ನುಚ್ಚಿನುಂಡೆ ಮತ್ತು ದೊಡ್ಡಪತ್ರೆ ತಂಬುಳಿ

ಕರ್ನಾಟಕದ ಅತ್ಯಂತ ಸಾಂಪ್ರದಾಯಿಕವಾದ, ಪೌಷ್ಟಿಕರವಾದ ಮತ್ತು ಅಷ್ಟೇ ರುಚಿಕರವಾದ ತಿಂಡಿಯಾದ ನುಚ್ಚಿನುಂಡೆ ಮತ್ತು ಅದರ ಜೊತೆ ನೆಂಚಿಕೊಳ್ಳಲು ದೊಡ್ಡೀಪತ್ರೆ ತಂಬುಳಿಯನ್ನು ಸಾಂಪ್ರದಾಯಕವಾಗಿ ಮನೆಯಲ್ಲಿಯೇ ಹೇಗೆ ತಯಾರಿಸಬಹುದು ಎಂಬುದನ್ನು ನಮ್ಮ ಅನ್ನಪೂರ್ಣಾ ಮಾಲಿಯ ಮೂಲಕ ತಿಳಿಸುಕೊಳ್ಳೋಣ.

ಸುಮಾರು 3-4 ಜನರಿಗೆ ಸಾಕಾಗುವಷ್ಟು ನುಚ್ಚಿನುಂಡೆ ತಯಾರಿಸಲು ಬೇಕಾಗುವ ಸಾಮಗ್ರಿಗಳು

• ತೊಗರೀಬೇಳೆ – 1 ಬಟ್ಟಲು
• ಕಡಲೇಬೇಳೆ- 1 ಬಟ್ಟಲು
• ಹೆಸರುಬೇಳೆ – 1 ಬಟ್ಟಲು
• ತೆಂಗಿನ ಕಾಯಿ ತುರಿ – 1 ಬಟ್ಟಲು
• ನುಣ್ಣಗೆ ಹೆಚ್ಚಿದ ಸಬ್ಸೀಗೆ ಸೊಪ್ಪು – 1 ಬಟ್ಟಲು
•ನುಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು – 1/4 ಬಟ್ಟಲು
• ತುರಿದ ಶುಂಠಿ – 1 ಚಮಚ
• ಕತ್ತರಿಸಿದ ಹಸೀ ಮೆಣಸಿನಕಾಯಿ – 3-4
• ಸಣ್ಣದಾಗಿ ಹೆಚ್ಚಿದ ಮಧ್ಯಮ ಗಾತ್ರದ ಈರುಳ್ಳಿ 1-2 ( ಐಚ್ಚಿಕ)
• ರುಚಿಗೆ ತಕ್ಕಷ್ಟು ಉಪ್ಪು.

ದೊಡ್ಡಪತ್ರೆ ತಂಬುಳಿ ಮಾಡಲು ಬೇಕಾಗುವ ಸಾಮಗ್ರಿಗಳು

• ಮೊಸರು – 1 ಬಟ್ಟಲು
• ತೆಂಗಿನ ಕಾಯಿ ತುರಿ – 1 ಬಟ್ಟಲು
• ಚೆನ್ನಾಗಿ ತೊಳೆದ ದೊಡ್ಡೀಪತ್ರೆ – 1 ಬಟ್ಟಲು
•ನುಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು – 1/4 ಬಟ್ಟಲು
• ಜೀರಿಗೆ ಮತ್ತು ಕಾಳು ಮೆಣಸು – 1 ಚಮಚ
• ಕತ್ತರಿಸಿದ ಹಸೀ ಮೆಣಸಿನಕಾಯಿ – 1-2
• ರುಚಿಗೆ ತಕ್ಕಷ್ಟು ಉಪ್ಪು.

ನುಚ್ಚಿನುಂಡೆ ಮಾಡುವ ವಿಧಾನ :

  • ಸಮ ಪ್ರಮಾಣದಲ್ಲಿ ತೆಗೆದುಕೊಂಡ ತೊಗರೀಬೇಳೆ, ಕಡಲೇಬೇಳೆ ಮತ್ತು ಹೆಸರುಬೇಳೆಯನ್ನು ಮೂರ್ನಾಲ್ಕು ಘಂಟೆಗಳ ಕಾಲ ನೆನಸಿಟ್ಟುಕೊಂಡು ನಂತರ ಮಿಕ್ಸಿಯಲ್ಲಿ ತರಿತರಿಯಾಗಿ ರುಬ್ಬಿ ಕೊಳ್ಳಬೇಕು
  • ರುಬ್ಬಿಕೊಂಡ ಬೇಳೆಯ ಹಿಟ್ಟಿನ ಜೊತೆ, ಸಬ್ಸೀಗೆ ಸೊಪ್ಪು, ಕೊತ್ತಂಬರಿ ಸೊಪ್ಪು, ತೆಂಗಿನಕಾಯಿ ತುರಿ, ಶುಂಠಿ, ಹಸೀ ಮೆಣಸಿನಕಾಯಿ ಮತ್ತು ರುಚಿಗೆ ತಕ್ಕಷ್ಟು ಉಪ್ಪನ್ನು ಸೇರಿಸಿ ಚೆನ್ನಾಗಿ ಕಲೆಸಿಕೊಳ್ಳಬೇಕು.
  • ಇಷ್ಟವಿದ್ದಲ್ಲಿ ಅದಕ್ಕೆ ಹೆಚ್ಚಿದ ಈರುಳ್ಳಿಯನ್ನೂ ಸೇರಿಸಿಕೊಳ್ಳಬಹುದು.
  • ಇಡ್ಲಿ ಕುಕ್ಕರ್ ಸ್ಟಾಂಡಿಗೆ ಸ್ವಲ್ಪ ಎಣ್ಣೆ ಹಚ್ಚಿ, ಮಾಡಿಕೊಂಡ ಮಿಶ್ರಣವನ್ನು ಮುಷ್ಠಿಯಿಂದ ಉಂಡೆ ಕಟ್ಟಿ ಇಡ್ಲೀ ಸ್ಟಾಂಡಿನಲ್ಲಿ ಸುಮಾರು 10-15 ನಿಮಿಷಗಳಷ್ಟು ಕಾಲ ಹಬೆಯಲ್ಲಿ ಬೇಯಿಸಿದಲ್ಲಿ, ರುಚಿ ರುಚಿಯಾದ, ಬಿಸಿಬಿಯಾದ, ಆರೋಗ್ಯಕರವಾದ ಮತ್ತು ಅಷ್ಟೇ ಪೌಷ್ಠಿಕವಾದ ನುಚ್ಚಿನುಂಡೆ ಸವಿಯಲು ಸಿದ್ಧ.

ದೊಡ್ಡಪತ್ರೆ ತಂಬುಳಿ ಮಾಡುವ ವಿಧಾನ :

  • ಸಣ್ಣ ಬಾಣಲೆಗೆ ಸ್ವಲ್ಪ ಎಣ್ಣೆ ಹಾಕಿಕೊಂಡು ಜೀರಿಗೆ, ಮೆಣಸು ಮತ್ತು ಹಸೀಮೆಣಸಿನಕಾಯಿಯನ್ನು ಹುರಿದು ಕೊಳ್ಳಬೇಕು
    ನಂತರ ಚೆನ್ನಾಗಿ ತೊಳಿದು ಇಟ್ಟಿದ್ದ ದೊಡ್ಡ ಪತ್ರೆ ಸೊಪ್ಪನ್ನೂ ಸಹಾ ಬಾಣಲೆಯಲ್ಲಿ ಹಾಕಿ ಒಂದೆರಡು ನಿಮಿಷ ಹುರಿದು ಕೊಳ್ಳಬೇಕು
  • ಹುರಿದುಕೊಂಡ ಮಿಶ್ರಣದ ಜೊತೆ ಕಾಯಿತುರಿ, ಕೊತ್ತಂಬರಿ ಸೊಪ್ಪು, ಕಾಯಿತುರಿ ಮತ್ತು ರುಚಿಗೆ ತಕ್ಕಷ್ಟು ಉಪ್ಪನ್ನು ಬೆರಿಸಿ ನುಣ್ಣಗೆ ಮಿಕ್ಸಿಯಲ್ಲಿ ಚೆಟ್ನಿಯ ರೀತಿಯಲ್ಲಿ ರುಬ್ಬಿಕೊಳ್ಳಬೇಕು
  • ರುಬ್ಬಿಕೊಂಡ ಚೆಟ್ನಿಗೆ ಮೊಸರು ಸೇರಿಸಿ ಚೆನ್ನಾಗಿ ಕಲೆಸಿದಲ್ಲಿ ಆರೋಗ್ಯಕರವಾದ ದೊಡ್ಡಪತ್ರೆ ತಂಬುಳಿ ಸಿದ್ಧ.
  • nuche2
    ಬಿಸಿಬಿಸಿಯಾದ ನುಚ್ಚಿನುಂಡೆಯನ್ನು ತಣ್ಣಗಿನ ದೊಡ್ಡಪತ್ರೆ ತಂಬುಳಿ ಜೊತೆ ನೆಂಚಿಕೊಂಡು ಸವಿಯಲು ಬಹಳ ಮಜವಾಗಿರುತ್ತದೆ

ಇದೇ ನುಚ್ಚಿನುಂಡೆ ಮತ್ತು ದೊಡ್ಡ ಪತ್ರೆ ತಂಬುಳಿಯನ್ನು ಈ ವೀಡೀಯೋ ಮೂಲಕವೂ ನೋಡಿ ಕಲಿಯಬಹುದಾಗಿದೆ.

ಇನ್ನೇಕೆ ತಡಾ ನೋಡ್ಕೋಳ್ಳಿ, ಓದ್ಕೋಳ್ಳಿ , ಮಾಡ್ಕೋಳ್ಳಿ , ತಿನ್ಕೊಳ್ಳಿ

ಏನಂತೀರೀ?

ಮನದಾಳದ ಮಾತು : ಮೂರು ತರಹದ ಬೇಳೆಗಳು ಜೊತೆಗೆ ಸಬ್ಸೀಗೆ ಸೊಪ್ಪು ಬೆರೆಸಿ ಹಬೆಯಲ್ಲಿ ಬೇಯಿಸಿದಂತಹ ನುಚ್ಚಿನುಂಡೆ ನಿಜಕ್ಕೂ ಆರೋಗ್ಯಕರ ಮತ್ತು ಪೌಷ್ಟಿದಾಯಕ ಆಹಾರವಾಗಿದೆ. ಸಾಮಾನ್ಯವಾಗಿ ನುಚ್ಚಿನುಂಡೆಯ ಜೊತೆ ಕಾಯಿ ಚೆಟ್ನಿ ಅಥವಾ ಮಜ್ಜಿಗೆ ಹುಳಿ ಜೊತೆಗೆ ನೆಂಚಿಕೊಂಡು ತಿನ್ನಲು ಚೆನ್ನಾಗಿರುತ್ತದೆ. ಈಗ ನಾವು ಮಾಡಿ ತೋರಿಸಿದ ದೊಡ್ದ ಪತ್ರೆ ಸೊಪ್ಪಿನ ತಂಬುಳಿಯ ಜೊತೆಗೆ ನೆಂಚಿಕೊಂಡಲ್ಲಿ ಇನ್ನೂ ಆರೋಗ್ಯಕರವಾಗಿರುತ್ತದೆ.

#ಅನ್ನಪೂರ್ಣ
#ನುಚ್ಚಿನುಂಡೆ
#ದೊಡ್ಡೀಪತ್ರೆ_ತಂಬುಳಿ
#ತಂಬುಳಿ
#ಏನಂತೀರೀ YouTube

ತಂಬುಳಿ

ಕಡಿಮೆ ಸಮಯದಲ್ಲಿ ಮನೆಯಲ್ಲಿ ಇರುವ ವಸ್ತುಗಳಲ್ಲಿಯೇ ದಿಢೀರ್ ಆಗಿ ಮಾಡಬಹುದಾದ ರುಚಿಕರವಾದ ಪದಾರ್ಥವೇ ತಂಬುಳಿ.
ಮಜ್ಜಿಗೆಯನ್ನು ಬಳಸಿ ಮಾಡುವುದಾದರಿಂದ ಇದು ದೇಹಕ್ಕೆ ತಂಪಾಗಿ ಇರುತ್ತದೆ ಮತ್ತು ಆರೋಗ್ಯಕ್ಕೂ ಒಳ್ಳೆಯದು.

ಬೇಕಾಗುವ ಪದಾರ್ಥಗಳು

  • ತೆಂಗಿನಕಾಯಿ ತುರಿ 1/2 ಕಪ್
  • ಜೀರಿಗೆ 1/4 ಚಮಚ
  • ಮೆಣಸು 1/4 ಚಮಚ
  • ಹಸೀ ಮೆಣಸಿನಕಾಯಿ 3-4
  • ಬೆಳ್ಳುಳ್ಳಿ(ಐಚ್ಚಿಕ) 3-4 ಎಸಳು
  • ಉಪ್ಪು ರುಚಿಗೆ ತಕ್ಕಷ್ಟು

ಮೇಲೆ ತಿಳಿಸಿದ ಎಲ್ಲಾ ಪದಾರ್ಥಗಳನ್ನೂ ಮಿಕ್ಸಿಯಲ್ಲಿ ನುಣ್ಣಗೆ ರುಬ್ಬಿಕೊಂಡು 2 ಕಪ್ ಕಡೆದ ಮಜ್ಜಿಗೆಯೊಂದಿಗೆ ಸೇರಿಸಿದಲ್ಲಿ ತಂಬುಳಿ ಸಿದ್ದ.

ಇದರೊಂದಿಗೆ

  • ದೊಡ್ಡಿಪತ್ರೆ ಸೊಪ್ಪು ,
  • ಪುದೀನ ಸೊಪ್ಪು,
  • ವಿಳ್ಳೇದಲೆ,
  • ಬಾಯಿಬಸಲೆ,
  • ಒಂದೆಲಗ,
  • ಶುಂಠಿ,
  • 1/4 ಚಮಚ ಮೆಂತ್ಯ

ಈ ಮೇಲೆ ತಿಳಿಸಿದ ಯಾವುದಾದರೂ ಒಂದನ್ನು ಸ್ವಲ್ಪ ಬಾಣಲೆಯಲ್ಲಿ ಹುರಿದು ರುಬ್ಬುವ ಪದಾರ್ಥಗಳೊಂದಿಗೆ ಬಳೆಸಿದಲ್ಲಿ ಇನ್ನೂ ರುಚಿಕರವಾಗಿರುತ್ತದೆ ಮತ್ತು ಆರೋಗ್ಯಕರವಾಗಿರುತ್ತದೆ.

ಒಗ್ಗರಣೆ:

ಸಣ್ಣ ಉರಿಯಲ್ಲಿ ಬಾಣಲೆಯಲ್ಲಿ ಒಂದು ಚಮಚ ಎಣ್ಣೆ (ಕೊಬ್ಬರಿ ಎಣ್ಣೆ ಇನ್ನೂ ಹೆಚ್ಚಿನ ರುಚಿ ತರುತ್ತದೆ) ಹಾಕಿ ಅದಕ್ಕೆ ಚೂರು ಸಾಸಿವೆ, ಚಿಟಿಕೆ ಇಂಗು, ನಾಲ್ಕಾರು ಕರಿಬೇವಿನ ಎಲೆ, ಉದ್ದಿನಬೇಳೆ ಮತ್ತು ಒಂದೆರಡು ಮುರಿದ ಒಣಮೆಣಸಿನಕಾಯಿಯ ಒಗ್ಗರಣೆಯನ್ನು ಬೆರಿಸಿದರಂತೂ ತಂಬುಳಿ ಇನ್ನೂ ಫಮ ಘಮವೆನಿಸುತ್ತದೆ.

ಇದನ್ನು ಅನ್ನ, ರಾಗಿ ಮುದ್ದೆ , ರೊಟ್ಟಿ ಮತ್ತು ಚಪಾತಿಗಳ ಜೊತೆ ತಿನ್ನಲು ಮಜವಾಗಿರುತ್ತದೆ.

ಇನ್ನೇಕೆ ತಡ? ರುಚಿಯಾದ ತಂಬುಳಿ ಮಾಡಿರಲ್ಲಾ.

ರುಚಿರುಚಿಯಾಗಿ ಮಾಡಿದ ನಂತರ ನಮ್ಮನ್ನು ಮನೆಗೆ ಕರೆಯುವುದನ್ನು ಮಾತ್ರ ಮರೆಯಬೇಡಿ.

ಏನಂತೀರೀ?

ಇಲ್ಲಿಂದ ಮುಂದೆ ಇರೋದೆಲ್ಲಾ ವಾಟ್ಸಾಪ್ ಕೃಪೆ.

ತುಂಬಾ ಉತ್ತಮ ವಿವರಣೆ ಇದ್ದದ್ದರಿಂದ ಯಥಾವತ್ತಾಗಿ ಪ್ರಕಟಿಸಿದ್ದೇನೆ. ಇದನ್ನು ಬರೆದ ಲೇಖಕರಿಗೆ ಹೃತ್ಪೂರ್ವಕ ವಂದನೆಗಳು

*೧. ಜೀರಿಗೆ*ಮೆಣಸಿನ ಕಾಳಿನ ತಂಬ್ಳಿ*:- ತುಪ್ಪದಲ್ಲಿ ಜೀರಿಗೆ ಕಾಳುಮೆಣಸು ಹುರಿದು ಕಾಯಿತುರಿ ಜೊತೆ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ.ಬೇಕಿದ್ದರೆ ಚೂರು ಬೆಲ್ಲ ಹಾಕಿ.ಛಳಿಗಾಲ, ಮಳೆಗಾಲದ ಸಮಯದಲ್ಲಿ ಸ್ವಲ್ಪ ಬಿಸಿಮಾಡಿ ಊಟಮಾಡಿ.ಜ್ವರ ಬಂದಾಗ ಒಳ್ಳೆಯದು.

*೨. ಸಾಸಿವೆ* *ತಂಬ್ಳಿ* :- ಕಾಯಿತುರಿ ಜೊತೆ ಸಾಸಿವೆ,ಚೂರು ಒಣಮೆಣಸಿನಕಾಯಿ ಹಾಕಿ ರುಬ್ಬಿ, ಮಜ್ಜಿಗೆ ಉಪ್ಪು ಹಾಕಿ. *ಅಜೀರ್ಣ ಆದಾಗ ಒಳ್ಳೆಯದು*

*೩. ಓಂಕಾಳು*. *ತಂಬ್ಳಿ*:- ಓಂಕಾಳು,ಚೂರು ಒಣಶುಂಠಿ ತುಪ್ಪದಲ್ಲಿ ಹುರಿದು ಕಾಯಿತುರಿ ಜೊತೆ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ.ಹೊಟ್ಟೆ ಉಬ್ಬರ,ಆಮಶಂಕೆ ನಿವಾರಣೆಗೆ ಮನೆಮದ್ದು.
*೪. ಓಂಕಾಳು ಜೀರಿಗೆ ತಂಬುಳಿ* ಓಂಕಾಳು ಜೀರಿಗೆ ತುಪ್ಪದಲ್ಲಿ ಹುರಿದು ಕಾಯಿತುರಿ ಜೊತೆ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ.ವಾಂತಿ ಇರುವಾಗ ಈ ತಂಬ್ಳಿ ಉಪಯುಕ್ತ.

*೫. ಮೆಂತೆ ತಂಬ್ಳಿ* ಮೆಂತೆ ಹುರಿದು ಕಾಯಿತುರಿ ಜೊತೆ ರುಬ್ಬಿ ಮಜ್ಜಿಗೆ ಉಪ್ಪು ಸ್ವಲ್ಪ ಬೆಲ್ಲ ಹಾಕಿ.ಅಥವಾ ಒಣಮೆಣಸಿನಕಾಯಿಮ, ಮೆಂತೆ ತುಪ್ಪದಲ್ಲಿ ಹುರಿದು ಕಾಯಿತುರಿ ಜೊತೆ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ.ಇದು ಜೀರ್ಣಶಕ್ತಿ ವೃದ್ಧಿಸುತ್ತದೆ.

*೬.ಕೊತ್ತಂಬರಿ* *ತಂಬ್ಳಿ* ಕೊತ್ತಂಬರಿ ಬೀಜ ಇಂಗು ಕರಿಬೇವು ಒಣಮೆಣಸಿನಕಾಯಿ ಹುರಿದು ಕಾಯಿತುರಿ ಜೊತೆ ರುಬ್ಬಿ ಹುಣಸೆ ಹಣ್ಣು ಉಪ್ಪು ಹಾಕಿ.ಅಥವಾ ಕೊತ್ತಂಬರಿ ಬೀಜ ಇಂಗು ಕರಿಬೇವು ಹಸಿಮೆಣಸಿನ ಕಾಯಿ ಹುರಿದು ಕಾಯಿತುರಿ ಜೊತೆ ರುಬ್ಬಿ ಉಪ್ಪು ಹಾಕಿ.ಈ ತಂಬ್ಳಿ ಅವಲಕ್ಕಿ ಜೊತೆ ತುಂಬಾ ರುಚಿ.ಅನ್ನದ ಜೊತೆಗೂ ರುಚಿ.

*೭. ಕರಿಬೇವು ತಂಬ್ಳಿ* ಕಾಯಿತುರಿ ಜೊತೆ ಕರಿಬೇವು ಹಾಕಿ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ.ಇದು ಕಣ್ಣಿನ ಆರೋಗ್ಯಕ್ಕೆ ಒಳ್ಳೆಯದು..
*೮. ಎಲವರಿಗೆ ತಂಬ್ಳಿ* ಎಲವರಿಗೆ ಸೊಪ್ಪು ಜೀರಿಗೆ ಕಾಳುಮೆಣಸು ತುಪ್ಪ ಹಾಕಿ ಹುರಿದು ಕಾಯಿತುರಿ ಜೊತೆ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ.ಸ್ವಲ್ಪ ಬೆಲ್ಲ ಹಾಕಿ ದ್ರೂ ರುಚಿ.ಛಳಿಗಾಲ, ಮಳೆಗಾಲ ದಲ್ಲಿ ಸ್ವಲ್ಪ ಬಿಸಿಮಾಡಿ. ಬಿ .ಪಿ.ಇದ್ದವರಿಗೆ ಒಳ್ಳೆಯದು.

*೯. ವಿಟಾಮಿನ್ / ಚಕ್ರಮುನಿ ಸೊಪ್ಪು*#ತಂಬ್ಳಿ* ವಿಟಾಮಿನ್ ಸೊಪ್ಪು ಜೀರಿಗೆ ಕಾಳುಮೆಣಸು ತುಪ್ಪದಲ್ಲಿ ಹುರಿದು ಕಾಯಿತುರಿ ಜೊತೆ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ. ಚಳಿಗಾಲದಲ್ಲಿ ಮಳೆಗಾಲ ದಲ್ಲಿ ಬಿಸಿ ಮಾಡಿ ಉಣ್ಣಬಹುದು.

*೧೦. ಬಿಲ್ವಪತ್ರೆ ಕುಡಿ ತಂಬ್ಳಿ* :- ಕಾಯಿತುರಿ ಜೊತೆ ಬಿಲ್ವಪತ್ರೆ ಕುಡಿ ಹಾಕಿ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ.ಬಿಪಿ, ಶುಗರ್ ಇದ್ದವರಿಗೂ ಒಳ್ಳೆಯದು.

*೧೧ ನಿಂಬೆಕಾಯಿ ತಂಬ್ಳಿ* :- ಕಾಯಿತುರಿ ಜೊತೆ ಕೊನೆಯ ಲ್ಲಿ ಲಿಂಬೆಹೋಳು ಹಾಕಿ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ. ಜೀರಿಗೆ ಒಗ್ಗರಣೆ ಹಾಕಿ.
ಪಿತ್ತಕ್ಕೆ ಒಳ್ಳೆಯದು.

*೧೨ #ಒಂದೆಲಗದ (ಉರಗಾಗಡ್ಡೆ) ತಂಬ್ಳಿ* :- ಕಾಯಿತುರಿ ಜೊತೆ ಸ್ವಚ್ಛ ಮಾಡಿದ ಒಂದೆಲಗದ ಗಡ್ಡೆ ಸಹಿತ ಎಲೆಗಳು ಜೀರಿಗೆ ಕಾಳುಮೆಣಸು ಹಾಕಿ ರುಬ್ಬಿ ಮಜ್ಜಿಗೆ ಉಪ್ಪು ಸ್ವಲ್ಪ ಬೆಲ್ಲ ಹಾಕಿ.ಇದು ಬೇಸಿಗೆಯಲ್ಲಿ ತಂಪು ಹಾಗೂ ನೆನಪಿನ ಶಕ್ತಿ ಹೆಚ್ಚಿಸಲು ಪರಿಣಾಮ ಬೀರುತ್ತದೆ.

*೧೩. ಬಿಳೆಕುಸುಮಾಲೆಹೂವಿನ #ತಂಬ್ಳಿ* :- ಬಿಳೆಕುಸುಮಾಲೆ ಹೂ, ಜೀರಿಗೆ ಕಾಳುಮೆಣಸು ತುಪ್ಪದಲ್ಲಿ ಹುರಿದು ಕಾಯಿತುರಿ ಜೊತೆ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ.ಹೆಂಗಸರ ಮುಟ್ಟಿನ ತೊಂದರೆಗೆ ಒಳ್ಳೆಯದು.

*೧೪ *ಪಾಲಕ್ ಸೊಪ್ಪು ತಂಬ್ಳಿ* :- ಪಾಲಕ್ ಸೊಪ್ಪು ಜೀರಿಗೆ ಕಾಳುಮೆಣಸು ತುಪ್ಪದಲ್ಲಿ ಹುರಿದು ಕಾಯಿತುರಿ ಜೊತೆ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ.ದೇಹಕ್ಕೆ ತಂಪು.

*೧೫ *#ಮೆಂತೆ #ಸೊಪ್ಪಿನ #ತಂಬ್ಳಿ*:- ಮೆಂತೆ ಸೊಪ್ಪು ಜೀರಿಗೆ ಕಾಳುಮೆಣಸು ತುಪ್ಪದಲ್ಲಿ ಹುರಿದು ಕಾಯಿತುರಿ ಜೊತೆ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ.ಬಾಯಿರುಚಿ ಹೆಚ್ಚಿಸುತ್ತದೆ.

*೧೭ ಸಬ್ಬಸಿಗೆ ಸೊಪ್ಪಿನ ತಂಬ್ಳಿ*:- ಸಬ್ಬಸಿಗೆ ಸೊಪ್ಪು ಜೀರಿಗೆ ಕಾಳುಮೆಣಸು ತುಪ್ಪದಲ್ಲಿ ಹುರಿದು ಕಾಯಿತುರಿ ಜೊತೆ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ.*ಬಸುರಿ ಹಾಗೂ ಬಾಣಂತಿ ಯರಿಗೆ ಎದೆಹಾಲು ಹೆಚ್ಚಿಸಲು ಪರಿಣಾಮ ಕಾರಿ*.

*೧೮ ಕಂಚಿಕಾಯಿ ,#ಹೇರಳೆ ಕಾಯಿ (ಉಪ್ಪಲ್ಲಿ ಹಾಕಿದ ಕಂಚಿಹೋಳು) ತಂಬ್ಳಿ* :- ಕಾಯಿತುರಿ ಜೊತೆ ಉಪ್ಪಲ್ಲಿ ಹಾಕಿದ ಕಂಚಿಹೋಳು ಹಾಕಿ ರುಬ್ಬಿ ಮಜ್ಜಿಗೆ ಉಪ್ಪು (ಉಪ್ಪು ಇರೋದ್ರಿಂದ ನೋಡಿ) ಹಾಕಿ. ಪಿತ್ತಕ್ಕೆ ಒಳ್ಳೆಯದು.

*೧೯ #ಲಿಂಬೆಸಟ್ಟಿನ (ರಸಹಿಂಡಿದ ಮೇಲೆ ಸಿಪ್ಪೆಯನ್ನು ಉಪ್ಪಲ್ಲಿ ಹಾಕಿದ) ತಂಬ್ಳಿ*:- ಕಾಯಿತುರಿ ಜೊತೆ ಲಿಂಬೆಸಟ್ಟು, ಜೀರಿಗೆ ಹಾಕಿ ರುಬ್ಬಿ ಮಜ್ಜಿಗೆ ಉಪ್ಪು ನೋಡಿ ಹಾಕಿ.ಪಿತ್ತಕ್ಕೆ ಒಳ್ಳೆಯದು.

*೨೦ ನೆಲ್ಲಿ ಕಾಯಿ ತಂಬುಳಿ* ಕಾಯಿತುರಿ ಜೊತೆ ತುಪ್ಪದಲ್ಲಿ ಜೀರಿಗೆ ಕಾಳುಮೆಣಸು ನೆಲ್ಲಿ ಕಾಯಿ ಹಾಕಿ ಹುರಿದುಕೊಂಡು ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ.ಪಿತ್ತಕ್ಕೆ ಒಳ್ಳೆಯದು. ಉಪ್ಪಲ್ಲಿ ಹಾಕಿದ ನೆಲ್ಲಿ ಕಾಯಿ ತಂಬುಳಿ ಮಾಡಬಹುದು. ನೀರಿನಲ್ಲಿ ನೆನೆಸಿ ನಂತರ ರುಬ್ಬಿ.

*೨೧ ಮುರುಗಲು ಹಣ್ಣಿನ ತಂಬ್ಳಿ* ಬೇಸಿಗೆಯಲ್ಲಿ ಧಾರಾಳ ಸಿಗುವ ಬಿಳೇ ಅಥವಾ ಕೆಂಪು ಮುರುಗಲು ಹಣ್ಣಿನ ಬೀಜ , ತೊಟ್ಟು ತೆಗೆದು ಕಾಯಿತುರಿ ಜೊತೆ ಜೀರಿಗೆ ಹಾಕಿ ರುಬ್ಬಿ , ಉಪ್ಪು, ಬೆಲ್ಲ ಹಾಕಿ.ಪಿತ್ತಶಮನಕಾರಿ.

*೨೨ ಒಣಗಿಸಿ ದ ಮುರುಗಲು ಸಿಪ್ಪೆ ತಂಬ್ಳಿ*:- ಒಣಗಿದ ಬಿಳೇ ಅಥವಾ ಕೆಂಪು ಮುರುಗಲು ಹಣ್ಣಿನ ಸಿಪ್ಪೆ ಯನ್ನು ನೀರಲ್ಲಿ ನೆನೆಸಿಡಿ.ಕಾಯಿತುರಿ ಜೊತೆಗೆ ನೆನೆಸಿದ ಮು.ಸಿಪ್ಪೆ ರುಬ್ಬಿ ಉಪ್ಪು ಬೆಲ್ಲ ಹಾಕಿ.ಜೀರಿಗೆ ಒಗ್ಗರಣೆ ಹಾಕಿ.ಪಿತ್ತಕ್ಕೆ ಒಳ್ಳೆಯದು.

*೨೨* *ಕೆಂಪು / ಬಿಳಿ ದಾಸವಾಳ ಹೂವಿನ ತಂಬ್ಳಿ*:- ತೊಟ್ಟು, ಮಧ್ಯದ ಕುಸುಮ ತೆಗೆದ ದಾಸವಾಳ ಹೂವು ಜೀರಿಗೆ ಕಾಳುಮೆಣಸು ತುಪ್ಪದಲ್ಲಿ ಹುರಿದು ಕಾಯಿತುರಿ ಜೊತೆ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ.ದೇಹವನ್ನು ತಂಪಾಗಿ ಇಡುತ್ತದೆ.

*೨೩* *ಮಾಚಿಪತ್ರೆ ತಂಬ್ಳಿ*:- ಮಾಚಿಪತ್ರೆ ಜೀರಿಗೆ ತುಪ್ಪದಲ್ಲಿ ಹುರಿದು ಕಾಯಿತುರಿ ಜೊತೆ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ. ಜಂತು ನಾಶಕ್ಕೆ ಕಾರಣವಾಗುತ್ತದೆ.

*೨೪* *ಸಾಂಬಾರ್ ಸೊಪ್ಪಿನ (ದೊಡ್ಡ ಪತ್ರೆ) ತಂಬ್ಳಿ*:- ಸಾಂಬಾರ್ ಸೊಪ್ಪು ತುಪ್ಪದಲ್ಲಿ ಹುರಿದು ಕಾಯಿತುರಿ ಜೊತೆ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ. ನೆಗಡಿ ಆದಾಗ ಒಳ್ಳೆಯದು.
*೨೫* *#ಶುಂಠಿ ತಂಬ್ಳಿ*:- ಕಾಯಿತುರಿ ಜೊತೆ ಶುಂಠಿ ಹಾಕಿ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ.ಜೀರ್ಣಕಾರಿ.

*೨೬. #ನೆಲನೆಲ್ಲಿ ತಂಬ್ಳಿ#* :- ನೆಲನೆಲ್ಲಿ ಸೊಪ್ಪಿನ ಜೊತೆ ಜೀರಿಗೆ ಹಾಕಿ ಹುರಿದು ತೆಂಗಿನ ತುರಿ ಹಾಕಿ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ.ಇದು ಕಾಮಾಲೆ ರೋಗಕ್ಕೆ ಮದ್ದು.

*೨೭ #ಕಾಕೆಸೊಪ್ಪಿನ ತಂಬ್ಳಿ #* ತುಪ್ಪದಲ್ಲಿ ಜೀರಿಗೆ ಕಾಳುಮೆಣಸು ಕಾಕೆಸೊಪ್ಪು ಹುರಿದು ಕಾಯಿತುರಿ ಜೊತೆ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ.ಇದು ಬಾಯಿಹುಣ್ಣು ಆದಾಗ ಉಪಯುಕ್ತ.

*೨೮ # ಹೊನಗೊನೆ #ಸೊಪ್ಪಿನ ತಂಬ್ಳಿ* :- ಹೊನಗೊನೆ ಸೊಪ್ಪು ಜೀರಿಗೆ ಕಾಳುಮೆಣಸು ತುಪ್ಪದಲ್ಲಿ ಹುರಿದು ಕಾಯಿತುರಿ ಜೊತೆ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ.ಇದು ಕಣ್ಣಿನ ಆರೋಗ್ಯಕ್ಕೆ ಒಳ್ಳೆಯದು.

*೨೯. #ದಾಳಿಂಬೆ ಕುಡಿ ತಂಬ್ಳಿ* :- ದಾಳಿಂಬೆ ಕುಡಿ ಜೀರಿಗೆ ತುಪ್ಪದಲ್ಲಿ ಹುರಿದು ಕಾಯಿತುರಿ ಜೊತೆ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ. ಪದೇ ಪದೇ ಮಲವಿಸರ್ಜನೆ ತೊಂದರೆಗೆ ಒಳಗಾಗಿರುವ ವರಿಗೆ ಒಳ್ಳೆಯದು.

*೩೦ #ಪೇರಲೆಕುಡಿ ತಂಬ್ಳಿ*:- ಪೇರಲೆ ಕುಡಿ, ಜೀರಿಗೆ ವ್ಯಯ ಚದರ ಹುರಿದು ಕಾಯಿತುರಿ ರುಬ್ಬಿ ಮಜ್ಜಿಗೆ ಉಪ್ಪು ಹಾಕಿ.ಬಾಯಿಹುಣ್ಣು ಆದಾಗ ಒಳ್ಳೆಯದು.