ರಚಿನ್ ರವೀಂದ್ರ

rac1ಟಿ20 ವಿಶ್ವಕಪ್ ಮುಗಿಯುತ್ತಿದ್ದಂತೆಯೇ ಭಾರತದ ವಿರುದ್ಧ ಟಿ20 ಮತ್ತು ಟೆಸ್ಟ್ ಸರಣಿಯನ್ನು ಆಡಲು ಬಂದಿಳಿದ ನ್ಯೂಜಿಲೆಂಡ್ ತಂಡದಲ್ಲಿ ಭಾರತೀಯರಿಗೆ ಎರಡು ಹೆಸರುಗಳು ಗಮನ ಸೆಳೆಯುವಂತಿದ್ದು ಒಂದು ಇಶ್ ಸೋಧಿಯದ್ದಾಗಿದರೆ ಮತ್ತೊಂದು ರಚಿನ್ ರವೀಂದ್ರ ಎನ್ನುವ ಆಟಗಾರರದ್ದಾಗಿತ್ತು. ಹಾಗೆ ನೋಡಿದರೆ  ನ್ಯೂಜಿಲೆಂಡ್ ತಂಡದಲ್ಲಿ ಭಾರತೀಯ ಮೂಲದ ಆಟಗಾರರಿಗೇನೂ ಕಡೆಮೆ ಇಲ್ಲ ದೀಪಕ್ ಪಟೇಲ್,  ಜಿತಿನ್ ಪಟೇಲ್, ರೋನಿ ಹಿರಾ, ತರುಣ್ ನೇತುಲಾ, ಜೀತ್ ರಾವಲ್ ಮುಂತಾದ ಭಾರತೀಯ ಮೂಲದವರು ಈಗಾಗಲೇ ನ್ಯೂಜಿಲೆಂಡ್ ತಂಡದ  ಪರ ಆಡಿದ್ದಾರೆ.  ಅವರಲ್ಲರ ನಡುವೆ ರಚಿನ್ ರವೀಂದ್ರ  ವಿಶೇಷವಾಗಿದ್ದು  ಅದರ ಸಂಪೂರ್ಣ ವಿವರಗಳು ನಮ್ಮ ಇಂದಿನ ಕನ್ನಡದ ಕಲಿಗಳು ಮಾಲಿಕೆಯಲ್ಲಿ ಇದೋ ನಿಮಗಾಗಿ.

jvaಬೆಂಗಳೂರು ಮೂಲದ ಕ್ಲಬ್ ಕ್ರಿಕೆಟರ್ ಆಗಿದ್ದ ಮತ್ತು ಕಂಪ್ಯೂಟರ್ ಸಾಫ್ಟ್‌ವೇರ್ ಸಿಸ್ಟಮ್ ಆರ್ಕಿಟೆಕ್ಟ್ ಆಗಿರುವ ಶ್ರೀ ರವೀಂದ್ರ ಕೃಷ್ಣಮೂರ್ತಿ ಮತ್ತು​ ​ದೀಪಾ ಕೃಷ್ಣಮೂರ್ತಿಯರು  ಉಜ್ವಲ ಭವಿಷ್ಯವನ್ನು ಅರಸುತ್ತಾ 1990ರಲ್ಲಿ ನ್ಯೂಜಿಲ್ಯಾಂಡಿಗೆ ಹೋಗಿ  ಅಂತಿಮವಾಗಿ ಅಲ್ಲಿಯೇ ನೆಲೆಸುವ ನಿರ್ಧಾರವನ್ನು ತೆಗೆದುಕೊಳ್ಳುತ್ತಾರೆ. ಎಲ್ಲದ್ದಕ್ಕಿಂತಲೂ ವಿಶೇಷವೆಂದರೆ,  ಬೆಂಗಳೂರಿನಲ್ಲಿ  ಭಾರತದ ಮಾಜಿ ವೇಗಿ ಜಾವಗಲ್ ಶ್ರೀನಾಥ್ ಮತ್ತು ಕರ್ನಾಟಕದ ತಂಡದ ಮಾಜೀ ನಾಯಕ ಮತ್ತು ಕೋಚ್ ಆಗಿದ್ದ  ಜೆ ಅರುಣ್ ಕುಮಾರ್ (ಜ್ಯಾಕ್) ಅವರೊಂದಿಗೆ  ಸ್ಥಳೀಯ ಕ್ರಿಕೆಟ್ ಆಡಿದ್ದ ರವೀಂದ್ರ ಕೃಷ್ಣಮೂರ್ತಿ ಅವರು  ನ್ಯೂಜಿಲೆಂಡ್ ನಲ್ಲಿಯೂ ಸಹಾ ಕ್ರಿಕೆಟ್ಟಿಗೆ ಉತ್ತಮವಾದ ಪ್ರೋತ್ಸಾಹವಿದ್ದದ್ದರಿಂದ ವಿಲ್ಲಿಂಗ್ಟನ್ನಿನಲ್ಲಿ ಹಟ್ ಹಾಕ್ಸ್ ಎಂಬ ಕ್ರಿಕೆಟ್ ಕ್ಲಬ್‌ವೊಂದನ್ನು ಆರಂಭಿಸಿ ಅಲ್ಲಿನ ಪುಟ್ಟ ಮಕ್ಕಳಿಗೆ ತರಭೇತಿಯನ್ನು ನೀಡುತ್ತಲೇ ತಮ್ಮ ಕ್ರಿಕೆಟ್ ದಾಹವನ್ನು ನೀಗಿಸಿಕೊಳ್ಳುತ್ತಿರುತ್ತಾರೆ. 18 ನವೆಂಬರ್ 1999 ರಂದು ರವೀಂದ್ರ ದಂಪತಿಗಳ ಬಾಳಿನಲ್ಲಿ ಮಗನೊಬ್ಬ ಆಗಮನವಾಗುತ್ತದೆ.

sachinತಮ್ಮ ಮುದ್ದಿನ ಮಗನಿಗೆ ರಚಿನ್ ಎಂದು ವಿಭಿನ್ನವಾಗಿ ಹೆಸರಿಟ್ಟಾಗ ಹುಬ್ಬೇರಿಸಿದವರಿಗೇನು ಕಡಿಮೆ ಇಲ್ಲ,  ಆದರೆ ಆ ಹೆಸರಿನ ಹಿಂದಿನ ಗೂಢಾರ್ಥ ಮತ್ತು ಭಾವಾರ್ಥಗಳನ್ನು ತಿಳಿದ ನಂತರ ಎಲ್ಲರೂ ಸಮಾಧಾನ ಪಟ್ಟುಕೊಳ್ಳುತ್ತಾರೆ.  ಹೌದು, ರವೀಂದ್ರ ಕೃಷ್ಣಮೂರ್ತಿಗಳು ಕರ್ನಾಟಕ ಮತ್ತು ಭಾರತ ಕ್ರಿಕೆಟ್ ತಂಡದ ದಂತಕಥೆಯಾದ  ರಾಹುಲ್ ದ್ರಾವಿಡ್ ಮತ್ತು ಕ್ರಿಕೆಟ್ ದೇವರು ಎಂದೇ ಕರೆಸಿಕೊಳ್ಳಲ್ಪಡುವ ಸಚಿನ್ ತೆಂಡೂಲ್ಕರ್  ಅವರ ಅಪ್ಪಟ ಅಭಿಮಾನಿ. ಹಾಗಾಗಿ ರವೀ ಅವರು  ರಾಹುಲ್ ದ್ರಾವಿಡ್ ಹೆಸರಿನ “ರ” (RA) ಮತ್ತು ಸಚಿನ್ ಹೆಸರಿನ “ಚಿನ್” (CHIN) ಎರಡನ್ನೂ ಸೇರಿಸಿ ರಚಿನ್ ಎಂದು ಹೆಸರಿಟ್ಟಿದ್ದರು, ಈಗ ಅದೇ ರಚಿನ್ ಬೆಳೆದು ದೊಡ್ಡವನಾಗಿ ನ್ಯೂಜಿಲೆಂಡ್ ತಂಡಕ್ಕೆ ಆಯ್ಕೆಯಾಗಿ ಭಾರತ ತಂಡದ ಪರ ಅದರಲ್ಲೂ ಭಾರತದಲ್ಲೇ ಸರಣಿಯನ್ನು ಆಡುತ್ತಿರುವುದು ಹೆಚ್ಚಿನ ವಿಶೇಷವಾಗಿದೆ.

ra4ಮನೆಯಲ್ಲಿ ಕ್ರಿಕೆಟ್ ವಾತಾವರಣವಿದ್ದ ಕಾರಣ ರಚಿನ್ ಸಹಾ ತನ್ನ ತಂದೆಯಂತೆಯೇ ಕ್ರಿಕೆಟ್ಟಿನಲ್ಲಿ ಆಸಕ್ತಿ ಬೆಳಸಿಕೊಂಡು ತನ್ನ ತಂದೆಯ ಹಾದಿಯಲ್ಲೇ ಸಾಗಿದರು. ಬಾಲ್ಯದಿಂದಲೇ ತಮ್ಮದೇ ಆದ ಹಟ್ ಹಾಕ್ಸ್ ಕ್ಲಬ್ಬಿನಲ್ಲಿಯೇ ತರಭೇತಿಯನ್ನು ಆರಂಭಿಸಿ ನಂತರ ನ್ಯೂಜಿಲೆಂಡ್​ನಲ್ಲಿ ಪ್ರತಿಷ್ಠಿತ ಕ್ರಿಕೆಟ್ ಕ್ಪಬ್ಬುಗಳಲ್ಲಿ ಟ್ರೈನಿಂಗ್  ಪಡೆಯಲು ಆರಂಭಿಸಿದರು. ಬೇಸಿಗೆ ಸಮಯ ಚಿಕ್ಕಾಗಲೆಲ್ಲಾ ಭಾರತಕ್ಕೆ ಬಂದು ಇಲ್ಲಿಯೂ ಸಹಾ ಕ್ರಿಕೆಟ್ ಅಭ್ಯಾಸ ಮಾಡುತ್ತಾ ಸಾಂಪ್ರದಾಯಿಕ ಎಡಗೈ ಸ್ಪಿನ್ನರ್ ಆಗಿ ಮತ್ತು ಮಧ್ಯಮ ಕ್ರಮಾಂಕದಲ್ಲಿ ಹೊಡೀ ಬಡೀ ಎನ್ನುವ ಎಡಗೈ ದಾಂಡಿಗರಾಗಿ ರೂಪುಗೊಂಡಿದ್ದಲ್ಲದೇ, ತಮ್ಮ ಪ್ರತಿಭೆಯಿಂದಾಗಿ ರಚಿನ್ ಕಿವೀಸ್​ ಕಿರಿಯರ ತಂಡದಲ್ಲಿ ಸ್ಥಾನ ಪಡೆದು 2016ರ ಮತ್ತು 2018 ರ ಅಂಡರ್ -19 ಕ್ರಿಕೆಟ್  ವಿಶ್ವಕಪ್‌ನಲ್ಲಿ ನ್ಯೂಜಿಲೆಂಡ್ ತಂಡವನ್ನು ಪ್ರತಿನಿಧಿಸಿ ತಕ್ಕಮಟ್ಟಿಗೆ ಯಶಸ್ಸನ್ನು ಗಳಿಸುತ್ತಾರೆ.  ಈಗಾಗಲೇ ತಿಳಿಸಿದಂತೆ ತಮ್ಮ ತಂದೆಯವರ ಒಡನಾಡಿ  ಜಾವಗಲ್ ಶ್ರೀನಾಥ್ ಮತ್ತು ಅರುಣ್ ಕುಮಾರ್  ಅವರ ಜೊತೆ ಸಂಪರ್ಕದಲ್ಲಿ ಇದ್ದು ಅವರಿಂದಲು  ಆಗ್ಗಾಗ್ಗೆ ಕ್ರಿಕೆಟ್ ಸಲಹೆಗಳನ್ನು ಪಡೆದು ಉತ್ತಮ ಆಟಗಾರನಾಗಿ ರೂಪುಗೊಳ್ಳುತ್ತಿದ್ದಾರೆ.

rac2ಕಳೆದ ನಾಲ್ಕು ವರ್ಷಗಳಿಂದ ಆಂಧ್ರದ ಅನಂತಪುರದ ರೂರಲ್ ಡೆವಲಪ್‌ಮೆಂಟ್ ಟ್ರಸ್ಟ್‌ ಮತ್ತು ರವೀಂದ್ರ ಅವರ ಹಟ್ ಹಾಕ್ಸ್ ಕ್ಲಬ್  ನಡುವಿನ ಒಪ್ಪಂದದಂತೆ ರಚಿನ್ ರವೀಂದ್ರ  ಪ್ರತಿ ವರ್ಷವೂ ಭಾರತದಲ್ಲಿ ಈ ಕ್ಲಬ್ಬಿಗ್ಗೆ ಬಂದು ತರಭೇತಿ ಪಡೆಯುತ್ತಿರುವುದಲ್ಲದೇ ಆ ತಂಡದ ಪರವಾಗಿ  ಕ್ರಿಕೆಟ್ ಆಡುತ್ತಿರುವುದು ವಿಶೇಷವಾಗಿದೆ. ರಚಿನ್ ಒಬ್ಬ ಭರವಸೆಯ ಯುವ ಕ್ರಿಕೆಟಿಗನಾಗಿದ್ದು  ಎಡಗೈ ಬ್ಯಾಟರ್ ಮತ್ತು ಎಡಗೈ ಸ್ಪಿನ್ ಆಗಿ ದೀರ್ಘ ಕಾಲದ ವರೆಗೂ ಮಿಂಚುವ ಭರವಸೆ ಇದೆ ಎಂದು  ಆಂಧ್ರಪ್ರದೇಶ ಕ್ರಿಕೆಟ್ ಅಕಾಡೆಮಿಯ ಕೋಚ್‌ಗಳಲ್ಲಿ ಒಬ್ಬರಾದ ಖತೀಬ್ ಸೈಯದ್ ಶಹಾಬುದ್ದೀನ್ ಅವರು ಹೇಳುತ್ತಾರೆ.

ra3ಇಷ್ಟೆಲ್ಲಾ ಭರವಸೆಯನ್ನು ಮೂಡಿಸಿದ್ದ ರಚಿನ್ ಕಳೆದ ಸೆಪ್ಟೆಂಬರ್​ನಲ್ಲಿ ಬಾಂಗ್ಲಾದೇಶದ ವಿರುದ್ದದ ಪಂದ್ಯದಲ್ಲಿ ಮೊದಲ ಬಾರಿಗೆ ನ್ಯೂಜಿಲೆಂಡ್ ಹಿರಿಯರ ತಂಡದಲ್ಲಿ ಅವಕಾಶ ಲಭಿಸಿತ್ತದೆ. ಇದುವರೆವಿಗೂ ನ್ಯೂಜಿಲೆಂಡ್ ಪರ 6 ಟಿ20 ಪಂದ್ಯಗಳಲ್ಲಿ 6 ವಿಕೆಟ್ ಪಡೆದಿರುವುದಲ್ಲದೇ ಕೆಳಕ್ರಮಾಂಕದಲ್ಲಿ ಬ್ಯಾಟ್ ಮಾಡಲು  ಸಿಕ್ಕ ಅವಕಾಶವನ್ನು ಉಪಯೀಗಿಸಿಕೊಂಡು ಇದುವರೆವಿಗೂ 47 ರನ್ ಬಾರಿಸುವ ಮೂಲಕ ಭರವಸೆಯ ಆಲ್ರೌಂಡರ್ ಆಗುವ ಲಕ್ಷಣವನ್ನು ಸಾಭೀತು ಪಡಿಸಿದ್ದಾನೆ. ಸಚಿನ್ ತೆಂಡೂಲ್ಕರ್ ಅವರನ್ನು ತನ್ನ ಬ್ಯಾಟಿಂಗ್ ಆರಾಧ್ಯ ದೈವ ಎಂದು ಉಲ್ಲೇಖಿಸಿರುವ ರಚಿನ್ ಅವರ ಆಟವನ್ನು ನೋಡುತ್ತಲೇ  ಬೆಳೆದ ನನಗೆ ಆಟವನ್ನು ಮುಂದುವರೆಸುತ್ತಲೇ ಹೋದಂತೆ ಸಚಿನ್ ಅವರ ಬಗ್ಗೆ ನನ್ನ ಅಭಿಮಾನವೂ ಬೆಳೆಯಿತು ಎಂದು ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.

ra5ಭಾರತದ ವಿರುದ್ಧ ಮೊದಲ ಟಿ೨೦ ಪಂದದಲ್ಲಿ ನ್ಯೂಜಿಲೆಂಡ್ ಪರ 6ನೇ ಕ್ರಮಾಂಕದಲ್ಲಿ ಅಂತಿಮ ಓವರ್ನಲ್ಲಿ ಕಣಕ್ಕಿಳಿದ ಎಡಗೈ ಆಟಗಾರ ರಚಿನ್ 7 ರನ್​ಗಳಿಸಿದ್ದಾಗ ಮೊಹಮ್ಮದ್ ಸಿರಾಜ್​ ಎಸೆತದಲ್ಲಿ ಬೌಲ್ಡ್ ಆಗಿ ನಿರಾಸೆ ಮೂಡಿಸಿದರು.  ತಂಡದಲ್ಲಿ ಸಾಕಷ್ಟು ಆಲ್ರೌಂಡರ್ಗಳು ಇರುವ ಕಾರಣ ಬೋಲಿಂಗ್ ಮಾಡಲು ಅವಕಾಶ ಸಿಗದಿದ್ದರೂ ಅತ್ಯುತ್ತಮವಾದ  ಕ್ಷೇತ್ರ ರಕ್ಷಣೆ ಮಾಡುವ ಮೂಲಕ ಪಂದ್ಯದುದ್ದಕ್ಕೂ ಗಮನ ಸೆಳೆಯುವ ಮೂಲಕ  ಅರೇ ಯಾರೀ ರಚಿನ್ ಎಂಬ ಕುತೂಹಲ ಮೂಡಿಸಿ ಅವರ ಬಗ್ಗೆ ಹೆಚ್ಚಿನ ಮಾಹಿತಿ ಕಲೆಹಾಕುತ್ತಿದ್ದಾಗ, ಆತ ನಮ್ಮ ಹೆಮ್ಮೆಯ ಕನ್ನಡಿಗ ಎಂದು ತಿಳಿದ ನಂತರವೇ ಈ ಲೇಖನಕ್ಕೆ ಪ್ರೇರಣಾದಾಕನಾಗಿರುವುದು ಗಮನಾರ್ಹ.

ಒಟ್ಟಿನಲ್ಲಿ ಇದುವರೆವಿಗೂ ನ್ಯೂಜಿಲೆಂಡ್ ಕ್ರಿಕೆಟ್ ತಂಡದಲ್ಲಿ ಹಲವಾರು ಭಾರತೀಯ ಮೂಲದ ಆಟಗಾರರನ್ನು ನೋಡಿದ್ದ ನಮಗೆ  ಇದೀಗ ಬೆಂಗಳೂರು ಮೂಲದ ಕನ್ನಡಿಗನೇ ನ್ಯೂಜಿಲೆಂಡ್ ತಂಡದಲ್ಲಿ ಸ್ಥಾನ ಪಡೆದಿರುವುದು  ನಿಜಕ್ಕೂ ಹೆಮ್ಮೆಯ ವಿಷಯವೇ ಸರಿ.  ಕ್ರಿಕೆಟ್ ಆಟಗಾರರಾಗ ಬೇಕು ಎಂದು ಕನಸನ್ನು ಕಂಡಿದ್ದ ರವೀಂದ್ರ ಅವರಿಗೆ ಇದೀಗ ಅವರ ಮಗ  ಅಂತರಾಷ್ಟ್ರೀಯ ಆಟಗಾರನಾಗಿ ಈಡೇರಿಸುತ್ತಿರುವುದು ಅದರಲ್ಲೂ ನ್ಯೂಜಿಲೆಂಡ್ ಪರ ನಮ್ಮೂರಿನ ಹುಡುಗ ಆಡುತ್ತಿದ್ದಾನೆ ಎಂಬುದೇ ಪ್ರತಿಯೊಬ್ಬ ಕನ್ನಡಿಗರಿಗೂ ವಿಶೇಷವಾಗಿದೆ. ಎಲ್ಲೇ ಇರು ಹೇಗೇ ಇರು, ಎಂದೆದಿಗೂ ನೀ ಕನ್ನಡವಾಗಿರು. ಕನ್ನಡವೇ ಸತ್ಯಾ.. ಕನ್ನಡವೇ ನಿತ್ಯ ಎನ್ನುವಂತೆ ತನ್ನ ಪ್ರತಿಭೆಯ ಮೂಲಕ ವಿಶ್ವ ಕ್ರಿಕೆಟ್ಟಿನಲ್ಲಿ  ಕನ್ನಡದ ಕಂಪನ್ನು ಹರಡುತ್ತಿರುವ ರಚಿನ್ ರವೀಂದ್ರ ನಮ್ಮ ಹೆಮ್ಮೆಯ ಕನ್ನಡದ ಕಲಿಗಳೇ ಸರಿ.

ಏನಂತೀರೀ?

ನಿಮ್ಮವನೇ ಉಮಾಸುತ

ಕಮ್ಯೂನಿಸ್ಟ್ ಕೇರಳದಲ್ಲೂ ಕಮಲದ ಕಲರವ

ಇಡೀ ದೇಶದಲ್ಲಿ ಕಮಲವನ್ನು ಅರಳಿಸುವುದು ಒಂದು ರೀತಿಯಾದರೇ, ದಕ್ಷಿಣ ಭಾರತದ ಕೇರಳ ಮತ್ತು ಪೂರ್ವ ಭಾಗದ ಪಶ್ಚಿಮ ಬಂಗಳದ್ದೇ ಒಂದು ಸಾಹಸ ಗಾಥೆ. ಕೇರಳದಲ್ಲಿ ಕಮ್ಯೂನಿಷ್ಟರ ಕಾಟವಾದರೇ ಪಶ್ಚಿಮ ಬಂಗಾಳದಲ್ಲಿ ಕಮ್ಯೂನಿಷ್ಟರ ತದ್ರೂಪಾಗಿರುವ ತೃಣಮೂಲ ಕಾಂಗ್ರೇಸ್ಸಿಗರ ಜೊತೆಗಿನ ಹೋರಾಟ. ತಲೆ ತಲಾಂತರಗಳಿಂದಲೂ ಎರಡೂ ರಾಜ್ಯಗಳಲ್ಲಿ ಯಾವುದೇ ಸರ್ಕಾರ ಆಡಳಿತಕ್ಕೆ ಬಂದರೂ ಹಿಂದೂ ವಿರೋಧಿ ನೀತಿಯನ್ನು ಅನುಸರಿಸುತ್ತಿರುವುದು ಮತ್ತೊಂದು ಘನ ಘೋರ ದುರ್ದೈವವೇ ಸರಿ. ಈ ಎರಡೂ ರಾಜ್ಯಗಳಲ್ಲಿರುವ ಹಿಂದೂಗಳು ಪರಮ ದೈವ ಭಕ್ತರಾದರೂ, ರಾಜಕೀಯವಾಗಿ ಅದೇಕೋ ಕಮ್ಯೂನಿಷ್ಟರನ್ನು ಬೆಂಬಲಿಸುತ್ತಲೇ ಬಂದಿರುವುದು ನಿಜಕ್ಕೂ ಅಚ್ಚರಿಯೇ ಸರಿ. ಕರ್ನಾಟಕ ಹಾಗೂ ಇತರ ಯಾವುದೇ ರಾಜ್ಯದ ತರಹ ಬಿಜೆಪಿ ಬೆಳೆದು ಬೇಗನೆ ಫಸಲು ಬರಲು ಸಾಧ್ಯವಾಗದೇ ಇರುವಂತಹ ಮಣ್ಣು ಈ ಎರಡೂ ರಾಜ್ಯಗಳದ್ದು ಎಂದರೂ ತಪ್ಪಲ್ಲ. ಇಂತಹ ಕೇರಳ ರಾಜ್ಯದಲ್ಲಿ ಇತ್ತೀಚೆಗೆ ನಡೆದ ನಗರ ಸಭೆ ಮತ್ತು ಗ್ರಾಮ ಪಂಚಾಯಿತಿ ಚುನಾವಣೆಯಲ್ಲಿ ಕಮಲದ ಕಲರವವನ್ನು ಎಬ್ಬಿಸಿದ ಕುತೂಹಲಕಾರಿ ಮತ್ತು ಅಷ್ಟೇ ಯಾಥನಾಮಯವಾದ ಕಥೆ ಇದೋ ನಿಮಗಾಗಿ. ಅದರಲ್ಲೂ ಕಾಸರಗೋಡಿನಲ್ಲಿ ಕಮಲವನ್ನು ಅರಳಿಸಿದ ಕನ್ನಡಿಗರ ಯಶೋಗಾಥೆಯೇ ಮತ್ತೊಂದು ರೋಚಕವಾದ ಸಂಗತಿ.

ನಮ್ಮ ಪಕ್ಕದ ರಾಜ್ಯವಾದ ಕೇರಳದ ಹಿಂದೂಗಳ ಪಾಡು ನಿಜಕ್ಕೂ ಹೇಳ ತೀರದು. ಒಂದು ಕಡೆ ಸಿಪಿಎಂ ಅಟ್ಟಹಾಸವಾದರೇ, ಮತ್ತೊಂದು ಕಡೆ ಜಿಹಾದಿಗಳ ನಿರಂತರ ಆಕ್ರಮಣದಿಂದಾಗಿ ಪ್ರತಿದಿನವೂ ಹಿಂದೂ ಕಾರ್ಯಕರ್ತರ ಜೀವನ ಹೈರಾಣಾಗಿ ಹೋಗಿದೆ. ನಾವು ಇಲ್ಲಿ ಪ್ರತಿದಿನವೂ ಕ್ರೈಂ ಡೈರಿ ಅಥವಾ ಶಾಂತಂ ಪಾಪಂ ಕಾರ್ಯಕ್ರಮದಲ್ಲಿ ತೋರಿಸುವ ಕೊಲೆ ಮತ್ತು ಅತ್ಯಾಚಾರಗಳಿಗೇ ಚೆಚ್ಚಿ ಬಿದ್ದು ರಾತ್ರಿ ಹಾಸಿಗೆ ಒದ್ದೇ ಮಾಡಿಕೊಳ್ಳುವುದನ್ನು ನೋಡಿದ್ದೇವೆ. ಆದರೆ ಅದೇ ಕೇರಳದಲ್ಲಿ ಪ್ರತೀ ದಿನವೂ ಹಿಂದೂ ಕಾರ್ಯಕರ್ತರ ರೀಲ್ ಅಲ್ಲದೇ ರಿಯಲ್ಲಾಗಿ ಹಲ್ಲೆಗಳು ನಿರಂತರವಾಗಿ ಮೇಲಿಂದ ಮೇಲೆ ನಡೆಯುತ್ತಲೇ ಬಂದಿದೆ. ಹಿಂದೂ ಕಾರ್ಯಕರ್ತರು ಪ್ರತೀ ದಿನ ಮನೆಯಿಂದ ಹೊರಗಿ ಹೋಗಿ ಪುನಃ ರಾತ್ರಿ ಮನೆಗೆ ಸುರಕ್ಷಿತವಾಗಿ ಬಂದರೆ ಅದು ಪುನರ್ಜನ್ಮ ಪಡೆದಂತೆಯೇ ಸರಿ. ಇಂತಹ ಸಂಧಿಗ್ಧ ಪರಿಸ್ಥಿತಿಯಲ್ಲಿಯೂ ಹಿಂದೂ ಪರ ಸಂಘಟನೆಗಳ ಕಾರ್ಯಕರ್ತರುಗಳು ಧೈರ್ಯದಿಂದ ಕೆಚ್ಚದೆಯಿಂದ ಮುನ್ನುಗ್ಗಿ ಕಮಲವನ್ನು ಅರಳಿಸಿದ ರೀತಿ ನಿಜಕ್ಕೂ ರೋಚಕವೇ ಸರಿ. ದಿನದಿಂದ ದಿನಕ್ಕೆ ತನ್ನ ಪ್ರಭಾವವನ್ನು ಬೆಳಸಿಕೊಳ್ಳುತ್ತಿರುವ ಬಿಜೆಪಿಯನ್ನು ಎದುರಿಸಲು ಶತ್ರುಗಳ ಶತ್ರು ಮಿತ್ರ ಎನ್ನುವಂತೆ ಕೇರಳದ ಎಲ್ಲಾ ರಾಜಕೀಯ ಪಕ್ಷಗಳು ಬಿಜೆಪಿಯನ್ನು ಬಗ್ಗು ಬಡಿಯಲು ಅನೈತಿಕ ಒಂಡಬಡಿಕೆ ಮಾಡಿಕೊಳ್ಳುವಂತಹ ಸಂಧರ್ಭದಲ್ಲಿ ಅಲ್ಲಿನ ಪ್ರತಿಯೊಬ್ಬ ಕಾರ್ಯಕರ್ತರೂ ಸುರಿಸಿದ ಬೆವರು, ರಕ್ತದ ಫಲ ಮತ್ತು ಅವರು ಪ್ರತೀದಿನವೂ ಎದುರಿಸಬೇಕಾದಂತಹ ನೂರೊಂದು ಸವಾಲುಗಳಿಗೆ ಎದೆಗುಂದುವ ಬದಲು ಎದೆಯುಬ್ಬಿಸಿ, ಎದೆಯನ್ನೇ ಗುರಾಣಿಯನ್ನಾಗಿ ಮಾಡಿಕೊಂಡು ಮುನ್ನುಗ್ಗಿ ಶತೃಗಳ ಮೇಲೇ ಆಕ್ರಮಣ ಮಾಡಿದ ಪರಿ ನಿಜಕ್ಕೂ ದೇಶದ ಎಲ್ಲಾ ಕಾರ್ಯಕರ್ತರಿಗೂ ಮಾದರಿ ಎಂದರೂ ತಪ್ಪಾಗಲಾರದು.

ನಡೆ ಮುಂದೆ, ನಡೆ ಮುಂದೆ ನುಗ್ಗಿ ನಡೆ ಮುಂದೆ ! ಜಗ್ಗದಯೆ ಕುಗ್ಗದೆಯೆ ಹಿಗ್ಗಿ ನಡೆ ಮುಂದೆ !
ಭಾರತ ಖಂಡದ ಹಿತವೇ ನನ್ನ ಹಿತ ಎಂದು! ಭಾರತ ಮಾತೆಯ ಮತವೇ ನನ್ನ ಮತ ಎಂದು !
ಭಾರತಾಂಬೆಯ ಸುತರೆ ಸೋದರರು ಎಂದು! ಭಾರತಾಂಬೆಯ ಮುಕ್ತಿ ಮುಕ್ತಿ ನನಗೆಂದು!

ಎಂಬ ಕುವೆಂಪುರವರ ಕವಿತೆಯಂತೆ ಅಲ್ಲಿನ ಕಾರ್ಯಕರ್ತರು ಫಲಿತಾಂಶ ನಮ್ಮ ನಿರೀಕ್ಷೆಯಷ್ಟು ಬರಲೀ, ಬಾರದೇ ಇರಲೀ, ತಮ್ಮ ತನು ಮನ ಧನವನ್ನು ಅರ್ಪಿಸಿ, ದಣಿವರಿಯದೇ, ಶ್ರಮ ಪಡುವ ಕಾರ್ಯಕರ್ತರ ದಂಡನ್ನು ಸಜ್ಜು ಮಾಡಿರುವುದು ನಿಜಕ್ಕೂ ಅಚ್ಚರಿಯಾಗಿದೆ. ಉಳಿದೆಲ್ಲಾ ರಾಜ್ಯಗಳಲ್ಲಿ ಕಾಸಿದ್ದವನೇ ಬಾಸು ಎಂದು ದುಡ್ಡು ಕೊಟ್ಟವರಿಗೇ ಪಕ್ಷದಲ್ಲಿ ಸ್ಥಾನ ಮಾನ ಕಲ್ಪಿಸುವ ಕೆಟ್ಟ ಸಂಪ್ರದಾಯವನ್ನು ರೂಢಿಯಲ್ಲಿ ಇಟ್ಟುಕೊಂಡಿದ್ದರೇ, ಇಲ್ಲಿ ಮಾತ್ರಾ, ಅದಕ್ಕೆ ತದ್ವಿರುದ್ಧವಾಗಿ ಪಕ್ಷದ ಕಷ್ಟದ ಸಮಯದಲ್ಲಿ ಪಕ್ಷದ ಪರವಾಗಿ ನಿಂತು ಪಕ್ಷವನ್ನು ಕಟ್ಟಿ ಬೆಳಸಿದ ನಿಜವಾದ ನಿಸ್ವಾರ್ಥ ಕಾರ್ಯಕರ್ತರನ್ನು ಗುರುತಿಸಿ ಅವರನ್ನು ಬೆಳಸುತ್ತಿರುವ ಪರಿ ಉಳಿದೆಲ್ಲಾ ರಾಜ್ಯಗಳಿಗೂ ಮಾದರಿಯಾಗಿದೆ. ತಮ್ಮ ಜಾತೀ, ತಮ್ಮ ಸಂಬಂಧೀಕರ ತಂಡವನ್ನು ಕಟ್ಟಿಕೊಂಡು ಪಕ್ಷ ಕಟ್ಟುತ್ತೆನೆಂಬ ಭ್ರಮೆಯಲ್ಲಿ ಓಲಾಡುವ ಇತರೇ ರಾಜ್ಯಗಳ ನಾಯಕರು ಇಲ್ಲಿನ ಬಿಜೆಪಿ ನಾಯಕರ ಮತ್ತು ಕಾರ್ಯಕರ್ತರ ದಿಟ್ಟತನವನ್ನು ನೋಡಿ ಕಲಿತುಕೊಳ್ಳಲೇ ಬೇಕು. ನಾವು ಕಟ್ಟುವುದು ಕೇವಲ ಪಕ್ಷವಲ್ಲ. ಅಥವಾ ನಮ್ಮ ಆಶೆಗಳನ್ನು ತೀರಿಸಿಕೊಳ್ಳುವ ಗುಂಪಂತೂ ಅಲ್ಲವೇ ಅಲ್ಲ. ನಮ್ಮದು ಅವಿಚ್ಛಿನ ನಿಸ್ವಾರ್ಥ ದೇಶಪರ ಸಂಘಟನೆ. ಅದು ರಾಜಕೀಯದ ಬಿಸಿಲು, ಮಳೆ, ಗುಡುಗು, ಸಿಡಿಲು ಮತ್ತು ಮಿಂಚುಗಳಿಗೆ ಕುಗ್ಗದೆ ಅಧಿಕಾರ ಬಂದಾಗ ಹಿಗ್ಗದೇ ನಡೆಯುವ ಸಂಘಟನೆ ಎಂಬುದನ್ನು ಪ್ರತ್ಯಕ್ಷವಾಗಿ ರೂಡಿಯಲ್ಲಿ ತರುವ ಮೂಲಕ ಎಲ್ಲರಿಗೂ ತೋರಿಸಿಕೊಟ್ಟಿದ್ದಾರೆ.

ಒಂದು ಕುಟುಂಬ ಅಥವಾ ಒಬ್ಬ ವ್ಯಕ್ತಿ ಹಿಂದೂ‌ಪರ ಸಂಘಟನೆಗೆ ಒಲವು ತೋರುತ್ತಿದ್ದಾನೆ ಎಂದು ತಿಳಿದು ಬಂದ ಕೂಡಲೇ ಆತನ ಮನೆಯ ಮೇಲೆ ಏಕಾಏಕಿ ಕಲ್ಲಿನ ಸುರಿಮಳೆಗೈಯ್ಯುವ ಕಮ್ಯೂನಿಸ್ಟರು, ಅದಕ್ಕೂ ಜಗ್ಗದಿದ್ದಲ್ಲಿ ಮನೆಯ ಸದಸ್ಯರ ಮೇಲೆ ಮಾರಣಾಂತಿಕ ಹಲ್ಲೆ. ಇದರ ವಿರುದ್ಧ ಪೋಲಿಸರಿಗೆ ದೂರು ದಾಖಲಿಸಲು ಹೋಗುವಷ್ಟರಲ್ಲಿ ಹಲ್ಲೆ ಒಳಗಾದವನ ವಿರುದ್ಧವೇ ದೂರು ದಾಖಲಾಗಿರುವ ಅಟ್ಟಹಾಸ ಒಂದು ಕಡೆಯಾದರೆ, ವಯಸ್ಸಿಗೆ ಬಂದ ಹೆಣ್ಣುಮಕ್ಕಳು ಹೊರಗೆ ಬಂದೊಡನೆಯೇ ಬಣ್ಣಬಣ್ಣದ ಬೆರಗು ಮಾತುಗಳಿಂದ ಬುಟ್ಟಿಗೆ ಹಾಕಿಕೊಂಡು ಸದ್ದಿಲ್ಲದೆ ಮನೆಯಿಂದ ಆಕೆಯನ್ನು ಕರೆದೊಯ್ದು ಮತಾಂತರಗೊಳಿಸಿ, ಯಾರೋ ತಿರುಬೋಕಿಯ ಭೋಗದ ವಸ್ತುವಂತೆ ಮೂರನೇ ಇಲ್ಲವೇ ನಾಲ್ಕನೇ ಹೆಂಡತಿಯಾಗಿಸುವ ಲವ್ ಜಿಹಾದ್ ಕ್ರೌರ್ಯ ಮತ್ತೊಂದೆಡೆ. ಇದನ್ನೆಲ್ಲಾ ಆಕೆ ತಿಳಿಯವ ಹೊತ್ತಿಗೆ ನ ಘರ್ ಕಾ, ನ ಘಾಟ್ ಕಾ ಎನ್ನುವ ಘೋರವಾದ ವಿಷವರ್ತುದ ಸಂಕೋಲೆಯಲ್ಲಿ ಸಿಕ್ಕಿ ನಲುಗಿಹೋದ ಹಿಂದೂ ಹೆಣ್ಣು ಮಕ್ಕಳ ನಿತ್ಯ ಸಂಕಟ ನಿಜಕ್ಕೂ ಅಸಹನೀಯವಾಗಿದೆ.

ಇಷ್ಟೆಲ್ಲಾ ಕಷ್ಟ ಕಾರ್ಪಣ್ಯಗಳ ನಡುವೆಯೂ ಹಿಂದೂಗಳ ಅಸ್ಮಿತೆ ಮತ್ತು ಅಸ್ಥಿತ್ವಕ್ಕಾಗಿ‌ ಕೆಚ್ಚದೆಯ ಕಾರ್ಯಕರ್ತರ ಸಂಘಟಿತ ಹೋರಾಟದ ಫಲವಾಗಿ ಇಂದು ಕೇರಳ ರಾಜ್ಯದಲ್ಲಿ ಭಾಜಪ ಮೂರನೇ ದೊಡ್ಡ ಪಕ್ಷವಾಗಿ ಹೊರಹೊಮ್ಮಿದ್ದಲ್ಲದೇ, 23 ಗ್ರಾಮ ಪಂಚಾಯಿತಿಗಳು ಮತ್ತು 3 ನಗರ ಸಭೆಗಳ ಮೇಲೆ ಬಾಜಪದ ಕಮಲವನ್ನು ಅರಳಿಸಿವುದು ನಿಜಕ್ಕೂ ಅಚ್ಚರಿ ಮೂಡಿಸುವಂತಿದೆ. ಶಬರಿಮಲೈ ಐಯ್ಯಪ್ಪನ ದಿವ್ಯಸನ್ನಿಧಿ ಇರುವ ಪಂದಳಂ ನಗರ ಸಭೆಯನ್ನು ಪ್ರಥಮಬಾರಿಗೆ ಮತ್ತು ಆದಿ ಗುರು ಶಂಕರಾಚಾರ್ಯರ ಜನ್ಮಸ್ಥಳದ ಹತ್ತಿರದ ಪಾಲಾಕ್ಕಾಡ್ ನಗರ ಸಭೆಯನ್ನು ಎರಡನೇ ಬಾರಿಗೆ ಗೆದ್ದದ್ದಲ್ಲದೇ, ಕನ್ನಡಿಗರೇ ಹೆಚ್ಚಾಗಿದ್ದರೂ ಭಾಷಾವಾರು ಪ್ರದೇಶಗಳ ವಿಂಗಡನೆಯ ಸಮಯದಲ್ಲಿ ಕೆಲ ಪಟ್ಟಭದ್ರ ಹಿತಾಸಕ್ತಿಗಳ ಕೈವಾಡದಿಂದ ಕೇರಳದ ಪರವಾದ ಕಾಸರುಗೋಡಿನಲ್ಲಿ 14 ಜನಪ್ರತಿನಿಧಿಗಳು ಆಯ್ಕೆಯಾಗಿ ಎರಡನೇ ಅತೀ ದೊಡ್ಡ ಪಕ್ಷವಾಗಿ ಹೊಮ್ಮಿರುವುದು ಶ್ಲಾಘನೀಯವಾಗಿದೆ. ಕನ್ನಡಿಗರೂ ಹೆಮ್ಮೆ ಪಡಬೇಕಾದಂತಹ ಮತ್ತೊಂದು ವಿಷಯವೇನೆಂದರೆ, ಅಲ್ಲಿ ಗೆದ್ದಿರುವ 14ಕ್ಕೂ ಜನಪ್ರತಿನಿಧಿಗಳು ಕನ್ನಡಿಗರೇ ಆಗಿರುವುದು ವಿಶೇಷ.

ಕೇರಳದ ಬಿಜೆಪಿ ನಾಯಕರುಗಳ ಅಭ್ಯರ್ಥಿಗಳ ಆಯ್ಕೆ ಹೇಗಿರುತ್ತದೆ ಎಂಬುದಕ್ಕೆ ಕಾಸರುಗೋಡಿನ ವಾರ್ಡ್ ನಂ 10 ವಿದ್ಯಾನಗರದ ಅಭ್ಯರ್ಥಿ ಸವಿತಾ ಟೀಚರ್ ಅವರ ಉದಾಹರಣೆ ಸೂಕ್ತವೆನಿಸುತ್ತದೆ.

ಕರ್ನಾಟಕದಲ್ಲಿಯೇ ಕನ್ನಡ ಮಾಧ್ಯಮಗಳ ಶಾಲೆಗಳು ನಶಿಸಿ ಹೋಗುತ್ತಿರುವ ಸಂದರ್ಭದಲ್ಲಿ ಕಾಸರುಗೋಡಿನ ಶಾಲೆಯೊಂದರಲ್ಲಿ ಕನ್ನಡ ಅಧ್ಯಾಪಕಿಯಾಗಿದ್ದ ಸವಿತಾ ಟೀಚರ್ ಇಡೀ ಕಾಸರುಗೋಡಿನವರಿಗೇ ಚಿರಪರಿಚಿತವಾದ ಹೆಸರು. ಕಾಸರಗೋಡಿನ ಕನ್ನಡಿಗರಿಗಂತೂ ಆಕೇ ಮಾತೃ ಸ್ವರೂಪೀ ಎಂದರೂ ಅತಿಶಯೋಕ್ತಿಯೇನಲ್ಲ. ನಗರದ ಮಧ್ಯ ಭಾಗದಲ್ಲಿರುವ ಬಿಇಎಂ ಹೈಸ್ಕೂಲ್ ಕನ್ನಡ ಶಾಲೆಯ ಅಧ್ಯಾಪಕರಾಗಿದ್ದ ಅವರು ಸಾವಿರಾರು ಮಕ್ಕಳಿಗೆ ಪ್ರೀತಿಯಿಂದ ಕನ್ನಡವನ್ನು ಕಲಿಸಿದ ಮಮತಾಮಯಿ. ಅವರಿಂದ ಕಲಿತ ನೂರಾರು ಶಿಷ್ಯಂದಿರು ಇಂದು ಪ್ರಪಂಚಾದ್ಯಂತ ಉನ್ನತ ಸ್ಥಾನಮಾನಗಳನ್ನು ಪಡೆದಿದ್ದಾರೆ. ತಮ್ಮ ಕೆಲಸದ ನಡುವೆಯೂ ಅನೇಕ ಸಾಮಾಜಿಕ ಕಾರ್ಯಗಳಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಳ್ಳುವ ಮೂಲಕ, ಯಾವುದೇ ಜಾತೀ, ಭಾಷೇ ಮತ್ತು ಧರ್ಮದ ಹಂಗಿಲ್ಲದೇ ಜನಾನುರಾಗಿಯಾಗಿ ಅಲ್ಲಿನ ಜನರ ಒಡನಾಡಿಯಿಗಿದ್ದವರು. ಚಿಕ್ಕಂದಿನಿಂದಲೂ ಅವರ ಕುಟುಂಬಕ್ಕೆ ಸಂಘ ಪರಿವಾರದ ನಂಟಿತ್ತು. ಅವರು ಕೆಲಸ ಮಾಡುತ್ತಿದ್ದ ಬಿಇಎಂ ಶಾಲೆಯ ತಮ್ಮ ಸಹೋದ್ಯೋಗಿಯಾಗಿದ್ದ ಶ್ರೀಮತಿ ಜಲಜಾಕ್ಷಿ ಟೀಚರ್ ಜೊತೆಯೊಂದಿಗೆ ಮತ್ತು ತಮ್ಮ ಬಡಾವಣೆಯ ಸುತ್ತಮುತ್ತಲಿನ ಅನೇಕ ಮಹಿಳೆಯರನ್ನು ಒಗ್ಗೂಡಿಸಿ ಅದರಲ್ಲೂ ಹಿಂದೂ ಮಹಿಳೆಯರ ಜಾಗೃತಿಗಾಗಿ ನಿರಂತರವಾಗಿ ಹೋರಾಟ ಮಾಡಿದ ದಿಟ್ಟ ಮಹಿಳೆಯಾಗಿದ್ದರು. ಕನ್ನಡದ ಅಧ್ಯಾಪಕಿಯಾಗಿದ್ದ ಕಾರಣ ಕನ್ನಡಪರ ಹೋರಾಟಗಳಲ್ಲೂ ಆವರದ್ದೇ ಮುಂದಾಳತ್ವ. ತಮ್ಮ ಶಿಕ್ಷಕ ವೃತ್ತಿಯಿಂದ ನಿವೃತ್ತಿ ಹೊಂದಿದ ಮೇಲಂತೂ ತಮ್ಮ ಮುಂದಿನ ಬದಕನ್ನು ಸಂಪೂರ್ಣವಾಗಿ ಸಂಘ ಪರಿವಾರಕ್ಕೇ ಮೀಸಲಿಟ್ಟರು. ಅದರಲ್ಲೂ ವಿಶ್ವ ಹಿಂದೂ ಪರಿಷತ್ ಮತ್ತು ರಾಷ್ಟ್ರ ಸೇವಿಕಾ ಸಮಿತಿಗಳ ಮೂಲಕ ಜನರಿಗೆ ಸಲ್ಲಿಸಿದ್ದ ಸೇವೆ ಮತ್ತು ತಮ್ಮ ಸಾಧ್ವಿ ಮನೋಭಾವದೊಂದಿಗೆ ಎಲ್ಲರೊಂದಿಗೆ ಬೆರೆಯುವ ಗುಣವನ್ನು ಗುರುತಿಸಿದ ಅಲ್ಲಿನ ಜಿಲ್ಲೆಯ ಭಾಜಪ ನಾಯಕರು ಅವರನ್ನು ಮಹಿಳಾ ಧುರೀಣೆಯಾಗಿಟ್ಟು ಕೊಂಡು ಜನಪರ ಹೋರಾಟಗಳಲ್ಲಿ ಅವರನ್ನು ಮುಂಚೂಣಿಯಲ್ಲಿರಿಸಿದ್ದಲ್ಲದೇ, ಅಲ್ಲಿನ ವಿದ್ಯಾನಗರ ವಾರ್ಡಿನ ಬಿಜೆಪಿ ಅಭ್ಯರ್ಥಿಯನ್ನಾಗಿ ಆಯ್ಕೆ ಮಾಡಿದರು. ನಗರದ ಕನ್ನಡ ವಿಧ್ಯಾರ್ಥಿಗಳ ನೆಚ್ಚಿನ ಅಧ್ಯಪಕಿಯಾಗಿ, ಜನಪರ, ಲವ್ ಜಿಹಾದಿ ವಿರುದ್ಧ ಹಿಂದೂಪರ ಮತ್ತು ಕನ್ನಡಪರ ಹೋರಾಟಗಳಿಂದ ಪ್ರಖ್ಯಾತರಾಗಿದ್ದ ಸವಿತಾ ಟೀಚರ್ ಸತತವಾಗಿ ನಾಲ್ಕುಬಾರಿ ಸ್ಪರ್ಧಿಸಿ ಈ ಬಾರಿಯೂ ಸೇರಿದಂತೆ ಮೂರು ಬಾರಿ ಆನಾಯಾಸವಾಗಿ ಕಾಸರಗೋಡಿನ ನಗರ ಪಾಲಿಕೆಗೆ ಆಯ್ಕೆಯಾಗಿರುವುದಲ್ಲದೇ, ತಮ್ಮೊಂದಿಗೆ ಬಿಜೆಪಿಯಿಂದ 14 ಕನ್ನಡಿಗರ ಗೆಲುವಿನಲ್ಲಿ ಸವಿತಾ ಟೀಚರ್ ಅವರ ಪಾತ್ರವೂ ಇದೆ. ಪಕ್ಷದ ಹಿರಿಯ ಸದಸ್ಯೆಯಾಗಿರುವ ಸವಿತಾ ಟೀಚರ್ ಅವರನ್ನು ಆಯ್ಕೆಯಾದ ಸದಸ್ಯರು ತಮ್ಮ ನಾಯಕಿಯಾಗಿ ಆಯ್ಕೆ ಮಾಡಿಕೊಂಡು ಅವರ ಮಾರ್ಗದರ್ಶನದಲ್ಲಿ ಕಾಸರುಗೋಡು ನಗರ ಸಭೆಯಲ್ಲಿ ಪ್ರಭಲ ವಿರೋಧ ಪಕ್ಷವಾಗಿ ಹೋರಾಡಲು ಸಜ್ಜಾಗಿದೆ. ಸವಿತಾ ಟೀಚರ್ ಅಧ್ಯಾಪಕಿಯಾಗಿ ಮತ್ತು ಶಿಸ್ತಿನ ಸಿಪಾಯಿಯಾಗಿರುವುದರಿಂದ ಪಕ್ಷಾತೀತವಾಗಿ ಅವರ ವಿರೋಧಿಗಳೂ ಕೂಡಾ ಗೌರವ ಕೊಡುವ ವ್ಯಕ್ತಿತ್ವವನ್ನು ಹೊಂದಿರುವ ಕಾರಣ ಕಾಸರಗೋಡು ಬಿಜೆಪಿಗೆ ಕಳೆ ಬಂದಿರುವುದಲ್ಲದೇ, ಕಳೆದ ಬಾರೀ ಕೆಲವೇ ಮತಗಳ ಅಂತರದಲ್ಲಿ ಕಾಸರುಗೋಡು ವಿಧಾನ ಸಭೆ ಚುನಾವಣೆಯನ್ನು ಸೋತಿದ್ದನ್ನು ಛಲವಾಗಿ ಸ್ವೀಕರಿಸಿ ಈ ಬಾರಿ ತಮ್ಮ ಅಭ್ಯರ್ಥಿಯನ್ನು ಗೆಲ್ಲಿಸುವ ಫಣವನ್ನು ಸ್ವೀಕರಿಸಿ ಅದನ್ನು ಸಫಲಗೊಳಿಸುವ ಹಾದಿಯಲ್ಲಿದ್ದಾರೆ.

ಅದೇ ರೀತಿ ತಿರುವಂತಪುರದಲ್ಲಿ ಸಣ್ಣ ಪ್ರಮಾಣದಲ್ಲಿ ಹಣ್ಣು ಮತ್ತು ತರಕಾರಿಗಳ ವ್ಯಾಪಾರ ಮಾಡುತ್ತಲೇ ಜನಪರ ಮತ್ತು ಹಿಂದೂ ಪರ ಹೋರಾಟಗಳಲ್ಲಿ ತೊಡಗಿಸಿಕೊಂಡಿದ್ದ ಗಿರಿಜಾರವರು ನಗರ ಸಭೆಗೆ ಆಯ್ಕೆಯಾಗಿರುವುದು ಸಂತಸದ ವಿಷಯವಾಗಿದೆ.

ಹರಿಪ್ಪಾಡಿನ 21ನೇ ವಾರ್ಡ್ ನಿಂದ ಸ್ಪರ್ಧಿಸಿದ್ದ ಶುಭಾಷಿಣಿಯವರು ಸ್ಥಿತಿವಂತರ ಮನೆಗಳಲ್ಲಿ ಕಸಮುಸುರೇ ಕೆಲಸಗಳನ್ನು ಮಾಡುತ್ತಾ ತಮ್ಮ ಜೀವನವನ್ನು ನಡೆಸುತ್ತಿದ್ದದ್ದಲ್ಲದೇ ಸಮಯ ಸಿಕ್ಕಾಗ ತಮ್ಮ ಕೈಲಾದ ಮಟ್ಟಿಗಿನ ಜನಪರ ಹೋರಾಟಗಳಲ್ಲಿ ಪಾಲ್ಕೊಳ್ಳುತ್ತಿರುವುದನ್ನು ಗುರುತಿಸಿ ಅವರನ್ನು ಆಭ್ಯರ್ಥಿಯಾಗಿಸಿ ಗೆಲ್ಲಿಸಿಕೊಂಡು ಬಂದಿರುವ ಅಲ್ಲಿನ ಬಿಜೆಪಿ ಕಾರ್ಯಕರ್ತರ ಉತ್ಸಾಹ ನಿಜಕ್ಕೂ ಅಚ್ಚರಿ ಪಡುವಂತಹದ್ದಾಗಿದೆ. ನಗರ ಸಭಾ ಸದಸ್ಯೆಯಾದ ತಕ್ಷಣವೇ ಬೀಗದ ಆಕೆ, ಬಹಳ ವಿನಮ್ರತೆಯಿಂದ, ನಾನು ಹಿಂದೆಯೂ ಮನೆ ಕೆಲಸ ಮಾಡಿ ಜೀವನ ಸಾಗಿಸುತ್ತಿದ್ದೆ. ಮುಂದೆಯೂ ಅದನ್ನೇ ಮುಂದುವರಿಸಿಕೊಂಡೇ ಜನಪರ ಸೇವೆಗಳನ್ನು ಮಾಡುತ್ತೇನೆಯೇ ಹೊರತು ಎಂದಿಗೂ ವೃತ್ತಿಪರ ರಾಜಕಾರಣಿಯಾಗುವುದಿಲ್ಲ ಎಂದು ಹೇಳಿರುವುದು ನಿಜಕ್ಕೂ ಅಭಿನಂದನೀಯ ಮತ್ತು ಅನುಕರಣೀಯವೇ ಸರಿ.

ಈ ಮೊದಲೇ ತಿಳಿಸಿದಂತೆ ಧಾರ್ಮಿಕ ಭಾವನೆಗಳಲ್ಲಿ ಮತ್ತು ಸ್ಥಳೀಯ ಹೋರಾಟದಲ್ಲಿ ಹೆಚ್ಚು ಕಡಿಮೆ ಒಂದೇ ರೀತಿಯಲ್ಲಿರುವ ಪಶ್ಚಿಮ ಬಂಗಾಳದ ಬಾಜಪ ನಾಯಕರುಗಳಿಗೆ ಮತ್ತು ಕಾರ್ಯಕರ್ತರಿಗೆ ಕೇರಳದ ಬಾಜಪ ನಾಯಕರು ಮತ್ತು ಕಾರ್ಯಕರ್ತರ ಹೋರಾಟದಿಂದ ಪ್ರೇರಿತರಾಗಿ, ಇಲ್ಲಿ ಆದ ತಪ್ಪುಗಳನ್ನು ಸರಿಪಡಿಸಿಕೊಂಡು ಮುಂಬರುವ ವಿಧಾನ ಸಭಾ ಚುನಾವಣೆಯಲ್ಲಿ ದುರ್ಗಾ ಮಾತೆಯ ನಾಡಿನಲ್ಲಿಯೂ ಕಮಲದ ಕಲರವವನ್ನು ಪಸರಿಸಲಿ ಎನ್ನುವುದೇ ಎಲ್ಲಾ ಕಾರ್ಯಕರ್ತರ ಆಶಯವೂ ಆಗಿದೆ.

ಏನಂತೀರೀ?

ಈ ಲೇಖನಕ್ಕೆ ಅಗತ್ಯ ಮಾಹಿತಿಗಳನ್ನು ಒದಗಿಸಿದ ಕಾಸರಗೋಡು ಮೂಲದ ಗೆಳೆಯ ಧನಂಜಯ ಅವರಿಗೆ ಹೃತ್ಪೂರ್ವಕ ವಂದನೆಗಳು

ಕರ್ನಾಟಕ ರಾಜಧಾನಿ ಬೆಂಗಳೂರಿನಲ್ಲಿ ಭುವನೇಶ್ವರಿಯೇ ಮಾಯ

ಅರೇ ಇದೇನಿದು? ಇಂತಹ ತರೆಬರಹ ಎಂದು ಯೋಚನೆ ಮಾಡುತ್ತಿದ್ದೀರಾ? ಪ್ರತ್ಯಕ್ಷವಾಗಿ ನೋಡಿದರೂ ಪ್ರಮಾಣಿಸಿ ನೋಡೂ.. ಎನ್ನುವಂತೇ ಈಗಾಗಲೇ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿರುವ ಈ ಚಿತ್ರಗಳನ್ನು ಒಮ್ಮೆ ನೋಡಿ, ಮೈ ನಖಶಿಖಾಂತ ಉರಿಯದೇ ಹೋದ್ರೇ, ಆತ ನಿಜವಾದ ಕನ್ನಡಿಗನೇ ಅಲ್ಲ.. ನಮಗೆಲ್ಲಾ ಕನ್ನಡ ಅಂದ ತಕ್ಷಣ ನೆನಪಾಗೋದೇ ನಮ್ಮ ಹಳದಿ ಮತ್ತು ಕೆಂಪು ಬಾವುಟದ ಜೊತೆ ತಾಯಿ ಭುವನೇಶ್ವರಿ. ಅದರೆ ದುರಾದೃಷ್ಟವಷಾತ್ ಈ ಚಿತ್ರವನ್ನು ಸೂಕ್ಷ್ಮವಾಗಿ ಗಮನಿಸಿದಲ್ಲಿ ಕನ್ನಡ ರಾಜ್ಯೋತ್ಸವದ ಆಚರಣೆಯ ಆ ಫಲಕದಲ್ಲಿ ಕನ್ನಡಾಂಬೆಯ ಸ್ಥಾನದಲ್ಲಿ ಏಸು ಮತ್ತು ಅಲ್ಲಾಹುವನ್ನು ಕೂರಿಸಿ ಕನ್ನಡಾಂಬೆಗೆ ದ್ರೋಹ ಬಗೆದಿರುವುದು ಸ್ಪಷ್ಟವಾಗಿ ಕಂಡು ಬರುತ್ತದೆ.

ಸ್ವಾತಂತ್ರ್ಯಾನಂತರ ಹತ್ತಾರು ಕಡೆ ಹರಿದು ಹಂಚಿಹೋಗಿದ್ದ ಕನ್ನಡ ನಾಡು ಕನ್ನಡದ ಕುಲಪುರೋಹಿತ ಆಲೂರು ವೆಂಕಟರಾಯರ ಹೋರಾಟದ ಫಲವಾಗಿ 1950ರಲ್ಲಿ ಭಾಷಾವಾರು ಪ್ರಾಂತ್ಯಗಳ ಆಧಾರದಲ್ಲಿ ಒಟ್ಟುಗೂಡಿಸಿ, ಕನ್ನಡಿಗರೇ ಬಹು ಸಂಖ್ಯಾತರಾಗಿದ್ದರೂ, ಕಾಸರಗೋಡು, ಸೊಲ್ಲಾಪುರ, ಕೊಲ್ಹಾಪುರದಂತಹ ಪ್ರದೇಶಗಳು ಕೈಬಿಟ್ಟು ಹೋಗಿ ಕನ್ನಡದ ಭೂಭಾಗಗಳು ಒಂದಾಗಿ ಮೈಸೂರು ರಾಜ್ಯವಾಗಿ ಏಕೀಕರಣಗೊಂಡು ಬೆಂಗಳೂರನ್ನು ಕರ್ನಾಟಕದ ರಾಜಧಾನಿಯನ್ನಾಗಿ ಮಾಡುತ್ತಾರೆ. 1973 ನವೆಂಬರ್ 1 ರಂದು ಮೈಸೂರು ರಾಜ್ಯ ಕರ್ನಾಟಕ ಎಂದು ಬದಲಾದಾಗ ಸಮಸ್ತ ಕನ್ನಡಿಗರೆಲ್ಲರ ಒಕ್ಕೊರಲಿನ ಘೋಘಣೆ ಹೆಸರಾಯಿತು ಕರ್ನಾಟಕ, ಉಸಿರಾಗಲೀ ಕನ್ನಡ ಎಂದೇ ಹೊರತು ಅಲ್ಲಿ ಯಾವುದೇ ಧರ್ಮ ಮತ್ತು ಅಥವಾ ಜಾತಿಯನ್ನು ನೋಡಿರಲಿಲ್ಲ. ಕನ್ನಡ ಏಕೀಕರಣದಿಂದ ಕರ್ನಾಟಕ ರಾಜ್ಯವಾಗುವವರೆಗೂ ಯಾವುದೇ ಜಾತೀ ಮತ ಮತ್ತು ಧರ್ಮದ ಹೆಸರಿಲ್ಲದೇ, ಕರ್ನಾಟಕದಲ್ಲಿ ಇರುವವರೆಲ್ಲರೂ ಕನ್ನಡಗರೇ ಎಂಬ ವಿಶಾಲ ಮನೋಭಾವವಿಂದ ಒಗ್ಗೂಡಿ ಹೋರಾಡಿದ ಫಲವನ್ನು ನಾವಿಂದು ಅನುಭವಿಸುತ್ತಿದ್ದೇವೆ.

ಕನ್ನಡ ಭಾಷೆಯನ್ನು ಅಪ್ಪಿ ಮುದ್ದಾಡಿ ಲಾಲಿಸಿ ಪಾಲಿಸಿ ಬೆಳೆಸಿದವರು ಕೊಟ್ಯಾಂತರ ಜನರು. ಕನ್ನಡದ ಆದಿ ಕವಿ ಪಂಪ, ರನ್ನ, ಜನ್ನ ಇವರೆಲ್ಲರೂ ಜೈನರಾಗಿದ್ದವರು, ಮಾಸ್ತಿ, ಕೈಲಾಸಂ, ರಾಜರತ್ನಂ, ಡಿವಿಜಿ, ಗೊರೂರು, ಪುತೀನ ಇವರೆಲ್ಲರ ಮಾತೃಭಾಷೆ ತಮಿಳು. ಜರ್ಮನಿಯಿಂದ ಕ್ರೈಸ್ತಪಾದ್ರಿಯಾಗಿ ಕ್ರೈಸ್ತಮತ ಪ್ರಚಾರಕ್ಕೆಂದು ಕರ್ನಾಟಕಕ್ಕೆ ಬಂದ ಫರ್ಡಿನಾಂಡ್ ಕಿಟ್ಟಲ್ ಕನ್ನಡ ಕಲಿತು ಕನ್ನಡಿಗರಾಗಿ ಕನ್ನಡಕ್ಕೇ ನಿಘಂಟು ಬರೆದುಕೊಟ್ಟರು. ಹೆಸರಾಂತ ಸಾಹಿತಿ ನಾಡಿಸೋಜ ಕ್ರೈಸ್ತರು, ನಟವರ ಗಂಗಾಂಧರ ಎಂಬ ಸುಪ್ರಸಿದ್ಧ ಹಾಡನ್ನು ಬರೆದ ಎಸ್.ಕೆ.ಕರೀಮ್ ಖಾನ್ ಮತ್ತು ಬೆಣ್ಣೆ ಕದ್ದ ನಮ್ಮ ಕೃಷ್ಣಾ.. ಪ್ರಖ್ಯಾತಿಯ ನಿಸಾರ್ ಅಹ್ಮದ್ ಅಪ್ಪಟ ಮುಸಲ್ಮಾನರು. ಕನ್ನಡದಲ್ಲಿ ಛಂದಸ್ಸಿನ ಕಾವ್ಯವನ್ನು ಬರೆದ ಹಿರಿಯ ಐ.ಎ.ಎಸ್ ಅಧಿಕಾರಿಗಳಾದ ಚಿರಂಜೀವಿ ಸಿಂಗ್ ಪಂಜಾಬಿಗಳು. ಹೀಗೆ ಇವರೆಲ್ಲರೂ ಕನ್ನಡ ನಾಡು, ನುಡಿ ಮತ್ತು ಸಂಸ್ಕೃತಿಯನ್ನು ಅಪ್ಪಿ ಮುದ್ದಾಡಿ ಕನ್ನಡಿಗರಾದರೇ ಹೊರತೂ ಕನ್ನಡಮ್ಮನನ್ನೇ ಬದಲಿಸುವ ಹೀನ ಕೃತ್ಯಕ್ಕೆಂದೂ ಕೈ ಹಾಕಿರಲೇ ಇಲ್ಲ.

ಖ್ಯಾತ ರಂಗಕರ್ಮಿ, ಹಾಸ್ಯ ನಟ, ಚಲನಚಿತ್ರ ಸಂಭಾಷಣೆಗಾರ ರಿಚರ್ಡ್ ಲೂಯಿಸ್ ಜನ್ಮತಃ ಅಪ್ಪಟ ಕ್ರಿಶ್ಚಿಯನ್ ಆದರೂ ಅವರ ಎಲ್ಲಾ ನಾಟಕಗಳು ಮತ್ತು ಹಾಸ್ಯ ರಸಸಂಜೆ ಕಾರ್ಯಕ್ರಮಗಳು ಆರಂಭವಾಗುವುದು ಇಲ್ಲಿನ ಮಣ್ಣಿನ ಸೊಗಡಾದ ವಂದಿಪೆ ನಿನಗೆ ಗಣನಾಥ ಎಂದು ವಿಘ್ನವಿನಾಶಕನನ್ನು ಪೂಜಿಸಿಯೇ ಹೊರತು, ಏಸುವನ್ನಲ್ಲ.

ಹೇಳಿ ಕೇಳಿ, ಕರ್ನಾಟಕದ ರಾಜಧಾನಿ ಬೆಂಗಳೂರಿನಲ್ಲಿ ಮಲ್ಲೇಶ್ವರ, ಬಸವನಗುಡಿ, ಚಾಮರಾಜ ಪೇಟೆ, ವಿಜಯನಗರ ರಾಜಾಜಿನಗರ ಮತ್ತು ಜಯನಗರದಂತಹ ಪ್ರದೇಶಗಳಲ್ಲಿಯೇ ಇನ್ನೂ ಅಲ್ಪಸ್ವಲ್ಪ ಕನ್ನಡ ಭಾಷೆ ಮತ್ತು ಕನ್ನಡದ ಸಂಸ್ಕೃತಿಗಳು ಉಳಿದಿದ್ದು ಮಿಕ್ಕೆಲ್ಲಾ ಕಡೆಯೂ ಕನ್ನಡಾ ಎಂದರೇ ಎನ್ನಡಾ, ಎಕ್ಕಡಾ ಅನ್ನುವಂತಹ ಪರಿಸ್ಥಿತಿ ಬಂದೊದಗಿರುವುದು ಬೇಸರದ ಸಂಗತಿಯಾಗಿದೆ ಮತ್ತು ಕನ್ನಡದ ಗಂಧಗಾಳಿ ಅಲ್ಪಸ್ವಲ್ಪ ಉಳಿದಿದೇ ಎಂದು ಭಾವಿಸಿದ್ದ ಜಯನಗರದಲ್ಲಿಯೇ, ನಡೆಯ ಬಾರದಂತಹ ದುರ್ಘಟನೆಯೊಂದು ನಡೆದು ಹೋಗಿದೆ.

ಜಯನಗರದ ಓಂ ಕನ್ನಡ ಮರಿಯಮ್ಮನ ಕರುನಾಡು ಸಂಘ ಎಂಬ ನೋಂದಾಯಿತ ಸಂಘವೊಂದು, 22.11.2020 ಭಾನುವಾರ ಬೆಳಿಗ್ಗೆ 10.00 ಘಂಟೆಗೆ ಸ್ಥಳೀಯ ಶಾಸಕಿಯಾದ ಸೌಮ್ಯಾ ರೆಡ್ಡಿಯವರು ಅತಿಥಿಗಳಾಗಿ ಭಾಗವಹಿಸಿದ್ದ ಕನ್ನಡ ರಾಜ್ಯೋತ್ಸವದ ಫಲಕಗಳಲ್ಲಿ ಧ್ವಜಾರೋಹನ, ಡಿಂದಿಮವ ಮುಂತಾದ ಕಾಗುಣಿತ ತಪ್ಪುಳಲ್ಲದೇ, ಸಿರಿಗನ್ನಡಂ ಗೆಲ್ಗೆ, ಸಿರಿಗನ್ನಡಂ ಬಾಳ್ಗೆ ಎನ್ನುವ ಬದಲಾಗಿ ಸಿರಿಗನ್ನಡಂ ಗೆಲ್ಗೆ |ಜೈ ಏಸು| ಎನ್ನುವ ಉದ್ಧಟತನವಾದರೇ. ಕುವೆಂಪುರವರ ಜನಪ್ರಿಯ ಗೀತೆ ಬಾರಿಸು ಕನ್ನಡ ಡಿಂಡಿಮವಾ, ಓ ಕರ್ನಾಟಕ ಹೃದಯ ಶಿವಾ ಬದಲು ಏಸು ಎಂದು ಬರೆಸಿರುವುದಲ್ಲದೇ, ತಾಯಿ ಭುವನೇಶ್ವರಿಯ ಭಾವಚಿತ್ರದ ಬದಲಾಗಿ ಏಸು,ಅಲ್ಲಾಹ ಚಿತ್ರಗಳನ್ನು ಇಟ್ಟು ಅದಕ್ಕೆ ಅದ್ದೂರಿಯಾಗಿ ಪೂಜೆ ಮಾಡಿರುವುದು ಖಂಡಿತವಾಗಿಯೂ ಸಮಸ್ತ ಕನ್ನಡಿಗರು ಮತ್ತು ಹಿಂದೂಗಳ ಭಾವನೆಯೊಂದಿಗೆ ಚೆಲ್ಲಾಟ ನಡೆಸಿರುವು ಅಕ್ಷಮ್ಯ ಅಪರಾಧವಾಗಿದೆ. ಈ ರೀತಿಯ ತೋರಿಕೆಯ ಉದ್ಧಟತನದ ರಾಜ್ಯೋತ್ಸವ ಮಾಡುವ ಮೂಲಕ ಆ ಸಂಘಟನೆಗಳು ಏನನ್ನು ಸಾಧಿಸಲು ಹೊರಟಿವೆ ಎಂಬುದು ಸ್ಪಷ್ಟವಾದ ಕಲ್ಪನೆ ಇದ್ದರೂ, ಆ ಕಾರ್ಯಕ್ರಮಕ್ಕೆ ಅತಿಥಿಯಾಗಿ ಬಂದಿದ್ದ ಶಾಸಕಿಯೂ ಸಹಾ ಅದರ ಬಗ್ಗೆ ಇದುವರೆಗೂ ಯಾವುದೇ ಚಕಾರಾ ಎತ್ತದಿರುವುದನ್ನು ನೋಡಿ ಇಂತಹ ಮತಾಂಧ ಕನ್ನಡ ಮತ್ತು ಹಿಂದೂ ವಿರೋಧಿ ಸಂಘಟನೆಗಳೊಂದಿಗೆ ಆಕೆಯೂ ಕೈ ಜೋಡಿಸಿರಬಹುದಾ? ಎಂಬ ಅನುಮಾನ ಮೂಡುತ್ತಿದೆ. ತಮ್ಮ ರಾಜಕೀಯ ಅಸ್ಥಿತ್ವಕ್ಕಾಗಿ ಹಿಂದೂ ವಿರೋಧಿ ಮಿಷನರಿಗಳ ಜೊತೆ ಒಳ ಒಪ್ಪಂದ ಮಾಡಿಕೊಳ್ಳುವ ಮೂಲಕ ಕನ್ನಡದ ಅಸ್ಮಿತೆಗೇ ಕೊಳ್ಳಿ ಇಡುತ್ತಿದ್ದಾರಾ? ಎಂದು ಸಂದೇಹ ಮೂಗಿಗೆ ಬಡಿಯುತ್ತಿದೆ.

ವರ್ಷ ಪೂರ್ತೀ ಕುಂಬಕರ್ಣನಂತೆ ಮಲಗಿದ್ದು ನವೆಂಬರ್ ಮಾಸದಲ್ಲಿ ಮಾತ್ರಾ ಕನ್ನಡ ಹೆಸರಿನಲ್ಲಿ ಖನ್ನಡದ ಉಟ್ಟು ಓ(ಲಾ)ಟಗಾರರು ಎಂದು ಗಲ್ಲಿಗಲ್ಲಿಗಳಲ್ಲಿ ಕನ್ನಡ ಬಾವುಟಗಳನ್ನು ಏರಿಸಿ, ಕೆಲವು ಚಲನಚಿತ್ರದ ನಟ-ನಟಿಯರನ್ನು ಕರೆಸಿಯೋ ಇಲ್ಲವೇ ಕಿತ್ತೋದ ಆರ್ಕೇಷ್ಟ್ರಾ ಮಾಡಿಸಿ, ಚೆಂದಾ ಎತ್ತುವವರಾರು ಇದರ ವಿರುದ್ಧ ಇದುವರೆವಿಗೂ ಪ್ರತಿಭಟನೆ ಬಿಡಿ, ಒಂದು ಎಚ್ಚರಿಕೆಯ ಹೇಳಿಕೆಯನ್ನೂ ನೀಡದಿರುವುದು ನಿಜಕ್ಕೂ ಆಶ್ಚರ್ಯವಾಗಿದೆ. ಇನ್ನು ಮಾತೆತ್ತಿದರೆ ಬಂದ್ ಎಂದು ಕುರಿ, ಕೋಳಿ ಹಂದಿ, ಹಸುಗಳನ್ನು ಬೀದಿಯಲ್ಲಿ ಓಡಾಡಿಸಿಕೊಂಡು ತನ್ನ ಹೊಟ್ಟೆ ಹೊರೆದುಕೊಳ್ಳುವವರ ಬಾಯಿ ಬಂದ್ ಆಗಿರುವುದು ಸಂದೇಹಾಸ್ಪದವಾಗಿದೆ.

ಇದುವರೆವಿಗೂ ಕ್ರೈಸ್ತರ ಮತಾಂತರ ಸದ್ದಿಲ್ಲದೇ, ಆಸ್ಪತ್ರೆ, ಶಾಲೆಗಳನ್ನು ಗುಡ್ಡಗಾಡಿನಲ್ಲಿ ಕಟ್ಟಿ ಅಲ್ಲಿಯ ಜನರ ಸಹಾಯಕ್ಕೆ ಬಂದಿರುವ ದೇವದೂತರೆಂಬ ಬಣ್ಣ ಕಟ್ಟಿ ನಂತರ ನಿಧಾನವಾಗಿ ಅಲ್ಲೊಂದು ಚರ್ಚ್ ಕಟ್ಟಿ ಹಿಂದೂ ಹೆಣ್ಮಕ್ಕಳ ಕೊರಳಿನ ತಾಳಿಗಳ ಜಾಗದಲ್ಲಿ ಶಿಲುಬೆಗಳನ್ನು ತಗುಲು ಹಾಕಿ ಸಂಜು, ಸಾಂಸ್ಯನ್ ಆಗಿ, ಅರುಣ್, ಆನ್ ಆಗಿ ಜಗ, ಜಾರ್ಜ್ ಆಗಿ ನಿಧಾನವಾಗಿ ಬದಲಾಗುತ್ತಿದ್ದದ್ದನ್ನು ನೋಡುತ್ತಿದ್ದೆವು. ಸದಾಕಾಲವೂ ಬಿಳೀ ಬಟ್ಟೆಯನ್ನು ತೊಡುತ್ತಿದ್ದ ಪಾದ್ರಿಗಳು ಹಿಂದೂಗಳನ್ನು ಮೋಸದಿಂದ ಮರಳು ಮಾಡಲು ಕೇಸರೀ ಬಣ್ಣದ ಪಂಚೆ ಮತ್ತು ನಿಲುವಂಗಿಗಳನ್ನು ಧರಿಸಲು ಆರಂಭಿಸಿದರು. ನಮ್ಮ ದೇವಸ್ಥಾನಗಳ ಮುಂದೆ ಇರುವಂತಹ ಎತ್ತರದ ಗರುಡ ಗಂಬಗಳು ಚರ್ಚ್ ಮುಂದೆಯೂ ಝಗಮಗಿಸ ತೊಡಗಿದವು. ದೇವಸ್ಥಾನಗಳಲ್ಲಿ ನಮ್ಮ ಅರ್ಚಕರು ಭಕ್ತಾದಿಗಳ ಮೇಲೆ ನೀರನ್ನು ಪ್ರೋಕ್ಷಿಸುವಂತೆ ಅಲ್ಲಿಯ ಪಾದ್ರಿಗಳೂ ನೀರನ್ನು ಪ್ರೋಕ್ಷಿಸತೊಡಗಿದರು. ಮೊನ್ನೆ ಚರ್ಚಿನ ಪಾದ್ರಿಯ ಅರ್ಚಕತ್ಚದಲ್ಲಿ ಆಯುಧಪೂಜೆ ನಡೆಸಿರುವುದು, ಏಸುವಿನ ಭಾವಚಿತ್ರಗಳಿಗೆ ವೀಭೂತಿ ಬಳಿದು ಕುಂಕುಮ ಬಳಿದು ರುದ್ರಾಕ್ಷಿ ಮಣಿಯನ್ನು ಧಾರಣೆ ಮಾಡಿಸಿರುವುದು. ಪಾದ್ರಿಗಳು ಹಿಂದೂ ಧರ್ಮದಂತೆ ಗುದ್ದಲೀ ಪೂಜೆಯನ್ನು ಮಾಡಿಸುವ ಮೂಲಕ ಹಿಂದೂಗಳನ್ನು ನಿಧಾನವಾಗಿ ಮತಾಂತರ ಮಾಡುವ ಕೆಲಸದಲ್ಲಿ ನಿರಂತರವಾಗಿ ತೊಡಗಿದ್ದಾರೆ.

ಈಗ ಅದೇ ರೀತಿಯ ಮತಾಂತರ ಹಾಡ ಹಗಲಲ್ಲೇ ಜಯನಗರದ ಶಾಸಕಿಯ ಸಮ್ಮುಖದಲ್ಲಿಯೇ, ಜಾತ್ಯಾತೀತತೆ ಎಂಬ ಹೆಸರಿನಲ್ಲಿ ಕನ್ನಡಮ್ಮನ ಆರಾಧನೆಯಾದ ಕನ್ನಡ ರಾಜ್ಯೋತ್ಸವದಲ್ಲಿ ಕನ್ನಡಮ್ಮನನ್ನೇ ಮಾಯವಾಗಿಸಿ ಆ ಜಾಗದಲ್ಲಿ ಏಸು ಮತ್ತು ಅಲ್ಲಾಹುವನ್ನು ತಂದು ಕೂರಿಸುವ ಮೂಲಕ ಸಮಸ್ತ ಕನ್ನಡಿಗರು ಮತ್ತು ಹಿಂದುಗಳ ಭಾವನೆಗಳಿಗೆ ಧಕ್ಕೆಯನ್ನು ಉಂಟು ಮಾಡಿರುವವರನ್ನು ಈ ಕೂಡಲೇ ಬಂಧಿಸಿ ಅವರ ಮೇಲೆ ಸೂಕ್ತ ಕ್ರಮವನ್ನು ತೆಗೆದುಕೊಳ್ಳಬೇಕೆಂದು ಈ ಮೂಲಕ ಆಗ್ರಹಿಸುತ್ತೇವೆ. ಯಾವುದೋ ರಾಜಕೀಯ ಒತ್ತಡಗಳಿಗೆ ಮಣಿದು ಅವರನ್ನು ಹಾಗೆಯೇ ಬಿಟ್ಟಲ್ಲಿ ಯಾರು ಯಾವುದೇ ರೀತಿಯ ತಪ್ಪನ್ನು ಮಾಡಿದರೂ ಈ ಪೋಲೀಸರು ಮತ್ತು ಸರ್ಕಾರ ಏನೂ ಮಾಡುವುದಿಲ್ಲ ಎಂಬ ತಪ್ಪು ಆಭಿಪ್ರಾಯ ಜನರಲ್ಲಿ ಮೂಡಿದಿದರೇ, ಇನ್ನು ಇಂತಹ ಅಪರಾಧ ಮಾಡುವರಿಗೆ ಹೆದರಿಕೆಯೇ ಇಲ್ಲವಾಗಿ ಮತ್ತಷ್ಟು ಮಗದಷ್ಟು ಇಂತಹ ಕುಕೃತ್ಯಗಳನ್ನು ಮಾಡಲು ಪ್ರೋತ್ಸಾಹಿಸಿದಂತಾಗುತ್ತದೇ ಅಲ್ಲವೇ? ಸ್ವಾಭಿಮಾನಿ ಕನ್ನಡಿಗರಾಗಿ ಮತ್ತು ಕ್ಷಾತ್ರತೇಜದ ಹಿಂದೂಗಳಾಗಿ ಇದನ್ನು ಒಗ್ಗಟ್ಟಾಗಿ ಪ್ರತಿಭಟಿಸದೇ ಹೋದಲ್ಲಿ ಮುಂದೊಂದು ದಿನ ನಮ್ಮೆಲ್ಲಾ ಐತಿಹ್ಯವಾದ ಪುರಾಣ ಪ್ರಸಿದ್ಧ ದೇವಾಲಯಗಳಲ್ಲಿ ದೇವರುಗಳೇ ಮಾಯವಾಗುವ ದುಸ್ಥಿತಿ ಬಂದರೂ ಬರಬಹುದು ಎಂದರೆ ಅತಿಶಯೋಕ್ತಿಯೇನಲ್ಲ. ಕನ್ನಡಿಗರು ಶಾಂತಿ ಪ್ರಿಯರು ಹೌದಾದರೂ, ಕನ್ನಡದ ಅಸ್ತಿತ್ವ ಮತ್ತು ಅಸ್ಮಿತೆಗೆ ಧಕ್ಕೆ ಬಂದಲ್ಲಿ ಉಗ್ರನರಸಿಂಹವತಾರವನ್ನೂ ತಾಳಬಲ್ಲರು ಎಂಬುದನ್ನು ಮರೆಯಬಾರದು ಎಂಬ ಎಚ್ಚರಿಕೆಯನ್ನು ಇಂತಹ ದುಷ್ಕೃತ್ಯ ನಡೆಸಿದ ಸಂಘಟನೆಗಳಿಗೆ ತಲುಪಿಸುವ ಜವಾಬ್ಧಾರೀ ಪ್ರತಿಯೊಬ್ಬ ಕನ್ನಡಿಗನ ಮೇಲಿದೆ. ಕರ್ನಾಟಕದಲ್ಲಿ ಕನ್ನಡಿಗನೇ ಸಾರ್ವಭೌಮ. ಅಲ್ವೇ?

ಏನಂತೀರೀ?

ನನಗೆ ಹಿಂದೀ ಬರೋದಿಲ್ಲ, ನಾವು ದ್ರಾವಿಡರು

ಕಳೆದ ಒಂದೂವರೆ ವರ್ಷಗಳಿಂದ ಕೂರೋನಾ ಮಹಾಮಾರಿ ವಕ್ಕರಿಸಿ ಇಡೀ ವಿಶ್ವವೇ ಒಂದು ರೀತಿ ಸ್ಥಬ್ಧವಾಗಿದ್ದು ಎಲ್ಲೆಡೆಯೂ ಲಾಕ್ ಡೌನ್ ಪರಿಸ್ಥಿತಿ ಇದ್ದು ಈಗ ಸ್ವಲ್ಪ ನಿಯಂತ್ರಣಕ್ಕೆ ಬರುತ್ತಿಯೋ ಇಲ್ಲವೇ, ನಾವೇ ಅದರೊಂದಿಗೇ ಜೀವನ ನಡೆಸುವ ಕಲೆಯನ್ನು ಕಲಿತುಕೊಂಡಿದ್ದೇವೆ ಎನ್ನಬಹುದಾದ ಪರಿಸ್ಥಿತಿಯಲ್ಲಿ, ಕೂರೋನಾಕ್ಕಿಂತಲೂ ಹೆಚ್ಚಾಗಿ ತಮ್ಮ ಟಿ.ಆರ್.ಪಿ ಹೆಚ್ಚಿಸಿಕೊಳ್ಳುವ ಭರದಲ್ಲಿ ಪ್ರತೀ ದಿನವೂ ಮಾಧ್ಯಮದವರ ಕೂರೋನಾ ಕುರಿತಾದ ಕಾರ್ಯಕ್ರಮಗಳಿಂದ ಭಯಭೀತರನ್ನಾಗಿ ಮಾಡಿಸುವ ಜೊತೆಗೆ ಹಾಗೇ ಸುಮ್ಮನೆ ವಿಷಯಾಂತರ ಮಾಡುತ್ತಾ,, ಪ್ರಕಾಶ್ ರೈ ಕೆ.ಜಿ.ಎಫ್ ಚಿತ್ರದಲ್ಲಿ ನಟಿಸುತ್ತಿರುವ ವಿಷಯ , ಕನ್ನಡ ಚಿತ್ರರಂಗದ ಮೋಹಕ ನಟ-ನಟಿಯರು ನಿರೂಪಕಿಯರು ಮಾದಕ ವಸ್ತುಗಳ ವ್ಯಸನಿಗಳಗಿದ್ದು ತೋರಿಸುತ್ತಾ ಜನರನ್ನು ದಿಕ್ಕುತಪ್ಪಿಸುತ್ತಿವೆ.

ನಟ ಪ್ರಕಾಶ್ ರೈ ಪ್ರತಿಭಾವಂತ ಎನ್ನುವುದರಲ್ಲಿ ಎರಡು ಮಾತಿಲ್ಲ. ಕನ್ನಡಿಗನಾಗಿ ದಕ್ಷಿಣ ಭಾರತದ ಅಷ್ಟೂ ಚಲಚಿತ್ರರಂಗವಲ್ಲದೇ ಹಿಂದೀ ಚಿತ್ರರಂಗದಲ್ಲಿಯೂ ತನ್ನ ಛಾಪನ್ನು ಮೂಡಿಸಿ ಪ್ರಖ್ಯಾತನಾದವರೇ. ಜನರು ಗೌರವ ಕೊಡುವುದು ಒಬ್ಬ ವ್ಯಕ್ತಿಗಿಂತ ಆತನ ವ್ಯಕ್ತಿತ್ವಕ್ಕೇ ಎನ್ನುವ ಅರಿವಿಲ್ಲದ ಆತ, ಚಲಚಿತ್ರರಂಗದಲ್ಲಿ ತನ್ನ ಖಳನಾಯಕತನವನ್ನೇ ತನ್ನ ವ್ಯಕ್ತಿತ್ವಕ್ಕೂ ಅಳವಡಿಸಿಕೊಂಡು ಈಗಾಗಲೇ, ಹಲವಾರು ಬಾರಿ ತಮಿಳು, ತೆಲುಗು, ಮಲಯಾಳಂ ಅಷ್ಟೇ ಅಲ್ಲದೇ ಹಿಂದೀ ಚಿತ್ರರಂಗದಲ್ಲಿಯೂ ಭಹಿಷ್ಕಾರಕ್ಕೆ ಒಳಗಾಗಿ ಪ್ರಖ್ಯಾತಿಗಿಂತ ಕುಖ್ಯಾತಿಗೆ ಒಳಗಾಗಿದ್ದೇ ಹೆಚ್ಚು.

ಪ್ರಕಾಶ್ ರೈ ತನಗೆ ಬೇಕಾದ ಸಮಯದಲ್ಲಿ ಬೇಕಾದ ರೀತಿಯ ಬಣ್ಣವನ್ನು ಬದಲಿಸುವ ಮತ್ತು ಕನ್ನಡವನ್ನು ಸ್ವಾರ್ಥಕ್ಕಾಗಿ ಉಪಯೋಗಿಸಿ ಕೊಳ್ಳುವ ಊಸರವಳ್ಳಿ ಎಂದರೂ ತಪ್ಪಾಗಲಾರದು. ಉಳಿದೆಲ್ಲಾ ಚಿತ್ರರಂಗದವರೂ ಆತನನ್ನು ಭಹಿಷ್ಕಾರ ಹಾಕಿದ್ದಾಗ ತಾನೊಬ್ಬ ಕನ್ನಡಿಗ ಎಂಬುದು ಥಟ್ ಅಂತ ನೆನಪಾಗಿ ಕನ್ನಡ ಚಿತ್ರವೊಂದನ್ನು ನಿರ್ಮಿಸಿ ಅದರ ಪ್ರಚಾರಕ್ಕೆಂದು ಕನ್ನಡದ ಟಿವಿ ವಾಹಿನಿಯ ಸಂದರ್ಶನವೊಂದರಲ್ಲಿ ನಿರೂಪಕಿ, ಆ ಸಮಯದಲ್ಲಿ ಕಾವೇರೀ ನದಿ ನೀರಿನ ಕುರಿತಂತೆ ಕರ್ನಾಟಕ ಮತ್ತು ತಮಿಳುನಾಡು ರಾಜ್ಯದ ನಡುವಿನ ಪರಿಸ್ಥಿತಿ ಬಿಗುವಾಗಿರುವ ಕುರಿತಂತೆ ನಿಮ್ಮ ಅಭಿಪ್ರಾಯವೇನು? ಎಂದು ಕೇಳಿದ್ದೇ ತಡಾ, ಅಲ್ಲಿಯ ವರೆವಿಗೂ ಶಾಂತ ಮೂರ್ತಿಯ ಸ್ವರೂಪದಂತಿದ್ದ ಪ್ರಕಾಶ್ ಇದ್ದಕ್ಕಿದ್ದಂತೆಯೇ ಆ ನಿರೂಪಕಿಯ ಮೇಲೆ ಹೌಹಾಹಾರೀ, ಉರ್ಕೊಂಡು ನಾನು ಇಲ್ಲಿ ಬಂದಿರುವುದು ಒಬ್ಬ ಚಲನಚಿತ್ರ ನಟ ಮತ್ತು ನಿರ್ಮಾಪಕನಾಗಿ ನನ್ನ ಚಿತ್ರದ ಪ್ರಚಾರಕ್ಕಾಗಿ ಬಂದಿದ್ದೇನೆ. ಹಾಗಾಗಿ ನೀವು ಚಲಚಿತ್ರ ರಂಗದವರನ್ನು ಭಾಷೆಯ ಹೆಸರಿನಲ್ಲಿ ಒಡೆಯದಿರಿ. ಕಲಾವಿದರಿಗೆ ಎಲ್ಲಾ ಭಾಷೇನು ಒಂದೇ. ಅವರಿಗೆ ಭಾಷೆಯ ಹಂಗಿಲ್ಲ ಅಂತ ಹೇಳಿದ್ದು ಇನ್ನೂ ಹಚ್ಚ ಹಸಿರಾಗಿಯೇ ಇದೆ.

ಇನ್ನು ತನ್ನ ವಯಕ್ತಿಕ ತೆವಲುಗಳಿಗಾಗಿ ಚೆಂದದ ಹೆಂಡತಿ ಮತ್ತು ಮುದ್ದಾದ ಇಬ್ಬರು ಹೆಣ್ಣು ಮಕ್ಕಳಿದ್ದರೂ ಆಕೆಗೆ ವಿಚ್ಛೇದನ ನೀಡಿ ಹಿಂದೀ ಭಾಷೀಯ ಉತ್ತರ ಭಾರತೀಯ ನೃತ್ಯಗಾರ್ತಿಯನ್ನು ಎರಡನೇ ಮದುವೆಯಾಗಿ ಆಕೆಗೂ ಒಂದು ಮಗುವನ್ನು ಕರುಣಿಸಿರುವ ವಿಷಯ ಎಲ್ಲರಿಗೂ ತಿಳಿದಿದೆ.

ಹಿರಿಯ ಸಾಹಿತಿ ಲಂಕೇಶ್ ಅವರ ನಿಧನದ ನಂತರ ಅವರ ಪತ್ರಿಕೆಯನ್ನು ಮುನ್ನಡೆಸಿಕೊಂಡು ತುಕ್ಡೇ ತುಕ್ಡೇ ಗ್ಯಾಂಗ್ ನವರಿಗೆ ಅಮ್ಮನಂತಿದ್ದ ಗೌರಿ ಹತ್ಯೆಯಾದದ್ದೇ ತಡಾ, ಪ್ರಕಾಶನಿಗೆ ಆತನೊಳಗಿದ್ದ ರಾಜಕಾರಣೀ ಜಾಗೃತವಾಗಿ, ಸಾವಿನ ಮನೆಯ ಮುಂದೆ ಹಾಕಿದ್ದ ಬೆಂಕಿಯಲ್ಲಿ ತನ್ನ ಚಳಿ ಕಾಯಿಸಿಕೊಳ್ಳುವಂತೆ ನಾನು ಗೌರಿ ಎಂದು ಬೊಬ್ಬಿಡುತ್ತಾ, ಟೌನ್ ಹಾಲ್ ಮುಂದೆ ಅಬ್ಬರಿಸಿದ್ದಲ್ಲದೇ Just Ass-King ಎನ್ನುವ ಬಿರುದಾಂಕಿತನಾಗಿ ಬೆಂಗಳೂರಿನಲ್ಲಿ ಲೋಕಸಭಾ ಚುನಾವಣೆಯಲ್ಲಿ ಸ್ಪರ್ಧಿಸಿ ಹೇಳ ಹೆಸರಿಲ್ಲದಂತೇ ಠೇವಣಿಯೂ ಗಿಟ್ಟದಂತೆ ಸೋತು ಸುಣ್ಣವಾಗಿ ಮನೆ ಸೇರಿದ್ದು ಈಗ ಇತಿಹಾಸ.

ಅದಾದ ನಂತರ ರಾವಣಾಸುರವಧೆಯನ್ನು ಮಕ್ಕಳ ನೀಲಿ ಚಲಚಿತ್ರರಂಗಕ್ಕೆ ಹೋಲಿಸುವ ವಿವಾದಾತ್ಮಕ ಹೇಳಿಕೆ ನೀಡಿ ಸುದ್ದಿಯಲ್ಲಿದ್ದ ಪ್ರಕಾಶ, ನಂತರ ಈ ಕೋವಿಡ್ ದಿನಗಳಲ್ಲಿ ಕೆಲ ನಿರಾಶ್ರಿತರಿಗೆ ಸಹಾಯ ಮಾಡಿ, ಇಲಿ ಹೋದದ್ದನ್ನೇ ಹುಲಿ ಹೋಯಿತು ಎನ್ನುವಂತೆ ಬಿಟ್ಟಿ ಪ್ರಚಾರ ಪಡೆದದ್ದಂತೂ ಸುಳ್ಳಲ್ಲ.

ಕೇವಲ ಕನ್ನಡ ಚಿತ್ರರಂಗವಲ್ಲದೇ, ಭಾರತೀಯ ಚಲನ ಚಿತ್ರರಂಗ ಮತ್ತು ಪ್ರಪಂಚದ ಚಿತ್ರರಂಗದಲ್ಲಿಯೇ, ಕನ್ನಡಿಗರು ಸೃಷ್ಟಿಸಿದ ಅದ್ಭುತ ಇತಿಹಾಸವಾದ ಕೆ.ಜಿ.ಎಫ್ ಚಿತ್ರದ ಎರಡನೇ ಭಾಗದಲ್ಲಿ ಪ್ರಕಾಶ್ ರೈ ನಟಿಸುತ್ತಿದ್ದಾರೆ ಎಂದು ಚಿತ್ರದ ನಿರ್ದೇಶಕರು ಪ್ರಕಟಿಸಿದರೋ, ಆಗ ಇದ್ದಕ್ಕಿದ್ದಂತೆಯೇ ಸ್ವಾಭೀಮಾನಿ ದೇಶಭಕ್ತರು ಅತನ ವಿರುದ್ದ ಭಹಿಷ್ಕಾರದ ಬೆದರಿಕೆ ಹಾಕಿದ್ದಲ್ಲದೇ, ಅತನಿರುವ ಚಿತ್ರವನ್ನು ನೋಡುವುದಿಲ್ಲ ಎಂಬ ಸಾತ್ವಿಕ ಪ್ರತಿಭಟನೆ ತೋರಿದದ್ದು ಪ್ರಕಾಶ್ ರೈ ಮತ್ತು ಕೆಜಿಎಫ್ ಚಿತ್ರ ತಂಡಕ್ಕೆ ಮರ್ಮಘಾತವಾಗಿದ್ದಂತೂ ಸುಳ್ಳಲ್ಲ.

ಈ ಕುರಿತಂತೆ ವಿಷಯಾಂತರ ಮಾಡಲು ಪ್ರಕಾಶ್ ರೂ ಅಂತಹ ಗೋಸುಂಬೆಗೆ ಥಟ್ ಅಂತ ನರನಪಾಗಿದ್ದೇ ಹಿಂದೀ ದಿವಸ್. ಕೇವಲ ತಮಿಳು, ತೆಲುಗು ಭಾಷೆಯ ಈ ಭಾಷೆಯ ಚಿತ್ರಗಳನ್ನು ನೋಡಿ ಅಲ್ಲಿಂದ ಸ್ವಲ್ಪ ಇಲ್ಲಿಂದ ಸ್ವಲ್ಪ ಕದ್ದು ಅದನ್ನು ತಮ್ಮದೇ ಸಿನಿಮಾ ಎಂದು ಬಿಂಬಿಸುವ ಚಿತ್ರರಂಗದವರು, ಬರೀ ಚಿತ್ರವಲ್ಲದೇ ತಮಿಳು ನಾಡಿನ ಚಲಚಿತ್ರರಂಗದವರು ಆರಂಭಿಸಿದ ಹಿಂದಿ ತೆರೆಯಾದು ಪೋಡಾ ಎಂಬುದನ್ನು ಯಥಾವತ್ತಾಗಿ ಇಲ್ಲಿ ನಕಲು ಮಾಡಿ, ನನಗೆ ಹಿಂದೀ ಬರೋದಿಲ್ಲ ಹೋಗೂ, ನಾವು ದ್ರಾವಿಡರು ಎಂಬ ಅಭಿಯಾನವನ್ನು ಇದೇ ಪ್ರಕಾಶ್ ರೈ ಮುಂದಾಳತ್ವದಲ್ಲಿ ಮುಂದುವರೆಸುತ್ತಾ ತಮ್ಮ ಬೌದ್ಧಿಕ ದೀವಾಳಿತನವನ್ನು ಎತ್ತಿ ತೋರಿಸಿದ್ದಲ್ಲದೇ ಭಾಷೆಯ ಹೆಸರಿನಲ್ಲಿ ಕನ್ನಡಿಗರನ್ನು ಎತ್ತಿ ಕಟ್ಟಿ ಪ್ರಚೋದಿಸುತ್ತಿರುವುದು ನಿಜಕ್ಕೂ ಶೋಚನೀಯವೇ ಸರಿ.

ಇನ್ನು ಈ ಖನ್ನಢ ಉಟ್ಟು ಓರಾ(ಲಾ)ಗಾರರು ಹಾಕಿಕೊಂಡಿದ್ದ ಟಿ-ಶರ್ಟ್ ನಲ್ಲಿ ಬರೆದಿದ್ದನ್ನು ನೋಡಿ ನಗಬೇಕೋ ಅಳಬೇಕೋ ಅಂತಾ ಗೊತ್ತಾಗಲಿಲ್ಲ ಕನ್ನಡಿಗರು ಶಾಂತಿ ಪ್ರಿಯರು. ಕುಡಿಯಲು ನೀರು ಕೇಳಿದರೆ ಜೊತೆಗೆ ಬೆಲ್ಲವನ್ನು ಕೊಡುವಂತಹ ಸಹೃದಯಿಗಳು. ಯಾರನ್ನೂ ಏಕವಚನದಲ್ಲಿ ಮಾತನಾಡಿಸದೇ ಎಲ್ಲರಿಗೂ ಗೌರವವನ್ನು ನೀಡುವವರು. ಅದರೆ ತಮಿಳರ ಹಿಂದಿ ತೆರೆಯಾದು ಪೋಡಾ ಎಂಬುದನ್ನು ಯಥಾವತ್ತಾಗಿ ಇಲ್ಲಿ ನಕಲು ಮಾಡುತ್ತಾ, ಹಿಂದಿ ಗೊತ್ತಿಲ್ಲ ಹೋಗೂ ಅಂತ ಏಕವಚನ ಬಳಸಿರುವುದಲ್ಲದೇ, ಎರಡನೇ ಸಾಲಿನಲ್ಲಿ ನಾನು ಕನ್ನಡಿಗರು ಎಂಬ ಆಪಭ್ರಂಷ ಬೇರೆ. ನಾನು ಕನ್ನಡಿಗ ಎಂದೋ, ಇಲ್ಲವೇ ನಾವು ಕನ್ನಡಿಗರು ಎಂದೋ ವ್ಯಾಕರಣಾತ್ಮಕವಾಗಿ ಸರಿಯಾಗಿ ಬರೆಯಲೂ ಬಾರದವರಿಂದ ಕನ್ನಡ ಉದ್ದಾರ ಇನ್ನು ಎಷ್ಟರ ಮಟ್ಟಿಗೆ? ಇನ್ನು ಮುಂದಿನ ಸಾಲು ನಾವು ದ್ರಾವಿಡರು ಎಂಬುದು ದೇಶವನ್ನೇ ವಿಭಜನೆ ಮಾಡುವ ಹುನ್ನಾರ.

ಇನ್ನು ಇದಕ್ಕೆ ಬೆನ್ನೆಲುಬಾಗಿ ಹಿಂದಿ ಬಾರದು ಎಂಬ ಅಸಂಬದ್ಧ ಟಿ-ಶರ್ಟ್ ಹಾಕಿಕೊಂಡ ಶಾಸಕ ಝಮೀರ್ ನನ್ನು ನೋಡಿದಾಗಲಂತೂ ಏನು ಹೇಳಬೇಕು ಎಂದು ತಿಳಿಯದೇ ಮೂಕವಿಸ್ಮಿತರಾಗುವುದೊಂದು ಬಾಕಿ.

ಬ್ರಿಟೀಷರು ಭಾರತಕ್ಕೆ ಬಂದಾಗ, ಒಡೆದು ಆಳು ಎಂಬ ನೀತಿಯನ್ನು ಅಳವಡಿಸಿಕೊಂಡು ಆರ್ಯರು ಮತ್ತು ದ್ರಾವಿಡರು ಎನ್ನುವಂತೆ ಉತ್ತರ ಭಾರತೀಯರು ಮತ್ತು ದಕ್ಷ್ಣಿಣ ಭಾರತೀಯರ ಮಧ್ಯೆ ಕಂದಕವನ್ನು ತೋಡುವ ಸುಳ್ಳು ಇತಿಹಾಸವನ್ನು ಬರೆದದ್ದಲ್ಲದೇ, ಆರ್ಯರು ಮಧ್ಯ ಏಷ್ಯಾದಿಂದ ಭಾರತಕ್ಕೆ ಬಂದವರು ಹಾಗಾಗಿ ಅವರೂ ಸಹಾ ಪರಕೀಯರೇ ಎಂಬ ವಿಷ ಬೀಜವನ್ನು ಬಿತ್ತಿ ಹೋದರು. ಅಂತಿಮವಾಗಿ ಧರ್ಮಾಧಾರಿತವಾಗಿ ದೇಶವನ್ನು ಒಡೆದು ಮೂರು ಭಾಗಗಳಾಗಿ ಮಾಡಿ ಹೋದರೆ, ಸ್ವಾತಂತ್ರ್ಯ ಬಂದ ಮೇಲೆ ನಮ್ಮ ರಾಜಕಾರಣಿಗಳು ತಮ್ಮ ಓಟಿಗಾಗಿ ಜನರನ್ನು ಜಾತಿಯ ಮೇಲೆ ಒಡೆದು ಛಿದ್ರ ಛಿದ್ರ ಮಾಡಿದರು. ಈಗ ಈ ಚಿತ್ರರಂಗದವರು ಅದಕ್ಕಿಂತಲೂ ಒಂದು ಹೆಜ್ಜೆ ಮುಂದೆ ಹೋಗಿ ಭಾಷೆಯಾಧಾರಿತವಾಗಿ ನಮ್ಮನ್ನು ಒಡೆಯಲು ಹವಣಿಸುತ್ತಿರುವುದು ನಮ್ಮ ಜನರಿಗೇಕೆ ಅರ್ಥವಾಗುತ್ತಿಲ್ಲ?

ಮೇಲು ನೋಟಕ್ಕೆ ಕನ್ನಡಿಗರ ಮೇಲೆ ಹಿಂದಿ ಹೇರಿಕೆ ಎಂದು ಬೊಬ್ಬಿರಿಯುತ್ತಾ ತಪ್ಪು ತಪ್ಪಾಗಿ ಬರೆದ ಟಿ-ಶರ್ಟ್ ಹಾಕಿಕೊಂಡು ಬೀದಿಗಿಳಿದ ಕೆಲ ಕನ್ನಡ ಹೋರಾಟಗಾರರಿಗೆ ಮತ್ತು ಪ್ರಕಾಶ್ ರೈ ನಂತಹವರಿಗೆ ಕನ್ನಡಕ್ಕಿಂತಲೂ ತಮ್ಮ ಅಸ್ತಿತ್ವ ಮತ್ತು ಅಸ್ಮಿತೆಯನ್ನು ಉಳಿಸಿಕೊಳ್ಳುವುದಕ್ಕಾಗಿಯೇ ಈ ಎಲ್ಲಾ ಹೋರಾಟವಷ್ಟೇ. ಇಂತಹವರಿಂದ ಕನ್ನಡ ಮತ್ತು ಕನ್ನಡಿಗರು ಉದ್ದಾರವಾಗ್ತಾರಾ?

ನಿಜವಾಗಿಯೂ ಹಿಂದಿ ಹೇರಿಕೆ ಎಲ್ಲಿಂದ ಆಗಿದೆ ಎಂದು ಯೋಚನೆ ಮಾಡಿದರೆ,

20-30 ವರ್ಷಗಳ ಹಿಂದೆ ನಮಗೆ ಹೆಚ್ಚು ಬಾಡಿಗೆ ಕೊಡ್ತಾರೇ, ನಮ್ಮ ಆಸ್ತಿಗೆ ಹೆಚ್ಚಿನ ಹಣ ಕೊಡ್ತಾರೆ ಅಂತ, ಕನ್ನಡ, ಕನ್ನಡಿಗರನ್ನು ಮರೆತು, ಬೆಂಗಳೂರಿನ ಹೃದಯಭಾಗವಾಗಿದ್ದ, ಪ್ರಮುಖ ವ್ಯಾಪಾರೀ ತಾಣವಾಗಿದ್ದ ಚಿಕ್ಕಪೇಟೆ, ಬಳೇ ಪೇಟೆ, ತಿಗಳ ಪೇಟೆ, ಅಕ್ಕೀ ಪೇಟೆಯಲ್ಲಿ ಮಾರ್ವಾಡಿಗಳಿಗೆ ಮಾರಿದ್ರಲ್ಲಾ ಅವಾಗಲೇ ಹಿಂದಿ ಹೇರಿಕೆ ಶುರುವಾಯಿತಲ್ವೇ.

ಈಗಲೂ ಸಹಾ ಕಮೀಶನ್ ಜಾಸ್ತಿ ಕೊಡ್ತಾರೆ ಅಂತ ಗೊತ್ತಾದ್ರೇ, ಇದೇ ಖನ್ನಡ ಹೋರಾಟಗಾರರೇ ಮುಂದೆ ನಿಂತು ಅನ್ಯ ಭಾಷಿಕರಿಗೆ ಆಸ್ತಿ ಖರೀದಿ,ಅಂಗಡಿ,ಮನೆ ಬಾಡಿಗೆ ಪಡೆಯಲು ದಲ್ಲಾಳಿ ಕೆಲಸ ಮಾಡ್ತಾ ಇರೋದು ಗುಟ್ಟಿನ ವಿಷಯವೇನಲ್ಲ. ದುಡ್ಡು ಕೊಟ್ರೇ ಸನ್ನೀ ಲಿಯೋನ್ ಅರೆ ಬೆತ್ತಲೆ ನೃತ್ಯಕ್ಕೆ ಮುಂದಾಳತ್ವ ವಹಿಸ್ತೀನಿ ಅಂತ ಹೇಳಿದವರೂ ಮತ್ತೊಬ್ಬ ಖನ್ನಡ ಓರಾಟಗಾರ ಎನ್ನುವುದು ಸುಳ್ಳೆನಲ್ಲ. ಹೀಗೆ ಹಣದ ಆಸೆಗಾಗಿ ನಮ್ಮ ಜುಟ್ಟನ್ನೇ ಇನ್ನೊಬ್ಬರ ಕೈಗೆ ಕೊಟ್ಟು ಈಗ ಅಯ್ಯೋ ಕನ್ನಡಿಗರ ಮೇಲೆ ಅನ್ಯಭಾಷಿಕರ ದಬ್ಬಾಳಿಕೆ ಅಂತಾ ಬಾಯಿ ಬಡ್ಕೊಂಡ್ರೆ ಏನು ಪ್ರಯೋಜನ ಅಲ್ಚೇ?

ಅದೇ ರೀತಿ, ಏ ಬಾಯ್, ಚಾರ್ ಸೌ ಬೀಸ್ ಪಾನ್ ದೇನಾ, ತೋಡಾ ಸುಪಾರೀ ಔರ್ ಚುನ್ನಾ, ದೇಖ್ ಕೇ ಡಾಲ್ನಾ ಎಂದು ಬೀಡಾ ಹಾಕಿಸಿಕೊಂಡು ಬಾಯ್ತುಂಬಾ ತಿಂದು ಎಲ್ಲೆಂದರಲ್ಲಿ ಉಗಿಯುವ ನೂರಾರು ಖನ್ನಢ ಓರಾಟಗಾರರು ಇಂದಿಗೂ ಎಲ್ಲೆಡೆ ಕಾಣ್ತಾರೇ ಅಲ್ವೇ?

ಇನ್ನು ನಮ್ಮ ಹೆಮ್ಮಕ್ಳು ರಸ್ತೆ ಬದಿಯಲ್ಲಿ ಭಯ್ಯಾ ಪಾನಿ ಪೂರಿ ದೇನಾ, ಭಯ್ಯಾ ತೋಡಾ ಜ್ಯಾದಾ ಮೀಟಾ ಡಾಲ್ನಾ ಅಂತಾನೋ, ಇಲ್ಲವೇ ಭಯ್ಯಾ ಏ ಬಿಂದಿ ಪ್ಯಾಕೇಟ್ ಕಿತ್ನಾಕಾ ಹೈ? ತೋಡಾ ಕಮ್ ಕರ್ಕೇ ದೇನಾ ಭಯ್ಯಾ, ಎಂದು ಅವರಿಗೆ ಕನ್ನಡ ಬಂದ್ರೂ ನಮ್ಮವರೇ ಅರೆ ಬರೇ ಹಿಂದಿಯಲ್ಲಿ ಮಾತಾನಾಡಿಸುವುದು ಸುಳ್ಳೆನಲ್ಲಾ ಅಲ್ವೇ?

ಕನ್ನಡ ಭಾಷೆಯನ್ನು ಉಳಿಸುವುದು ಮತ್ತು ಬೆಳೆಸುವುದು ಯಾವುದೋ ಕನ್ನಡ ಚಿತ್ರರಂಗದ ಕೆಲ ನಟ ನಟಿಯರಿಂದಾಗಲೀ, ಕೆಲ ಕನ್ನಡ ಪರ ಸಂಘಟನೆಗಳ ಜವಾಬ್ದಾರಿಯಲ್ಲ. ಬದಲಾಗಿ ಅದು ಪ್ರತಿಯೊಬ್ಬ ಕನ್ನಡಿಗನ ಆದ್ಯ ಕರ್ತವ್ಯ.

  • ಹಾಗಾಗಿ ಮೊದಲು ಮನೆಯಲ್ಲಿ ಸ್ವಚ್ಚವಾಗಿ ಮತ್ತು ಸ್ಪಷ್ಟವಾಗಿ ಕನ್ನಡ ಮಾತನಾಡೋಣ.
  • ವ್ಯಾವಹಾರಿಕವಾಗಿ ಸಹಿಯನ್ನೂ ಒಳಗೊಂಡಂತೆ ಎಲ್ಲವನ್ನೂ ಕನ್ನಡಲ್ಲೇ ಮಾಡುವ ಪ್ರಯತ್ನ ನಮ್ಮಿಂದಲೇ ಆರಂಭವಾಗಲಿ.
  • ನಮ್ಮ ಮಕ್ಕಳನ್ನು ಕನ್ನಡ ಶಾಲೆ ಅದರಲ್ಲೂ ಸರ್ಕಾರೀ ಶಾಲೆಗೇ ಸೇರಿಸಿ ಎಂದು ಕೂಗಾಡುವ ಬದಲು, ಮಕ್ಕಳು ಕಲಿಯುವ ಶಾಲೆಯಲ್ಲಿ ಕನ್ನಡ ಸರಿಯಾಗಿ ಓದುವುದು, ಬರೆಯುವುದು ಮತ್ತು ಮಾತನಾಡುವುದನ್ನು ಕಲಿಸುತ್ತಾರಾ ಎಂದು ಗಮನಿಸೋಣ.
  • ಒಬ್ಬ ಕನ್ನಡಿಗನಾಗಿ ಸರ್ಕಾರೀ, ಖಾಸಗೀ ಮತ್ತು ಬ್ಯಾಂಕ್ಗಳಲ್ಲಿ ಕನ್ನಡವನ್ನೇ ವ್ಯಾವಹಾರಿಕ ಭಾಷೆಯನ್ನಾಗಿ ನಾವು ಬಳಸಲು ಆರಂಭಿಸಿದಲ್ಲಿ, ಉಳಿದವರೂ ವಿಧಿ ಇಲ್ಲದೇ ಕನ್ನಡದಲ್ಲಿಯೇ ಪ್ರತಿಕ್ರಿಯಿಸುತ್ತಾರೆ.
  • ಒಂದು ಗೆರೆಯನ್ನು ಮುಟ್ಟದೇ ಸಣ್ಣದು ಮಾಡಬೇಕೆಂದರೆ ಅದರ ಪಕ್ಕದಲ್ಲಿ ದೊಡ್ಡದಾದ ಗರೆಯೊಂದನ್ನು ಬರೆಯುವಂತೆ, ಇತರೇ ಭಾಷೆಗಳಿಗಿಂತಲೂ ನಮ್ಮ ಮಾತೃಭಾಷೆಯನ್ನು ಹೆಚ್ಚಾಗಿ ಬಳಸುತ್ತಾ ಹೋದಂತೆ ಉಳಿದ ಭಾಷಾ ವ್ಯಾಮೋಹ ಕುಗ್ಗುತ್ತದೆ.
  • ಕನ್ನಡದ ಮೇಲಿನ ಅಭಿಮಾನದಿಂದ ಅದನ್ನು ಉಳಿಸುವ ಮತ್ತು ಬೆಳೆಸುವ ಕಾರ್ಯದಲ್ಲಿ ಎಲ್ಲಾ ಕನ್ನಡಿಗರು ತಮ್ಮನ್ನು ತಾವು ಸ್ವಪ್ರೇರಣೆಯಿಂದ ತೊಡಗಿಸಿಕೊಳ್ಳಬೇಕೇ ಹೊರತು, ಕನ್ನಡದ ಹೆಸರಿನಿಂದ ಅನ್ಯಭಾಷಿಗರನ್ನು ಹೆದರಿಸಿ ಬೆದರಿಸಿ ನಮ್ಮ ಹೊಟ್ಟೆ ಹೊರೆಯುವ ಕಾಯಕಕ್ಕೆ ಎಂದೂ ಯಾರೂ ಇಳಿಯಬಾರದು.
  • ಕನ್ನಡಿಗರದ್ದು ಕೊಡುವ ಕೈ ಹೊರತು ಬೇಡುವ ಕೈ ಅಲ್ಲಾ. ದೇಹಿ ಎಂದು ಬಂದವರಿಗೆ ಹೊಟ್ಟೆಯ ತುಂಬಾ ಊಟ ಬಡಿಸುವ ವಿಶಾಲ ಹೃದಯಿಗಳು.

ಯಾವುದೋ ನಟ ಅಥವಾ ಕೆಲ ಸಂಘಟನೆಗಳ ಸ್ವಾರ್ಥಕ್ಕೆ ಅವರ ಹೊಟ್ಟೆ ತುಂಬಿಸುವುದಕ್ಕೆ ನೈಜ ಕನ್ನಡಿಗರಾದ ನಾವುಗಳು ಬಲಿಯಾಗದೇ. ಸ್ವಾಭಿಮಾನಿಗಳಾಗಿ ತಲೆಯೆತ್ತಿ ಬಾಳೋಣ. ಇತರರನ್ನೂ ನೆಮ್ಮದಿಯಾಗಿ ಬಾಳಗೊಡೋಣ. ಕರ್ನಾಟಕದಲ್ಲಿ ಕನ್ನಡಕ್ಕೇ ಪ್ರಾಧ್ಯಾನ್ಯ ಮತ್ತು ಕನ್ನಡಿಗನೇ ಸಾರ್ವಭೌಮ.

ಊಟದ ಎಲೆಯಲ್ಲಿ ಉಪ್ಪಿನಕಾಯಿ, ಕೋಸಂಬರಿ, ಪಲ್ಯ, ಗೊಜ್ಜುಗಳು ಇದ್ದರೂ ಹೊಟ್ಟೆ ತುಂಬಿಸುವುದು ಮಾತ್ರ ಅನ್ನ ಮತ್ತು ಸಾರು. ಅಂತೆಯೇ ಉಳಿದೆಲ್ಲಾ ಭಾಷೆಗಳನ್ನು ದ್ವೇಷಿಸದೇ ಕಲಿಯೋಣ. ಕನ್ನಡವನ್ನು ಮಾತ್ರಾ ವ್ಯಾವಹಾರಿಕವಾಗಿ ಬಳಸೋಣ. ಅಲ್ವೇ?

ಏನಂತೀರೀ?

ನಿಮ್ಮವನೇ ಉಮಾಸುತ

ಕರ್ನಾಟಕದಲ್ಲಿ ಕನ್ನಡಿಗನೇ ಸಾರ್ವಭೌಮ

ಹೌದು. ಕರ್ನಾಟಕದಲ್ಲಿ ಕನ್ನಡಿಗನೇ ಸಾರ್ವಭೌಮ ಎನ್ನುವುದನ್ನು ಪ್ರಸ್ತುತ ನಾವೇ ಸಾರಿ ಸಾರಿ ಎಲ್ಲರಿಗೂ ಈ ವಿಷಯವನ್ನು ಒತ್ತಿ ಒತ್ತಿ ಹೇಳಬೇಕಾದಂತಹ ಕೆಟ್ಟ ಪರಿಸ್ಥಿತಿ ಬಂದೊದಗಿಬಿಟ್ಟಿರುವುದು ನಿಜಕ್ಕೂ ಶೋಚನೀಯವಾಗಿದೆ. ಈ ರೀತಿಯಾಗಲು ಯಾರು ಕಾರಣೀಭೂತರು ಎಂದು ಯೋಚಿಸಿದಲ್ಲಿ ಮತ್ತೊಮ್ಮೆ ನಮ್ಮನ್ನು ನಾವೇ ಹಳಿದುಕೊಳ್ಳಬೇಕಾಗುತ್ತದೆ. ಅದಕ್ಕೆ ಸರಳವಾದ ಕಾರಣ ನಮ್ಮಲ್ಲಿಲ್ಲದ ಭಾಷಾಭಿಮಾನ. ನಮ್ಮೆಲ್ಲರ ಭಾಷಾಭಿಮಾನ ಕೇವಲ ಕನ್ನಡರಾಜ್ಯೋತ್ಸವದ ಸಂಧರ್ಭವಾದ ನವೆಂಬರ್ 1-30 ಅಥವಾ ಇನ್ನೂ ಒಂದೆರಡು ಹೆಚ್ಚಿನ ವಾರಗಳಿಗೆ ಮಾತ್ರವೇ ಸೀಮಿತಗೊಂಡು ಮಿಕ್ಕೆಲ್ಲಾ ದಿನಗಳು ಕುಂಬಕರ್ಣನಂತೆ ನಿದ್ರೆ ಹೋಗುವುದೇ ಈ ರೀತಿಯ ದುರ್ವಿಧಿಗೆ ಕಾರಣವಾಗಿದೆ.

ಇಷ್ಟೆಲ್ಲಾ ಪೀಠಿಕೆ ಯಾಕಪ್ಪಾ ಅಂದ್ರೇ, 1986ರಲ್ಲಿ ಸಲ್ಲಿಸಿದ ಡಾ. ಸರೋಜಿನಿ ಮಹಿಷಿ ವರದಿಯನ್ನು ಜಾರಿಗೆ ಗೊಳಿಸಿ ಎಂದು ಈಗ ಕರ್ನಾಟಕ ರಾಜ್ಯ ಬಂದ್ ಕರೆ ಕೊಟ್ಟಿರುವವರ ಮನಸ್ಥಿತಿಯನ್ನು ನೋಡಿ ಕೆಲವೊಂದು ವಿಚಾರಗಳನ್ನು ಹಂಚಿಕೊಳ್ಳಬೇಕೆನಿಸಿತು. ಭಾಷಾವಾರು ಪ್ರಾಂತ್ಯಗಳ ಆಧಾರದಲ್ಲಿಯೇ ದೇಶಾದ್ಯಂತ ರಾಜ್ಯಗಳು ವಿಭಜಿತವಾದರೂ ಕನ್ನಡಿಗರ ದುರ್ವಿಧಿಯೆಂದರೆ ಅಪ್ಪಟ ಕನ್ನಡಿಗರೇ ಇದ್ದ ಪ್ರದೇಶಗಳು ಸದ್ದಿಲ್ಲದೇ ಕೇರಳ ಮತ್ತು ಮಹಾರಾಷ್ಟ್ರ ಪಾಲಾಯಿತು. ಇನ್ನು ಕರ್ನಾಟಕದ ಅವಿಭಾಜ್ಯ ಪ್ರದೇಶಗಳಲ್ಲಿ ತಮಿಳು,ತೆಲುಗು ಮರಾಠಿ ಮತ್ತು ಹಿಂದಿ ಭಾಷಿಗರ ಸಂಖ್ಯೆ ಹೆಚ್ಚಾಯಿತು. ಹಾಗೆಂದ ಮಾತ್ರಕ್ಕೆ ನಾವು ಈ ಅನ್ಯ ಭಾಷಿಗರನ್ನು ದೂಷಿಸುತ್ತಿಲ್ಲ ಮತ್ತು ದ್ವೇಷಿಸುತ್ತಿಲ್ಲ. ಬದಲಾಗಿ ಅವರಿಗೆ ನಮ್ಮ ಭಾಷೆ ಮತ್ತು ಸಂಸ್ಕೃತಿಯನ್ನು ಕಲಿಸದೇ ನಾವೇ ಅವರ ಭಾಷೆಯನ್ನು ಕಲಿತು,ಆವರ ಹಬ್ಬ ಹರಿ ದಿನಗಳು, ಆಚರಣೆಗಳು ಮತ್ತು ಅವರ ಸಿನಿಮಾಗಳನ್ನು ನೋಡಿದ ಪರಿಣಾಮವೇ ಇಂದಿನ ಈ ದುಸ್ಥಿತಿ.

sarojini

ಸಂಸದೆ, ರಾಜ್ಯಸಭಾ ಪ್ರತಿನಿಧಿ ಮತ್ತು ಒಮ್ಮೆ ಕೇಂದ್ರ ಸಚಿವೆಯೂ ಆಗಿದ್ದ ಡಾ. ಸರೋಜಿನಿ ಮಹಿಷಿಯವರು ಸ್ಥಳೀಯರಿಗೆ ಉದ್ಯೋಗ ಎಂಬ ಮಣ್ಣಿನ ಮಗ ನೀತಿಯನ್ನು ಪ್ರತಿಪಾದಿಸಿ, ಕೇಂದ್ರ ಸರ್ಕಾರದ ರೇಲ್ವೆ ಸೇರಿದಂತೆ ಸಾರ್ವಜನಿಕ ಕ್ಷೇತ್ರಗಳಲ್ಲಿ ಸಿ ಮತ್ತು ಡಿ ಗುಂಪಿನ ಕೆಲಸಗಳನ್ನು ಕನ್ನಡಿಗರಿಗೆ ಮೀಸಲಾತಿ ನೀಡುವ ಬಗ್ಗೆ ಸಮಿತಿಯೊಂದರ ಮುಂದಾಳತ್ವ ವಹಿಸಿ 1986ರಲ್ಲಿ ಕರ್ನಾಟಕ ಸರಕಾರಕ್ಕೆ ನೀಡಿದ್ದ 58 ಶಿಫಾರಸುಗಳ ಪೈಕಿ 45 ಶಿಫಾರಸುಗಳನ್ನು ರಾಜ್ಯ ಸರಕಾರ ಒಪ್ಪಿಗೆ ನೀಡಿ ಅವುಗಳನ್ನು ಜಾರಿಗೆಯೂ ತಂದಿದೆ. ಉಳಿದ 13 ಪ್ರಮುಖ ಶಿಫಾರಸುಗಳಲ್ಲಿ ಒಂದಾದ ಸರಕಾರಿ ಹಾಗೂ ಖಾಸಗಿ ಉದ್ಯೋಗಗಳಲ್ಲಿ ಕನ್ನಡಿಗರಿಗೆ ಮೀಸಲಾತಿ ನೀಡಬೇಕೆಂಬ ಒತ್ತಾಯವನ್ನು ಈಗ ಕನ್ನಡಪರ ಸಂಘಟನೆಗಳು ಮಾಡುತ್ತಿವೆ.

ಈಗ ಬಂದ್ ಕರೆ ಕೊಟ್ಟಿರುವ ಖನ್ನಡ ಓಲಾಟರಾಗರು ಈ ಕೆಳಕಂಡ ವಿಷಯಗಳಲ್ಲಿ ಅವರ ನಿಲುವೇನು ಎಂಬುದನ್ನು ಮೊದಲು ತಿಳಿಯಪಡಿಸಲಿ?

  • ಕನ್ನಡ ಮಾತೃಭಾಷೆಯವರು ಮಾತ್ರ ಕನ್ನಡಿಗರೇ?
  • ಕನ್ನಡ ಮಾತನಾಡಬಲ್ಲವರೆಲ್ಲರೂ ಕನ್ನಡಿಗರೇ?
  • ಕರ್ನಾಟಕದಲ್ಲಿ ಹುಟ್ಟಿ ಬೆಳೆದವರೆಲ್ಲರೂ ಕನ್ನಡಿಗರೇ?
  • ಕರ್ನಾಟಕದಲ್ಲಿ ಸದ್ಯ ವಾಸಿಸುತ್ತಿರುವವರೆಲ್ಲರೂ ಕನ್ನಡಿಗರೇ?
  • ರಾಜ್ಯದಲ್ಲಿ ಪ್ರಸ್ತುತವಾಗಿ ಆರು ಕೋಟಿ ಕನ್ನಡಿಗರು ಇದ್ದರೂ ಸರ್ಕಾರಿ ಕನ್ನಡ ಶಾಲೆಗಳಲ್ಲಿ ವಿದ್ಯಾರ್ಥಿಗಳು ಏಕೆ ಇಲ್ಲ?
  • ಬೆಂಗಳೂರಿನ ಮಲ್ಟಿಪ್ಲೆಕ್ಸಿನಲ್ಲಿ ಕನ್ನಡ ಸಿನಿಮಾಗಳಿಗೇಕೆ ಇನ್ನೂ ತಾರತಮ್ಯ?
  • ರಸ್ತೆ/ಕಟ್ಟಡ ನಿರ್ಮಾಣ ಮತ್ತು ಜಾಡಮಾಲಿ ಕೆಲಸಮಾಡಲು ಕನ್ನಡಿಗರೇಕೆ ಮುಂದಾಗುವುದಿಲ್ಲ?
  • ಸಿ ಮತ್ತು ಡಿ ದರ್ಜೆಯಂತಹ ಕೆಲಸಕ್ಕೆ‌ ಮಾತ್ರವೇ ಕನ್ನಡಿಗರು ಸೀಮಿತವಾಗಬೇಕೇ?
  • ದೇಶ ವಿದೇಶಗಳಲ್ಲಿ ಕೆಲಸ ಮಾಡುತ್ತಿರುವ ಕನ್ನಡಿಗರ ಬಗ್ಗೆ ನಿಮ್ಮ ನಿಲುವೇನು?
  • ಮರಾಠಿಗರ ಮತ್ತು ಕೊಂಕಣಿಗಳ ಅಸ್ಮಿತೆ ಎಂಬ ನೆಪದಲ್ಲಿ ಕನ್ನಡಿಗರನ್ನು ಹೊರಹಾಕುತ್ತಿರುವ ಮಹಾರಾಷ್ಟ್ರ ಮತ್ತು ಗೋವಾದ ರಾಜ್ಯಗಳಿಗಿಂತ ನಮ್ಮ ರಾಜ್ಯ ಹೇಗೆ ವಿಭಿನ್ನ?
  • ಒಕ್ಕೂಟ ವ್ಯವಸ್ಥೆಯನ್ನು ಹೇಗೆ ಸಮರ್ಥಿಸುತ್ತೀರೀ?
  • ಅನೇಕ ಶಾಲಾ ಕಾಲೇಜುಗಳಲ್ಲಿ ಪರೀಕ್ಷೆ ನಡೆಯುತ್ತಿರುವ ಈ ಸಮಯದಲ್ಲಿ ಈ ರೀತಿಯ ಬಂದ್ ಕರೆ ನೀಡುವುದು ಒಪ್ಪುವಂತಹದ್ದೇ?

ಬಹಳ ದುಃಖದ ಸಂಗತಿಯೇನೆಂದರೆ ಬಂದ್ ಕರೆ ನೀಡಿರುವ ಬಹುತೇಕ ಸಂಘಟನೆಗಳ ನಾಯಕರುಗಳ ಮಾತೃಭಾಷೆ ಕನ್ನಡವೇ ಆಗಿರುವುದಿಲ್ಲ. ಈಗಿರುವ ಘಟಾನುಘಟಿ ನಾಯಕರುಗಳಿಗೆ ಸರಿಯಾಗಿ ಸ್ಪೃಟವಾಗಿ, ಸ್ವಚ್ಚವಾಗಿ ಅಚ್ಚ ಕನ್ನಡ ಮಾತನಾಡಲು ಬರುವುದೇ ಇಲ್ಲ. ಅ ಕಾರ ಮತ್ತು ಹ ಕಾರ ಬಳಕೆಯ ವೆತ್ಯಾಸವೇ ಅರಿಯದೇ ಆದರಕ್ಕೆ ಹಾದರ ಎಂದು ಹೇಳುವಂತಹ ನಾಯಕರೇ ಹೆಚ್ಚು. ಇಂದು ಬಹುತೇಕ ಕನ್ನಡ ಪರ ಸಂಘಟನೆಗಳು ಅವರ ನಾಯಕರುಗಳ ಸ್ವಪ್ರತಿಷ್ಟೆಯಿಂದಾಗಿ ಅನೇಕ ಭಾಗಗಳಾಗಿ ತಂಡು ತುಂಡುಗಳಾಗಿ ಹೋಗಿ ಅವರಲ್ಲಿಯೇ ಒಗ್ಗಟ್ಟಿಲ್ಲದಾಗಿದೆ. ಈಗ ಕರೆದಿರುವ ಮುಷ್ಕರಕ್ಕೂ ಸಹಾ ಅನೇಕ ಕನ್ನಡ ಪರ ಸಂಘಟನೆಗಳು ಬೆಂಬಲವನ್ನು ಸೂಚಿಸಿಯೇ ಇಲ್ಲ ಎನ್ನುವುದನ್ನು ಗಮನಿಸಬೇಕಾದ ಅಂಶವಾಗಿದೆ. ಹೀಗೆ ತಮ್ಮಲ್ಲಿಯೇ ಒಗ್ಗಟ್ಟಿಲ್ಲದೇ ಸುಖಾಸುಮ್ಮನೆ ಮತ್ತೊಬ್ಬರ ಮೇಲೆ ಗಧಾ ಪ್ರಹಾರ ಮಾಡುವುದು ಎಷ್ಟು ಸರಿ? ಮೊದಲು ಈ ಕನ್ನಡಪರ ಸಂಘಟನೆಗಳು ತಮ್ಮೆಲ್ಲಾ ಅಹಂಗಳನ್ನು ಬದಿಗಿಟ್ಟು ಒಂದಾಗಿ ಸಾಥ್ವಿಕ‌ ಹೋರಾಟ ಮಾಡಿದಲ್ಲಿ ಎಲ್ಲರ ಮನ‌ ಗೆಲ್ಲಬಹುದು

ಕರ್ನಾಟಕದ ರಾಜಧಾನಿ ಬೆಂಗಳೂರಿನಲ್ಲಿಯೇ ಕನ್ನಡ ಮಾತನಾಡುವವರ ಸಂಖ್ಯೆ ಸದ್ಯಕ್ಕೆ ಕೇವಲ ಶೇ 20 ರಷ್ಟು ಆಗಿ ಹೋಗಿ ಅನ್ಯಭಾಷಿಕರೇ ಹೆಚ್ಚಾಗಿ ಹೋಗಿದ್ದಾರೆ. ಚಿಕ್ಕಪೇಟೆ, ಬಳೇಪೇಟೆ, ಅಕ್ಕಿಪೇಟೆ ಮಾರ್ವಾಡಿಗರ ಪಾಲಾದರೆ, ಹಲಸೂರು, ಬೆಂಗಳೂರು ದಂಡು ತಮಿಳರ ಪಾಲಾಗಿದ್ದರೆ, ಕೋರಮಂಗಲ, ಹೊಸೂರು ರಸ್ತೆ , ವೈಟ್ ಫೀಲ್ಡ್ ಪ್ರದೇಶಗಳಲ್ಲಿ ತೆಲುಗರದ್ದೇ ಪ್ರಾಭಲ್ಯ. ಇನ್ನು ಮಲೆಯಾಳಿಗಳು ಮತ್ತು ಉರ್ದು ಭಾಷಿಕರು ನಗರಾದ್ಯಂತ ಹಂಚಿಹೋಗಿದ್ದು ಅವರ ಮಧ್ಯೆ ಮರುಭೂಮಿಯಲ್ಲಿ ನೀರು ಸಿಕ್ಕಂತೆ ಅಲ್ಪ ಸ್ವಲ್ಪ ಕನ್ನಡಿಗರನ್ನು ಕಾಣುವಂತಾಗಿದೆ. 60-70ರ ದಶಕದ ಆನಕೃ ಮತ್ತು ಮ ರಾಮಮೂರ್ತಿಗಳ ಕಾಲದಿಂದಲೂ ಹಿಡಿದು ಇಂದಿಗೂ ಸಹಾ ಬೆಂಗಳೂರಿನಲ್ಲಿ ಕನ್ನಡ ಸಿನಿಮಾ ಪ್ರದರ್ಶನಕ್ಕೆ ಹೋರಾಟ ಮಾಡಲೇ ಬೇಕಿದೆ. ಇಂದಿಗೂ ಬಸ್, ಮಾಲ್ ಮತ್ತು ಪಬ್ಗಳಲ್ಲಿ ಕನ್ನಡದ ಚಿತ್ರಗೀತೆಗಳು ಮರೀಚಿಕೆಯೇ ಆಗಿದೆ. ಬೆಂಗಳೂರಿನ 26 ವಿಧಾನಸಭಾ ಸದಸ್ಯರುಗಳಲ್ಲಿ ಹೆಚ್ಚಿನವರು ಅನ್ಯಭಾಷಿಗರೇ ಆಗಿದ್ದಾರೆ. ಅವರಲ್ಲಿ ಕೆಲವರಿಗೆ ಇನ್ನೂ ಸಹಾ ಸರಿಯಾಗಿ ಕನ್ನಡ ಮಾತನಾಡುವುದಕ್ಕೂ ಬರುವುದಿಲ್ಲ. ಮೊದಲು ಈ ವಿಷಯಗಳ ಬಗ್ಗೆ ಆದ್ಯತೆ ಕೊಟ್ಟು ಅಯಕಟ್ಟಿನ ಪ್ರದೇಶಗಳಲ್ಲಿ ಉನ್ನತ ಅಧಿಕಾರಗಳಲ್ಲಿ ಕನ್ನಡಿಗರನ್ನು ಆಯ್ಕೆಮಾಡದೇ, ಸುಖಾ ಸುಮ್ಮನೆ ಒಂದು ದಿನದ ಬಂದ್ ಮಾಡಿ ರಾಜ್ಯಕ್ಕೆ ಸಾವಿರಾರು ಕೋಟಿ ರೂಪಾಯಿಗಳ ನಷ್ಟವಾಗುವಂತೆ ಮಾಡಿ, ಜನ ಜೀವನ ಅಸ್ತವ್ಯಸ್ತ ಮಾಡುವುದರ ಮೂಲಕ ಏನನ್ನೂ ಸಾಧಿಸಲು ಸಾಧ್ಯವಿಲ್ಲ. 2019ರಲ್ಲಿ ನಡೆದ ಸುಮಾರು 10-12 ಬಂದ್ ಗಳಿಂದ ಬಂದ್ ಕರೆ ನೀಡಿದ ಸಂಘಟನೆಗಳು ಉದ್ದಾರವಾದವೇ ಹೊರತು ರಾಜ್ಯದ ಭಾಷೆ, ಜಲ ನೆಲ ಸಂಸ್ಕೃತಿಗಳಿಗೆ ಲಾಭಕ್ಕಿಂತ ನಷ್ಟವೇ ಹೆಚ್ಚಾಯಿತು.

b2

ನಿಜಕ್ಕೂ ಬೇಸರ ತರಿಸುವ ಸಂಗತಿಯೇನೆಂದರೆ, ಒಂದೆರಡು ಸಂಘಟನೆಗಳ ಹೊರತಾಗಿ ಬಹುತೇಕ ಕನ್ನಡಪರ ಸಂಘಗಳ ಹುಟ್ಟು ಆಯಾಯಾ ನಾಯಕರ ಹೊಟ್ಟೇ ಪಾಡಿಗಾಗಿಯೇ ಆಗಿರುತ್ತದೆ. ಈ ನಾಯಕರು ತಮ್ಮ ಅಸ್ಥಿತ್ವಕ್ಕಾಗಿ ಮತ್ತು ಅಗ್ಗದ ದಿಢೀರ್ ಪ್ರಚಾರಕ್ಕಾಗಿ ಈ ರೀತಿಯ ಮುಷ್ಕರಗಳನ್ನು ಆಗ್ಗಿಂದ್ದಾಗ್ಗೆ ಕನ್ನಡದ ಹೆಸರಿನಡಿ ಮಾಡುವುದು, ಅನ್ಯಭಾಷಿಕರನ್ನು ಹೆದರಿಸಿ ಬೆದರಿಸುತ್ತಾ ರೋಲ್ ಕಾಲ್ ಮಾಡುವುದು ಇಲ್ಲವೇ ಯಾವುದಾದರೂ ಸಂಧಾನ (settlement) ಮಾಡಿಸುವ ಮೂಲಕ ಹಣ ಮಾಡುವುದಕಷ್ಟೇ ಸೀಮಿತವಾಗಿದ್ದು ಇವರಿಂದ ಕನ್ನಡಕ್ಕೆ ಒಂದು ನಯಾಪೈಸೆಯೂ ಲಾಭವಿಲ್ಲ ಎನ್ನುವುದು ಜಗಜ್ಜಾಹೀರಾತಾಗಿದೆ. ಕನ್ನಡದ ಹೆಸರಿನಲ್ಲಿ, ಪಾಪದ ಕುರಿ, ಕೋಳಿ, ಹಂದಿ, ನಾಯಿ, ಎಮ್ಮೆ, ಹಸುಗಳನ್ನು ಅಸಹ್ಯಕರವಾಗಿ ಪ್ರತಿಭಟನೆಗೆ ಬಳೆಸಿಕೊಳ್ಳುವ ಮೂಲಕ ಜನರ ಮುಂದೆ ನಗೆಪಾಟಲಾಗಿರುವುದು ಎಲ್ಲರಿಗೂ ತಿಳಿದ ವಿಷಯವಾಗಿದೆ.

ಹಾಗಂದ ಮಾತ್ರಕ್ಕೆ ಪ್ರತಿಭಟನೆ ಮಾಡಬಾರದು ಎಂದಲ್ಲ.ಅದಕ್ಕೆ ವಿರೋಧವನ್ನೂ ಮಾಡುತ್ತಿಲ್ಲ. ಡಾ. ಸರೋಜಿನಿ ಮಹಿಷಿ ವರದಿ‌ ಸಂಪೂರ್ಣವಾಗಿ ರಾಜ್ಯದಲ್ಲಿ ಜಾರಿಗೆಯಾಗಿ ಕನ್ನಡದ ನೆಲದ ಉದ್ಯೋಗಗಳಲ್ಲಿ ಕನ್ನಡಿಗರಿಗೆ ಆದ್ಯತೆ ಸಿಗಲೇ ಬೇಕು.

  • ಬಂದ್ ಮಾಡಿ ರಾಜ್ಯದ ಬೊಕ್ಕಸಕ್ಕೆ ಸಾವಿರಾರು ಕೋಟಿ ನಷ್ಟ ಮಾಡುವ ಬದಲು ಸಾಥ್ವಿಕವಾಗಿ ಹೋರಾಡ ಬಹುದಲ್ಲವೇ?
  • ಕನ್ನಡ ಪರ ಹೋರಾಟಗಾರರಿಗೆ ನಿಜಕ್ಕೂ ಕನ್ನಡಿಗರಿಗೆ ಕೆಲಸಕೊಡಿಸುವ ಉಮೇದು ಇದ್ದಲ್ಲಿ ಪ್ರತೀ ಸಂಘಟನೆಗಳು ಕನ್ನಡ ಶಾಲೆಗಳನ್ನು ದತ್ತು ಪಡೆದು ಕನ್ನಡಿಗರ ಮಕ್ಕಳಿಗೆ ಉತ್ತಮ ಶಿಕ್ಷಣ ದೊರೆತು ಅರ್ಹತೆಯ ಆಧಾರದಲ್ಲಿಯೇ ಉತ್ತಮ ಕೆಲಸ ಸಿಗುವಂತೆ ಮಾಡಬಹುದಲ್ಲವೇ?
  • ಎಲ್ಲರಿಗೂ ಸರ್ಕಾರವೇ ನೌಕರಿ ಕೊಡಬೇಕು ಮತ್ತು ಅದರಲ್ಲೂ ಮೀಸಲಾತಿ ಕೊಡಬೇಕು ಎಂದು ಕನ್ನಡಿಗರನ್ನು ಪರಾವಲಂಭಿಯರನ್ನಾಗಿ ಮಾಡುವ ಬದಲು ಇದೇ ಕನ್ನಡಪರ ಸಂಘಟನೆಗಳು ಕನ್ನಡಿಗರಿಗೆ ಸ್ವ-ಉದ್ಯೋಗವನ್ನು ಆರಂಭಿಸುವಂತಹ ತರಭೇತಿಗಳನ್ನು ನೀಡುವುದು ಮತ್ತು ಅವರಿಗೆ ಆರ್ಥಿಕ ಸಹಾಯ ಮಾಡುವುದರ ಮೂಲಕ ಸ್ವಾವಲಂಭಿಗಳನ್ನಾಗಿ ಮಾಡಬಹುದಲ್ಲವೇ?

ಮತ್ತೊಮ್ಮೆ ಹೇಳುತ್ತೇನೆ. ಕರ್ನಾಟಕದಲ್ಲಿ ಕನ್ನಡಿಗರೇ ಸಾರ್ವಭೌಮರು. ಸಾರ್ವಭೌಮರು ಯಾವಾಗಲೂ ಕೊಡುಗೈ ದಾನಿಗಳಾಗಿರುತ್ತಾರೆಯೇ ಹೊರತು ಎಂದೂ ಯಾರ ಬಳಿಯಲ್ಲಿಯೂ ದೈನೇಸಿಯಾಗಿ ಕೈಚಾಚುವುದಿಲ್ಲ. ಹಾಗಾಗಿ ಸುಮ್ಮನೆ ಕನ್ನಡಿಗರಿಗೆ ಉದ್ಯೋಗದಲ್ಲಿ ಮೀಸಲಾತಿ ಎಂದು ರಾಜ್ಯಾದ್ಯಂತ ಬಂದ್ ಮಾಡುವ/ಮಾಡಿಸುವ ಬದಲು ತಮ್ಮ ಸ್ವಸಾಮರ್ಥ್ಯದಿಂದಲೇ ರಾಜಮಾರ್ಗವಾಗಿ ಕೆಲಸ ಗಿಟ್ಟಿಸುಕೊಳ್ಳುವಂತಾದರೆ ಕನ್ನಡಿಗರಿಗೇ ಹೆಮ್ಮೆಯಲ್ಲವೇ?

ಏನಂತೀರೀ?

ಕೃಷ್ಣಪ್ಪ ಗೌತಮ್

ಯಾವುದೇ ಕ್ಷೇತ್ರದಲ್ಲಿ, ಯಾರಾದರೂ ಮಹತ್ತರ ಸಾಧನೆ ಮಾಡಿದಲ್ಲಿ ಅದನ್ನು ಆ ಕೂಡಲೇ ನಾಲ್ಕಾರು ಜನ ಗಮನಿಸಿ ಅವರ ಬಗ್ಗೆ ಸ್ಪೂರ್ತಿದಾಯಕವಾಗಿ ಪ್ರೋತ್ಸಾಹಕರ ಮಾತುಗಳನ್ನು ಆಡಿದಲ್ಲಿ, ಆ ಸಾಧನೆ ಮಾಡಿದವರಿಗೆ ಉತ್ತೇಜನ ದೊರೆತು ಮತ್ತಷ್ಟೂ ಉತ್ತಮವಾದ ಸಾಧನೆ ಮಾಡುವ ಹುಮಸ್ಸು ಮೂಡುತ್ತದೆ. ದುರದೃಷ್ಟವಶಾತ್, ಭಾರತ ಮತ್ತು ವೆಸ್ಟ್ ಇಂಡೀಸ್ ಮತ್ತು ಆಸ್ಟ್ರೇಲಿಯಾ ಮತ್ತು ಇಂಗ್ಲೆಂಡ್ ನಡುವಿನ ಟೆಸ್ಟ್ ಪಂದ್ಯಾವಳಿಗಳೇ ಅತ್ಯಂತ ಮಹತ್ವ ಪಡೆದದ್ದಕ್ಕೋ ಇಲ್ಲವೇ ಕರ್ನಾಟಕ ರಾಜ್ಯ ಕ್ರಿಕೆಟ್ ಅಸೋಸಿಯೇಷನ್ ನಿರ್ಲಕ್ಷದ ಪರಿಣಾಮವಾಗಿಯೋ ಇತ್ತೀಚೆಗೆ ಕರ್ನಾಟಕ ರಾಜ್ಯ ಕ್ರಿಕೆಟ್ ತಂಡ ಕಂಡ ಅತ್ಯುತ್ತಮ ಬೌಲಿಂಗ್  ಕೃಷ್ಣಪ್ಪ ಗೌತಮ್ ಅವರ ಅತೀ ದೊಡ್ಡ ಸಾಧನೆ ಯಾರಿಗೂ ಅಷ್ಟಾಗಿ ತಿಳಿಯದೇ ಹೋದದ್ದು ನಿಜಕ್ಕೂ ವಿಷಾಧನೀಯ ಮತ್ತು ಒಬ್ಬ ಕ್ರೀಡಾಪಟುವಿಗೆ ಮಾಡಿದ ಅವಮಾನವೇ ಸರಿ. ಬಹುತೇಕ ವೃತ್ತಪತ್ರಿಕೆಗಳು ತಮ್ಮ ಕ್ರೀಡಾ ಪೇಜಿನಲ್ಲಿ ಸಣ್ಣದಾಗಿ ಇದರ ಬಗ್ಗೆ ಮಾಹಿತಿ ಒದಗಿಸಿದರೆ, ದೃಶ್ಯ ಮಾಧ್ಯಮದಲ್ಲಿ ಇದು ಬಹು ದೊಡ್ಡ ಸುದ್ದಿಯಾಗದೇ ಹೋದದ್ದು ನಿಜಕ್ಕೂ ದುಃಖಕರ. ಟಿ 20 ಪಂದ್ಯಗಳು ಎಂದರೆ ಹೊಡಿ ಬಡೀ ಆಟಕ್ಕೆ ಪ್ರಸಿದ್ಧಿಯಾಗಿವೆ. ಸಿಕ್ಕ ಅವಕಾಶಗಳಲ್ಲಿ ಸಾಕಷ್ಟು ರನ್ ಗಳಿಸಬೇಕು. ಮತ್ತು ಬೋಲಿಂಗ್ ಮಾಡುವಾಗ ಹೆಚ್ಚು ರನ್ ಕೊಡದೇ ಆದಷ್ಟೂ ವಿಕೆಟ್ ಕೀಳಬೇಕು. ಬೋಲರ್ ಆಗಿ ಮೂರ್ನಾಲ್ಕು ವಿಕೆಟ್ ತೆಗೆದರೆಂದರೆ ಅದು ಬ್ಯಾಟ್ಸ್ಮನ್ ಶತಕ ಗಳಿಸಿದ ಹಾಗೆ. ಇಲ್ಲಿ ಬ್ಯಾಟಿಂಗ್ನಲ್ಲಿ ಶತಕ ಬಾರಿಸಿದ್ದಲ್ಲದೇ ಬೋಲಿಂಗ್ನಲ್ಲಿ 8 ವಿಕೆಟ್ ಪಡೆದು ಡಬಲ್ ಸೆಂಚುರಿ ಹೊಡೆದ ಹಾಗಿದೆ. ಒಟ್ಟಿನಲ್ಲಿ ಕೆ. ಗೌತಮ್ ಇದೊಂದೇ ಟಿ 20 ಪಂದ್ಯದಲ್ಲಿ ತ್ರಿಶತಕ ಬಾರಿಸಿದಂತಿದೆ.

gautam2
2008 ರಲ್ಲಿ T20 ಐಪಿಎಲ್ ಟೂರ್ನಿ ಆರಂಭವಾದ ಒಂದು ವರ್ಷದ ನಂತರ ಮೈಸೂರಿನ ಕಟ್ಟ ಕಡೆಯ ಯುವರಾಜ ದಿ. ಶ್ರೀಕಂಠದತ್ತ ನರಸಿಂಹರಾಜ ಒಡೆಯರ್ ಅವರ ಕನಸಿನ ಕೂಸಾಗಿ ಕರ್ನಾಟಕದ ಪ್ರತಿಭೆಗಳಿಗೆ ಸೂಕ್ತವಾದ ವೇದಿಕೆಯನ್ನು ಒದಗಿಸಲು ಕರ್ನಾಟಕ ಪ್ರೀಮಿಯರ್ ಲೀಗ್ ಟಿ 20 ಲೀಗ್‌ ಆರಂಭಿಸಲಾಯಿತು. ಮಧ್ಯದಲ್ಲಿ ಒಂದೆರಡು ವರ್ಷ ಕುಂಟುತ್ತಾ ಸಾಗಿದರೂ ರಾಜ್ಯದ ನಾನಾ ಪ್ರಾಂತದ ಗ್ರಾಮೀಣ ಪ್ರತಿಭೆಗಳನ್ನು ಗುರುತಿಸಿ ಅವರನ್ನು ಮುಖ್ಯ ವಾಹಿನಿಗೆ ತರುವಲ್ಲಿ ಕೆಪಿಎಲ್ ಅತ್ಯಂತ ಪ್ರಮುಖ ಪಾತ್ರವಹಿಸಿದೆ. ಕೆಪಿಎಲ್ ಕರ್ನಾಟಕದ ಒಳನಾಡಿನ ಕಚ್ಚಾ ಪ್ರತಿಭೆಗಳಿಗೆ ಒಂದು ಉತ್ತಮ ವೇದಿಕೆಯಾಗಿ ಪರಿಣಮಿಸಿದೆ ಮತ್ತು ಅವರ ಕೌಶಲ್ಯಗಳನ್ನು ದೊಡ್ಡ ವೇದಿಕೆಯಲ್ಲಿ ಪ್ರದರ್ಶಿಸಲು ಸಹಕಾರಿಯಾಗಿದೆ. ಪ್ರಸ್ತುತ ಕರ್ನಾಟಕ ರಾಜ್ಯದ ಅನೇಕ ಪ್ರತಿಭಾವಂತ ಕ್ರಿಕೆಟಿಗರು ಕೆಪಿಎಲ್ನಲ್ಲಿ ತೋರಿದ ಸಾಧನೆಯಿಂದಾಗಿ ರಾಜ್ಯ, ಐಪಿಎಲ್ ಮತ್ತು ದೇಶದ ಇತರೇ ತಂಡಗಳಿಗೆ ಆಯ್ಕೆಯಾಗಿ ತಮ್ಮಲ್ಲಿರುವ ಪ್ರತಿಭೆಯನ್ನು ಜಗಜ್ಜಾಹೀರಾತು ಮಾಡಿದ್ದಾರೆ.

ಕಳೆದ ಗುರುವಾರ ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಶಿವಮೊಗ್ಗ ಲಯನ್ಸ್ ಮತ್ತು ಬಳ್ಳಾರಿ ಟಸ್ಕರ್ಸ್‌ ವಿರುದ್ಧದ ಪಂದ್ಯದಲ್ಲಿ ಬಳ್ಳಾರಿ ಟಸ್ಕರ್ಸ್‌ ಪರವಾಗಿ ಒನ್ ಡೌನ್ ಬ್ಯಾಟ್ಸ್ಮನ್ ಆಗಿ ಕಣಕ್ಕಿಳಿದ ಕೆ. ಗೌತಮ್ ದೊರೆತ ಜೀವದಾನವನ್ನು ಸಂಪೂರ್ಣವಾಗಿ ಬಳೆಸಿಕೊಂಡು ಕೇವಲ 56 ಎಸೆತಗಳಲ್ಲಿ 13 ಸಿಕ್ಸರ್ ಮತ್ತು 7 ಬೌಂಡರಿಗಳನ್ನು ಒಳಗೊಂಡ ಕರ್ನಾಟಕ ಪ್ರೀಮಿಯರ್ ಲೀಗ್ ಇತಿಹಾಸದಲ್ಲಿ ಅತಿ ವೇಗದ ಶತಕವನ್ನು ಬಾರಿಸಿ ತಂಡದ ಮೊತ್ತ ಕೇವಲ 17 ಓವರಿನಲ್ಲಿ 203-3 ರನ್ ಗಳಿಸಲು ಸಹಕರಿಸಿದರು. ನಂತರ ಮತ್ತೆ ಒನ್ ಡೌನ್ ಬೋಲಿಂಗ್ ಮಾಡಿದ ಪ್ರತಿಭಾವಂತ ಆಲ್‌ರೌಂಡರ್ ಕೇವಲ 4 ಓವರ್ನಲ್ಲಿ 15 ಕೊಟ್ಟು 8 ವಿಕೆಟ್ ಪಡೆದು ಎದುರಾಳಿ ತಂಡವನ್ನು ಕೇವಲ 133 ರನ್ಗಳಿಗೆ ನಿಯಂತ್ರಿಸಿ 70 ರನ್ಗಳ ಜಯವನ್ನು ತಂದಿತ್ತಿದ್ದಾರೆ. ಟಿ 20 ಪಂದ್ಯಗಳಲ್ಲಿ ಅದೂ ಒಂದೇ ಪಂದ್ಯದಲ್ಲಿ ಈ ರೀತಿಯಾಗಿ ಶತಕ ಮತ್ತು 8 ವಿಕೆಟ್ ಪಡೆದ ಉದಾಹರಣೆ ಇಲ್ಲವೇ ಇಲ್ಲ. ಖಂಡಿತವಾಗಿಯೂ ಈ ಪ್ರದರ್ಶನ ಟಿ 20 ಕ್ರಿಕೆಟ್‌ನಲ್ಲಿ ಅತ್ಯುತ್ತಮವಾದ ಆಲ್ರೌಂಡರ್ ಪ್ರದರ್ಶನ ಎಂದು ದಾಖಲೆ ಪುಸ್ತಕ ಸೇರ ಬಹುತಾಗಿತ್ತು. ದುರದೃಷ್ಟವಶಾತ್ ಕರ್ನಾಟಕ ಪ್ರೀಮಿಯರ್ ಲೀಗ್ ಪಂದ್ಯಗಳನ್ನು ಟಿ 20 ಪಂದ್ಯಗಳು ಎಂದು ಮಾನ್ಯತೆ ಮಾಡದಿರುವ ಕಾರಣ ಇಂತಹದೊಂದು ಪ್ರದರ್ಶನ ಕ್ರಿಕೆಟ್ ಜಗತ್ತಿನಲ್ಲಿ ದಾಖಲೆಯಾಗದೆ ಕೇವಲ ಪೇಪರಿನಲ್ಲಿಯೇ ಉಳಿದು ಹೋದದ್ದು ನಿಜಕ್ಕೂ ದುರದೃಷ್ಟಕರ. ಟಿ 20 ಪಂದ್ಯಗಳು ಎಂದರೆ ಹೊಡಿ ಬಡೀ ಆಟಕ್ಕೆ ಪ್ರಸಿದ್ಧಿಯಾಗಿವೆ. ಸಿಕ್ಕ ಅವಕಾಶಗಳಲ್ಲಿ ಸಾಕಷ್ಟು ರನ್ ಗಳಿಸಬೇಕು. ಮತ್ತು ಬೋಲಿಂಗ್ ಮಾಡುವಾಗ ಹೆಚ್ಚು ರನ್ ಕೊಡದೇ ಆದಷ್ಟೂ ವಿಕೆಟ್ ಕೀಳಬೇಕು. ಬೋಲರ್ ಆಗಿ ಮೂರ್ನಾಲ್ಕು ವಿಕೆಟ್ ತೆಗೆದರೆಂದರೆ ಅದು ಬ್ಯಾಟ್ಸ್ಮನ್ ಶತಕ ಗಳಿಸಿದ ಹಾಗೆ. ಇಲ್ಲಿ ಬ್ಯಾಟಿಂಗ್ನಲ್ಲಿ ಶತಕ ಬಾರಿಸಿದ್ದಲ್ಲದೇ ಬೋಲಿಂಗ್ನಲ್ಲಿ 8 ವಿಕೆಟ್ ಪಡೆದು ಡಬಲ್ ಸೆಂಚುರಿ ಹೊಡೆದ ಹಾಗಿದೆ. ಒಟ್ಟಿನಲ್ಲಿ ಕೆ. ಗೌತಮ್ ಇದೊಂದೇ ಟಿ 20 ಪಂದ್ಯದಲ್ಲಿ ತ್ರಿಶತಕ ಬಾರಿಸಿದಂತಿದೆ.

ಬೆಂಗಳೂರಿನ ಒಂದು ಸಣ್ಣ ಪ್ರದೇಶದಲ್ಲಿ ಗಲ್ಲಿ ಕ್ರಿಕೆಟ್ ಆಡುತ್ತಿದ್ದ ಅಪ್ಪಟ ಕನ್ನಡಿಗ ಗೌತಮ್ ದೇಶದ ಆಫ್ ಸ್ಪಿನ್ ದಂತಕತೆ ಎರಪಲ್ಲಿ ಪ್ರಸನ್ನರವರ ಕಣ್ಣಿಗೆ ಬಿದ್ದು ಅವರ ಗರಡಿಯಲ್ಲಿ ಆಫ್ ಸ್ಪಿನ್ ಬೋಲಿಂಗ್ ಕರಗತ ಮಾಡಿಕೊಂಡರು. ಹರ್ಭಜನ್ ಸಿಂಗ್ ಅವರ ಅಪ್ಪಟ ಅಭಿಮಾನಿಯಾದ ಗೌತಮ್ ಅವರ ಬೋಲಿಂಗ್ ಶೈಲಿಯನ್ನೇ ಅನುಕರಿಸುತ್ತಾರೆ. ಕೇವಲ ಬಲಗೈ ಆಫ್ ಸ್ಪಿನ್ನರ್ ಆಗಿರದೆ, ಮಧ್ಯಮ ಅಥವಾ ಕೆಳ ಕ್ರಮಾಂಕದಲ್ಲಿ ಅತ್ಯಂತ ರಭಸವಾಗಿ ಬ್ಯಾಟ್ ಬೀಸಿ ಅತ್ಯಂತ ತ್ವರಿತವಾಗಿ ರನ್ ಗಳಿಸಬಲ್ಲ ಬಲಗೈ ಬ್ಯಾಟ್ಸ್ಮನ್. 2008ರಲ್ಲಿ ಬೆಂಗಳೂರಿನಲ್ಲಿ ಆಸ್ಟ್ರೇಲಿಯಾ ವಿರುದ್ದದ ಪಂದ್ಯದಲ್ಲಿ ಸ್ಪಿನ್ ಅಭ್ಯಾಸಕ್ಕಾಗಿ ನೆಟ್ ಪ್ರಾಕ್ಟೀಸ್ ಬೋಲರ್ ಆಗಿ ಕರೆಯಲ್ಪಟ್ಟ ಗೌತಮ್ ಅಲ್ಲಿಂದ ಹಿಂದಿರುಗೆ ನೋಡಲೇ ಇಲ್ಲ. ಕಿರಿಯರ ಮಟ್ಟದಲ್ಲಿ ರಾಜ್ಯ ತಂಡಕ್ಕೆ ಸ್ಥಾನಗಿಟ್ಟಿಸಿ ನಂತರ 2012 ರಲ್ಲಿ ತಮ್ಮ 24ನೇ ವಯಸ್ಸಿಗೆ ಕರ್ನಾಟಕ ಪರ ಉತ್ತರಪ್ರದೇಶದ ವಿರುದ್ಧ ರಣಜಿ ಪಂದ್ಯಾವಳಿಯ ಮೂಲಕ ಪ್ರಥಮ ದರ್ಜೆ ಕ್ರಿಕೆಟ್ಗೆ ಪಾದಾರ್ಪಣೆ ಮಾಡಿ ಆ ಪಂದ್ಯದಲ್ಲಿ ಹೆಚ್ಚಿನ ಸಾಧನೆ ಮಾಡದೇ ಕೇವಲ 2 ವಿಕೆಟ್ ಪಡೆದರು. ಕರ್ನಾಟಕ ರಾಜ್ಯದಲ್ಲಿ ಕ್ರಿಕೆಟ್ ಪ್ರತಿಭೆಗಳ ಕಣಜವಾಗಿರುವ ಕಾರಣ, ಈ ಸಾಧನೆ ಸಾಲದಾಗದೇ ತಂಡದಿಂದ ಕೈ ಬಿಡಲ್ಪಟ್ಟರು.

ರಾಜ್ಯತಂಡದಿಂದ ಕೈ ಬಿಡಲ್ಪಟ್ಟರೂ, ಎದೆ ಗುಂದದೆ, ಧೈರ್ಯ ಗೆಡದೆ ತಮ್ಮ ಸತತ ಪರಿಶ್ರಮವನ್ನು ಮುಂದುವರಿಸಿ 2016ರ ಕೆಪಿಎಲ್ ನಲ್ಲಿ ಅತ್ಯತ್ತಮ ಪ್ರದರ್ಶನ ನೀಡಿದ ಪರಿಣಾಮವಾಗಿ ರಾಜ್ಯ ತಂಡಕ್ಕೆ ಮತ್ತೊಮ್ಮೆ 2016ರಲ್ಲಿ ಪುರರಾಯ್ಕೆಗೊಂಡರು. ಆ ಋತುವಿನಲ್ಲಿ 27 ವಿಕೆಟ್ ಕಬಳಿಸುವ ಮೂಲಕ ಕರ್ನಾಟಕದ ಪರ ಪ್ರಮುಖ ಸ್ಪಿನ್ ಬೋಲರ್ ಆಗಿ ರೂಪುಗೊಂಡು ರಾಷ್ಟ್ರೀಯ ಆಯ್ಕೆಗಾರ ಕಣ್ಣಿಗೆ ಬಿದ್ದು ಆಸ್ಟ್ರೇಲಿಯಾ ವಿರುದ್ಧದ ಪ್ರವಾಸ ಪಂದ್ಯಕ್ಕಾಗಿ ಭಾರತದ ಎ ತಂಡಕ್ಕೆ ಆಯ್ಕೆಯಾಗಿ ಕೊಟ್ಟ ಆವಕಾಶವನ್ನು ಎರಡೂ ಕೈಗಳಿಂದ ಬಾಚಿಕೊಂಡು ಕೇವಲ 68 ಎಸೆತಗಳಲ್ಲಿ 74 ರನ್ ಗಳಿಸಿ ಎಲ್ಲರ ಮೆಚ್ಚುಗೆಗೆ ಪಾತ್ರರಾದರು.

gautam4

ತದನಂತರ ಕರ್ನಾಟಕ ಕ್ರಿಕೆಟ್ ತಂಡದ ಖಾಯಂ ಸದಸ್ಯರಾಗಿ ತಮ್ಮ ಆಲ್ರೌಂಡರ್ ಪ್ರದರ್ಶನದಿಂದ ಅನೇಕ ಪಂದ್ಯಗಳನ್ನು ಗೆಲ್ಲಿಸುವುದರಲ್ಲಿ ಮಹತ್ತರ ಪಾತ್ರವಹಿಸಿದರು. ಆರಂಭಿಕ ಮತ್ತು ಮಧ್ಯಮ ಕ್ರಮಾಂಕದ ಆಟಗಾರರು ವಿಫಲದಾದರೂ ಕೆಳ ಕ್ರಮಾಂಕದ ಆಟಗಾರರನ್ನು ಹುರಿದುಂಬಿಸುತ್ತ ತಮ್ಮ ಬಿರುಸಾದ ಬ್ಯಾಟಿಂಗ್ನಿಂದ ಅನೇಕ ಪಂದ್ಯಗಳನ್ನು ಗೆಲ್ಲಿಸಿಕೊಟ್ಟಿದ್ದಾರಲ್ಲದೇ, ತಮ್ಮ ಪರಿಣಾಮಕಾರಿ ಬೋಲಿಂಗ್ನಿಂದಾಗಿ ಎದುರಾಳಿಗಳಲ್ಲಿ ನಡುಕು ಹುಟ್ಟಿಸಿ ಸೋಲಬಹುದಾಗಿದ್ದ ಅಥವಾ ಡ್ರಾ ಆಗಬಹುದಾಗಿದ್ದ ಪಂದ್ಯಗಳನ್ನು ರೋಚಕವಾಗಿ ಗೆಲ್ಲಿಸಿಕೊಡುವುದರಲ್ಲಿ ಪ್ರಮುಖ ಪಾತ್ರವಹಿಸಿದ್ದಾರೆ ಗೌತಮ್.

ಇಂತಹ ಅನರ್ಘ್ಯ ಪ್ರತಿಭಾ ಗಣಿಯನ್ನು 2017 ರಲ್ಲಿ ಮುಂಬೈ ಇಂಡಿಯನ್ಸ್ ಅತ್ಯಂತ ಆಶ್ಚರ್ಯಕರವಾಗಿ ಅತ್ಯಂತ ಹೆಚ್ಚಿನ ಬೆಲೆಗೆ ಖರೀದಿತಾದರೂ ಇಡೀ ಐಪೆಲ್ ಪಂದ್ಯವಳಿಗಳಲ್ಲಿ ಅವರನ್ನು ಯಾವುದೇ ಪಂದ್ಯಗಳಲ್ಲಿ ಆಡಿಸದೆ, ಅವರ ಪ್ರತಿಭಾ ಪ್ರದರ್ಶನಕ್ಕೆ ತಣ್ಣೀರೆರಚಿತು. ಆದರೆ 2018ರ ಐಪಿಎಲ್ ಹರಾಜಿನಲ್ಲಿ ಕ್ರಿಕೆಟ್ ಜಗತ್ತಿನ ಗೋಡೆ ಎಂದೇ ಹೆಸರುವಾಸಿಯಾಗಿರುವ ನಮ್ಮ ರಾಜ್ಯದವರೇ ಆದ ರಾಹುಲ್ ದ್ರಾವಿಡ್ ರಾಜಸ್ಥಾನ್ ರಾಯಲ್ಸ್ ಪರ ಗೌತಮ್ ಅವರನ್ನು ಸಮಂಜಸವಾದ ದರದಲ್ಲಿ ಖರೀದಿಸಿ ಐಪಿಎಲ್‌ನಲ್ಲಿ ಪಾದಾರ್ಪಣೆ ಮಾಡಿಸಿದರು. ಆಡಿದ ಮೊದಲ ಪಂದ್ಯದಿಂದಲೇ ಪ್ರಬುದ್ಧ ಬ್ಯಾಟಿಂಗ್ ಮತ್ತು ಬೋಲಿಂಗ್ ಮಾಡಿದ ಪರಿಣಾಮವಾಗಿ ತಂಡದ ಪ್ರಮುಖ ಆಟಗಾರನಾಗಿ ಗುುರುತಿಸಲ್ಪಟ್ಟಿದ್ದಾರೆ ಮತ್ತು ಮಂದಿನ ದಿನಗಳಲ್ಲಿ ಇನ್ನೂ ಹೆಚ್ಚಿನ ಸಾಧನೆಗಳನ್ನು ಮಾಡುವ ಭರವಸೆಯನ್ನು ಮೂಡಿಸಿದ್ದಾರೆ ಎಂದರೆ ಅತಿಶಯೋಕ್ತಿಯೇನಲ್ಲ.

ತಮ್ಮ ಆಲ್ರೌಂಡ್ ಪ್ರದರ್ಶನದಿಂದಾಗಿ, ರಾಜ್ಯ ತಂಡಕ್ಕಿಂತ ಇಂಡಿಯಾ ಎ, ಭಾರತದ ಇತರೇ ತಂಡ, ಇಂಡಿಯಾ ರೆಡ್, ಗ್ರೀನ್, ಅಧ್ಯಕ್ಷರ ಇಲೆವೆನ್ ಹೀಗೆ ಒಂದಲ್ಲಾ ಒಂದು ತಂಡಕ್ಕೆ ಸತತವಾಗಿ ಆಯ್ಕೆಯಾಗುತ್ತಿದ್ದರೂ ನಿರಂತವಾಗಿ ಸ್ಥಿರ ಪ್ರದರ್ಶನ ನೀಡುವುದರಲ್ಲಿ ಯಾಕೋ ಸ್ವಲ್ಪ ಎಡವುತ್ತಿರುವುದು ರಾಜ್ಯ ಕ್ರೀಡಾಸಕ್ತರಲ್ಲಿ ಆತಂಕವನ್ನು ಉಂಟು ಮಾಡಿದೆ. ಬಹುಶಃ ಈ ಅತ್ಯುತ್ತಮ ಆಲ್ರೌಂಡ್ ಪ್ರದರ್ಶನದಿಂದ ಮತ್ತು ನಮ್ಮೆಲ್ಲರ ಪ್ರೋತ್ಸಾಹಕರ ಉತ್ತೇಜನದಿಂದ ಮತ್ತೊಮ್ಮೆ ತಮ್ಮ ಲಯ ಕಂಡು ಕೊಂಡು ಭಾರತದ ಪರ ಅಂತಾರಾಷ್ಟ್ರೀಯ ಪಂದ್ಯಾವಳಿಯಲ್ಲಿ ದೇಶದ ಕೀರ್ತಿಪತಾಕೆ ಹಾರಿಸುವಂತಾಗಲೀ ಎಂದು ಹಾರೈಸೋಣ.

ಏನಂತೀರೀ?