ್ಕೋಳ್ಳಿ, ಮಾಡ್ಕೋಳ್ಳಿ , ತಿನ್ಕೊಳ್ಳಿ

ಏನಂತೀರೀ?

ಮನದಾಳದ ಮಾತು : ಬಹುತೇಕ ಎಲ್ಲಾ ರೀತಿಯ ತರಕಾರಿಗಳು, ಮೊಸರು ಮತ್ತು ಸಾಧಾರಣ ಮಸಾಲೆಗಳನ್ನು ಬಳೆಸಿ ಮಾಡುವ ಈ ಅವಿಯಲ್ ತಮಿಳುನಾಡು ಮತ್ತು ಕೇರಳದ ಪ್ರದೇಶಗಳ ಹಬ್ಬ ಹರಿದಿನಗಳಲ್ಲಿ ಪ್ರಮುಖ ಆಕರ್ಷಣೆಯಾಗಿದೆ. ಅದರಲ್ಲೂ ಐಯ್ಯರ್ ಪಂಗಡದವರ ಎಲ್ಲಾ ಶುಭಕಾರ್ಯಗಳಲ್ಲಿ ಇದು ಖಡ್ಡಾಯವಾದ ಪರಿಕರವಾಗಿದೆ. ಈ ಆಹಾರ ವಿಧಾನವನ್ನು ಸಾವಕಾಶವಾಗಿ ನಮಗೆ ಮಾಡಿ ತೋರಿಸಿಕೊಟ್ಟ ಬೆಂಗಳೂರಿನ ದೊಡ್ಡಬೊಮ್ಮಸಂದ್ರ ನಿವಾಸಿಗಳಾದ ಶ್ರೀಮತಿ ನಾಗಲಕ್ಷ್ಮೀ ರಮೇಶ್ ಅವರಿಗೆ ನಮ್ಮ ಏನಂತೀರೀ YouTube ಛಾನೆಲ್ಲಿನ ಪರವಾಗಿ ಹೃತ್ಪೂರ್ವಕ ಧನ್ಯವಾದಗಳನ್ನು ಅರ್ಪಿಸುತ್ತೇವೆ.

#ಅನ್ನಪೂರ್ಣ
#ಅವಿಯಲ್
#ಮಸಾಲೆ_ಚಪಾತಿ
#ಪುದೀನಾ_ಪರೋಟ
#ಏನಂತೀರೀ