ತಿರುಪತಿ ಬೆಟ್ಟದ ನೈಸರ್ಗಿಕ ಶ್ರೀ ವೆಂಕಟೇಶ್ವರ ಸ್ವಾಮಿ

venk1ತಿರುಮಲ ತಿರುಪತಿ ಎಂದರೆ ಶ್ರೀ ವೆಂಕಟೇಶ್ವರಸ್ವಾಮಿ ದೇವಾಲಯವಿರುವ ಸ್ಥಳ ಎಂದಷ್ಟೇ ಬಹುತೇಕರ ಭಾವನೆಯಾಗಿದೆ. ಶ್ರೀ ವೆಂಕಟೇಶ್ವರ ಸ್ವಾಮಿಯ ದೇವಾಲಯವು ಅಲ್ಲಿನ ಪ್ರಧಾನ ಆಕರ್ಷಣೆಯೂ ಹೌದಾದರೂ ಅದರ ಹೊರತಾಗಿಯೂ ತಿರುಮಲ ಬೆಟ್ಟ ಹಾಗೂ ತಿರುಪತಿ ನಗರದ ಸುತ್ತ ಮುತ್ತ ಸಾಕಷ್ಟು  ರಮಣೀಯವಾದ ಸ್ಥಳಗಳು ಇದ್ದು ಅವುಗಳಲ್ಲಿ ಬಹುತೇಕರು ಗಮನಿಸದಿರದ ನೈಸರ್ಗಿಕ ವೆಂಕಟೇಶ್ವರ ಸ್ವಾಮಿ ಪ್ರತಿಮೆ ಇದೆ. ನಾವಿಂದು ಕುಳಿತಲ್ಲಿಂದಲೇ  ಆ ಸ್ವಾಮಿಯ ದಿವ್ಯ ದರ್ಶನವನ್ನು ಪಡೆಯೋಣ ಬನ್ನಿ.

ಧನುರ್ಮಾಸದಲ್ಲಿ ಕೇವಲ ಒಂದು ದಿನ ವಿಷ್ಣುವಿನನ್ನು ದರ್ಶನ ಮಾಡಿದಲ್ಲಿ ಅದು ಸಾವಿರ ದಿನ ದರ್ಶನ ಮಾಡಿದಷ್ಟು ಪುಣ್ಯ ಬರುತ್ತದೆ ಎಂಬ ನಂಬಿಕೆ ಅಸ್ತಿಕರಲ್ಲಿ ಇರುವ ಕಾರಣ, ಬಹುತೇಕರು ಧನುರ್ಮಾಸದಲ್ಲಿ ತಿರುಪತಿಗೆ ಹೋಗಿ ತಿಮ್ಮಪ್ಪನ ದರ್ಶನ ಮಾಡುತ್ತಾರೆ. ಅದರಲ್ಲೂ ವೈಕುಂಠ ಏಕದಶಿಯ ದಿನವಂತೂ ಕೇಳುವುದೇ ಬೇಡ. ತಿರುಮಲದಲ್ಲಿ ಒಂದು ಸೂಜಿಯಷ್ಟೂ ಜಾಗ ಇರದಂತಾಗಿರುತ್ತದೆ.  ಅದೆಷ್ಟೋ ಜನ ವಿವಿಧ ರಾಜ್ಯಗಳಿಂದ ವೈಕುಂಠ ಏಕಾದಶಿಯಂದು ತಲುಪುವ ಹಾಗೆ ಕಾಲ್ನಡಿಗೆಯಲ್ಲಿ ಪ್ರತೀ ವರ್ಷವೂ ತಿರುಪತಿಗೆ ಬರುವ ಸಂಪ್ರದಾಯವನ್ನೂ ಇಟ್ಟುಕೊಂಡಿದ್ದಾರೆ.   ನಾವು ಇಂದು ತಿಳಿಸಲು ಹೊರಟಿರುವ ನೈಸರ್ಗಿಕ ಶ್ರೀ ವೆಂಕಟೇಶ್ವರಸ್ವಾಮಿಯ ದರ್ಶನ  ವಾಹನಗಳಲ್ಲಿ ಹೋಗುವವರಿಗೆ ಕಾಣಸಿಗದೇ, ಭಕ್ತಿಯಿಂದ ಸ್ವಾಮಿಯ ಬೆಟ್ಟವನ್ನು ಹತ್ತುವ ಭಕ್ತಾದಿಗಳಿಗೆ ಈ ಸ್ವಾಮಿಯ ದರ್ಶನದ ಭಾಗ್ಯ ಕಾಣಸಿಗುತ್ತದೆ.

govindaಒಂದೊಂದೇ ಬೆಟ್ಟಗಳನ್ನು ದಾಟುತ್ತಾ ಅರ್ಧ ದಾರಿ ಕ್ರಮಿಸುತ್ತಿದ್ದಂತೆಯೇ ವಿಶಾಲವಾದ ಎತ್ತರೆತ್ತರದ ಬೆಟ್ಟ ಗುಡ್ಡಗಳು ಮತ್ತು ಕಾಡಿನ ಮಧ್ಯದಲ್ಲಿ ಬಂಡೆಗಳಲ್ಲಿ  ಯಾರೋ   ಸ್ವಾಮಿಯ ಮೂರ್ತಿಯನ್ನು ಕೆತ್ತಿರುವಂತೆ ಭಾಸವಾಗುತ್ತದಾದರೂ ಅದು ನೈಸರ್ಗಿಕವಾಗಿ ನಿರ್ಮಾಣವಾಗಿದೆ ಎನ್ನುವುದು ಸರಿ ಎನಿಸುತ್ತದೆ.  ಅತ್ಯಂತ ಕಡಿದಾದ ಬೆಟ್ಟದ ತುದಿಯಲ್ಲಿ ಬೆಳ್ಳಗಿನ  ಮೋಡಗಳ ಮಧ್ಯೆ ಇರುವ ಈ ಸ್ವಾಮಿಯ ಬಳಿ ಹೋಗುವುದೇ  ಒಂದು ಹರಸಾಹಸವೇ ಸರಿ.  ಇಷ್ಟೆಲ್ಲಾ ಕಷ್ಟಗಳ ನಡುವೆಯೂ ಭಕ್ತಾದಿಗಳು ಧೈರ್ಯದಿಂದ ಆ ಪ್ರದೇಶಕ್ಕೆ  ಹೋಗಿ, ಸೊಂಟಕ್ಕೆ  ಹಗ್ಗ ಕಟ್ಟಿಕೊಂಡು ಸ್ವಾಮಿಗೆ ಹಾರವನ್ನು ಹಾಕಿ ಹಾಲಿನಿಂದ ಅಭಿಷೇಕ ಮಾಡಿ ಪೂಜಿಸುವುದನ್ನು ನೋಡಿದರೇ ಎದೆ ಘಲ್ ಎನಿಸುವಂತಿರುವಾಗ ನಿಜವಾಗಿಯೂ  ಅಲ್ಲಿಗೆ ಹೋಗುವ ಭಕ್ತಾದಿಗಳಿಗೆ ನಿಜಕ್ಕೂ ಒಂದು ದೊಡ್ಡ  ನಮಸ್ಕಾರಗಳನ್ನು  ಹೇಳಲೇ ಬೇಕು.

ಹಬ್ಬ ಹರಿದಿನ ಮತ್ತು ವಿಶೇಷ ದಿನಗಳಲ್ಲಿ ಅದರಲ್ಲೂ ವೈಕುಂಠ ಏಕಾದಶಿಯಂದು ತಿರುಮಲದಲ್ಲಿ ವೆಂಕಟರಮಣನಿಗೆ ವಿಶೇಷ ಪೂಜೆಯನ್ನು ಸಲ್ಲಿಸಿದರೆ ಇಲ್ಲಿಯ ನೈಸರ್ಗಿಕ ಸ್ವಾಮಿಗೂ ಸಹಾ ನಾನಾ ವಿಧದಲ್ಲಿ ಅಲಂಕರಿಸಿ ಭಕ್ತಿ ಭಾವಗಳಿಂದ ಪೂಜೆ ಪುನಸ್ಕಾರಗಳನ್ನು ಮಾಡುವುದನ್ನು ವರ್ಣಿಸುವುದಕ್ಕಿಂತಲೂ ನೋಡಿದರೆ ಎದೆ ಝಲ್ ಎನಿಸುವುದಂತೂ ಸುಳ್ಳಲ್ಲಾ.  ಇನ್ನು  ಅಂತಹ ದುರ್ಗಮ ಪ್ರದೇಶಕ್ಕೆ ಹೋಗಲು ಸಾಧ್ಯವಾಗದವರು ಕೆಳಗಿನಿಂದಲೇ ಸ್ವಾಮಿಗೆ ಭಕ್ತಿಯಿಂದ ಪೂಜೆ ಮಾಡಿ ಸಕಲ ನೈವೇದ್ಯಗಳನ್ನು ಅರ್ಪಿಸಿ ಗೋವಿಂದ ಗೋವಿಂದ ಎಂದು ಭಗವಂತನ ನಾಮಸ್ಮರಣೆ ಮಾಡುವುದು ನಿಜಕ್ಕೂ ಕರ್ಣಾನಂದವೆನಿಸುತ್ತದೆ.

ಹಾಂ!! ಗೋವಿಂದ ಎಂಬ ನಾಮಸ್ಮರಣೆ ಕೇಳಿದಾಗ ಭಗವಾನ್ ವಿಷ್ಣುವಿಗೆ ಗೋವಿಂದೆ ಎಂಬ ಹೆಸರು ಹೇಗೆ ಬಂದಿತು ಎಂಬುದರ ಕುರಿತಾಗಿ ಇತ್ತೀಚೆಗೆ ವ್ಯಾಟ್ಸ್ಯಾಪಿನಲ್ಲಿ  ಓದಿದ ಒಂದು ಪ್ರಸಂಗ ನೆನಪಾಗಿ ಅದನ್ನೂ ಹೇಳೇ ಬಿಡ್ತೀನಿ.

ಎಲ್ಲರಿಗೂ ಗೊತ್ತಿರುವಂತೆ ಶಿವ ಅಭಿಷೇಕಪ್ರಿಯನಾದರೆ, ವಿಷ್ಣು ಅಲಂಕಾರ ಪ್ರಿಯ, ಅದೊಮ್ಮೆ ಶಿವ ಮತ್ತು ವಿಷ್ಣು ಹಾಗೇ ಲೋಕಾಭಿರಾಮವಾಗಿ ಹರಟುತ್ತಿರುವಾಗ, ಹೇ ಪರಮೇಶ್ವರ ನಾನು ಅತಲ, ಸುತಲ, ಪಾತಾಳ, ಬ್ರಹ್ಮಾಂಡ, ದೇವಲೋಕ, ಇಂದ್ರಲೋಕ ಎಲ್ಲವನ್ನೂ ನೋಡಿರುವೆನಾದರೂ, ನೀವಿರುವ  ಕೈಲಾಸವನ್ನು  ಒಮ್ಮೆಯೂ ನೋಡಿಲ್ಲ, ಹಾಗಾಗಿ ನನಗೆ ನಿಮ್ಮ ಕೈಲಾಸ ಪರ್ವತವನ್ನು  ನೋಡಬೇಕೆಂಬ  ಆಸೆ ಇದೆ ಎಂದು ವಿಷ್ಣು ಮಹೇಶ್ವರನನ್ನು ಕೇಳಿದಾಗ, ಕೇಳಿದವರಿಗೆ ಕೇಳಿದ್ದನ್ನು ಇಲ್ಲಾ  ಎಂದು ಕೊಡುವ ಕೊಡುಗೈ ದಾನಿ ಪರಮೇಶ್ವರ ಅರೇ ಅದಕ್ಕೇನಂತೇ, ನಾಳೆಯೇ  ನಾಳೆಯೇ ನಮ್ಮ ಕೈಲಾಸವನ್ನು ನೋಡಲು ಬರಬಹುದು ಎಂದು ಆಹ್ವಾನಿಸುತ್ತಾರೆ.

ಅದಾದ ನಂತರ ಪರ ಶಿವನು ಕೈಲಾಸಕ್ಕೆ ಹಿಂದಿರುಗಿ ತನ್ನ ಸೇವಕ ಬೃಂಗಿಯನ್ನು ಕರೆದು  ನಾಳೆ ಮಹಾವಿಷ್ಣುವು ನಮ್ಮ ಕೈಲಾಸಕ್ಕೆ ಬರುತ್ತಿದ್ದಾನೆ ಹಾಗಾಗಿ ಕೈಲಾಸವನ್ನು ಸ್ವಲ್ಪ ಸ್ವಚ್ಛಮಾಡಿ ಅಂದ ಚಂದವಾಗಿ ಇಡಲು ಸೂಚಿಸುತ್ತಾನೆ.

ಆದರೆ  ಬೆಟ್ಟಗುಡ್ಡಗಳಿಂದ ಆವೃತವಾಗಿರುವ ಆ ಕೈಲಾಸವನ್ನು ಹೇಗೆ ಸ್ವಚ್ಛ ಮಾಡುವುದು ಎಂಬುದನ್ನು ಅರಿಯದೇ, ಏನು ಮಾಡುವುದು ಎಂದು ದಿಗ್ಬ್ರಾಂತನಾಗಿರುವಾಗ, ಗೋಮಾತೆ  ಕಾಮಧೇನು ಅಲ್ಲಿ ಸಗಣಿಯನ್ನು” ಹಾಕಿ ಹೋಗುವುದನ್ನು ಗಮನಿಸುತ್ತಾನೆ. ಕೂಡಲೇ ಕೈಲಾಸದಲ್ಲಿರುವ  ಹೆಣ್ಣು ಮಕ್ಕಳನ್ನು ಕರೆದು, ಸುತ್ತಮುತ್ತಲೂ ಇದ್ದ ಸಗಣಿಯನ್ನು ಶೇಖರಿಸಿ ಆ ಸಗಣಿಯಿಂದಲೇ ಇಡೀ ಕೈಲಾಸವನ್ನು  ಸಾರಿಸಿ ಗುಡಿಸಿ  ರಂಗೋಲಿ ಹಾಕಿ ಅಲಂಕರಿಸಿ, ಹೆಬ್ಬಾಗಿಲಿಗೆ ತಳಿರು ತೋರಣದಿಂದ  ಸಿಂಗಾರಗೊಳಿಸುತ್ತಾನೆ.

ನಿಶ್ವಯದಂತೆ  ಮರುದಿನ ವೈಕುಂಠ ವಾಸಿ ಆಲಂಕಾರ ಪ್ರಿಯ ವಿಷ್ಣು ಕೈಲಾಸಕ್ಕೆ ಬರುವ ಮೊದಲು ಅಷ್ಟೈಶ್ವರ್ಯಗಳನ್ನು ಧರಿಸಿಕೊಂಡು  ಸುಗಂಧ ದ್ರವ್ಯಗಳಿಂದ.ಶಂಕು,ಚಕ್ರ ಗದ, ಪುಷ್ಪ, ಹಸ್ತಗಳಿಂದ ವಿರಾಜಿಸುತ್ತ ಗರುಡ ರೂಢನಾಗಿ  ಕೈಲಾಸಕ್ಕೆ ಬಂದಿಳಿಯುತ್ತಾನೆ.

ಕೈಲಾಸಕ್ಕೆ ಬಂದ ವಿಷ್ಣುವನ್ನು ಸ್ವಾಗತಿಸಲು ಶಿವನು ತನ್ನ ಗಣದೊಂದಿಗೆ ಬಂದು ಭವ್ಯವಾಗಿ ಸ್ವಾಗತಿಸಲು ಬಂದಾಗ, ಇದ್ದಕ್ಕಿದ್ದಂತೆಯೇ ವಿಷ್ಣುವಿಗೆ ಸುವಾಸನೆಯು ಮೂಗಿಗೆ ಬಡಿದು ಅರೇ, ಇಷ್ಟೊಂದು ಸುಗಂಧವಾದ ಪರಿಮಳ ಎಲ್ಲಿಂದ ಬಂತು ಎಂದು ಆಶ್ಚರ್ಯಚಕಿತನಾಗುತ್ತಾನೆ.

ಆದಕ್ಕೆ ಅಲ್ಲೇ ಇದ್ದ  ಬೃಂಗಿಯು ಸ್ವಾಮಿ ಇದು ಸುಗಂಧವಲ್ಲ ಇದು ಗೋವಿನ  ವಿಂದಾ  ಎನ್ನುತ್ತಾನೆ. ವಿಂದಾ  ಅಂದರೆ ಎಂದರೆ ಸಂಸ್ಕೃತದಲ್ಲಿ ಸಗಣಿ ಎಂದು ಅರ್ಥ. ಆ ಕೂಡಲೇ ಅಲ್ಲಿ ನೆರೆದಿದ್ದವರೆಲ್ಲರೂ ಜೋರು ಧ್ವನಿಯಲ್ಲಿ ಗೋವಿಂದಾ- ಗೋವಿಂದಾ- ಗೋವಿಂದ ಎನ್ನಲು  ಸಂತೋಷಗೊಂಡ ವೈಕುಂಠ ಪತಿಯಾದ ಶ್ರೀ ಮನ್ನಾರಾಯಣನು ಇದೇ ವೈಕುಂಠ, ಇದೇ ಕೈಲಾಸ ಎಂದು ಅಲ್ಲಿದ್ದ ಜನಗಳಿಗೆ ಆಶೀರ್ವಾದ ಮಾಡುತ್ತಾನೆ.

ಆಗ ಅಲ್ಲಿದ್ದ ಪರಶಿವನು ಇನ್ನು ಮುಂದೆ ನಿನ್ನ ಹೆಸರು ಗೋವಿಂದ ಎಂದಾಗಲಿ ಮತ್ತು ಯಾರು ಗೋವಿಂದ – ಗೋವಿಂದ ಎಂದು ನಿನ್ನನ್ನು ಭಜಿಸುತ್ತಾರೋ ಅವರಿಗೆ  ಮುಕ್ತಿ ಸಿಗಲಿ ಎಂದು ಹರಿಸುತ್ತಾನೆ. ಅಂದಿನಿಂದ  ದೇವಾನುದೇವತೆಗಳು ಮತ್ತು  ಇಡೀ ಜಗತ್ತೇ  ತಿರುಪತಿ ತಿಮ್ಮಪ್ಪನ ಪಾದಕ್ಕೆ ಗೋವಿಂದ ಗೋವಿಂದ ಎಂದು ಭಗವಂತನನ್ನು ಕೊಂಡಾಡುತ್ತಿದ್ದಾರೆ

ಹೇಗೋ ಕುಳಿತಲ್ಲಿಂದಲೇ ತಿರುಪತಿಯ ನೈಸರ್ಗಿಕವಾದ ವೆಂಕಟರಮಣಸ್ವಾಮಿಯ ದರ್ಶನವನ್ನು ಮಾಡಿದ್ದಲ್ಲದೇ ಗೋವಿಂದ ಎಂಬ ಹೆಸರು ಹೇಗೆ ಬಂದಿತು ಎಂಬ ಕಧನವನ್ನು ಕೇಳಿಯಾಯ್ತು. ಈಗ ಇನ್ನೇಕೆ ತಡಾ, ಈ ಸಾಂಕ್ರಾಮಿಕ ಮಹಾಮಾರಿ ಎಲ್ಲವೂ ಕಡಿಮೆ ಆದ ನಂತರ ತಿರುಪತಿಯಿಂದ ತಿರುಮಲಕ್ಕೆ ವಾಹನದಲ್ಲಿ ಹೋಗದೇ ಕಾಲ್ನಡಿಗೆಯಲ್ಲಿ ಮೆಟ್ಟಿಲುಗಳ ಮೂಲಕವೇ ಹೋಗಿ ಮಾರ್ಗದ ಮಧ್ಯದಲ್ಲಿ ಕಾಣಸಿಗುವ  ನೈಸರ್ಗಿಕ ವೆಂಕಟರಮಣಸ್ವಾಮಿಯ ದರ್ಶನವನ್ನು ಪಡೆದು  ಆದರ ಅನುಭವವನ್ನು ನಮ್ಮೊಂದಿಗೆ ಹಂಚಿಕೊಳ್ತೀರೀ ತಾನೇ?

ಏನಂತೀರಿ?

ನಿಮ್ಮವನೇ ಉಮಾಸುತ

ತಿರುಪತಿ ವೆಂಕಟರಮಣ ಸ್ವಾಮಿ ಪಾದಕ್ಕೆ  ಗೋವಿಂದಾ ಗೋವಿಂದಾ

ಆಟ ಇನ್ನೂ ಬಾಕೀ ಇದೆ.

ನೆನ್ನೆಯ ದಿನ ವೀಕೆಂಡ್ ಕರ್ಘ್ಯೂ ಇದ್ದ ಕಾರಣ ಸಾವಯವ ಸಂತೆಯನ್ನು ಬಂದ್, Online ಮುಖಾಂತರವೇ ಸಾಂಘೀಕ್ಕಿನಲ್ಲಿ ಭಾಗವಹಿಸಿ, ಆತ್ಮೀಯರ ಮಗನ ಮದುವೆಯಲ್ಲೂ Online ಮುಖಾಂತರ ಆಶೀರ್ವದಿಸಿ, ಮನೆಯ ಗೇಟಿನ ಹೊರಗೂ ಹೋಗದೇ ಪಟ್ಟಾಗಿ ಮನೆಯಲ್ಲಿಯೇ ಇರಲು ನಿರ್ಧರಿಸಿದ್ದೆ. ಸಮಯೋಚಿತವಾಗಿೆ ಚೆನ್ನಾಗಿ ಜೀರಿಗೆ, ಕಾಳುಮೆಣಸು, ಶುಂಠಿ ಮತ್ತು ಮನೆಯಲ್ಲೇ ಕಡೆದು ತೆಗೆದ ಬೆಣ್ಣೆಯ ತುಪ್ಪ ಹಾಕಿ ಮಾಡಿದ್ದ ನವಣೆ ಹುಗ್ಗಿ(ಪೊಂಗಲ್) ಜೊತೆಗೆ ಕಾಯಿ, ಕೊತ್ತಂಬರಿ ಮತ್ತು ಪುದಿನಾ ಹಾಕಿದ ಚೆಟ್ಟಿ ತಿಂದು ಸ್ವರ್ಗಕ್ಕೆ ಮೂರೇ ಗೇಣು ಎನ್ನುವಂತೆ ಅನಂದಿಸಿ ಹಾಗೂ ಹೀಗೂ ಮಧ್ಯಾಹ್ನ ಮತ್ತೆ ಆರೋಗ್ಯಕರವಾದ ನಿಂಬೇ ಸಾರಿನ ಊಟ ಮುಗಿಸಿ ಇನ್ನೇನು ಭುಕ್ತಾಯಾಸವನ್ನು ಪರಿಹರಿಸ್ಕೊಳ್ಳಬೇಕು ಎನ್ನುವಷ್ಟರಲ್ಲಿ ನನ್ನ ಮತ್ತು ನಮ್ಮಾಕಿಯ ಮೊಬೈಲ್ ಒಟ್ಟೊಟ್ಟಿಗೆ ರಿಂಗಣಿಸಿತು.

ಒಬ್ಬರ ಮಾತು ಮತ್ತೊಬ್ಬರಿಗೆ ತೊಂದರೆ ಆಗದಿರಲೆಂದು ಇಬ್ಬರೂ ಬೇರೆ ಬೇರೆ ಕೋಣೆಯಲ್ಲಿ ಕರೆ ಸ್ವೀಕರಿಸಿದರೂ ಆ ಕಡೆಯಿಂದ ಕೇಳಿ ಬಂದ ವಿಷಯ ಮಾತ್ರಾ ಒಂದೇ ಆಗಿತ್ತು. ನಮ್ಮ ಸಂಬಂಧೀಕರ 40-45ರ ಪ್ರಾಯದ ಸ್ವಂತ ಉದ್ಯೋಗ ಮಾಡಿಕೊಂಡು ಈಗಿನ್ನೂಒಬ್ಬನೇ ಮಗನನ್ನು Engg. collegeಗೆ ಸೇರಿಸಿದ್ದವರೊಬ್ಬರು ಅಚಾನಕ್ಕಾಗಿ ಕೋವಿಡ್ಡಿಗೆ ಬಲಿಯಾಗಿ ಒಂದು ವಾರಗಳಾಯಿತು ಎಂಬ ಸುದ್ದಿ ನನ್ನ ಕಿವಿಗೆ ಬಿದ್ದರೆ, ನನ್ನಾಕಿಯ ಸ್ನೇಹಿತೆಯ ಮೈದುನ ಅದೇ 40-45ರ ಪ್ರಾಯದ ಸ್ವಂತ ಉದ್ಯೋಗ ಮಾಡಿಕೊಂಡಿದ್ದ ಇನ್ನೂ ಸಣ್ಣ ಪ್ರಾಯದ ಎರಡು ಮಕ್ಕಳ ತಂದೆಯೂ ಸಹಾ ಅಗ ತಾನೇ ಕೋವಿಡ್ ನಿಂದಾಗಿ ಮೃತಪಟ್ಟ ವಿಷಯ ತಿಳಿಯಿತು.

hena2ಕಾಕತಾಳೀಯವೆಂದರೆ ಇಬ್ಬರೂ ಸ್ವಂತ ಉದ್ಯೋಗ ಮಾಡಿಕೊಂಡಿದ್ದರು. ಆರಂಭದಲ್ಲಿ ಗಂಟಲು ಬೇನೆ ಮತ್ತು ಜ್ವರ ಕಾಣಿಸಿಕೊಂಡಾಗ ಕೋವಿಡ್ ಪರೀಕ್ಷೇ ಮಾಡಿಸಿಕೊಂಡು ಫಲಿತಾಂಶ -ve ಎಂದು ಬಂದಾಗ ಸ್ವಲ್ಪ ನಿರ್ಲಕ್ಷ ತೋರಿದ್ದ ಕಾರಣ, ಎರಡನೇ ಅಲೆಯ ವೈರಾಣು ದೇಹದೊಳಗೇ ವಿಸ್ಪೋಟಗೊಂಡು ತೀವ್ರವಾಗಿ ಉಲ್ಬಣವಾದಾಗ ಮತ್ತೇ ವೈದ್ಯರ ಬಳಿಗೆ ಹೋದಾಗ ಪರಿಸ್ಥಿತಿ ಕೈ ಮೀರಿತ್ತು. ಶ್ವಾಶಕೋಶದ 75 ರಷ್ಟು ಭಾಗ ಸೋಂಕಿಗೆ ಒಳಗಾಗಿದ್ದ ಕಾರಣ ಚಿಕಿತ್ಸೆ ಫಲಕಾರಿಯಾಗದೇ ಇಬ್ಬರೂ ತಮ್ಮ ಕುಟುಂಟದವರನ್ನೂ ಮತ್ತು ಅಪಾರ ಬಂಧು ಮಿತ್ರರನ್ನು ಅಕಾಲಿಕವಾಗಿ ಶಾಶ್ವತವಾಗಿ ಅಗಲಿಬಿಟ್ಟಿದ್ದರು.

csk_RCBಈ ದುಃಖದ ವಿಷಯವನ್ನು ಅರಗಿಸಿಕೊಳ್ಳಲಾಗದೇ ಹಾಗೇ ಟಿವಿಯನ್ನು ಹಾಕಿದರೆ, High voltage, RCB & CSK IPL ಪಂದ್ಯವಳಿಯನ್ನು ನೋಡಲು ಕುಳಿತುಕೊಂಡರೆ ಸತತವಾಗಿ ನಾಲ್ಕು ಪಂದ್ಯಗಳನ್ನು ಗೆದ್ದಿದ್ದ RCB ಅವರಿಗೆ ಅವರ ಅತಿಯಾದ ಆತ್ಮವಿಶ್ವಾಸವೇ ಮುಳುವಾಯಿತು. 19ನೇ ಓವರಿನವರೆಗೂ ಹಾಗೂ ಹೀಗೂ ಸುಸ್ಥಿತಿಯಲಿದ್ದ RCB ಗೆ ಅವರ ಪ್ರಮುಖ ಬೌಲರ್ ಹರ್ಷಲ್ ಪಟೇಲ್ ಅವರು 20ನೇ ಓವರಿನಲ್ಲಿ 37ರನ್ನುಗಳನ್ನು ಬಿಟ್ಟು ಕೊಟ್ಟ ಪರಿಣಾಮ 160-170ರ ಆಸುಪಾಸಿನಲ್ಲಿದ್ದ CSK ಇದ್ದಕ್ಕಿದ್ದಂತೆಯೇ 200 ರನ್ನುಗಳ ಹತ್ತಿರ ಬಂದ ಕೂಡಲೇ RCB ಅವರ ಜಂಘಾಬಲವೇ ಉಡುಗಿ ಹೋಯಿತು. ಪ್ರತೀ ಓವರಿಗೆ 10 ರನ್ನುಗಳನ್ನು ಹೊಡೆಯಲೇ ಬೇಕಾದ ಅನಿವಾರ್ಯ ಪರಿಸ್ಥಿತಿಯಲ್ಲಿ ಒತ್ತಡಕ್ಕೆ ಒಳಗಾಗಿ ಪಟಪಟನೇ ವಿಕೆಟ್ ಕಳೆದುಕೊಳ್ಳುವ ಮೂಲಕ 69 ರನ್ನುಗಳ ಅಂತರದಿಂದ ಹೀನಾಯವಾಗಿ ಪಂದ್ಯವನ್ನು ಸೋತು ಹೋಯಿತು.

rajeevಇನ್ನು ಬಿಗ್ ಬಾಸ್ 8ನೇ ಸೀಜನ್ನಿನಲ್ಲಿ ಗೆಲ್ಲುವ ಅಭ್ಯರ್ಥಿ ಎಂದೇ ಬಿಂಬಿತವಾಗಿದ್ದ ರಾಜೀವ್ ಕೂಡಾ ಇದೇ ರೀತಿಯ ಅತಿಯಾದ ಆತ್ಮವಿಶ್ವಾಸದಿಂದ ಹೊರಬೀಳುವಂತಾಗಿತ್ತು. ಬಿಗ್ ಮನೆಯಲ್ಲಿ ಅತ್ಯಂತ ನೆಚ್ಚಿನ ಅಭ್ಯರ್ಥಿಯಾಗಿದ್ದ ಮತ್ತು ಹೊರಗಡೆ ತನಗೆ ಇಷ್ಟೊಂದು ಜನ ಸ್ನೇಹಿತರಿದ್ದಾರೆ ಎಂದು ಸದಾಕಾಲವು ಎರಡೂ ತೋಳುಗಳನ್ನೂ ಎತ್ತಿ ಬೀಗುತ್ತಿದ್ದ ರಾಜೀವ್, ತನ್ನ ಸಹಚರರಿಂದಲೇ ನಾಮಿನೇಟ್ ಆಗಿ ಎಷ್ಟೇ ಚೆನ್ನಾಗಿ ಆಟವಾಡಿದರೂ, ಎಷ್ಟೇ ಸದ್ಭಾವನೆಗಳಿಂದ ಮನೆಯಲ್ಲಿ ನಡೆದುಕೊಂಡಿದ್ದರೂ, ಹೊರಗಿನವರು ಹೃದಯ ಗೆಲ್ಲಲು ವಿಫಲರಾದದ್ದು ವಿಷಾಧನೀಯವೇ ಸರಿ. ತನ್ನ ಬಳಿ Immunity Pass ಇದ್ದರೂ ಅತಿಯಾದ ಆತ್ಮವಿಶ್ವಾಸದಿಂದ, ಅದನ್ನು ಸದ್ಭಳಕೆ ಮಾಡಿಕೊಳ್ಳದೇ ಹೋದದ್ದು ವಿಪರ್ಯಾಸವೇ ಸರಿ.

ಹಾಗಾದರೆ ಈ ಮೂರೂ ಪ್ರಕರಣಗಳಲ್ಲಿ ಎಲ್ಲರೂ ಎಡವಿದ್ದು ಎಲ್ಲಿ? ಎಂದು ಸೂಕ್ಷ್ಮವಾಗಿ ಯೋಚಿಸಿದಲ್ಲಿ ಎಲ್ಲರೂ ಆರೋಗ್ಯವನ್ನಾಗಲೀ ಆಟವನ್ನಾಗಲೀ ಗಂಭೀರವಾಗಿ ಪರಿಗಣಿಸದೇ ಲಘುವಾಗಿ ತೆಗೆದುಕೊಂಡಿದ್ದೇ ಸಂಚಕಾರವಾಯಿತು ಎಂದರೂ ತಪ್ಪಾಗಲಾರದು.

  • ಆನಾರೋಗ್ಯವಿದ್ದಾಗ  ಕೇವಲ ಕೋವಿಡ್ ಫಲಿತಾಂಶ  – ve  ಬಂದಿದೆ ಎಂಬ ಅತಿಯಾದ ಆತ್ಮ ವಿಶ್ವಾಸದಿಂದ ಸೂಕ್ತವಾದ ಚಿಕಿತ್ಸೆ ಪಡೆಯದೇ, ಗಂಭೀರವಾಗಿ ಮನೆಯಲ್ಲೇ ಇದ್ದು ಸುಧಾರಿಸಿಕೊಳ್ಳದೇ ಹೋದದ್ದು ಅವರ ಪ್ರಾಣವನ್ನೇ ಕಳೆದುಕೊಳ್ಳುವಂತಾಯಿತು.
  • ಕ್ರಿಕೆಟ್ ಎಂದರೆ ದಾಂಡಿಗರದ್ದೇ ಪ್ರಾಭಲ್ಯ ಎಂದು ಗೊತ್ತಿದ್ದರೂ ಅದೇಕೋ ಏನೂ ಎಂಟು ಎಸೆತಗಾರರು ಮತ್ತು ಕೇವಲ ಮೂವರು ಪ್ರಮುಖ ದಾಂಡಿಗರ ತಂಡವನ್ನು ಆಯ್ಕೆ ಮಾಡಿಕೊಂಡಾಗಲೇ ಎಡವಿದ್ದ ಕೋಹ್ಲಿ ತಂಡ, ಆಷ್ಟು ದೊಡ್ಡದಾದ ಮೊತ್ತವನ್ನು ಎದುರಿಸುವಾಗ ಒಂದು ಕಡೆ ಭರ್ಜರಿಯಾಗಿ ಮತ್ತೊಂದೆಡೆ ನಿಧಾನವಾಗಿ ಆಡಬೇಕಿತ್ತು. ದುರಾದೃಷ್ಟವಷಾತ್ ಕೋಹ್ಲಿ ಮತ್ತು ಪಡಿಕ್ಕಲ್ ಇಬ್ಬರೂ ಭರ್ಜರಿಯಾಗಿ ಹೊಡೆಯುವ ಭರದಲ್ಲಿ ಔಟಾಗಿದ್ದು ಉಳಿದ ಆಟರಾರರು ಒತ್ತಡ ತಾಳಲಾರದೇ ಸಾಲು ಸಾಲಾಗಿ ಅಲ್ಪ ಮೊತ್ತಕ್ಕೆ ಔಟಾಗಿ ಹೋದದ್ದು ವಿಪರ್ಯಾಸವೇ ಸರಿ.
  • ಕಳೆದ ನಾಲ್ಕಾರು ವಾರಗಳಿಂದಲೂ ಹೊರಗಿನ ಜನರು ತನ್ನನ್ನು ಪ್ರಮುಖವಾಗಿ ಆಯ್ಕೆ ಮಾಡದೇ ಕಡೇ ಸಾಲಿನಲ್ಲಿ ಆಯ್ಕೆ ಆಗುತ್ತಿದ್ದದ್ದು ಗೊತ್ತಿದ್ದರೂ ರಾಜೀವ್ ತನ್ನ ಬತ್ತಳಿಕೆಯಲ್ಲಿದ್ದ ಜೀವದಾನದ ಪಾಸ್ ಬಳಸಿಕೊಳ್ಳದೇ  ಹೋಗದೇ. ಹೊರಗಿನ ತನ್ನ ಸ್ನೇಹಿತರ ಕೈ ಹಿಡಿದೇ ಹಿಡಿಯುತ್ತಾರೆ ಎಂಬ ಅತಿಯಾದ ಆತ್ಮವಿಶ್ವಾಸವೇ ಆತನಿಗೆ ಮುಳುವಾಯಿತು.

jadduಇನ್ನು 19ನೇ ಓವರಿನವರೆಗೂ CSK ತಂಡ 160-170 ರನ್ನುಗಳನ್ನು ಗಳಿಸಬಹುದು ಎಂಬ ಅಂದಾಜಿನಲ್ಲಿದ್ದಾಗ ಒಂದೂ ರನ್ನು ಗಳಿಸದೇ ಇದ್ದಾಗ ಲಭಿಸಿದ ಜೀವದಾನವನ್ನು ಅತ್ಯಂತ ಯಶಸ್ವಿಯಾಗಿ ಬಳಸಿಕೊಂಡ ಜಡೇಜ ಭರ್ಜರಿಯಾಗಿ ಸಿಕ್ಸರ್ ಪೋರ್ ಗಳನ್ನು ಬಾರಿಸುತ್ತಾ 69 ರನ್ನುಗಳನ್ನು ಗಳಿಸಿದ್ದು ಆತನ ಆತ್ಮವಿಶ್ವಾಸವನ್ನು ಹೆಚ್ಚಿಸಿದ್ದಲ್ಲದೇ ಬೌಲೀಂಗ್ ಮಾಡುವಾಗಲೂ 3 ವಿಕೆಟ್ ಗಳಿಸಿದ್ದಲ್ಲದೇ ಒಂದು ಅಮೋಘವಾದ ರನ್ ಔಟಿಗೂ ಕಾರಣರಾಗಿ ತಂಡದ ಗೆಲುವಿಗೆ ರೂವಾರಿಯಾದರು.

srh_short_runಅದೇ ರೀತಿ ದೆಹಲಿ ಮತ್ತು ಹೈದರಾಬಾದಿನ ಎರಡನೇ ಪಂದ್ಯದಲ್ಲೂ ಇದೇ ರೀತಿಯ ಆತ್ಮ ವಿಶ್ವಾಸ ಮತ್ತು ಅತಿಯಾದ ಆತ್ಮವಿಶ್ವಾಸಗಳಿಂದಾಗಿ ಸೋಲುವಂತಿದ್ದ ಪಂದ್ಯ ಸಮಸ್ಥಿತಿಗೆ ತಲುಪಿ ನಂತರ ಗೆಲ್ಲಬಹುದಾಗಿದ್ದ ಪಂದ್ಯವನ್ನು ಸೋಲಬೇಕಾದದ್ದು ಸೋಜಿಗವೇ ಸರಿ. ದೆಹಲಿ ನೀಡಿದ ಗೌರವಯುತ ಮೊತ್ತವಾದ 159 ರನ್ನುಗಳನ್ನು ಬೆನ್ನತ್ತಿದ್ದ ಹೈದರಾಬಾದ್ ತಂಡ ಒಂದು ಕಡೆ ನಿರಂತರವಾಗಿ ವಿಕೆಟ್ ಕಳೆದುಕೊಂಡಿದ್ದರೂ ಬಂಡೆ ಕಲ್ಲಿನಂತೆ ಒಂದು ಕಡೆ ಆಡುತ್ತಲೇ ಹೋದ ಕೇನ್ ವಿಲಿಯಮಸನ್ ಅಂತಿಮ ಓವರಿನಲ್ಲಿ ನಮ್ಮ ಕನ್ನಡಿಗ ಸುಚಿತ್ ಅವರ ಭರ್ಜರಿ ನಾಲ್ಕು ಮತ್ತು ಆರು ರನ್ನುಗಳ ಹೊಡೀ ಬಡೀ ಆಟದಿಂದ ಸೋಲುತ್ತಿದ್ದ ಪಂದ್ಯವನ್ನು ಟೈ ಮಾಡಿಕೊಳ್ಳುವುದರಲ್ಲಿ ಸಫಲವಾದರೆ, ಮತ್ತೆ ಆಟಕ್ಕೆ ಅದೇ ಪಂದ್ಯದಲ್ಲಿ ಉತ್ತಮವಾಗಿಯೇ ರನ್ನುಗಳನ್ನು ಗಳಿಸಿದ್ದ ಬರಿಸ್ಟೋವ್ ಮತ್ತು ವಿಲಿಯಮ್ ಸನ್ ಅವರನ್ನು ಕಳುಹಿಸಿದದೇ ಈ ಪಂದ್ಯಾವಳಿಯಲ್ಲಿ ರನ್ನುಗಳಿಗಾಗಿ ಪರದಾಡುತ್ತಿರುವ ನಾಯಕ ವಾರ್ನರ್ ಆಡುವುದಕ್ಕಾಗಿ ಬಂದು ಕಡೆಯಲ್ಲಿ ಓಡಿದ ಎರಡು ರನ್ನುಗಳಲ್ಲಿ ಒಂದು ಶಾರ್ಟ್ ಆದ ಕಾರಣ ಪಂದ್ಯ ಸೋಲುವಂತಾಗಿದ್ದು ಮತ್ತದೇ ನಾಯಕನೆಂಬ ಹಮ್ಮು ಮತ್ತು ಅತೀಯಾದ ವಿಶ್ವಾಸ.

ಈ ಎಲ್ಲಾ ಪ್ರಸಂಗಗಳನ್ನೂ ನೋಡುತ್ತಿದ್ದಾಗ ಧರ್ಮ ಸಂಸ್ಥಾಪನೆಗಾಗಿ ತ್ರೇತಾಯುಗದಲ್ಲಿ ಜನಿಸಿದ ರಾಮ ಮತ್ತು ದ್ವಾಪರಯುಗದಲ್ಲಿ ಆವತರಿಸಿದ ಕೃಷ್ಣ ಅವರ ತಂತ್ರಗಾರಿಗೆ ಯಿಂದ ನಮ್ಮವರು ಇನ್ನೂ ಕಲಿಯಲಿಲ್ಲವಲ್ಲಾ ಎಂಬ ಬೇಸರ ಮೂಡಿಸಿತು. ತ್ರೇತಾಯುಗದಲ್ಲಿ ಸೀತಾನ್ವೇಷಣೆಯ ಸಮಯದಲ್ಲಿ ರಾಮನ ಜೊತೆಗೆ ಇದ್ದದ್ದು ಕೌಶಲ್ಯರಹಿತ(unskilled) ಕಪಿಸೇನೆ. ಹಾಗಾಗಿ ಆ ಸಂದರ್ಭದಲ್ಲಿ ರಾಮನೇ ಪ್ರತಿಯೊಂದು ಕೆಲಸದಲ್ಲಿಯೂ ನೇತೃತ್ವವಹಿಸಿ ಯುದ್ಧದಲ್ಲಿ ಶಸ್ತ್ರಾಸ್ತ್ರವನ್ನು ಹಿಡಿಯಬೇಕಿತ್ತು. ಆದರೆ ದ್ವಾಪರಯುಗದಲ್ಲಿ ಕೃಷ್ಣನ ಜೊತೆಗೆ ಇದ್ದದ್ದು ವಿದ್ಯಾವಂತ ನುರಿತ(skilled) ಪಾಂಡವರು. ಹಾಗಾಗಿ ಕೃಷ್ಣ ಎಲ್ಲೂ ತಾಳ್ಮೆ ಗೆಡದೇ ತನ್ನೊಂದಿಗೆ ಅತಿರಥ ಮಹಾರಥರು ಇದ್ದಾರೆ ಎನ್ನುವ ಅತಿಯಾದ ಆತ್ಮವಿಶ್ವಾಸ ಇಟ್ಟುಕೊಳ್ಳದೇ, ಎಲ್ಲದ್ದಕ್ಕಿಂತಲೂ ಮುಖ್ಯವಾಗಿ ಇಡೀ ಯುದ್ಧದಲ್ಲಿ ತನ್ನ ಅಸ್ತ್ರವನ್ನೇ ಬಳಸದೇ ಕೇವಲ ತನ್ನ ತಂತ್ರಗಾರಿಕೆಯನ್ನು ಪಾಂಡವರ ಮೇಲೆ ಪ್ರಯೋಗಿಸಿ (ಜರಾಸಂಧ ವಧೆಯಲ್ಲಿ ಅರಳಿ ಎಲೆಯನ್ನು ಸೀಳಿ ಅಕ್ಕ ಪಕ್ಕದಲ್ಲಿ ಎಸೆದದ್ದು, ಭೀಮ ದುರ್ಯೋಧನರ ಮಹಾಕಾಳಗಲ್ಲಿ ಭಲೇ ಭೀಮಾ ಭಲೇ ಎಂದು ತೊಡೆ ತಟ್ಟಿ ತೋರಿಸಿದ್ದು, ಕುರುಕ್ಷೇತ್ರದಲ್ಲಿ ಅರ್ಜುನನ ಸಾರಥಿಯಾಗಿ ಕಾಪಾಡಿದ್ದು) ಅಧರ್ಮೀಯರನ್ನು ನಾಶ ಮಾಡಿ ಧರ್ಮವನ್ನು ಕಾಪಾಡಿದನು.

vACಅದೇ ರೀತಿಯಲ್ಲಿ ಮೊದಲ ಬಾರಿ ಕೊರೋನಾ ಬಂದಾಗ ಅಥವಾ ಆರಂಭದ ಪಂದ್ಯಗಳಲ್ಲಿ ವೈರಾಣುವಿನ ತೀವ್ರತೆ ಅಥವಾ ತಂಡದ ಶಕ್ತಿಯ ಪರಿಚಯ ಸರಿಯಾಗಿ ಇರದ ಕಾರಣ ವ್ಯಕ್ತಿಗತವಾಗಿಯೂ ಮತ್ತು ತಂಡದ ನಾಯಕನಾಗಿ ಬಹಳ ಎಚ್ಚರಿಕೆಯಿಂದ ಸ್ವತಃ ಪರಿಸ್ಥಿತಿಯನ್ನು ರಾಮನಂತೆ  ನಿಭಾಯಿಸ ಬೇಕಾಗುತ್ತದೆ. ಅದೇ ಎರಡನೇ ಹಂತದಲ್ಲಿ ಪರಿಸ್ಥಿತಿಯ ತೀವ್ರತೆಯ ಅರಿವು ಇರುತ್ತದೆ. ಅದನ್ನು ಹೇಗೆ ಪರಿಹರಿಸಬಹುದು ತನ್ನ ಜೊತೆಗೆ ತಂಡದ ಶಕ್ತಿ ಮತ್ತು ದೌರ್ಬಲ್ಯಗಳ ಅರಿವು ಇರುವಾಗ ಅದನ್ನು ತಾನು ಒಂದೆಡೆ ಬಂಡೆಯಾಗಿ ನಿಂತು ಕೃಷ್ಣನ ಹಾಗೆ ನಿಭಾಯಿಸಬೇಕಾಗುತ್ತದೆ.

ಆಟ ಆಡುವಾಗಲೀ, ಇಲ್ಲವೇ ವಯಕ್ತಿಕ ಜೀವನದ ಸಮಸ್ಯೆಗಳನ್ನು ನಿಭಾಯಿಸುವಾಗಲೀ ಅಥವಾ ಕೊರೋನಾ ಸಾಂಕ್ರಾಮಿಕ ರೋಗವನ್ನು ಎದುರಿಸುವಾಗಲೀ ಸಮಸ್ಯೆಯನ್ನು ತೀರ ಸರಳವಾಗಲೀ ಇಲ್ಲವೇ ಅತಿಯಾದ ಆತ್ಮವಿಶ್ವಾಸದಿಂದಾಗಲೀ ಎದುರಿಸದೇ ಆಟ ಇನ್ನೂ ಬಾಕೀ ಇದೇ ಎಂದು ಭಾವಿಸುತ್ತಲೇ ನಮ್ಮ ಹಿರಿಯರು ಪುರಾಣ ಪುಣ್ಯಕಥೆಗಳಲ್ಲಿ ತಿಳಿಸಿರುವಂತೆ ತಾಳ್ಮೆಯಿಂದ ತಂತ್ರಗಾರಿಕೆಯಿಂದ ಮತ್ತು ಎಚ್ಚರಿಕೆಯಿಂದ ನಿಭಾಯಿಸುವುದು ಉತ್ತಮ ಬೆಳವಣಿಗೆಯಾಗಿದೆ.

lockdownಹೇಗೂ  ಇನ್ನು ಹದಿನೈದು ದಿನಗಳ ಕಾಲ ಲಾಕ್ಡೌನ್ ಎಂದು ರಾಜ್ಯ ಸರ್ಕಾರ ಘೋಷಿಸಿದೆ. ಹಾಯಾಗಿ ಮನೆಯಲ್ಲೇ ತೆಪ್ಪಗೆ IPL & BigBoss ನೋಡಿಕೊಂಡು ರಾಮ ಕೃಷ್ಣಾ ಗೋವಿಂದಾ ಎನ್ನುತ್ತಾ ಇದ್ದು ಕೊರೋನಾದಿಂದ ಸುರಕ್ಷಿತವಾಗಿರೋಣ ಅಲ್ವೇ?

ಕಡೇ ಮಾತು ನಮ್ಮ ಶಾಸ್ತ್ರ ಪುರಾಣಗಳಲ್ಲಿ ಹೇಳುತ್ತಿದ್ದದನ್ನು ಆಡಿಕೊಳ್ಳುತ್ತಿದ್ದವರೆಲ್ಲಾ ಈಗ ಅದನ್ನೇ ವೇದವಾಕ್ಯ ಎಂದು ಪಾಲಿಸುತ್ತಿರವುದು ನಿಜಕ್ಕೂ ಹೆಮ್ಮೆ ಎನಿಸುತ್ತಿದೆ.

ಏನಂತೀರೀ?
ನಿಮ್ಮವನೇ ಉಮಾಸುತ

ಅಚ್ಚುತಾ ಅನಂತಾ ಗೋವಿಂದಾ. ಭಾಗ-2

ಇಡೀ ವಿಮಾನದಲ್ಲಿದ್ದ ಪ್ರಯಾಣಿಕರೆಲ್ಲರೂ ಭಯಭೀತರಗಿದ್ದಾಗ ಸ್ಯಾಮ್ ಕೂಡ ಕೆಲ ಕಾಲ ಗಲಿಬಿಲಿಗೊಂಡಿದ್ದ. ಅದೇ ಸಮಯದಲ್ಲಿ ಸ್ಯಾಮ್ ಗೆ ಯಾವುದೇ ಸಮಸ್ಯೆಗಳು ಎದುರಾದರೂ ಅಚ್ಚುತಾ, ಅನಂತಾ, ಗೋವಿಂದಾ ಎಂದು ಭಕ್ತಿಯಿಂದ ಪ್ರಾರ್ಥಿಸಿದರೆ ಬಂದ ಕಷ್ಟಗಳೆಲ್ಲವೂ ಸುಲಭವಾಗಿ ಪರಿಹಾರವಾಗುತ್ತದೆ ಎಂದು  ತನ್ನ ಅಜ್ಜಿ ಹೇಳಿಕೊಟ್ಟ ದಿವ್ಯ ಮಂತ್ರ ನೆನಪಾಯಿತು. ಕೂಡಲೇ ಎದ್ದು ನಿಂತು ಎತ್ತರದ ಧ್ವನಿಯಲ್ಲಿ  ಎಲ್ಲರೂ ಇಲ್ಲಿ ಸ್ವಲ್ಪ ಗಮನವಿಟ್ಟು ಕೇಳಿ, ಅನಗತ್ಯವಾಗಿ ಭಯ ಪಡದಿರಿ. ನನ್ನ ಬಳಿ ಅದಕ್ಕೆ ಪರಿಹಾರವಿದೆ ಮತ್ತು ನಾನು ಜಪಿಸುವುದನ್ನು ನೀವೂ ಸಹಾ ಪುನರಾವರ್ತಿಸಿ. ಭಗವಂತನ ನಾಮ ಸ್ಮರಣೆಯಿಂದ ನಾವು  ಸುರಕ್ಷಿತವಾಗಿ ನಮ್ಮ ನಮ್ಮ ನೆಲೆಯನ್ನು ತಲುಪುತ್ತೇವೆ ಎಂದು ಹೇಳಿ,

ಅಚ್ಚುತಾ ಅನಂತಾ ಗೋವಿಂದಾ, ಎಂದು ಭಗವಂತನ ನಾಮ ಸ್ಮರಣೆ ಮಾಡತೊಡಗಿದ. ಕೆಲವರು ಇಂತಹ ಸಮಯದಲ್ಲಿ ಇದೇನು ಹುಚ್ಚಾಟ ಎಂದು ಭಾವಿಸಿದರೆ ಇನ್ನೂ ಕೆಲವರು  ಮುಳುಗುತ್ತಿರುವಾಗ ಒಂದು ಸಣ್ಣ ಒಣಹುಲ್ಲೂ ಸಹ ರಕ್ಷಿಸಬಹುದು ಎಂದು ಭಾವಿಸಿ ಅವರೂ ಸಹಾ ಅಚ್ಚುತಾ ಅನಂತಾ ಗೋವಿಂದಾ ಎಂದು ನಾಮಸ್ಮರಣೆ ಮಾಡತೊಡಗಿದರು ಕೆಲವೇ ನಿಮಿಷಗಳಲ್ಲಿ ಇಡೀ ವಿಮಾನದ ಬಹುತೇಕರು ಅನಗತ್ಯ ಭಯ ಪಡುವುದನ್ನು ನಿಲ್ಲಿಸಿ  ಭಗವಂತನ ಧ್ಯಾನದಲ್ಲಿ ತೊಡಗಿದರು.

ಬಾಲಕ ಸ್ಯಾಮ್ ನ ಈ ಸಮಯ ಪ್ರಜ್ಞೆ ಗಗನ ಸಖಿಯರಿಗೆ ಮೆಚ್ಚುಗೆಯಾಗಿ ಅವನನ್ನು ಅಭಿನಂದಿಸಲು ಬಂದಾಗ, ಸ್ಯಾಮ್ ಅವರಿಗೆ ಒಂದು ಪಕ್ಷಿಯ ಚಿತ್ರವೊಂದನ್ನು ಬರೆದು ಅದರ ಮೇಲೆ ಅಚ್ಚುತಾ ಅನಂತಾ ಗೋವಿಂದಾ ಎಂದು ಬರೆದು ದಯವಿಟ್ಟು ಇದನ್ನು ಪೈಲೆಟ್ ಅವರಿಗೆ ಕೊಟ್ಟು ಅವರಿಗೂ ಧ್ಯಾನಿಸಲು ತಿಳಿಸಿ ಎಂದ. ಗಗನ ಸಖಿಯರೂ ಅವನನ್ನು ಅನುಸರಿಸಿ  ಅದನ್ನು ಸರಿಯಾಗಿ ಕ್ಯಾಪ್ಟನ್‌ಗೆ ತಲುಪಿಸಿದರು.

ಕ್ಯಾಪ್ಟನ್ ಕೂಡಾ ಅಚ್ಚುತಾ ಅನಂತಾ ಗೋವಿಂದಾ ಎಂದು ಕೆಲ ಕಾಲ ಸ್ಮರಿಸುತ್ತಿದ್ದಂತೆಯೇ ಅಲ್ಲೊಂದು ವಿಚಿತ್ರವಾದ ಘಟನೆ ಸಂಭವಿಸಿತು. ಇದ್ದಕ್ಕಿದ್ದಂತೆಯೇ ವಿಮಾನದ ಮುಂದೆ ಬಿಳೀ ಬಣ್ಣದ ಕುತ್ತಿಗೆ ಹೊಂದಿದ್ದ ದೊಡ್ಡ ಹಕ್ಕಿಯೊಂದ್ದು  ವಿಮಾನದ ಮುಂದೆ  ರೆಕ್ಕೆ ಬೀಸುತ್ತಾ, ನನ್ನನ್ನು ಹಿಂಬಾಲಿಸು ಎಂದು ಹೇಳಿದ ಹಾಗೆ ಆಯಿತು. ಪೈಲೆಟ್ ಕೂಡಾ ಮರುಮಾತಿಲ್ಲದೇ ಪಕ್ಷಿಯ ವೇಗವನ್ನು ಮತ್ತದರ ಪಥವನ್ನು ಅನುಸರಿಸತೊಡಗಿದ. ಹೊರಗೆ ಕತ್ತಲಾಗಿದ್ದರೂ ವಿಮಾನದ ಬೆಳಕಿನಲ್ಲಿ ಆತನಿಗೆ ಪಕ್ಷಿ ಸ್ಪಷ್ಟವಾಗಿ ಗೋಚರಿಸುತ್ತಿತ್ತು ಹಾಗಾಗಿ ಆತ ನಿಧಾನವಾಗಿ ಪಕ್ಷಿಯನ್ನು ಹಿಂಬಾಲಿಸತೊಡಗಿದನು.

ಅಷ್ಟರಲ್ಲಾಗಲೇ  ವಿಮಾನ  ಸಂಪರ್ಕ  ಕಳೆದುಹೋದ ಸುದ್ದಿ, ಪ್ರಯಾಣಿಕರ ಸಂಬಂಧಿಕರೆಲ್ಲರಿಗೂ ತಲುಪಿ ಅವರೆಲ್ಲರೂ  ಭಯಭೀತರಾಗಿ ಎಲ್ಲರೂ ಸುರಕ್ಷಿತವಾಗಿ ಹಿಂದಿರುಗವಂತೆ ಮಾಡೂ ಭಗವಂತ ಎಂದು ಪ್ರಾರ್ಥಿಸುತ್ತಿದ್ದರು. ಸ್ಯಾಮ್‌ನ ಪೋಷಕರು ಸಹಾ ಹತ್ತಿರದ  ದೇವಾಲಯಕ್ಕೆ ತೆರಳಿ ತಮ್ಮ ಮಗನ ಸುರಕ್ಷತೆಗಾಗಿ ಪ್ರಾರ್ಥಿಸಿದ್ದಲ್ಲದೇ, ಭಾರತಕ್ಕೆ ಕರೆ ಮಾಡಿ ವಿಷಯ ತಿಳಿಸಿ ಅವರಿಗೂ ಪ್ರಾರ್ಥಿಸಲು ಕೇಳಿಕೊಂಡಿದ್ದರು. ಆಗ ಅಜ್ಜಿಯವರು, ಭಯಭೀತರಾಗಬೇಡಿ ನಮ್ಮ  ಗುರುವಾಯೂರಪ್ಪನ ಕೃಪೆಯಿಂದಾಗಿ ಎಲ್ಲರೂ ಸುರಕ್ಷಿತವಾಗಿ ತಲುಪುತ್ತಾರೆ ಎಂದು ಹೇಳಿದ್ದು ಮೋಹನ್ ದಂಪತಿಗಳಿಗೆ ತುಸು ಸಮಾಧಾನ ತಂದಿತ್ತು

ಇತ್ತ ವಿಮಾನದಲ್ಲಿ ನಿರಂತರವಾಗಿ ಅಚ್ಚುತಾ ಅನಂತಾ ಗೋವಿಂದಾ ಸ್ಮರಣೆ ನಡೆಯುತ್ತಲೇ ಇತ್ತು. ವಿಮಾನದ ಮುಂದೆ ಹಾರುತ್ತಿದ್ದ ಹಕ್ಕಿ ಇದ್ದಕ್ಕಿದ್ದಂತೆಯೇ ತನ್ನ ರೆಕ್ಕೆಗಳನ್ನು ಬಡಿಯುತ್ತಾ ಕೆಳಗೆ ಇಳಿಯುತ್ತಾ ವಿಮಾನವನ್ನು ಇಲ್ಲಿಯೇ ಇಳಿಸು ಎನ್ನುವಂತೆ ಸೂಚನೆ ಕೊಡತೊಡಗಿತು. ಪೈಲೆಟ್ ಅದರ ಸೂಚನೆಯಂತೆ ನಿಧಾನವಾಗಿ ವಿಮಾನವನ್ನು ಕೆಳಗೆ ಇಳಿಸತೊಡಗಿದ. ಆ ಪ್ರದೇಶ ಹಡ್ಸನ್ ನದಿಪಾತ್ರವಾಗಿದ್ದು ಚಳಿಗಾಲದಿಂದಾಗಿ ಇಡೀ ನದಿ ಹಿಮವಾಗಿ ಗಟ್ಟಿಯಾಗಿತ್ತು. ಇದೇ ಸುರಕ್ಷಿತ ಪ್ರದೇಶ ಎಂದು ನಿರ್ಧರಿಸಿ, ತುರ್ತು ನಿರ್ಗಮನದ ಮೂಲಕ ಎಲ್ಲಾ ಪ್ರಯಾಣಿಕರನ್ನೂ ಪ್ಯಾರಾಚೂಟ್ ಮುಖಾಂತಾರ ಸುರಕ್ಷಿತವಾಗಿ ಭೂಮಿಗೆ ತಲುಪಿಸಿದರು. ಹಡ್ಸನ್ ನದಿಯಲ್ಲಿ ವಿಮಾನ ಇಳಿಯುವ ಈ ಅದ್ಭುತ ದೃಶ್ಯವನ್ನು ನೋಡಲು ಸುತ್ತಮುತ್ತಲಿನ ಜನರು ಸಂಖ್ಯೆಯ ಜನರು ಓಡಿ ಬಂದಿದ್ದರು.

jet

ಈ ಭರದಲ್ಲಿ  ಪೈಲೆಟ್ ತನಗೆ ದಾರಿ ದೀಪವಾಗಿದ್ದ  ಪಕ್ಷಿಯನ್ನು ಹುಡುಕಲು ಪ್ರಯತ್ನಿಸಿದರೆ, ಪಕ್ಷಿಯು ಅವನ ಕಣ್ಣಿಗೆ ಗೋಚರಿಸಿದೇ ಅದೃಶ್ಯವಾಗಿತ್ತು.  ಹಾಗೂ ಹೀಗೂ ಮಾಡಿ ವಿಮಾನವನ್ನು ಸುರಕ್ಷಿತವಾಗಿ ವಿಮಾನವನ್ನು ಇಳಿಸಿದ ನಂತರ ಎಲ್ಲರೂ ಆತನ ಸಮಯಪ್ರಜ್ಞೆ, ಚಾಕಚಕ್ಯತೆ ಮತ್ತು ಎಲ್ಲರ ಪ್ರಾಣವನ್ನು ಉಳಿಸಿದ್ದಿದ್ದಕ್ಕಾಗಿ ಕೊಂಡಾಡತೊಡಗಿದರು.

ಪ್ರಯಾಣಿಕರು, ಪೈಲೆಟ್ ಮತ್ತು ಗನನಸಖಿಯರಾದಿ ಎಲ್ಲರೂ ಸ್ಯಾಮ್ ನಿಗೆ ಧನ್ಯವಾದಗಳನ್ನು ಅರ್ಪಿಸಲು ಮುಂದಾಗಿದ್ದರು. ಪೈಲೆಟ್ ಸ್ಯಾಮ್ ನನ್ನು ಕರೆದು ಧನ್ಯವಾದವನ್ನು ಅರ್ಪಿಸಿ ತನಗೆ ದಾರಿ ದೀಪವಾದ ಬಿಳೀ ಕುತ್ತಿಗೆಯ ದೈತ್ಯ ಹಕ್ಕಿಯೊಂದರ ಬಗ್ಗೆ ಹೇಳುತ್ತಿದ್ದಂತೆಯೇ.

ಸ್ಯಾಮ್ ಬಾಯಿಯಿಂದ ಹೊರಟ ಉದ್ಗಾರ  ಓಹ್! ಗರುಡ. ಗುರುವಾಯೂರಪ್ಪನ ವಾಹನ.

ಸ್ಯಾಮ್ ಹೇಳಿದ್ದು ಅವರಿಗೆ ಆರ್ಥವಾಗದಿದ್ದರೂ ಕೆಲವರು ಹೌದು, ಹೌದು ಕೆಲವೊಂದು ಬಾರೀ ಸೂಪರ್ ಪವರ್ ನಮ್ಮನ್ನು ರಕ್ಷಿಸುತ್ತದೆ ಅದು ಹೇಗೆ ಏಕೆ ಎಂದು ಮಾತ್ರಾ ಹೇಳಲಾಗದು ಎಂದು ನೆಮ್ಮದಿಯ ಉಸಿರನ್ನು ಬಿಟ್ಟರು.

ಮಗ ಸುರಕ್ಷಿತವಾಗಿ ಎಲ್ಲರನ್ನೂ ಕಾಪಾಡಿದ ಸುದ್ದಿ ಕೇಳಿ ಮೋಹನ್ ದಂಪತಿಗಳಿಗೂ ಖುಷಿಯಾಯಿತು. ಇದೇ ವಿಷಯವನ್ನು ಅಜ್ಜಿ ತಾತರಿಗೆ ಮುಟ್ಟಿಸಿದಾಗ ಅವರೂ ಸಹಾ ತಮ್ಮ ಮನೆದೇವರಾದ ಗುರುವಾಯೂರಪ್ಪನಿಗೆ ತುಪ್ಪದ ದೀಪ ಹಚ್ಚಿ ನಮಸ್ಕರಿಸಲು ಮರೆಯಲಿಲ್ಲ. ಅದಾದ ಕೆಲವು ದಿನಗಳ ನಂತರ ಚಿಕಿತ್ಸೆಯ ತಪಾಸಣೆಗೆಂದು ವೈದ್ಯರ ಬಳಿ ಮಗನನ್ನು ಕರೆದುಕೊಂಡು ಹೋದಾಗ ಅವರಿಗೆ ಅಚ್ಚರಿಯ ಸಂಗತಿ ಕೇಳಿಬಂತು ಸ್ಯಾಮ್ ಶ್ವಾಶಕೋಶ ಸಂಪೂರ್ಣವಾಗಿ ಆರೋಗ್ಯವಾಗಿದ್ದು ಅತನಿಗೆ ಯಾವುದೇ ಶಸ್ತ್ರ ಚಿಕಿತ್ಸೆಯ ಅವಶ್ಯಕತೆ ಇಲ್ಲ. ಇದು ನಿಜಕ್ಕೂ ಒಂದು ರೀತಿಯ ಪವಾಡ ಎಂದು ವೈದ್ಯರು ಹೇಳಿದರೆ, ಸ್ಯಾಮ್ ಮಾತ್ರಾ ಇದೆಲ್ಲವೂ ಭಗವಂತನ ಕೃಪೆ ಮತ್ತು ನಮ್ಮ ತಾತಾ ಅಜ್ಜಿಯರ ಅಶೀರ್ವಾದ ಎಂದು ಬಲವಾಗಿ ನಂಬಿದ.

ಮಗ ಆರೋಗ್ಯಕರವಾಗಿ  ಮತ್ತು ಬಲಶಾಲಿಯಾಗಿದ್ದನ್ನು ನೋಡಿ ಮೋಹನ್ ದಂಪತಿಗಳಿಗೂ ಬಹಳ ಸಂತೋಷವಾಯಿತು. ಇದೇ ಖುಷಿಯಲ್ಲಿ ಮಗನಿಗೆ ನಿನಗೇನು ಬೇಕು ಕೇಳು ನಾವು ನೆರೆವೇರಿಸಿಕೊಡಲು ಸಿದ್ಧರಿದ್ದೇವೆ ಎಂದಾಗ, ಸ್ಯಾಮ್ ಬಾಯಿಯಿಂದ ಹೊರಟ ಮಾತು ಅವರನ್ನು ಮೂಕವಿಸ್ಮಿತರನ್ನಾಗಿ ಮಾಡಿತ್ತು

ಸ್ಯಾಮ್ ಬಹಳ ಧೃಢ ನಿರ್ಧಾರದಿಂದ ನನ್ನನ್ನು ಪುನಃ ಭಾರತಕ್ಕೆ ಕಳುಹಿಸಿಬಿಡಿ ನಾನು ತಾತನಂತೆಯೇ ಪುರೋಹಿತನಾಗಲು ಬಯಸುತ್ತೇನೆ ಎಂದಿದ್ದ.

ಅಮೇರಿಕಾ ನನ್ನ ಜನ್ಮ ಭೂಮಿಯೇ ಹೌದಾದರೂ ನನಗೆ ಮರುಜನ್ಮ ನೀಡಿದ್ದು ನನ್ನ ಭಾರತವೇ. ನನ್ನ ಆರೋಗ್ಯ ಸುಧಾರಿಸಿದ್ದು ಅಲ್ಲಿಯ ಹವಾಮಾನ ಮತ್ತು ಅಲ್ಲಿಯ ನನ್ನ ಅಭ್ಯಾಸ ಮತ್ತು ದಿನಚರಿ. ಹಾಗಾಗಿ ನಾನು ಅದನ್ನೇ ಮುಂದುವರಿಸಲು ಇಚ್ಚಿಸುತ್ತೇನೆ ಎಂದಾಗ ಮಗನ ಮೇಲಿನ ಮಮಕಾರದಿಂದ ಮರುಮಾತಿಲ್ಲದೇ ಮೋಹನ್ ದಂಪತಿಗಳು ಒಪ್ಪಿಕೊಳಲ್ಲೇ ಬೇಕಾಯಿತು.

purohitಕೆಲವೇ ಕೆಲವು ದಿನಗಳಲ್ಲಿ ಸ್ಯಾಮ್ ಭಾರತದ ತನ್ನ ತಾತಾ ಅಜ್ಜಿಯ ಮನೆಗೆ ಹಿಂದಿರುಗಿ, ತಾತನ ಆಶ್ರಯದಲ್ಲಿಯೇ ಶಾಸ್ತ್ರಕ್ತವಾಗಿ ವೇದಾಧ್ಯಯನ, ಜ್ಯೋತಿಷ್ಯ ಮತ್ತು ಆಗಮಶಾಸ್ತ್ರಗಳನ್ನು ಅಧ್ಯಯನ ಮಾಡಿ ಬಹು ಬೇಗನೇ ಘನಪಾಠಿ ಎನ್ನಿಸಿಕೊಂಡ. ಅವನ ಖ್ಯಾತಿ ಸುತ್ತಮುತ್ತಲಿನ ಹತ್ತಾರು ಹಳ್ಳಿಗಳಿಗೂ ಹರಡೀ ಎಲ್ಲರೂ ತಮ್ಮ ಧರ್ಮಶಾಸ್ತ್ರಗಳ ಜಿಜ್ಞಾಸೆಯ ಪರಿಹಾರಕ್ಕೆ ಮತ್ತು ತಮ್ಮ ಧಾರ್ಮಿಕ ವಿಧಿವಿಧಾನಗಳಿಗೆ ಈ  ಸಂಪತ್ ಶಾಸ್ತ್ರಿಗಳನ್ನೇ ಅನುಸರಿಸತೊಡಗಿದರು. ಸಂಪತ್ ಶಾಸ್ತ್ರಿಯೂ ಕೂಡ ತನ್ನ ತಾತನಂತೆಯೇ ಸದಾಕಾಲವೂ ಮಂದ ಸ್ಮಿತನಾಗಿದ್ದು ಯಾರನ್ನೂ ಯಾವುದಕ್ಕೂ ಬೇಡದೇ ಕಾಡದೇ ಅವರು ಕೊಟ್ಟಷ್ಟನ್ನೇ ತೆಗೆದುಕೊಂಡು ಆಚಾರ, ವಿಚಾರ, ಧರ್ಮ, ಶಾಸ್ತ್ರ ಸಂಪ್ರದಾಯಗಳಿಗೆ ಯಾವುದೇ ಚ್ಯುತಿ ಬಾರದಂತೆ   ನಿಜವಾಗಿಯೂ ಪುರವನ್ನು ಕಾಪಾಡುವ ಪುರೋಹಿತನಾದ (ಪುರ+ಹಿತ). ಮೊಮ್ಮಗನ ಈ ಪರಿಯ ರೂಪಾಂತರ ಮತ್ತು ಬೆಳೆವಣಿಗೆ ತಾತಾ ಅಜ್ಜಿಯರಿಗೆ ಅಚ್ಚರಿಯನ್ನು ತಂದಿತ್ತಲ್ಲದೇ ತಮ್ಮ ವಯೋಸಹಜವಾಗಿ ಗತಿಸಿದಾಗಲೂ ಅವರಿಗೆ ನೆಮ್ಮದಿಯಿತ್ತು

ಕೆಲವರ್ಷಗಳ ಕಾಲ ಅಮೇರೀಕಾದಲ್ಲಿಯೇ ಇದ್ದ ಮೋಹನ್ ದಂಪತಿಗಳೂ ಸಹಾ ಮಗನೊಂದಿಗೆ ಇರಲು ಇಚ್ಚಿಸಿ, ಅಮೇರಿಕಾದಲ್ಲಿ ಇದ್ದ ತಮ್ಮೆಲ್ಲಾ ಆಸ್ತಿ ಪಾಸ್ತಿಗಳನ್ನು ಮಾರಿ ತಮ್ಮ ಊರಿಗೆ ಹಿಂದಿರುಗಿದರು. ಗಳಿಸಿದ ಹಣದಿಂದ ತಮ್ಮ ಜಮೀನಿನ ಅಕ್ಕಪಕ್ಕದಲ್ಲಿದ್ದ ಜಮೀನನ್ನು ಖರೀದಿಸಿ ಅಲ್ಲೊಂದು ಸುಂದರವಾದ ಗೋಶಾಲೆಯನ್ನು ನಿರ್ಮಿಸಿ ಅದನ್ನು ದಂಪತಿಗಳು ನೋಡಿಕೊಳ್ಳುತ್ತಾ, ತಮ್ಮ ಮಗ, ಸೊಸೆ ಮತ್ತು ಮ್ಮೊಮ್ಮಕ್ಕಳೊಂದಿಗೆ ಆರೋಗ್ಯವಾಗಿ,  ನೆಮ್ಮದಿಯ ಜೀವನ ನಡೆಸುತ್ತಿದ್ದಾರೆ.

ಯಾವ ವ್ಯಕ್ತಿಯು ತನ್ನ ಕೆಲಸದಲ್ಲಿ ಪ್ರಾಮಾಣಿಕನಾಗಿರುತ್ತಾನೆಯೋ ಅವನನ್ನು  ಖಂಡಿತವಾಗಿಯೂ ದೇವರು ಸಹಾಯ ಮಾಡುತ್ತಾನೆ ಎನ್ನುವುದಕ್ಕೆ ಇದು ಪ್ರತ್ಯಕ್ಷ ಸಾಕ್ಷಿಯಾಗಿದೆ. ಜೀವನದಲ್ಲಿ ಸುಖಃ ಶಾಂತಿ ಮತ್ತು ನೆಮ್ಮದಿಯಾಗಿ ಇರಲು ಐಷಾರಾಮ್ಯದ ವಿದೇಶೀ ಜೀವನವೇ ಅವಶ್ಯಕವಿಲ್ಲ. ಸನಾತನ ಪದ್ದತಿಯಿಂದಲೂ ನೆಮ್ಮದಿಯಾದ ಜೀವನವನ್ನು ನಡೆಸಬಹುದು.

ಸಂಕಟ ಬಂದಾಗ ಮಾತ್ರವೇ, ವೆಂಕಟರಮಣ ಎನ್ನದೇ, ದೇವರ ಮೇಲೆ ಸದಾಕಾಲವೂ ನಂಬಿಕೆ ಇಟ್ಟು ಶ್ರಧ್ಧೆ ಮತ್ತು ಭಕ್ತಿಯಿಂದ ಅವನನ್ನು ಪ್ರಾರ್ಥಿಸಿದರೆ, ಆ ಭಗವಂತ ಖಂಡಿತವಾಗಿಯೂ ನಮ್ಮನ್ನು ಯಾವುದೋ ಒಂದು ರೀತಿಯಲ್ಲಿ ಬಂದು ರಕ್ಷಿಸಿಯೇ ತೀರುತ್ತಾನೆ.

ಏನಂತೀರೀ?

ಸೂಚನೆ : ಈ ಲೇಖನ ಬಹಳ ಹಿಂದೆ ವಾಟ್ಯಾಪ್ನಲ್ಲಿ ಓದಿದ್ದ ಆಂಗ್ಲ ಸಂದೇಶದ ಒಂದು ವಿಸ್ತೃತ ಆವೃತ್ತಿಯಾಗಿದೆ. ಹಾಗಾಗಿ ಈ ಲೇಖನದ ಬಹುಪಾಲು ಶ್ರೇಯ ಮೂಲ ಅನಾಮಿಕ ಲೇಖಕರಿಗೇ ಸಲ್ಲುತ್ತದೆ.

 

 

ಅಚ್ಚುತಾ ಅನಂತಾ ಗೋವಿಂದಾ. ಭಾಗ-1

ಭಾರತದ ದೇಶದಲ್ಲಿ ಅದೋಂದು ಸಣ್ಣ ಗ್ರಾಮ. ಆ ಗ್ರಾಮದಲ್ಲೊಬ್ಬ ವೃದ್ದ ದಂಪತಿಗಳು ವಾಸಿಸುತ್ತಿದ್ದರು. ಮನೆಯ ಹತ್ತಿರವೇ ನದಿಯೊಂದು ಹರಿಯುತ್ತಿದ್ದ ಕಾರಣ ಅವರ ಭಾವಿಯಲ್ಲಿ ಕೇವಲ  10 ಅಡಿಗಳ ಆಳದಲ್ಲಿಯೇ ನೀರಿದ್ದರಿಂದ  ಅವರ  ಮನೆಯ  ಸುತ್ತಲೂ ಮಾವು, ತೆಂಗು, ಹಲಸಿನ ಮರಗಳಲ್ಲದೇ ದಿನ ನಿತ್ಯ ಪೂಜೆಗೆ ಬೇಕಾಗುವಂತಹ ಹೂವಿನ ಗಿಡಗಳಲ್ಲದೇ, ಮನೆಗೆ ಅವಶ್ಯಕವಾಗಿದ್ದ ತರಕಾರಿಗಳನ್ನೂ ತಮ್ಮ ಕೈತೋಟದಲ್ಲಿಯೇ ಬೆಳೆಯುತ್ತಾ ಆನಂದಮಯ ಜೀವನವನ್ನು ನಡೆಸುತ್ತಿದ್ದರು.

ಇದಲ್ಲದೇ ಅವರ ಬಳಿ ಭತ್ತ ಬೆಳೆಯುವ ಫಲವತ್ತದ ಸಾಕಷ್ಟು ಗದ್ದೆಯಿದ್ದು ಜೀವನಕ್ಕೇನೂ ಕೊರತೆ ಇರರಲಿಲ್ಲವಾದರೂ, ಸದಾಕಾಲವೂ ಕಚ್ಚೆ ಪಂಚೆ ಉಟ್ಟುಕೊಂಡು ಪುರೋಹಿತ ವೃತ್ತಿಯನ್ನು ಮಾಡುತ್ತಿದ್ದರು.  ಅವರ ಪತ್ನಿಯೂ ಸಹಾ ಒಂಬತ್ತು ಗಜದ ಸೀರೆಯನ್ನು ಧರಿಸುತ್ತಾ ಬಹಳ ಶ್ರದ್ಧಾ ಭಕ್ತಿಯುಳ್ಳ ಆಸ್ತಿಕರಾಗಿದ್ದರು. ವೇದ ಮತ್ತು ಪುರಾಣಗಳನ್ನು ಚೆನ್ನಾಗಿ ತಿಳಿದು ಕೊಂಡು ಊರಿನ ಎಲ್ಲಾ ಶುಭ ಮತ್ತು ಆಶುಭ ಕಾರ್ಯಗಲು ಇವರ ಪೌರೋಹಿತ್ಯದಲ್ಲಿಯೇ ನಡೆಯುತ್ತಿತ್ತು. ಆವರೆಂದೂ ಇಷ್ಟು ಕೊಡಿ ಅಷ್ಟು ಕೊಡಿ ಎಂದು ಯಾರನ್ನೂ ಕೇಳಿದವರಲ್ಲಾ. ಊರಿನವರು ಕೊಟ್ಟಷ್ಟೇ ದಕ್ಷಿಣಿಗೆ ತೃತ್ಪಿಹೊಂದುತ್ತಿದ್ದರಲ್ಲದೇ, ಸಹಾಕಾಲವೂ ಎಲ್ಲರೀಗೂ ಒಳ್ಳೆಯದಾಗಲೀ ಎಂದೇ ಹರಸುತ್ತಿದ್ದರು. ಆ ಕಾರಣದಿಂದಾಗಿ ಊರಿನ ಎಲ್ಲರೂ ಅವರನ್ನು ಬಹಳ ಗೌರವದಿಂದ ಕಾಣುತ್ತಿದ್ದರು.

ಅವರ ಏಕೈಕ ಪುತ್ರ ಮೋಹನ್ ಬಹಳ ಬುದ್ಧಿವಂತ ತನ್ನ ವಿದ್ಯಾಭ್ಯಾಸವನ್ನು ಮುಗಿಸಿ ಹೆಚ್ಚಿನ ವ್ಯಾಸಂಗಕ್ಕೆಂದು ಅಮೇರಿಕಾದ ಕ್ಯಾಲೀಫೋರ್ನಿಯಾಕ್ಕೆ ಹೋದವನು ಅಲ್ಲಿಯೇ ಕೆಲಸ ಗಿಟ್ಟಿಸಿಕೊಂಡು ಸಂಸಾರವಂದಿಗನಾಗಿ ತನ್ನ ಪತ್ನಿ ಮತ್ತು 11 ವರ್ಷದ ಮಗನೊಂಡಿಗೆ ವಾಸಿಸುತ್ತಿದ್ದನು.

ತಂದೆ ತಾಯಿಯರಿಬ್ಬರೂ ಸದಾಕಾಲವೂ ತಮ್ಮ ತಮ್ಮ ಕೆಲಸಕಾರ್ಯಗಳಲ್ಲಿ ನಿರತರಾಗಿದ್ದ ಕಾರಣ, ಕ್ಯಾಲಿಫೋರ್ನಿಯಾದಲ್ಲಿಯೇ ಜನಿಸಿದ ಆ 11 ವರ್ಷದ ಪೋರನಿಎ ತಂದೆ ತಾಯಿಯರ ನಿಜವಾದ ಪ್ರೀತಿವಾತ್ಸಲ್ಯಗಳಿಂದ ವಂಚಿತನಾಗಿ ಕಂಪ್ಯೂಟರ್ ಮತ್ತು ಟಿವಿ ಆಟಗಳಲ್ಲಿಯೇ ತನ್ನ ಕಾಲ ಕಳೆಯುತ್ತಿದ್ದ. ಇದಕ್ಕಿಂತಲೂ ಹೆಚ್ಚಾಗಿ ಆ ಹುಡುಗ, ಹುಟ್ಟಿನಿಂದಲೂ ಶ್ವಾಸಕೋಶ ಸಂಬಂಧಿತ ಖಾಯಿಲೆಯಿಂದ ಬಳಲುತ್ತಿದ್ದ. ಅಲ್ಲಿನ ವೈದ್ಯರುಗಳೂ ಸಹಾ  ಹುಡುಗನನ್ನು ಕೂಲಕುಂಶವಾಗಿ ಪರೀಕ್ಷಿಸಿ, ಹುಡುಗನ ಶ್ವಾಸಕೋಶ ಕುಗ್ಗುತ್ತಿದೆಯಾದ ಕಾರಣ ಅವನಿಗೆ ಹೆಚ್ಚಿನ ಚಿಕಿತ್ಸೆಯ ಅವಶ್ಯಕತೆ ಇದೆ ಮತ್ತು ಅದಕ್ಕೆ ಬಹಳ ಖರ್ಚಾಗುತ್ತದೆ ಎಂದು ತಿಳಿಸಿದ್ದರು. ಗಂಡ ಹೆಂಡತಿಯರಿಬ್ಬರೂ ತಮ್ಮ ವೃತ್ತಿಜೀವನದ ಕಡೆಯೇ ಗಮನ ಹರಿಸಿದ್ದ ಕಾರಣ, ಭಾರತದಲ್ಲಿದ್ದ ಅವರ ವೃದ್ಧ ತಂದೆತಾಯಿಯರು ಮೊಮ್ಮಗನನ್ನು ನೋಡಲು ಕಾತರದಿಂದ ಸಾಕಷ್ಟು ಬಾರೀ ಕೋರಿಕೊಂಡಿದ್ದರೂ ಆ ದಂಪತಿಗಳಿಗೆ ಭಾರತಕ್ಕೆ ಬರಲೂ ಸಾಧ್ಯವಾಗಿರಲಿಲ್ಲ. ಸಾಧ್ಯವಾಗಿರಲಿಲ್ಲ ಎನ್ನುವುದಕ್ಕಿಂತ ಅವರು ಭಾರತಕ್ಕೆ ಬರಲು ಮನಸ್ಸು ಮಾಡಿರಲಿಲ್ಲ ಎಂದರೇ ಸೂಕ್ತವಾಗುತ್ತದೆ.

ತಮ್ಮ ಮಗ ಶಸ್ತ್ರಚಿಕಿತ್ಸೆಗೆ ಒಳಗಾಗುವ ಮುನ್ನಾ ತನ್ನ ತಾತಾ ಅಜ್ಜಿಯರನ್ನೊಮ್ಮೆ ನೋಡಿ ಬಿಡಲಿ ಎಂದು ನಿರ್ಧರಿದ್ದರಿಂದ ಅವರೆಲ್ಲರೂ ಆ ಬೇಸಿಗೆಯಲ್ಲಿ ಭಾರತಕ್ಕೆ ಬರುತ್ತಾರೆ. ಅನೇಕ ವರ್ಷಗಳ ನಂತರ ತಮ್ಮ ಮಗ ಸೊಸೆಯನ್ನು ನೋಡುತ್ತಿದ್ದರೂ ಆ ವೃದ್ಧ ದಂಪತಿಗಳ ಗಮನವೆಲ್ಲಾ ಮೊತ್ತ ಮೊದಲ ಬಾರಿಗೆ ತಮ್ಮ ಊರಿಗೆ ಬರುತ್ತಿದ್ದ  ತಮ್ಮ ಮೊಮ್ಮಗನ ಕಡೆಗೆ ಇತ್ತು ಎಂದು ಹೇಳಬೇಕಿಲ್ಲ.

ಮೊಮ್ಮಗ ಸ್ಯಾಮ್ (ಸಂಪತ್)ನಿಗೂ ತಾತಾ ಅಜ್ಜಿಯರನ್ನು ನೋಡಿದ ಕೂಡಲೇ ಅತ್ಯಾನಂದವಾಯಿತು. ನಿಜ ಹೇಳಬೇಕೆಂದರೆ, ನಿಜವಾದ ಪ್ರೀತಿ ವಾತ್ಸಲ್ಯದ ಸುಖಃ ಮತ್ತು ಸಂತೋಷ ಹೇಗೆ ಇರುತ್ತದೆ ಎಂಬುದನ್ನು ಮೊತ್ತ ಮೊದಲಬಾರಿಗೆ ಆತ ತನ್ನ ಅಜ್ಜಿ ಮತ್ತು ತಾತನಲ್ಲಿ ಕಂಡು ಬಹಳ ಸಂಭ್ರಮದಲ್ಲಿ ತೇಲಾಡತೊಡಾಗಿದನು.

sam5ತಾತಾ ತನ್ನ ಮೊಮ್ಮಗನಿಗೇ  ಪ್ರತಿ ದಿನ ಬೆಳಿಗ್ಗೆ ಒಂದೊಂದು ಶ್ಲೋಕಗಳನ್ನು  ಕಲಿಸಿ ಕೊಡುತ್ತಿದ್ದರೇ, ಮೊಮ್ಮಗನೂ ಸಹಾ ಅತ್ಯಂತ ಶ್ರಧ್ಧೆಯಿಂದ ಅತೀ ಶೀಘ್ರದಲ್ಲೇ ತಾತಾ ಹೇಳಿ ಕೊಟ್ಟ ಶ್ಲೋಕಗಳನ್ನೆಲ್ಲಾ ಕಲಿಯುತ್ತಿದ್ದದ್ದು ತಾತನಿಗೆ ಖುಷಿ ಕೊಡುತ್ತಿತ್ತು ಮತ್ತು ಅದನ್ನು ತನ್ನ ಊರಿನ ಎಲ್ಲರ ಬಳಿಯಲ್ಲೂ ಹೆಮ್ಮೆಯಿಂದ ಹೇಳಿಕೊಳ್ಳುತ್ತಿದ್ದರು. ತಾತಾ ಎಲ್ಲಿಗೇ ಹೋದರೂ ಅವರನ್ನು ಹಿಂಬಾಲಿಸುತ್ತಾ ಒಂದು ರೀತಿಯಲ್ಲಿ ಮೊಮ್ಮಗ ತಾತನ ಬಾಲವಾಗಿ ಹೋಗಿದ್ದ ಎಂದರೂ ತಪ್ಪಾಗಲಾರದು. ತಾತನ ಜೊತೆ ದೇವಸ್ಥಾನ, ಹೊಲ ಗದ್ದೆಗಳಿಗೆ ಹೋಗಿ ಅಲ್ಲಿಯ ಸ್ವಚ್ಚಂದ ಪರಿಸರವನ್ನು ಅತ್ಯಂತ ಸಂತೋಷದಿಂದ ಆನಂದಿಸತೊಡಗಿದ.

ಇನ್ನು ಮೊಮ್ಮಗನನಿಗೆ  ಅವನ ಅಜ್ಜಿಯ ಆರೈಕೆಗಳಿಗೇನೂ ಕಡಿಮೆ ಇರಲಿಲ್ಲ ಪ್ರತೀ ದಿನ  ಬೆಳಿಗ್ಗೆ ಕ್ಯಾರೆಟ್ ಜ್ಯೂಸ್ ಕೊಡುವುದರೊಂದಿಗೆ ಅವರ ದಿನಚರಿ ಆರಂಭವಾದರೆ, ಮನೆಯಲ್ಲಿಯೇ ಕರೆದ ಗಟ್ಟಿಯಾದ ಹಾಲು, ಅದರಿಂದ ಮಾಡಿದ ಗಟ್ಟಿ ಮೊಸರು, ಹಸನಾದ ಬೆಣ್ಣೆ, ಶುದ್ಧವಾದ ತುಪ್ಪದಿಂದ ಮಾಡಿದ ಕುರುಕಲು ತಿಂಡಿಗಳು ಬಗೆ ಬಗೆಯ ಸಿಹಿ ತಿಂಡಿಗಳಿಂದ ಮೊಮ್ಮಗ ಸಂತುಷ್ಟನಾಗಿದ್ದ. ಅಜ್ಜಿಯ ಜೊತೆ ಹಸುಗಳನ್ನು ಹೊಳೆಯುವುದು, ಸೊರ್ ಸೊರ್ ಎಂದು ನೊರೆ ಹಾಲನ್ನು  ಕರೆಯುವಾಗ ಅಜ್ಜಿಯ ಸೆರಗನ್ನೇ ಹಿಡುದುಕೊಂಡು ಸಂಭ್ರಮಿಸುತ್ತಿದ್ದಲ್ಲದೇ, ಸಂಜೆ ದೀಪ ಹತ್ತಿಸಿದ ನಂತರ ಅಜ್ಜಿ ಹೇಳುತ್ತಿದ್ದ ದೇವರ ನಾಮ ಮತ್ತು ಭಜನೆಗಳನ್ನೂ ಸ್ಯಾಮ್ ಅತೀ ಶೀಘ್ರದಲ್ಲಿಯೇ ಕಲಿತು ಕೊಂಡಿದ್ದ.

ಆಷ್ಟರಲ್ಲಾಗಲೇ ಅತನಿಗೆ ಅಕ್ಕ ಪಕ್ಕದ ಹುಡುಗರು ಪರಿಚಯವಾಗಿದ್ದರು.  ಅವರ ಜೊತೆ ನದಿಗೆ ಹೋಗಿ ಈಜತೊಡಗಿದ. ತಮ್ಮ ತೋಟದಲ್ಲಿ ಮರಕೋತಿ ಆಟ, ಗೋಲಿ, ಬುಗುರಿ, ಕಬ್ಬಡಿ ಹೀಗೆ ವೀಡಿಯೋ ಗೇಮ್ ಗಳ ಹೊರತಾಗಿಯೂ ಇತರೇ ಆಟಗಳು ಇವೇ ಎಂಬುದನ್ನು ಆತ ತನ್ನ ಗೆಳೆಯರನ್ನು ನೋಡಿ ಕಲಿತು ಕೊಂಡಿದ್ದ. ಕೆಲವೇ ಕೆಲವು ದಿನಗಳಲ್ಲಿ ತಾತನ ಜೊತೆ ತಾತನಷ್ಟೇ ಗಟ್ಟಿ ಧ್ವನಿಯಲ್ಲಿ ಅವರಷ್ಟೇ ಸ್ಪಷ್ಟ ಉಚ್ಚಾರಗಳೊಂದಿಗೆ ಮಂತ್ರಗಳನ್ನು ಹೇಳತೊಡಗಿದ. ಈ ಎಲ್ಲಾ ಪ್ರಕ್ರಿಯೆಗಳಿಂದಾಗಿ ಅವನಿಗೇ ಅರಿವಿಲ್ಲದಂತೆ ಆತನ ಶ್ವಾಸಕೋಶಗಳು ವಿಸ್ತರಿಸಲು ಪ್ರಾರಂಭಿಸಿದ್ದವು. ತಾತನ ಮನೆಗೆ ಬಂದಾಗಲಿಂದಲೂ  ಆತನಿಗೆ ಹಿಂದಿನಂತೆ ಉಸಿರಾಟದ ಯಾವುದೇ ಸಮಸ್ಯೆಗಳಿರಲಿಲ್ಲ. ಹುಡುಗರೊಂದಿಗಿನ ಈಜು ಅವನ ತೋಳುಗಳಿಗೆ ಸಾಕಷ್ಟು ಶಕ್ತಿಯನ್ನು ನೀಡಿತ್ತು. ಎಲ್ಲಾ ಹುಡುಗರಂತೇ ಇವನೂ ಸಹಾ ನದಿಯ ನೀರಿಗೆ ಧುಮುಕಿ, ಉಳಿದ ಹುಡುಗರಂತೆಯೇ ವೇಗವಾಗಿ ಈಜುತ್ತಿದ್ದ. ಈಗ ಅವನು ಕೋತಿಯಂತೆ ಇತರ ಹುಡುಗರೊಂದಿಗೆ ಮರಗಳಿಂದ ಮರಕ್ಕೆ, ಕೊಂಬೆಗಳನ್ನು ಹಿಡಿದುಕೊಂಡು ನಿರಾಯಾಸವಾಗಿ ಹಾರುತ್ತಿದ್ದ.

ಯಾವುದೇ ಸಮಸ್ಯೆಗಳು ಎದುರಾದರೂ ಅಚ್ಚುತಾ, ಅನಂತಾ, ಗೋವಿಂದಾ ಎಂದು ಭಕ್ತಿಯಿಂದ ಪ್ರಾರ್ಥಿಸಿದರೆ ಬಂದ ಕಷ್ಟಗಳೆಲ್ಲವೂ ಸುಲಭವಾಗಿ ಪರಿಹಾರವಾಗುತ್ತದೆ ಎಂಬ ತನ್ನ ಅಜ್ಜಿಯ ಮಾತೇ ಅವನಿಗೆ ವೇದವಾಕ್ಯವಾಗಿ. Oh my God, Oh my God,  ಎನ್ನುತ್ತಿದ್ದವ ಈಗ ಸದಾಕಾಲವೂ, ಅಚ್ಚುತಾ, ಅನಂತಾ, ಗೋವಿಂದಾ ನಾಮ ಸ್ಮರಣೆ ಮಾಡುತ್ತಿದ್ದ.

ಮೋಹನ್ ದಂಪತಿಗಳ ರಜೆ ಮುಗಿದಿತ್ತು ಅವರು ಅಮೇರಿಕಾಕ್ಕೆ ಹಿಂದಿರಿಗಲು ಬಯಸಿದರು. ತಂದೆ, ತಾಯಿಯರ ಒತ್ತಾಯದ ಮೇರೆಗೆ ಅತ್ಯಂತ ಸಂತೋಷವಾಗಿ ಕಾಲಕಳೆಯುತ್ತಿದ್ದ ಸ್ಯಾಮನನ್ನು ಇನ್ನೂ ಕೆಲವು ದಿನಗಳ ಮಟ್ಟಿಗೆ ಇಲ್ಲಿಯೇ ಬಿಟ್ಟಿರಲು ನಿರ್ಧರಿಸಿ, ಇಲ್ಲಿಂದ ವಿಮಾನದಲ್ಲಿ ಹತ್ತಿಸಿ ಕೂರಿಸಿದರೆ ಕ್ಯಾಲಿಫೋರ್ನಿಯಾದಲ್ಲಿ ಅವರು ಬಂದು ಕರೆದುಕೊಂಡು ಹೋಗುವುದಾಗಿ ತಿಳಿಸಿದಾಗ ಸ್ಯಾಮ್ ಆನಂದಕ್ಕೆ ಪಾರವೇ ಇರಲಿಲ್ಲ.

ಮಗ ಮತ್ತು ಸೊಸೆ ಹಿಂದಿರುಗಿದ ಮೇಲೆ, ಮೊಮ್ಮಗನ ಆರೈಕೆ ಇನ್ನೂ ಹೆಚ್ಚಾಯಿತು ಅಜ್ಜಿಯ ಕ್ಯಾರೆಟ್ ಜ್ಯೂಸ್ಸ್, ಕೆನೆ ಭರಿತ ಹಾಲು, ಹುಡುಗರೊಡನೆ ನೈಸರ್ಗಿಕ ವ್ಯಾಯಾಮ, ತಾತನ ಜೊತೆ ಗಟ್ಟಿಯಾಗಿ ವೇದ ಪಾರಾಯಣ ಮತ್ತು ಅವರ ಜೊತೆ ಹೊಲ ಗದ್ದೆಗಳಲ್ಲಿನ ತಾಜಾ ಗಾಳಿಯ ಉಸಿರಾಟ ಅವನ ಆರೋಗ್ಯವನ್ನು ಸುಧಾರಿಸಿತ್ತು.  ಅಪ್ಪಾ ಕೊಟ್ಟಿದ್ದ ಒಂದು ತಿಂಗಳುಗಳ ಗಡುವು ಮುಗಿದು ಭಾರವಾದ ಹೃದಯದಿಂದ, ಒಲ್ಲದ ಮನಸ್ಸಿನಿಂದಲೇ ಮುಂದಿನ ವರ್ಷ ಖಂಡಿತವಾಗಿಯೂ ಬರುತ್ತೇನೆ ಎಂದು ವಾಗ್ದಾನ ಮಾಡಿ ಅಮೇರಿಕಾದ ವಿಮಾನ ಹತ್ತಿದ್ದ. ಅಜ್ಜಿಯೂ ಮುದ್ದಿನ ಮೊಮ್ಮಗನಿಗಾಗಿ ಬಗೆ ಬಗೆಯ ತಿಂಡಿಗಳನ್ನು ಮಾಡಿ ಕಳುಹಿಸಿದ್ದರು.

sam7ಎಲ್ಲವೂ ಸುಗಮವಾಗಿ ಸಾಗುತ್ತಿದೆ. ಇನ್ನೇನು ಕೆಲವೇ ಕೆಲವು ಗಂಟೆಗಳಲ್ಲಿ  ಸ್ಯಾನ್ ಫ್ರಾನ್ಸಿಸ್ಕೋ ವಿಮಾನ ನಿಲ್ದಾಣ ತಲುಪುತ್ತೇವೆ ಎಂದು ಪೈಲೆಟ್ ಹೇಳಿದ್ದು ಸ್ಯಾಮ್ ಕಿವಿಗೆ ಬಿದ್ದ ಕೆಲವೇ ಕೆಲವು ನಿಮಿಷಗಳಲ್ಲಿಯೇ ವಿಮಾನದ ಹೊರಗಿನ ಗುಡುಗು ಮತ್ತು ಮಿಂಚು ವಿಮಾನವನ್ನು ನಡುಗುವಂತೆ ಮಾಡಿತು. ವಿಮಾನ ಇದ್ದಕ್ಕಿದ್ದಂತೆಯೇ ಅಲ್ಲಾಡತೊಡಗಿ ಎಲ್ಲಾ ಪ್ರಯಾಣಿಕರೂ ಗಾಭರಿಯಾಗತೊಡಗಿದರು. ವಿಮಾನವೂ ಕೂಡಾ   ಎಟಿಸಿಯೊಂದಿಗಿನ ಸಂಪರ್ಕವನ್ನು ಕಳೆದುಕೊಂಡಿತ್ತು. ಎಲ್ಲರಿಗೂ ಉಸಿರಾಟದ ತೊಂದರೆಯಾಗಿ ಆಮ್ಲಜನಕದ ಮುಖವಾಡಗಳು ಕೆಳಗಿಳಿದವು. ಗಗನ ಸಖಿಯರು ಅತ್ತಿಂದಿತ್ತ ಗಾಭರಿಯಿಂದ ಓಡಾಡುತ್ತಾ ಎಲ್ಲರಿಗೂ ಸೀಟ್ ಬೆಲ್ಡ್ ಮತ್ತು ಮುಖವಾಡಗಳನ್ನು ಧರಿಸಿ ನೆಮ್ಮದಿಯಿಂದ ಇರಿ ಎಂದು ಹೇಳುತ್ತಾ ಹರಸಾಹಸ ಪಡುತ್ತಿದ್ದರಾದರೂ, ಅಲ್ಲಿ ಭೀತಿಯ ವಾತವಾರಣವಿತ್ತು.  ಎಲ್ಲರೂ ಪ್ರಾಣ ಭಯಭೀತರಾಗಿ ಅಳುತ್ತಿದ್ದರು.

ಅರೇ ವಿಮಾನಕ್ಕೇನಾಯಿತು? ಸ್ಯಾಮ್ ಕ್ಷೇಮವಾಗಿ ಅಪ್ಪ ಅಮ್ಮಂದಿರ ಮಡಿಲಿಗೆ ಸೇರಿದನೇ? ಈ ಕುತೂಹಲ ಮುಂದಿನ ಸಂಚಿಕೆಯಲ್ಲಿ

govinda

.

ಅಲ್ಲಿಯ ವರೆಗೂ ಅಚ್ಚುತಾ ಅನಂತಾ ಗೋವಿಂದಾ ಎಂದು ಭಗವಂತನ ನಾಮ ಸ್ಮರಣೆ ಮಾಡುತ್ತಿರೀ

 

ಏನಂತೀರಿ?