ಎನ್‌. ವೀರಾಸ್ವಾಮಿ

ದೂರದ ತಮಿಳುನಾಡಿನಿಂದ ಕೆಲಸ ಹುಡುಕೊಂಡು ಬೆಂಗಳೂರಿಗೆ ಬಂದು ಗಾಂಧಿನಗರದಲ್ಲಿ ಚಲನಚಿತ್ರಗಳ ಬಾಕ್ಸ್ ಗಳನ್ನು ಊರಿಂದ ಊರಿಗೆ ತಲುಪಿಸುತ್ತಿದ್ದ ವ್ಯಕ್ತಿ ಮುಂದೆ ಚಿತ್ರ ವಿತರಕರಾಗಿದ್ದಲ್ಲದೇ ಈಶ್ವರಿ ಪ್ರೊಡಕ್ಷನ್ಸ್‌ ಸಂಸ್ಥೆಯನ್ನು ಸ್ಥಾಪಿಸಿ. ಅದರ ಮುಖಾಂತರ ಹತ್ತಾರು ಜನಪ್ರಿಯ ಕನ್ನಡ ಚಿತ್ರಗಳನ್ನು ನಿರ್ಮಾಣ ಮಾಡಿ ಅತ್ಯಂತ ಯಶಸ್ವೀ ನಿರ್ಮಾಪಕರರಾಗಿ ಪ್ರಖ್ಯಾತರಾದ ಶ್ರೀ ಎನ್‌. ವೀರಾಸ್ವಾಮಿ ಯವರ ಯಶೋಗಾಥೆ ಕನ್ನಡದ ಕಲಿಗಳು ಮಾಲಿಕೆಯ ಮೂಲಕ ಇದೋ ನಿಮಗಾಗಿ

v2ತಮಿಳುನಾಡಿನ ಉತ್ತರ ಆರ್ಕಾಟ್ ಜಿಲ್ಲೆಯ ಒಟ್ಟೇರಿ ಗ್ರಾಮದ ಶ್ರೀ ನಾಗಪ್ಪ ಮತ್ತು ಶ್ರೀಮತಿ ಕಾಮಾಕ್ಷಮ್ಮ ದಂಪತಿಗಳಿಗೆ 17 ಏಪ್ರಿಲ್ 1932 ರಂದು ವೀರಾಸ್ವಾಮಿಯವರು ಜನಿಸುತ್ತಾರೆ. ತಮ್ಮ ಹುಟ್ಟೂರಿನಲ್ಲಿಯೇ ಪ್ರಾಥಮಿಕ ಶಿಕ್ಷಣವನ್ನು ಪಡೆದು ಕೆಲಸವನ್ನು ಅರಸಿಕೊಂಡು . 1950ರ ದಶಕದಲ್ಲಿ ಬೆಂಗಳೂರಿಗೆ ಆಗಮಿಸಿ ನಾನಾ ವಿಧದ ಕೆಲಸಗಳನ್ನು ಮಾಡುತ್ತಲೇ ಅಂತಿಮವಾಗಿ ಗಾಂಧಿನಗರದ ಡ್ರೀಮ್ ಲ್ಯಾಂಡ್ ಚಲನಚಿತ್ರ ನಿಗಮದಲ್ಲಿ ಅಟೆಂಡರ್ ಆಗಿ ಕೆಲಸಕ್ಕೆ ಸೇರಿಕೊಳ್ಳುವ ಮೂಲಕ ಚಲನಚಿತ್ರರಂಗದೊಂದಿಗಿನ ಅವರ ನಂಟು ಅರಂಭವಾಗುತ್ತದೆ. ಅವರು ಕೆಲಸ ಮಾಡುತ್ತಿದ್ದ ಸಂಸ್ಥೆ ಚಲನ ಚಿತ್ರಗಳ ವಿತರಣೆಯನ್ನು ನಡೆಸುತ್ತಿದ್ದು ವೀರಾಸ್ವಾಮಿಯವರು ಚಲನಚಿತ್ರಗಳ ರೀಲ್ ಬಾಕ್ಸುಗಳನ್ನು ಊರಿಂದ ಊರಿಗೆ ತಲುಪಿಸುವ ಕಾರ್ಯದಲ್ಲಿ ತೊಡಗಿಕೊಳ್ಳುತ್ತಾರೆ. ತಮ್ಮ ನಿಷ್ಠೆ ಮತ್ತು ಪ್ರಾಮಾಣಿಕತೆಯಿಂದಾಗಿ ಕಂಪನಿಯಲ್ಲಿ ಬಲು ಬೇಗನೇ ಉತ್ತಮವಾದ ಗೌರವವನ್ನು ಗಳಿಸಿರುತ್ತಾರೆ. ನಾನಾ ಕಾರಣಗಳಿಂದಾಗಿ ಅವರ ಸಂಸ್ಥೆ ಬೆಂಗಳೂರಿನಲ್ಲಿದ್ದ ತಮ್ಮ ಕಛೇರಿಯನ್ನು ಮುಚ್ಚಬೇಕಾಗಿ ಬಂದಾಗ ಅವರ ಬಳಿಯಿದ್ದ ಸುಮಾರು ಇಂಗ್ಲೀಶ್, ಕನ್ನಡ ತಮಿಳು ಚಿತ್ರಗಳ ರೀಲ್ಗಳನ್ನು ತಮ್ಮ ಸಂಸ್ಥೆಗೆ ನಿಷ್ಟಾವಂತವಾಗಿ ದುಡಿದಿದ್ದ ವೀರಾಸ್ವಾಮಿಯವರಿಗೇ ಬಿಟ್ಟು ಹೋಗುತ್ತಾರೆ.

v7ಅದಾಗಲೇ ಚಿತ್ರವಿತರಣೆಯಲ್ಲಿ ಅನುಭವವನ್ನು ಹೊಂದಿದ್ದ ವೀರಾಸ್ವಾಮಿಗಳು, ತಮ್ಮೊಡನೆ ಸಹೋದ್ಯೋಗಿಯಾಗಿದ್ದ ಸ್ನೇಹಿತ ಗಂಗಪ್ಪ ಅವರೊಡನೆ ಸೇರಿ 1955ರಲ್ಲಿ ಉದಯ ಪಿಕ್ಚರ್ಸ್ ಆರಂಭಿಸಿ ಅದರ ಅಡಿಯಲ್ಲಿ ಚಿತ್ರ ವಿತರಣೆ ಆರಂಭಿಸಿ ತಮ್ಮ ಬಳಿಯಿದ್ದ ಚಿತ್ರಗಳ ಬಾಕ್ಸ್ ಗಳನ್ನು ಹಳ್ಳಿ ಹಳ್ಳಿಗಳ ಟೂರಿಂಗ್ ಟಾಕೀಸುಗಳಿಗೆ ತೆಗೆದುಕೊಂಡು ಹೋಗಿ ಪ್ರದರ್ಶನ ಮಾಡುತ್ತಾ ಕಠಿಣ ಪರಿಶ್ರಮದ ಮೂಲಕ ಕಸದಿಂದಲೂ ರಸವನ್ನು ತೆಗೆಯುವಂತೆ ಅಧ್ಭುತವಾದ ಯಶಸ್ಸನ್ನು ಕಾಣುತ್ತಾರೆ. 1962 ರಲ್ಲಿ ವೀರಾಸ್ವಾಮಿಯವರು ತಮ್ಮ ಕನಸಿನ ಕೂಸಾದ ಈಶ್ವರೀ ಪ್ರೊಡಕ್ಷನ್ಸ್ ನಿರ್ಮಾಣ ಸಂಸ್ಥೆಯನ್ನು ಸ್ಥಾಪಿಸುತ್ತಾರೆ. ಇಷ್ಟರ ವೇಳೆಗೆ ತಮ್ಮ ಸ್ನೇಹಪರತೆಯ ಗುಣದಿಂದಾಗಿ ಗಾಂಧೀನಗರದ ಅಂದಿನ ಬಹುತೇಕ ತಂತ್ರಜ್ಞರ ಪರಿಚಯ ಅವರಿಗಿರುತ್ತದೆ. ಅದೇ ಪರಿಚಯದ ಮೂಲಕವೇ, 1971ರಲ್ಲಿ ತಮ್ಮ ಸಂಸ್ಥೆಯ ಮೊದಲ ಚಿತ್ರವಾಗಿ ವರನಟ ರಾಜಕುಮಾರ್ ಮತ್ತು ಲೀಲವತಿ ಅವರು ಪ್ರಮುಖ ಪಾತ್ರದಲ್ಲಿದ್ದ ಕುಲಗೌರವ ಚಿತ್ರವನ್ನು ನಿರ್ಮಾಣ ಮಾಡಿ ಅಭೂತಪೂರ್ವ ಯಶಸ್ಸನ್ನು ಗಳಿಸುತ್ತಾರೆ.

v5 ಅದಾಗಿ ಎರಡು ವರ್ಷದ ನಂತರ ತರಾಸು ಅವರ ಕಾದಂಬರಿಯಾಧಾರಿತ, ಕನ್ನಡ ಚಿತ್ರರಂಗದ ಹೆಸರಾಂತ ನಿರ್ದೇಶಕರಾದ ಶ್ರೀ ಪುಟ್ಟಣ್ಣ ಕಣಗಾಲ್ ನಿರ್ದೇಶನದ, ಹೊಸ ಪರಿಚಯವಾಗಿ ವಿಷ್ಣುವರ್ಧನ್ ಮತ್ತು ಅಂಬರೀಶ್ ಜೊತೆಗೆ ಹಿರಿಯ ನಟರಾದ ಶ್ರೀ ಅಶ್ವತ್ ಮತ್ತು ಲೀಲಾವತಿ ಅವರುಗಳು ನಟಿಸಿದ್ದ ಚಿತ್ರದುರ್ಗದಲ್ಲಿ ಚಿತ್ರತವಾಗಿದ್ದ ನಾಗರಹಾವು ಚಿತ್ರವನ್ನು 1972ರಲ್ಲಿ ಬಿಡುಗಡೆ ಮಾಡುವ ಮೂಲಕ ಕನ್ನಡ ಚಿತ್ರರಂಗಕ್ಕೆ ಇಬ್ಬರು ಶ್ರೇಷ್ಠ ನಟರುಗಳನ್ನು ಕೊಡುಗೆಯಾಗಿ ನೀಡುತ್ತಾರೆ.

1974ರಲ್ಲಿ ಗೊರೂರು ರಾಮಸ್ವಾಮೀ ಐಯ್ಯಂಗಾರರ ಕಾದಂಬರಿ ಅಧಾರಿತ ವಿಷ್ಣುವರ್ಥನ್, ಲೋಕೇಶ್, ಲೋಕನಾಥ್ ಪ್ರಮುಖರಾಗಿ ನಟಿಸಿದ್ದ ಭೂತಯ್ಯನ ಮಗ ಅಯ್ಯು ಸಹಾ ಯಶಸ್ವಿಯಾಗುವ ಮೂಲಕ ವೀರಾಸ್ವಾಮಿಯವರು ನಿರ್ಮಾಪಕರಾಗಿ ಕನ್ನಡಿಗರ ಮನೆಗಳಲ್ಲಿ ಮನ ಮಾಡುವುದಲ್ಲದೇ ಅವರ ನಿರ್ಮಾಣದ ಸಂಸ್ಥೆ ಗಾಂಧಿನಗರದ ಪ್ರತಿಷ್ಠಿತ ಸಂಸ್ಥೆಯಾಗಿ ಖ್ಯಾತಿಯನ್ನು ಪಡೆಯುವುದಲ್ಲದೇ, ಗಾಂಧಿನಗರದ ಅನೇಕ ಸಮಸ್ಯೆಗಳಿಗೆ ವೀರಾಸ್ವಾಮಿಯವರ ಬಳಿ ಪರಿಹಾರ ಕಂಡುಕೊಳ್ಳುವ ಪರಿಪಾಠವನ್ನು ಗಾಂಧೀನಗರದವರು ಬೆಳಸಿಕೊಳ್ಳುವ ಮೂಲಕ ಅವರಿಗೆ ಅರಿವಿಲ್ಲದಂತೆ ಗಾಂಧೀನಗರದಲ್ಲಿ ಅವರೊಬ್ಬ ಪ್ರತಿಷ್ಥಿತ ವ್ಯಕ್ತಿಯಾಗಿ ಬಿಡುತಾರೆ. ಇದೇ ಸಮಯದಲ್ಲಿಯೇ ಕನ್ನಡ ಚಿತ್ರರಂಗದಲ್ಲಿ ಪ್ರವರ್ಧಮಾನಕ್ಕೆ ಬರುತ್ತಿದ್ದ ವಿಷ್ಣುವರ್ಧನ್ ಅವರಿಗೆ ಹೊದ ಬಂದ ಕಡೆಯಲ್ಲಾ ಕೆಲವು ಕಾಣದ ಕೈಗಳು ತೊಂದರೆ ಕೊಡುತ್ತಿದ್ದ ಸಂದರ್ಭದಲ್ಲಿ ಅವರಿಗೆ ವಾರಾನು ಗಟ್ಟಲೆ ಈಶ್ವರೀ ಸಂಸ್ಥೆಯೇ ಆಶ್ರಯ ನೀಡಿದ್ದಲ್ಲದೇ ಆ ಸಮಸ್ಯೆಗೆ ಅಲ್ಪವಿರಾಮವನ್ನು ಹಾಕಿಸುವುದರಲ್ಲಿ ವೀರಸ್ವಾಮಿಗಳು ಸಫಲರಾಗುತ್ತಾರೆ

v3ನಾಗರಹಾವು ಜಲೀಲ ಪಾತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಪರಿಚಿತವಾಗಿ ಖಳನಾಯಕನ ಪಾತ್ರಕ್ಕೇ ಸೀಮಿತವಾಗಿದ್ದ ಅಂಬರೀಷರನ್ನು 1983ರಲ್ಲಿ ಚಕ್ರವ್ಯೂಹ ಚಿತ್ರದ ಮೂಲಕ ಅಂಬಿಕ ಅವರ ಎದುರು ನಾಯಕನಾಗಿ ಭಡ್ತಿ ಕೊಡಿಸಿದ್ದೂ ವೀರಾಸ್ವಾಮಿಗಳೇ. ಅಷ್ಟರಲ್ಲಿಯೇ ಕನ್ನಡ ಚಿತ್ರರಂಗವನ್ನು ಕರ್ನಾಟಕದ ಹೊರಗೂ ವಿಸ್ತಾರ ಮಾಡಿದ, ಕನ್ನಡ ಚಿತ್ರರಂಗಕ್ಕೇ ಹೊಸಾ ಮೆರಗನ್ನು ಮತ್ತು ಬೆರಗನ್ನು ನೀಡಿದ, ಕನ್ನಡ ಚಿತ್ರರಂಗದ ಕನಸುಗಾರ ಎಂದೇ ಖ್ಯಾತಿಯಾಗಿರುವ ವೀರಾಸ್ವಾಮಿಯವಾ ಮಗ ವಿ. ರವಿಚಂದ್ರನ್ ಅವರನ್ನು ಆರಂಭದಲ್ಲಿ ತಮ್ಮ ಚಿತ್ರಗಳ ನಿರ್ಮಾಣದಲ್ಲಿ ತೊಡಗಿಸಿಕೊಂಡು ನಂತರ ಅವರನ್ನೇ ಒಂದೆರಡು ಚಿತ್ರಗಳಲ್ಲಿ ನಾಯನನನ್ನಗಿ ಮಾದಿದನಂತರ 1986ರಲ್ಲಿ ರವಿಚಂದ್ರನ್ ಮತ್ತು ಹಂಸಲೇಖ ಜೋಡಿಯಲ್ಲಿ ತೆರೆಗೆಕಂಡ ಪ್ರೇಮಲೋಕ ಅದ್ಭುತ ಯಶಸ್ಸನ್ನು ಕಂಡ ನಂತರ ಸಾಲು ಸಾಲಾಗಿ, ರಣಧೀರ, ರಾಮಾಚಾರಿ, ಹಳ್ಳಿಮೇಷ್ಟ್ರು ಮುಂತಾದ ಯಶಸ್ವೀ ಚಿತ್ರಗಳನ್ನು ನಿರ್ಮಿಸುವ ಮೂಲಕ, ತಮ್ಮ ಮಗ ವಿ ರವಿಚಂದ್ರನ್ ಅವರ ವೃತ್ತಿಜೀವನಕ್ಕೊಂದು ತಿರುವನ್ನು ನೀಡುವುದಲ್ಲದೇ ಕನ್ನಡ ಚಿತ್ರರಂಗಕ್ಕೊಂದು ಅಪರೂಪದ ತಂತಜ್ಞರಾಗಿ ಮಾಣಿಕ್ಯರೂಪದಲ್ಲಿ ಕೊಟ್ಟಿರುವುದು ಗಮನಾರ್ಹವಾಗಿದೆ.

ಸಾಲು ಸಾಲು ಯಶಸ್ವಿ ಚಿತ್ರಗಳ ನಡುವೆಯೇ ಕನ್ನಡ ತಮಿಳು, ತೆಲುಗು ಮತ್ತು ಹಿಂದೀ ಹೀಗೆ ನಾಲ್ಕು ಚಿತ್ರಗಳಲ್ಲಿ ಏಕಕಾಲಕ್ಕೇ ಚಿತ್ರೀಕರಣಗೊಂಡ ರವಿ ಚಂದ್ರನ್ ಅವರ ಬಹುನೀರಿಕ್ಷಿತ ಅತ್ಯಂತ ದುಂದು ವೆಚ್ಚದ ಚಿತ್ರ ಶಾಂತಿ ಕ್ರಾಂತಿ ನೆಲಕಚ್ಚುವ ಮೂಲಕ ಅದುವರೆಗೂ ತಾವು ಗಳಿಸಿದ್ದೆಲ್ಲವನ್ನು ಕಳೆದುಕೊಳ್ಳಬೇಕಾಗಿ ಬಂದದ್ದು ನಿಜಕ್ಕೂ ದುರ್ದೈವದ ಸಂಗತಿಯೇ ಸರಿ.

ಮೇರು ನಟ ರಾಜಕುಮಾರ್ ಅವರ ಎರಡು ಚಿತ್ರಗಳನ್ನು ನಿರ್ಮಾಣ ಮಾಡಿದ್ದಲ್ಲದೇ, ವಿಷ್ಣುವರ್ಧನ್‌ ಮತ್ತು ಅಂಬರೀಷ್‌ರಂತಹ ದಿಗ್ಗಜರೂ ಸೇರಿದಂತೆ, ಅನೇಕ ಹೊಸ ಪ್ರತಿಭೆಗಳಿಗೆ ತಮ್ಮ ಚಿತ್ರಗಳ ಮೂಲಕ ಅವಕಾಶ ನೀಡಿದ್ದಲ್ಲದೇ,  ತಮ್ಮ ಸಂಸ್ಥೆಯಿಂದ ಕನ್ನಡ ಚಿತ್ರಗಳಲ್ಲದೇ ಹಿಂದಿ, ತಮಿಳು ಭಾಷೆಯಲ್ಲೂ ಸಿನಿಮಾಗಳನ್ನು ನಿರ್ಮಾಣ ಮಾಡಿದ್ದಾರೆ.

ಮೂಲತಃ ಕನ್ನಡಿಗರೇ ಆಗಿದ್ದು ತಮಿಳು ಚಿತ್ರರಂಗದಲ್ಲಿ ಈಗ ಸೂಪರ್ ಸ್ಟಾರ್ ಆಗಿ ಮಿಂಚುತ್ತಿರುವ ರಜನೀಕಾಂತ್ ಅವರ ಆರಂಭ ದಿನಗಳಲ್ಲಿ ಬ್ರೇಕ್‌ ನೀಡಿದ್ದೇ ಈಶ್ವರಿ ಸಂಸ್ಥೆ ಎಂದರೂ ಅತಿಶಯವಲ್ಲ. 1985ರಲ್ಲಿ ರಜನಿಕಾಂತ್‌ ನಾಯಕರಾಗಿ ಅವರ ಜೊತೆಗೆ ಶಿವಾಜಿ ಗಣೇಶನ್, ಅಂಬಿಕಾ, ರಮ್ಯಾ ಕೃಷ್ಣನ್, ವಿಜಯ್‌ ಬಾಬು ಮುಂತಾದವರು ನಟಿಸಿದ್ದ ಪಡಿಕ್ಕಾದವನ್‌ ಚಿತ್ರ ಆ ಕಾಲಕ್ಕೆ ಯಶಸ್ವಿಯಾಗಿ 250 ದಿನಗಳನ್ನು ಪೂರೈಸಿ ದೊಡ್ಡ ಯಶಸ್ಸನ್ನು ಕಂಡಿದ್ದಲ್ಲದೇ ಬಲ್ಲ ಮೂಲಗಳ ಪ್ರಕಾರ, 6 ಕೋಟಿ ರೂ. ಗಳಿಸಿತ್ತಂತೆ. ಈ ಸಿನಿಮಾವನ್ನು ರಜನಿಕಾಂತ್ ಅವರ 80ರ ದಶಕದ ಟಾಪ್‌ ಸಿನಿಮಾಗಳಲ್ಲಿ ಒಂದಾಗಿದೆ. ಮುಂದೆ ರಜನೀಕಾಂತ್ ಅವರು ಶಾಂತಿ ಕ್ರಾಂತಿ ತಮಿಳು ಅವತರಣಿಕೆಯಲ್ಲಿ ಈಶ್ವರೀ ಸಂಸ್ಥೆಯ ಚಿತ್ರದಲ್ಲಿ ನಟಿಸಿದ್ದರು.

ಕನ್ನಡಲ್ಲಿ ಅಂಬರೀಷ್ ನಾಯಕತ್ವದಲ್ಲಿ ಯಶ್ವಸಿಕಂಡ ಚಕ್ರವ್ಯೂಹ ಚಿತ್ರವನ್ನು ವೀರಾಸ್ವಾಮಿಯವರು ಅಮಿತಾಭ್‌ ಬಚ್ಚನ್‌ ನಾಯಕತ್ವದಲ್ಲಿ ಇಂಕ್ವಿಲಾಬ್‌ ಎಂಬ ಹೆಸರಿನಲ್ಲಿ ಹಿಂದಿಯಲ್ಲೂ ನಿರ್ಮಾಣ ಮಾಡಿ, ಅಲ್ಲಿಯೂ ಸಹಾ ಗೆದ್ದಿದ್ದರು ಆ ಚಿತ್ರವೂ ಸಹಾ ಆಗಿನ ಕಾಲಕ್ಕೇ ಸುಮಾರು 5 ಕೋಟಿ ರೂ. ಲಾಭ ಗಳಿಸಿತ್ತಂತೆ.

ಕ್ರv6ಮೇಣ ವಯಸ್ಸಾಗುತ್ತಿದ್ದಂತೆಯೇ ವೀರಾಸ್ವಾಮಿಯವರು ತಮ್ಮ ನಿರ್ಮಾಣ ಸಂಸ್ಥೆಯ ಸಂಪೂರ್ಣ ಜವಾಬ್ಧಾರಿಯನ್ನು ತಮ್ಮ ಪುತ್ರರಾದ ವಿ. ರವಿಚಂದ್ರನ್‌ ಮತ್ತು ಬಾಲಾಜಿ ಅವರಿಗೆ ವಹಿಸಿ ವಿಶ್ರಾಂತ ಜೀವನ ನಡೆಸಲು ಆಲೋಚಿಸುತ್ತಿರುವ ಸಂಧರ್ಭದಲ್ಲಿಯೇ 23 ಆಗಸ್ಟ್ 1992 ರಲ್ಲಿ ನಿಧನರಾಗುವ ಮೂಲಕ ಕನ್ನಡ ಚಿತ್ರರಂಗದ ಹಿರಿಯ ಕೊಂಡಿಯೊಂದು ಕಳಚಿ ಕೊಂಡಂತಾಗುತ್ತದೆ. ವೀರಾಸ್ವಾಮಿಯವರು ಅಂದು ಆರಂಭಿಸಿದ ಈಶ್ವರಿ ಪ್ರೊಡಕ್ಷನ್ಸ್‌ ಸಂಸ್ಥೆಗೆ ಈಗ 50ರ ಹರೆಯವಾಗಿದ್ದು ಅವರ ಹಿರಿಯ ಮಗ ರವಿಚಂದ್ರನ್‌ ನಟ, ನಿರ್ದೇಶಕ, ಸಂಗೀತ ನಿರ್ದೇಶಕ ಹೀಗೆ ಆಡು ಮುಟ್ಟದ ಸೊಪ್ಪಿಲ್ಲಾ ರವಿಚಂದ್ರ ಕೈ ಆಡಿಸದ ಕ್ಷೇತ್ರವಿಲ್ಲಾ ಎಂಬಂತೆ ಕನ್ನಡ ಚಿತ್ರರಂಗದ ಅನರ್ಘ್ಯರತ್ನವಾಗಿದ್ದರೆ, ಎರರಡನೆಯ ಮಗ ಬಾಲಾಜಿ ಒಂದೆರಡು ಚಿತ್ರಗಳ ನಟನೆಗೇ ಮೊಟಕುಕೊಳಿಸಿ ತಂದೆಯಂತೆಯೇ ವಿತರಣೆ, ನಿರ್ಮಾಣದ ಕೆಲಸಗಳಲ್ಲಿ ತೊಡಗಿಸಿಕೊಂಡಿದ್ದಾರೆ ಮೊಮ್ಮಕ್ಕಳಾದ ಮನೋರಂಜನ್ ಮತ್ತು ವಿಕ್ರಮ್ ಸಹಾ ನಟನೆಯಲ್ಲಿ ತೊಡಗುವ ಮೂಲಕ ವೀರಾಸ್ವಾಮಿಯವರ ಪರಂಪರೆಯನ್ನು ಮುಂದುವರೆಸಿಕೊಂಡು ಹೋಗುತ್ತಿದ್ದಾರೆ.

ಗಾಂಧಿನಗರದ ಚಿತ್ರವಿರಣಾ ಸಂಸ್ಥೆಯಲ್ಲಿ ಸಣ್ಣದಾದ ಕೆಲಸಕ್ಕೆ ಸೇರಿಕೊಂಡು ತಮ್ಮ ಸ್ವಾಮಿ ನಿಷ್ಠೆ, ಕರ್ತವ್ಯ ನಿಷ್ಠೆ, ಕಾರ್ಯ ತತ್ಪರತೆಗಳಿಂದಾಗಿ ತಮ್ಮ ಮಾಲಿಕರ ಅಭಿಮಾನಕ್ಕೆ ಪಾತ್ರರಾಗಿ ಹಂತ ಹಂತವಾಗಿ ಚಿತ್ರ ವಿತರಕರಾಗಿ, ನಿರ್ಮಾಪಕರಾಗಿ ಈಶ್ವರಿ ಪ್ರೊಡಕ್ಷನ್ಸ್ ಸಂಸ್ಥೆಯ ಮೂಲಕ ಚಿತ್ರಗಳನ್ನು ನಿರ್ಮಿಸಿ, ಸಾವಿರಾರು ಕಲಾವಿದರುಗಳಿಗೆ ಆಶ್ರಯದಾತರಾಗಿ ತಮ್ಮ ಮಕ್ಕಳ ಮೂಲಕ ಇಂದಿಗೂ ಕನ್ನಡದ ಕಂಪನ್ನು ಇಡೀ ಪ್ರಪಂಚಾದ್ಯಂತ ಹಬ್ಬಲು ಕಾರಣೀಭೂತರದ ಶ್ರೀ ಎನ್. ವೀರಾಸ್ವಾಮಿಯವರು ನಿಸ್ಸಂದೇಹವಾಗಿ ಕನ್ನಡದ ಕಲಿಗಳೇ ಸರಿ.

ಏನಂತೀರಿ?
ನಿಮ್ಮವನೇ ಉಮಾಸುತ

ಕನ್ನಡದ ರಾಜರತ್ನ ಪುನೀತ್ ರಾಜಕುಮಾರ್

ಪ್ರತೀ ವರ್ಷ ನವೆಂಬರ್ ತಿಂಗಳಿನ 30 ದಿನಗಳ ಕಾಲ ಕನ್ನಡ ನಾಡು, ನುಡಿ, ಲಲಿತ ಕಲೆ, ಸಾಹಿತ್ಯ ಸಂಗೀತಗಳಲ್ಲಿ ಸಾಧನೆ ಮಾಡಿದ ಕನ್ನಡಿಗರನ್ನು ಪರಿಚಯಿಸುವ ಕನ್ನಡ ಕಲಿಗಳು ಎಂಬ ಮಾಲಿಕೆಯನ್ನು ನಮ್ಮ ಏನಂತೀರೀ? ಬ್ಲಾಗಿನಲ್ಲಿ ಕಳೆದ ಎರಡು ವರ್ಷಗಳಿಂದಲೂ ರೂಢಿಮಾಡಿಕೊಂಡು ಬಂದಿದ್ದು ಮೂರನೇ ವರ್ಷಕ್ಕೂ ಅಂತಹ ಮಹನೀಯ ಕನ್ನಡಿಗರ ಪಟ್ಟಿಯಲ್ಲಿ ಖಂಡಿತವಾಗಿಯೂ ಇವರ ಹೆಸರು ಇರಲೇ ಇಲ್ಲ. ಆದರೆ ಆಡಿಸುವಾತನ ಕೈ ಚಳಕದಲಿ ಎಲ್ಲ ಅಡಗಿದೇ ಎನ್ನುವಂತೆ ಕೇವಲ ನಾಲ್ಕು ದಿನಗಳ ಹಿಂದೆಯಷ್ಟೇ ನಮ್ಮನ್ನು ಅಗಲಿರುವ ಕನ್ನಡ ಚಿತ್ರರಂಗದ ರಾಜರತ್ನ ಪುನೀತ್ ರಾಜಕುಮಾರ್ ಅವರು ನಮ್ಮ ಇಂದಿನ ಕನ್ನಡದ ಕಲಿಗಳಾಗಿದ್ದಾರೆ.

pun11

1975ರ ವೇಳೆಗೆ ಕನ್ನಡದ ವರನಟ ರಾಜಕುಮಾರರು ಉಚ್ಛ್ರಾಯ ಸ್ಥಿತಿಯಲ್ಲಿದ್ದ ಕಾಲ. ಅಂದಿನ ಮದ್ರಾಸ್ ಇಂದಿನ ಚೆನ್ನೈನಲ್ಲಿಯೇ ಬಹುತೇಕ ದಕ್ಷಿಣಭಾರತದ ಚಿತ್ರರಂಗದ ಚಟುವಟಿಕೆಗಳೆಲ್ಲವೂ ನಡೆಯುತ್ತಿದ್ದ ಕಾರಣ, ಅಲ್ಲಿಯೇ ಕೂಡು ಕುಟುಂಬದೊಂದಿಗೆ ಇದ್ದ ರಾಜಕುಮಾರ ಧರ್ಮಪತ್ನಿ ತುಂಬು ಗರ್ಭಿಣಿಯಾಗಿದ್ದ ಶ್ರೀಮತಿ ಪಾರ್ವತಮ್ಮನವರಿಗೆ ಹೆರಿಗೆ ನೋವು ಕಾಣಿಸಿಕೊಂಡಾಗ, ರಾಜಕುಮಾರರು ಆ ಸಮಯದಲ್ಲಿ ಆ ಸ್ಥಳದಲ್ಲಿ ಇಲ್ಲದಿದ್ದ ಕಾರಣ, ನಿರ್ದೇಶಕ ಭಗವಾನ್ ಮತ್ತವರ ಪತ್ನಿ ಪಾರ್ವತಮ್ಮನವರನ್ನು ಆಸ್ಪತ್ರೆಗೆ ಸೇರಿಸಿದಾಗ, 17 ಮಾರ್ಚ್, 1975ರಲ್ಲಿ ಮುದ್ದಾದ ಗಂಡು ಮಗುವೊಂದಕ್ಕೆ ಜನ್ಮನೀಡುತ್ತಾರೆ. 1965ರಲ್ಲಿ ಬಿಡುಗಡೆಯಾಗಿ ರಾಜಕುಮಾರರಿಗೆ ಅತ್ಯಂತ ಕೀರ್ತಿಯನ್ನು ತಂದಿದ್ದ ಸತ್ಯಹರಿಶ್ಚಂದ್ರ ಸಿನಿಮಾದ ನೆನಪಿಗಾಗಿ ಆ ಪುಟ್ಟಕಂದನಿಗೆ ಲೋಹಿತ್ ಎಂದು ನಾಮಕರಣ ಮಾಡುತ್ತಾರೆ.

pun12

ಕಣ್ಣು ಮೂಗು ಹೋಲಿಕೆಯಲ್ಲಿ ಅಪ್ಪನ ತದ್ರೂಪಾದರೆ, ಬಣ್ಣದಲ್ಲಿ ಥೇಟ್ ಅಮ್ಮನ ಪ್ರತಿರೂಪವಾದ ಲೋಹಿತನಿಗೆ ಕೇವಲ 6 ತಿಂಗಳಾಗಿರುವಾಗಲೇ ನಿರ್ದೇಶಕ ವಿ. ಸೋಮಶೇಖರ್ ಪ್ರೇಮದ ಕಾಣಿಕೆ ಚಿತ್ರದಲ್ಲಿ ಅವರು ಮೊತ್ತ ಮೊದಲ ಬಾರಿಗೆ ತೆರೆಯ ಮೇಲೆ ಕಾಣಿಸಿಕೊಂಡರೆ, 1977ರಲ್ಲಿ ಕೇವಲ ಒಂದು ವರ್ಷದವನಾಗಿದ್ದಾಗ ವಿಜಯ್ ಅವರ ಸನಾದಿ ಅಪ್ಪಣ್ಣ ಚಿತ್ರದಲ್ಲಿ ರಾಜಕುಮಾರ್ ಅವರ ಮಗನಾಗಿ ಮೀನಿಗೆ ಈಜಲು ಹೇಳಿಕೊಡಬೇಕೆ ಎನ್ನುವಂತೆ ಅಧ್ಭುತವಾಗಿ ಮತ್ತೊಮ್ಮೆ ತೆರೆಯ ಮೇಲೆ ಕಾಣಿಸಿಕೊಳ್ಳುವ ಮುಖಾಂತರ ಸಂಪೂರ್ಣವಾಗಿ ಬಾಲನಟನಾಗಿ ಚಿತ್ರರಂಗದಲ್ಲಿ ತೊಡಗಿಸಿಕೊಳ್ಳುತ್ತಾರೆ.

pun8

ನಂತರ ವಸಂತ ಗೀತ (1980), ಭಾಗ್ಯಂತ (1981), ಚಲಿಸುವ ಮೋಡಗಳು (1982), ಚಿತ್ರದಲ್ಲಿ ಕಾಣದಂತೆ ಮಾಯವಾದನು ನಮ್ಮ ಶಿವ ಕೈಲಾಸ ಸೇರಿಕೊಂಡನು ಎಂಬ ಹಾಡನ್ನೂ ಹಾಡುವ ಮುಖಾಂತರ ಹಿನ್ನಲೆ ಗಾಯಕನಾಗಿಯೂ ಗುರುತಿಸಿಕೊಳ್ಳುತ್ತಾರೆ. ಇನ್ನು 1983ರಲ್ಲಿ ತೆರೆಗೆ ಬಂದ ಎರಡು ನಕ್ಷತ್ರಗಳು ಚಿತ್ರದಲ್ಲಿ ಗಾಯನದ ಜೊತೆ ದ್ವಿಪಾತ್ರಾಭಿನಯದಲ್ಲಿ ಸೈ ಎನಿಸಿಕೊಳ್ಳುತ್ತಾರೆ. 1983ರಲ್ಲಿ ಹಿರಣ್ಯಕಷಪುವಾಗಿ ರಾಜಕುಮಾರ್ ಮತ್ತು ಹರಿಭಕ್ತ ಪ್ರಹ್ಲಾದನಾಗಿ ಪುನೀತ್ ಅಭಿನಯವನ್ನು ಖಂಡಿತವಾಗಿಯೂ ಮರೆಯಲಾಗದು. 1985 ರಲ್ಲಿ ಬೆಟ್ಟದ ಹೂವು ಚಿತ್ರದಲ್ಲಿ ರಾಮಾಯಣ ದರ್ಶನಂ ಪುಸ್ತವನ್ನು ಕೊಳ್ಳುವ ಸಲುವಾಗಿ ಶೆರ್ಲಿ ಮೇಡಂಗಾಗಿ ಕಾಡಿನಿಂದ ಆರ್ಕಿಡ್ ಹೂವುಗಳನ್ನು ಆರಿಸಿ ತರುವ ರಾಮು ಪಾತ್ರದಲ್ಲಿ ಪರಕಾಯ ಪ್ರವೇಶ ಮಾಡಿದ ಕಾರಣ ಆ ಪಾತ್ರದ ಬಾಲ ನಟನೆಗಾಗಿ ರಾಷ್ಟ್ರ ಪ್ರಶಸ್ತಿಗೆ ಪಾತ್ರರಾಗುತ್ತಾರೆ. ಇಲ್ಲಿಂದ ನಂತರ ಶಿವರಾಜ ಕುಮಾರ್ ಅವರನ್ನು ನಾಯಕರಾಗಿ ತೆರೆಯ ಮೇಲೆ ತರುವುದರಲ್ಲಿ ನಿರತರಾದ ರಾಜ್ ಕುಟುಂಬ ಲೋಹಿತ್ ಅವರ ಬಾಲನಟನೆಗೆ ಬ್ರೇಕ್ ಹಾಕುತ್ತಾರೆ.

pun10

ಈ ಮಧ್ಯೆ ಹರಿಶ್ಚಂದ್ರನ ಮಗ ಲೋಹಿತ್ ಅಲ್ಪಾಯುಷಿ ಆದ ಕಾರಣ ಲೋಹಿತ್ ಎಂಬ ಹೆಸರನ್ನು ಜ್ಯೋತಿಷ್ಯರೊಬ್ಬರ ಸಲಹೆಯಂತೆ ಪುನೀತ್ ಎಂಬ ಹೆಸರಾಗಿ ಬದಲಾಯಿಲಾಗುತ್ತದೆ. ಮುಂದೆ ಅಪ್ಪಾ ಅಮ್ಮನ ಮುದ್ದಿನ ಕೂಸಾಗಿ ಅಮ್ಮನ ಸೆರಗನ್ನೇ ಹಿಡಿದುಕೊಂಡು ಎಲ್ಲಾ ಕಡೆ ಆಲೆಯುತ್ತಿದ ಕಾರಣ, ಶಾಲೆಗೆ ಹೋಗಿ ಶಾಸ್ತ್ರೀಯವಾಗಿ ವಿದ್ಯಾಭ್ಯಾಸ ಮಾಡಲಾಗಲಿಲ್ಲ. ಇದೇ ಸಮಯಕ್ಕೆ ಕನ್ನಡ ಚಲನಚಿತ್ರರಂಗ ಮದ್ರಾಸಿನಿಂದ ಬೆಂಗಳೂರಿಗೆ ಸ್ಥಳಾಂತರಗೊಂಡಾಗ, ರಾಜ್ ಕುಟುಂಬ ಸಹಾ ಬೆಂಗಳೂರಿನ ಸದಾಶಿವ ನಗರದ ಮನೆಗೆ ಬಂದಾಗ ಖಾಸಗೀ ಬೋಧನೆ (private tuition) ಮೂಲಕ ಆಗುತ್ತದೆ. ಇದೇ ಸಮಯದಲ್ಲಿಯೇ ನೃತ್ಯ ಮತ್ತು ಚಮತ್ಕಾರಿಕ (acrobatics) ಕಲೆಯನ್ನು ಕರಗತ ಮಾಡಿಕೊಳ್ಳುತ್ತಲೇ ತಂದೆಯವರ ಪರುಷುರಾಮ ಚಿತ್ರದಲ್ಲಿ ಕೈಲಾಸಂ ಅವರ ಪ್ರಖ್ಯಾತ ಹಾಡು ನಮ್ಮ ತಿಪ್ಪಾರಳ್ಳಿ ಬಲು ದೂರಾ ನಡೆಯಕ್ ಬಲು ದೂರಾ ಹಾಡನ್ನು ಹಾಡಿದ್ದಲ್ಲದೇ ಅದಕ್ಕೆ ಅತ್ಯುತ್ತಮವಾಗಿ ನೃತ್ಯವನ್ನು ಮಾಡುವ ಮುಖಾಂತರ ಎಲ್ಲರ ಮೆಚ್ಚುಗೆಯನ್ನು ಗಳಿಸುತ್ತಾರೆ.

ಇವೆಲ್ಲಾ ಆಗುವಷ್ಟರಲ್ಲಿ ಬಾಲ್ಯವಸ್ಥೆಯಿಂದ ತರುಣವಸ್ಥೆಗೆ ಬಂದಿದ್ದ ಪುನೀತ್ ಅವರಿಗೆ ತಂದೆಯವರ ನಾಮಬಲ, ಅಮ್ಮನ ಪ್ರೀತಿ, ಜೊತೆಗೆ ತನ್ನದೇ ಆದ ಛಾಪು ಎಲ್ಲವೂ ಇದ್ದ ಕೆಲವು ಸಹವಾಸ ದೋಷದಿಂದ ತಂದೆಗೆ ತಕ್ಕ ಮಗನಾಗ ಬೇಕಾದವರು ದಾರಿತಪ್ಪಿದ ಮಗನಾಗುವ ಜಾಡನ್ನು ಹಿಡಿಯುತ್ತಾರೆ. 1998ರಲ್ಲಿ 22 ವರ್ಷದ ಯುವಕ ಪುನೀತ್ ಆವರಿಗಿದ್ದ ಪ್ರಭಾವವನ್ನು ದುರ್ಬಳಕೆ ಮಾಡಿಕೊಳ್ಳುವ ದುರಾಲೋಚನೆಯಿಂದ ಅವರ ಬಾಲ್ಯ ಸ್ನೇಹಿತರೇ ವ್ಯವಹಾರದ ಗಂಧಗಾಳಿಯೇ ಗೊತ್ತಿರದ ಪುನೀತ್ ಅವರನ್ನು ಪುಸಲಾಯಿಸಿ ಗ್ರಾನೈಟ್ ವ್ಯವಹಾರದಲ್ಲಿ ತೊಡಗಿಸಿಕೊಳ್ಳಲು ಸೂಚಿಸುವುದಲ್ಲದೇ, ಇದರಲ್ಲಿ ಒಳ್ಳೆಯ ಲಾಭ ಇದೆ. ಗ್ರ್ಯಾನೈಟ್ಗಳನ್ನು ಕ್ವಾರಿಗಳಿಂದ ಖರೀದಿ ಮಾಡಿ ಬೆಂಗಳೂರಿಗೆ ತಂದು ಮಾರಿದಲ್ಲಿ ಸುಲಭವಾಗಿ ಲಕ್ಷಾಂತರ ಹಣಗಳಿಸಬಹುದು. ಗಣಿಗಾರಿಕೆ ಇಲಾಖೆಯವರು ತಪಾಸಣೆಗೆ ಬಂದಲ್ಲಿ, ಪುನೀತ್ ರಾಜಕುಮಾರ್ ಅವರದ್ದು ಎಂದು ಹೇಳಿದರೆ ಸಾಕು ಯಾವುದೇ ತಪಾಸಣೆ ಇಲ್ಲದೇ ಬಿಟ್ಟು ಬಿಡುತ್ತಾರೆ. ನೀವು ಸುಮ್ಮನೆ ಬಂಡವಾಳ ಹಾಕಿ ಸ್ಲೀಪಿಂಗ್ ಪಾರ್ಟ್ನರ್ ಆಗಿದ್ದರೆ ಸಾಕು ಉಳಿದಿದ್ದೆಲ್ಲವನ್ನೂ ನಾವು ನೋಡ್ಕೋತೀವಿ ಎಂದು ಭರವಸೆಯನ್ನು ಹುಟ್ಟಿಸಿ ಪುನೀತ್ ಅವರನ್ನು ತಪ್ಪು ದಾರಿಗೆ ಎಳೆಯುವುದಲ್ಲದೇ, ಕೆಲವೇ ದಿನಗಳಲ್ಲಿ ಪುನೀತ್ ಅವರ ಅರಿವಿಗೆ ಬಾರದಂತೆ ಕಳ್ಳ ವ್ಯವಹಾರಗಳನ್ನು ಮಾಡುವ ಮೂಲಕ ರಾಜ್ ಕುಟುಂಬಕ್ಕೆ ಕೆಟ್ಟ ಹೆಸರನ್ನು ತರುವ ಕೆಲಸ ಮಾಡುತ್ತಾರೆ. ಇದೇ ಸಮಯದಲ್ಲಿ ರಾಜ್ ಕುಟುಂಬದ ಆಪ್ತರಾಗಿದ್ದ ಮತ್ತು ಬೆಂಗಳೂರಿನ ಪೋಲಿಸ್ ಕಮೀಶಿನರ್ ಆಗಿದ್ದ ಕೆಂಪಯ್ಯ ನವರು ಪುನೀತ್ ಅವರನ್ನು ಕರೆದು ಬುದ್ಧಿವಾದ ಹೇಳಿದ್ದು ಅವರ ಬದುಕಿನಲ್ಲಿ ಬಾರೀ ತಿರುವನ್ನು ಪಡೆದುಕೊಳ್ಳುತ್ತದೆ.

pun13

ಅದಾಗಲೇ ಬಾಲ ನಟನಾಗಿ ರಾಷ್ಟ್ರ ಮತ್ತು ರಾಜ್ಯಪ್ರಶಸ್ತಿಗಳನ್ನು ಪಡೆದಿದ್ದರೂ, ಚಲನಚಿತ್ರಗಳಲ್ಲಿ ಮುಂದೆ ನಟಿಸಲೇ ಬಾರದೆಂಬ ನಿರ್ಧಾರ ತಳೆದಿದ್ದ ಪುನೀತ್ ಮತ್ತೆ ತಮ್ಮ ನಿರ್ಧಾರವನ್ನು ಬದಲಿಸಿ ಡಿಸೆಂಬರ್ 1 ,1999 ರಂದು ಅಶ್ವಿನಿ ರೇವಂತ್ ರನ್ನು ವಿವಾಹವಾಗುವ ಮೂಲಕ ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ್ದಲ್ಲದೇ ಧೃತಿ ಮತ್ತು ವಂದಿತ ಎಂಬ ಇಬ್ಬರು ಮುದ್ದಾದ ಮಕ್ಕಳ ತಂದೆಯಾಗುತ್ತಾರೆ.

ನಿಜ ಹೇಳಬೇಕೆಂದರೆ, ಇಲ್ಲಿಂದ ಅವರು ತಮ್ಮ ಜೀವನದಲ್ಲಿ ತಂದು ಕೊಂಡ ಬದಲಾವಣೆ ಅಲ್ಲಿಂದ ಅವರ ಜೀವನದಲ್ಲಿ ತಂದು ಕೊಂಡ ಬದಲಾವಣೆ ನಿಜಕ್ಕೂ ಅದ್ಭುತ, ಅನನ್ಯ ಮತ್ತು ಅನುಕರಣೀಯವೇ ಸರಿ. 2002ರಲ್ಲಿ ತಮ್ಮದೇ ವಜ್ರೇಶ್ವರಿ ಬ್ಯಾನರ್ ಅಡಿಯಲ್ಲಿ ನಾಯಕನಾಗಿ ಅಪ್ಪು ಎಂಬ ಚಿತ್ರದ ಮೂಲಕ ಭರ್ಜರಿಯಾಗಿ ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟ ಪುನೀತ್ ನೋಡ ನೋಡುತ್ತಿದ್ದಂತೆಯೇ ಮುಟ್ಟಿದ್ದೆಲ್ಲಾ ಚಿನ್ನವಾಗಿ, ಅಭಿ (2003), ಆಕಾಶ್ (2005), ಅರಸು (2007), ಮಿಲನ (2007), ಜಾಕೀ (2010), ಹುಡುಗರು (2011), ಅಣ್ಣಾ ಬಾಂಡ್ (2012) ಮತ್ತು ಪವರ್ (2014) ರಾಜಕುಮಾರ, ಯುವರತ್ನ, ಸೇರಿದಂತೆ ಚಿತ್ರಗಳೆಲ್ಲವೂ ಕನ್ನಡ ಚಿತ್ರರಂಗದಲ್ಲಿ ಅತ್ಯಂತ ಯಶಸ್ವಿಯಾಗಿ ಪವರ್ ಸ್ಟಾರ್ ಎಂಬ ಬಿರುದಾಂಕಿತರಾಗುತ್ತಾರೆ.

ಈ ಮಧ್ಯೆ ಏಪ್ರಿಲ್ 12, 2006 ರಂದು ವರನಟ ರಾಜಕುಮಾರರನ್ನು ಕಳೆದುಕೊಂಡ ನಂತರ ಹ್ಯಾಟ್ರಿಕ್ ಹೀರೋ ಎಂಬ ಹೆಸರನ್ನು ಪಡೆದಾಗಿದ್ದ ಶಿವರಾಜ್ ಕುಮಾರ್ ಮತ್ತು ರಾಘವೇಂದ್ರ ರಾಜಕುಮಾರ್ ಅವರುಗಳು ಇದ್ದರೂ ಬಣ್ಣದ ಹೊರತಾಗಿ ನೋಡಲು ಬಹುತೇಕ ರಾಜಕುಮಾರರಂತೆಯೇ ಇದ್ದ ಪುನೀತ್ ತಂದೆಯವರು ಸದ್ದಿಲ್ಲದೇ ಮಾಡುತ್ತಿದ್ದ ಎಲ್ಲಾ ಸಾಮಾಜಿಕ ಚಟುವಟುಕೆಗಳಿಗೂ ರಾಯಭಾರಿಗಳಾಗಿ ಮುಂದುವರಿಸಿಕೊಂಡು ಹೋಗುವುದಲ್ಲದೇ, ತಂದೆಯಂತೆಯೇ ಅವರ ಎಲ್ಲಾ ಚಿತ್ರಗಳಲ್ಲಿಯೂ ಸಾಮಾಜಿಕ ಕಳಕಳಿಯನ್ನು ಹೊಂದಿರುವಂತಹ ಸಮಾಜಕ್ಕೆ ತಿಳಿವಳಿಯನ್ನು ನೀಡುವಂತಹ ಚಿತ್ರಗಳಲ್ಲಿಯೇ ತೊಡಗಿಸಿಕೊಳ್ಳುತ್ತಾರೆ.

ಇಷ್ಟರ ಮಧ್ಯೆ ಹಿಂದಿಯಲ್ಲಿ ಅತ್ಯಂತ ಜನಪ್ರಿಯ ಟಿವಿ ಶೋ ಆಗಿದ್ದ ಕೌನ್ ಬನೇಗಾ ಕರೋರ್ ಪತಿ ಕಾರ್ಯಕ್ರಮವನ್ನು ಕನ್ನಡದ ಕೋಟ್ಯಾಧಿಪತಿ ಎಂಬ ಕಾರ್ಯಕ್ರಮವನ್ನು ನಡೆಸಬೇಕೆಂದು ಆಲೋಚಿಸುತ್ತಿರುವಾಗ ಆ ಕಾರ್ಯಕ್ರಮದ ನಿರೂಪಕರಾಗಿ ಪುನೀತ್ ರಾಜಕುಮಾರ್ ಅವರನ್ನು ಆರಿಸಿದಾಗ ಅಮಿತಾಭ್ ಬಚ್ಚನ್ ಅವರ ಸ್ಥಾನವನ್ನು ಪುನೀತ್ ತುಂಬ ಬಲ್ಲರೇ? ಎಂಬ ಅನುಮಾನಕ್ಕೆಲ್ಲಾ ಸಡ್ಡುಹೊಡೆಯುವಂತೆ ಕಾರ್ಯಕ್ರಮದಲ್ಲಿ ಭಾಗವಹಿಸುವವರೊಂದಿಗೆ ಲವಲವಿಕೆಯಿಂದ ಮಾತನಾಡಿಸುತ್ತಾ ಆವರಿಗೆಲ್ಲಾ ಪ್ರೋತ್ಸಾಹಿಸುತ್ತಾ ಕಾರ್ಯಕ್ರಮವನ್ನು ಅತ್ಯಂತ ಯಶಸ್ವಿಯಾಗಿಸಿದ ಕೀರ್ತಿವಂತರಾಗುತ್ತಾರೆ ಪುನೀತ್.

ಮೇ 31, 2017ರಲ್ಲಿ ದೀರ್ಘಕಾಲದ ಅನಾರೋಗ್ಯದ ಕಾರಣದಿಂದಾಗಿ ತಮ್ಮ ಪ್ರೀತಿಯ ಅಮ್ಮ ಶ್ರೀಮತಿ ಪಾರ್ವತಮ್ಮ ರಾಜಕುಮಾರ್ ಅವರು ನಿಧನರಾದಾಗ ಕೆಲ ಕಾಲ ಜರ್ಜರಿತರಾಗಿ ಹೋದ ಪುನೀತ್ ಅವರು ನಂತರ ಸುಧಾರಿಸಿಕೊಂಡು ಚಿತ್ರರಂಗದೊಂದಿಗೆ ಮುಂದುವರೆಸಿಕೊಂಡು ಹೋಗುವುದಲ್ಲದೇ, ಜೊತೆ ಜೊತೆಯಲ್ಲಿಯೇ ತಮ್ಮ ತಾಯಿ ಹೆಸರಿನಲ್ಲಿ PRK production house ಪ್ರಾರಂಭಿಸಿ ಅದರ ಮೂಲಕ ವಿವಿಧ ಖಾಸಗೀ ಛಾನಲ್ ಗಳಿಗೆ ಧಾರವಾಹಿಗಳು ಮತ್ತು ಕನ್ನಡದಲ್ಲಿ ಕೆಲವು ನವ ನವೀನ ರೀತಿಯ ಚಿತ್ರಗಳನ್ನು ನಿರ್ಮಿಸಿ ಹೊಸಾ ಕಲಾವಿದರು ಮತ್ತು ನಿರ್ದೇಶಕರುಗಳಿಗೆ ಅವಕಾಶವನ್ನು ನೀಡುವ ಮೂಲಕ ತಮ್ಮ ತಾಯಿಯವರು ಹಾಕಿಕೊಟ್ಟ ಸಂಪ್ರದಾಯವನ್ನೂ ಸಹಾ ಮುಂದುವರೆಸಿಕೊಂಡು ಹೊಗುತ್ತಾರೆ. ಇವೆಲ್ಲವುಗಳ ಜೊತೆ ಜೊತೆಯಲ್ಲಿಯೇ ಅನೇಕ ಕನ್ನಡ ಚಿತ್ರಗಳಲ್ಲಿ ಹಳೆಯ ಇಲ್ಲವೇ ಹೊಸಾ ನಟರು ಎಂಬ ಬೇಧಭಾವವಿಲ್ಲದೇ ಹಿನ್ನಲೆಗಾಯನವನ್ನು ಮಾಡುವ ಮೂಲಕ ಯಶಸ್ವೀ ಗಾಯಕ ಎಂದೂ ಖ್ಯಾತಿಯನ್ನು ಪಡೆಯುತ್ತಾರೆ.

pun3

ರಾಜಕುಮಾರ್ ಅವರು ನಿರ್ಮಾಪಕರನ್ನು ಅನ್ನದಾತರು ಮತ್ತು ಅಭಿಮಾನಿಗಳನ್ನು ದೇವರೆಂದು ಕರೆದು ಸರಳ ಸಜ್ಜನಿಕೆಯಿಂದ ನಡೆದುಕೊಳ್ಳುವ ಮೂಲಕ ಯೋಗ ಧ್ಯಾನ ಮುಂತಾದ ಉತ್ತಮ ಸಂಸ್ಕಾರ ಮತ್ತು ಸಂಸ್ಕೃತಿಯಿಂದ ಕನ್ನಡಿಗರ ರಾಯಭಾರಿಗಳಾದರೆ ಅದನ್ನೇ ಆನುವಂಶಿಕವಾಗಿ ಪಡೆದುಕೊಂಡ ಪುನೀತ್ ಸಹಾ ಹಿರಿಯ ಕಿರಿಯ ಎನ್ನದೇ ಎಲ್ಲರಿಗೂ ಗೌರವವನ್ನು ಕೊಡುವ ಅವರ ವರ್ತನೆ, ಸಂಸ್ಕಾರ ಸಂಸ್ಕೃತಿ ಮತ್ತು ಸಾಮಾಜಿಕ ಕಾಳಜಿಯಿಂದಾಗಿ, ಸಿಂಹದ ಹೊಟ್ಟೆಯಲ್ಲಿ ಸಿಂಹವೇ ಹುಟ್ಟುತ್ತದೆ ಎಂಬುದನ್ನು ಸಾಭೀತು ಮಾಡುವ ಮುಖಾಂತರ ಕೇವಲ ಕನ್ನಡಿಗರಲ್ಲದೇ ಇಡೀ ದೇಶದ ಯುವಕರಿಗೆ ಉತ್ತಮ ಸಂಸ್ಕೃತಿ ಮತ್ತು ಮನೋಭಾವಗಳನ್ನು ಹೊಂದಿದಲ್ಲಿ ಭೌತಿಕ ಆಸ್ತಿಯನ್ನು ಪಡೆಯಬಹುದು ಎಂಬುದಕ್ಕೆ ಜ್ವಲಂತ ಉದಾಹಣೆಯಾಗಿ ಹೋದರು.

pun1

ಯಾವುದೇ ಕೆಟ್ಟ ಚೆಟಗಳಿಲ್ಲದೇ, ಉತ್ತಮ ಜೀವನ ಶೈಲಿಯೊಂದಿಗೆ ಸದಾಕಾಲವೂ ವ್ಯಾಯಾಮ ಮಾಡುತ್ತಾ ಅತ್ಯಂತ ಆರೋಗ್ಯಪೂರ್ಣವಾಗಿಯೇ ಇದ್ದ ಪುನೀತ್ ರಾಜಕುಮಾರ್ ಅವರು ಇದ್ದಕ್ಕಿಂದ್ದಂತೆಯೇ, ಅಕ್ಟೋಬರ್ 29, 2021 ರಂದು ಇಹಲೋಕವನ್ನು ತ್ಯಜಿಸುವ ಮೂಲಕ ಇಡೀ ಕರ್ನಾಟಕಕ್ಕೇ ಸೂತಕವನ್ನು ಹರಡಿ ಹೋಗಿದ್ದಾರೆೆ ಎಂದರು ತಪ್ಪಾಗದು. ಒಬ್ಬ ವ್ಯಕ್ತಿಯ ಉಪಸ್ಥಿತಿಗಿಂತಲೂ ಆತನ ಅನುಪಸ್ಥಿತಿ ಹೆಚ್ಚಿಗೆ ಕಾಡುತ್ತದೆ ಎನ್ನುವುದೇ ಆತನ ಸಾಧನೆಗೆ ಹಿಡಿದ ಕೈಗನ್ನಡಿ ಎನ್ನುವಂತ ಪುನೀತ್ ಅವರ ಅಂತಿಮ ದರ್ಶನಕ್ಕೆ ಲಕ್ಷೋಪ ಲಕ್ಷ ಸಂಖ್ಯೆಯ ಅಭಿಮಾನಿಗಳು ಕೇವಲ ಬೆಂಗಳೂರು ಮತ್ತು ಸುತ್ತಮುತ್ತಲಲ್ಲದೇ ನೆರೆಹೊರೆಯ ತಮಿಳುನಾಡು, ಕೇರಳ, ಆಂಧ್ರದ ರಂಗಗಳಲ್ಲದೇ ದೇಶ ವಿದೇಶ ಅದರಲ್ಲೂ ಪಾಕಿಸ್ಥಾನದಿಂದಲೂ ಕನ್ನಡವೇ ಅರಿಯದ ಅವರ ಅಭಿಮಾನಿಯೊಬ್ಬನೂ ತನ್ನ ಹಾಡಿನ ಮುಖಾಂತರ ಶ್ರದ್ಧಾಂಜಲಿಗಳನ್ನು ಸಲ್ಲಿಸಿದ್ದು ಗಮನಾರ್ಹವಾಗಿತ್ತು.

pun5

ರಾಜಕುಮಾರ್ ಕುಟುಂಬ ಸಾಮಾಜಿಕ ಚಟುವಟಿಕೆಗಳಲ್ಲಿ ಹೆಚ್ಚಾಗಿ ತೊಡಗಿಸಿಕೊಳ್ಳುವುದಿಲ್ಲ ಎಂಬ ಆರೋಪಕ್ಕೆ ಪುನೀತ್ ಅವರ ಸಾವಿನ ನಂತರ ತಿಳಿದ ಬಂದ ಸತ್ಯದ ಸಂಗತಿ ಖಂಡಿತವಾಗಿಯೂ ಶಾಶ್ವತವಾದ ಉತ್ತರವನ್ನು ನೀಡುತ್ತದೆ. ಪುನೀತ್ ತಮ್ಮ ಆದಾಯದಲ್ಲಿ ಕೆಲವು ಪಾಲುಗಳನ್ನು ಸದ್ದಿಲ್ಲದೇ ಸಾಮಾಜಿಕ ಚಟುವಟಿಕೆಗಳಿಗಾಗಿಯೇ ಮೀಸಲಿಟ್ಟು ಒಂದು ಅಂದಾಜಿನ ಪ್ರಕಾರ ಸುಮಾರು 1800 ಮಕ್ಕಳಿಗೆ ಸಂಪೂರ್ಣ ಉಚಿತ ಶಿಕ್ಷಣ, 26 ಅನಾಥಾಶ್ರಮ, 16 ವೃದ್ದಾಶ್ರಮ, 46 ಉಚಿತಶಾಲೆ, 19 ಗೋಶಾಲೆಗಳಲ್ಲದೇ, ಮೈಸೂರಿನಲ್ಲಿ ಶಕ್ತಿಧಾಮ ಹೆಸರಲ್ಲಿ ಹೆಣ್ಣುಮಕ್ಕಳಿಗೆ ಉಚಿತ ವಸತಿ, ಇವೆಲ್ಲವನ್ನು ನಡೆಸುತ್ತಿರುವ ವಿಷಯ ಬೆಳಕಿಗೆ ಬಂದಿದೆ. ಇದಲ್ಲದೇ, ಕಲರ್ಸ್ ಕನ್ನಡದ ಹೆಡ್ ಪರಮೇಶ್ವರ್ ಗುಂಡ್ಕಲ್ ಅವರೇ ತಮ್ಮ ಮುಖಪುಟದಲ್ಲಿ ಬರೆದುಕೊಂಡಿರುವಂತೆ ಕನ್ನಡದ ಕೋಟ್ಯಧಿಪತಿಯಲ್ಲಿ ಭಾಗವಹಿಸುವ ಪ್ರತಿಯೊಬ್ಬ ಸ್ಪರ್ಧಿಯೂ ಹೆಚ್ಚು ಒತ್ತಡದಲ್ಲಿ ಇರುತ್ತಿದ್ದುದದ್ದನ್ನು ಸ್ವತಃ ಗಮನಿಸಿದ್ದ ಅಪ್ಪು, ಎಲ್ಲರೂ ಹೆಚ್ಚು ಹೆಚ್ಚು ದುಡ್ಡನ್ನು ಗೆಲ್ಲವ ಮೂಲಕ ಖುಷಿಯಾಗಿರಬೇಕು ಎಂದು ಪ್ರಾಮಾಣಿಕವಾಗಿ ಆಸೆಪಡುತ್ತಿದ್ದ ಒಳ್ಳೆಯ ಹೃದಯವಂತ ಎಂದು ಹೇಳಿರುವುದಲ್ಲದೇ, ಸ್ಪರ್ಧಿಗಳು ತಪ್ಪು ಉತ್ತರ ಕೊಟ್ಟಾಗ ಅವರಿಗಿಂತಲು ಪುನೀತ್ ಹೆಚ್ಚು ನಿರಾಶೆಗೆ ಒಳಗಾಗುತ್ತಿದ್ದದ್ದಲ್ಲದೇ, ಸ್ಪರ್ಧಿಗಳು ಸರಿ ಉತ್ತರ ಕೊಟ್ಟಾಗ ಅತ್ಯಂತ ಉತ್ಸಾಹವನ್ನು ವ್ಯಕ್ತಪಡಿಸುತ್ತಿದ್ದಂತಹ ಭಾವುಕ ಜೀವಿ ಎಂದು ಹೇಳಿದ್ದಾರೆ. ಹೆಚ್ಚು ಹೆಚ್ಚು ಜನರು ಕೋಟಿ ಗೆಲ್ಲಬೇಕು ಎಂದು ಸಾವಿರ ಸಲ ಹೇಳುತ್ತಿದ್ದದ್ದಲ್ಲದೇ ತಪ್ಪು ಉತ್ತರ ಕೊಟ್ಟು ಯಾರಾದರೂ ಕಡಿಮೆ ಹಣದೊಂದಿಗೆ ಸ್ಪರ್ಧೆಯಿಂದ ಹೊರಬಿದ್ದಲ್ಲಿ ಹಣದ ಅತ್ಯಾವಶ್ಯಕವಿರುವವರೆಗೆ, ಶೂಟಿಂಗ್ ಮುಗಿದ ನಂತರ ತಮ್ಮ ಸ್ವಂತ ಹಣವನ್ನು ಎಷ್ಟೋ ಸ್ಪರ್ಥಿಗಳಿಗೆ ಕೊಡುತ್ತಿದ್ದದ್ದಲ್ಲದೇ, ಈ ವಿಷಯಎಲ್ಲೂ ಸುದ್ದಿಯಾಗದ ಹಾಗೆ ನೋಡಿಕೊಳ್ಳುತ್ತಿದ್ದ ಪ್ರಾಮಾಣಿಕ ವ್ಯಕ್ತಿ ಎಂದು ಬಣ್ಣಿಸಿದ್ದಾರೆ. ಅದೇ ರೀತಿ ಲಾಕ್ದೌನ್ ಸಮಯದಲ್ಲಿ ತಿಂಗಳಾನುಗಟ್ಟಲೆ ಜಿಮ್ಗಳು ಮುಚ್ಚಲ್ಪಟಾಗ ಸದ್ದಿಲ್ಲದೇ ಜಿಮ್ ಟ್ರೈನರ್ಗಳಿಗೆ ಪ್ರತೀ ತಿಂಗಳು ತಮ್ಮ ಕೈಲಾದ ಸಹಾಯ ಮಾಡಿದ್ದಲ್ಲದೇ, ಮುಖ್ಯಮಂತ್ರಿಗಳ ಪರಿಹಾರ ನಿಧಿಗೆ ಅಪಾರವಾದ ಹಣವನ್ನೂ ಕೊಟ್ಟಿದ್ದರು. ತಮ್ಮ ತಂದೆಯವರಂತೆಯೇ ನಂದಿನಿ ಉತ್ಪನ್ನಗಳ ಜಾಹೀರಾತುಗಳಲ್ಲಿ ಮತ್ತು ಕನ್ನಡ ವಾರ್ತಾ ಮತ್ತು ಪ್ರಚಾರ ಇಲಾಖೆಯ ಜಾಹೀರಾತುಗಳಲ್ಲಿ ಉಚಿತವಾಗಿ ಅಭಿನಯಿಸುವ ಮೂಲಕ ಅಪಾರವಾದ ಸಾಮಾಜಿಕ ಕಳಕಳಿಯನ್ನು ಹೊಂದಿದ್ದಂತಹ ವ್ಯಕ್ತಿಯಾಗಿದ್ದರು ಪುನೀತ್ ರಾಜಕುಮಾರ್.

pun7

ತಂದೆಯವರಿಂದ ಪಡೆದಿದ್ದಂತಹ ಹೆಸರು, ಜನರ ಬೆಂಬಲದ ಜೊತೆಗೆ ಕೈ ತುಂಬಾ ಹಣ ಇದ್ದಾಗ ಹಾಳಾಗಿ ಹೋಗಿರುವ ಅದೆಷ್ಫೋ ಚಿತ್ರನಟರುಗಳು ಇರುವಾಗ, ಬದುಕಿದ್ದ ಕೇವಲ 46 ವರ್ಷಗಳಲ್ಲಿಯೇ, ಬರುವಾಗ ಬೆತ್ತಲೆ ಹೋಗುವಾಗ ಬೆತ್ತಲೆ ನಡುವಿನ ಜೀವನವನ್ನು ಅರ್ಥಪೂರ್ಣವಾಗಿ ಕಳೆಯಲೇ ಎಂಬಂತೆ ಸತ್ತ ಮೇಲೆಯೂ ತಮ್ಮ ಎರಡೂ ಕಣ್ಣುಗಳನ್ನು ದಾನ ಮಾಡುವ ಮುಖಾಂತರ ಪರೋಪಕಾರಾಯ ಇದಂ ಶರೀರಂ ಎನ್ನುವುದನ್ನು ಪ್ರತ್ಯಕ್ಶವಾಗಿ ತೋರಿಸಿಕೊಟ್ಟಿದ್ದಲ್ಲದೇ, ಸೇವೆಯೆಂಬ ಯಜ್ಞದಲ್ಲಿ ಸಮಿಧೆಯಂತೆ ಉರಿದು ಹೋದ ಪುನೀತ್ ರಾಜಕುಮಾರ್ ಆಚಂದ್ರಾರ್ಕವಾಗಿ ಕನ್ನಡದ ರಾಜರತ್ನ ಮತ್ತು ಕನ್ನಡದ ಕಲಿಯೇ ಸರಿ.

ಏನಂತಿರೀ?
ನಿಮ್ಮವನೇ ಉಮಾಸುತ

ಸಾಯೋದಿಕ್ಕೆ ಬೇಕೊಂದು ನೆಪ

punit1

ಕನ್ನಡ ಚಲನಚಿತ್ರರಂಗದ ಪ್ರತಿಭಾವಂತ ಸರಳ ‍‍ಸಜ್ಜನ ಸದಾಕಾಲವೂ ವಿನೀತರಾಗಿರುತ್ತಿದ್ದ ಪುನೀತ್ ರಾಜಕುಮಾರ್ ಅಕ್ಟೋಬರ್ 29ರ ಬೆಳಿಗ್ಗೆ 11:30ರ ಹೊತ್ತಿಗೆ ಅಕಾಲಿಕವಾಗಿ ನಮ್ಮೆಲ್ಲರನ್ನು ಅಗಲಿರುವುದು ನಿಜಕ್ಕೂ ದುಃಖಕವವೇ ಸರಿ. ಭಗವಂತ ಮೃತರ ಆತ್ಮಕ್ಕೆ ಸದ್ಗತಿಯನ್ನು ಕೊಡಲಿ ಮತ್ತು ದುಃಖತಪ್ತ ಅವರ ಕುಟುಂಬವರ್ಗ ಮತ್ತು ಅಭಿಮಾನಿಗಳಿಗೆ ಅವರ ಅಕಾಲಿಕ ಅಗಲಿಕೆಯ ನೋವನ್ನು ತಡೆದುಕೊಳ್ಳುವ ಶಕ್ತಿಯನ್ನು ನೀಡಲಿ.

pun4

ಪುನೀತ್ ಅವರ ಅಕಾಲಿಕ ಮರಣದ ನಂತರ ಬಹುತೇಕರರ ಬಾಯಿಯಿಂದ ಕೇಳಿ ಬರುತ್ತಿರುವ ಎರಡು ಸುದ್ದಿ ಎಂದರೆ, ಅಯ್ಯೋ ಪುನೀತ್ ರಾಜಕುಮಾರ್ ಅವರಿಗೆ ಕೇವಲ 46 ವರ್ಷ ವಯಸ್ಸಾಗಿತ್ತು. ಖಂಡಿತವಾಗಿಯೂ ಸಾಯುವ ವಯಸ್ಸಲ್ಲ ಸದಾ ಕಾಲವೂ ಫಿಟ್ ಅಂಡ್ ಫೈನ್ ಆಗಿದ್ದ ವ್ಯಕ್ತಿ ಅಂತಹ ವ್ಯಕ್ತಿಗೆ ಸಾವು ಬರಬಾರದಾಗಿತ್ತು. ಚೆನ್ನಾಗಿ ಕುಡಿದು, ತಿಂದು ಯಾವುದೇ ವ್ಯಾಯಾಮ ಮಾಡದೇ, ಮಾಡಬಾರದ ಕೆಲಸಗಳನ್ನೆಲ್ಲಾ ಮಾಡ್ತಾ ಇರುವವರು ಇನ್ನೂ ಗುಂಡು ಕಲ್ಲಿನ ಹಾಗಿ ಎಪ್ಪತ್ತು ಎಂಭತ್ತು ವರ್ಷಗಳ ಕಾಲ ಇರ್ಬೇಕಾದ್ರೇ, ಯಾವುದೇ ರೀತಿಯ ವ್ಯಸನಗಳಿಲ್ಲದ ಆರೋಗ್ಯಕರವಾದ ಜೀವನ ನಡೆಸುತ್ತಿದಂತಹ ಪುನೀತ್ ಅಸುನೀಗಿರುವುದು ನಿಜಕ್ಕೂ ದುಃಖಕರವೇ ಸರಿ

ಇನ್ನು ಮತ್ತೊಬ್ಬರು ಹೇಳುವ ಪ್ರಕಾರ ಅತಿಯಾದ ಜಿಮ್ ಮತ್ತು ವರ್ಕೌಟ್ ಮಾಡಿರುವ ಕಾರಣ, ಹೃದಯದ ಮೇಲೆ ಹೆಚ್ಚಾದ ಒತ್ತಡ ಬಿದ್ದಿರುವ ಕಾರಣ ಹೃದಯಾಘಾತವಾಗಿದೆ. ಹಾಗಾಗಿ ಎಷ್ಟೇ ವೈದ್ಯಕೀಯ ತಂತ್ರಜ್ಞಾನ ಇದ್ದರೂ ಅವರನ್ನು ಉಳಿಸಿಕೊಳ್ಳಲಾಲಿಲ್ಲ ಎನ್ನುವುದು ಮತ್ತೊಬ್ಬರ ವಾದ.

ಈ ಕುರಿತಂತೆ ಪುನೀತ್ ಅವರಿಗೆ ಮೊದಲ ಚಿಕಿತ್ಸೆ ನೀಡಿದ ಅವರ ಕುಟುಂಬ ವೈದ್ಯ ಡಾ. ರಮಣರಾವ್ ಅವರೇ ಹೇಳಿರುವಂತೆ ಅವರ ಆಸ್ಪತ್ರೆಗೆ ಅಪ್ಪು ಚಿಕಿತ್ಸೆಗೆ 11:15ಕ್ಕೆ ಬಂದಾಗ ಅವರ ಮೈ ಬೆವರುತ್ತಿತ್ತಾದರೂ BP, Sugar & ECG ಎಲ್ಲವೂ ಸರಿಯಾಗಿಯೇ ಇತ್ತಾದರೂ ದುರಾದೃಷ್ಟವಷಾತ್ ಇದ್ದಕ್ಕಿದ್ದಂತೆಯೇ ಹೃದಯಸ್ಥಂಭನವಾದ ಕಾರಣ ಅಲ್ಲೇ ಕುಸಿದು ಬಿದ್ದಿದ್ದಾರೆ. ಕೇವಲ 10-15 ನಿಮಿಷಗಳ ಕಾಲದೊಳಗೆ ವಿಕ್ರಂ ಆಸ್ಪತ್ರೆಗೆ ಸಾಗಿಸುವ ಹೊತ್ತಿಗೆ ಜವರಾಯ ತನ್ನ ಕೆಲಸವನ್ನು ಮುಗಿಸಿಬಿಟ್ಟಿದ್ದು ವಾಸ್ತವ ಅಂಶ.

pun1

ಇಷ್ಟರ ಮಧ್ಯೆ ಮಾಧ್ಯಮದವರು ಜಿಮ್ನಲ್ಲಿ ಅಪ್ಪು ಮಾಡುತ್ತಿದ್ದ ವರ್ಕೌಟ್ ದೃಶ್ಯಗಳನ್ನು ಪದೇ ಪದೇ ತೋರಿಸುತ್ತಿದ್ದಾಗ, ಈ ಜಿಮ್ ಎನ್ನುವುದು ಎಲ್ಲಾ ವಯಸ್ಸಿನವರಿಗೂ ಅಲ್ಲ , 30-35 ವರ್ಷಗಳ ತನಕ ದೇಹವನ್ನು ಚೆನ್ನಾಗಿ ಜಿಮ್ ನಲ್ಲಿ ದಂಡಿಸಿ ನಂತರ ಜಿಮ್ ಬಿಟ್ಟು ಯೋಗ, ಧ್ಯಾನಗಳಲ್ಲಿ ನಿರತವಾಗಿದ್ದರೆ ದೇಹ ಆರೋಗ್ಯವಾಗಿ ಮತ್ತು ಸದೃಢವಾಗಿರುತ್ತದೆ. ಜಿಮ್ ನಲ್ಲಿ ಎಲ್ಲರ ಜೊತೆಯಾಗಿ ಮಾಡುವಾಗ ಪೈಪೋಟಿಯಿಂದಾಗಿ ಅತಿಯಾದ ಭಾರ ಎತ್ತಿ ವ್ಯಾಯಾಮ ಮಾಡುತ್ತಾರೆ. ಹೀಗೆ ಮಾಡುವಾಗ ದೇಹಕ್ಕೆ ತುಸು ತ್ರಾಸದಾಯಕವೆನಿಸಿದರೂ ಎಲ್ಲರ ಜೊತೆ ಮಾಡುವಾಗ ಜೋಶ್ ನಲ್ಲಿ ವ್ಯಾಯಾಮ ಮಾಡಿದಾಗ ಅವರ ಅರಿವಿಲ್ಲದಂತೆಯೇ ಹೃದಯದ ಮೇಲೆ ಬಹಳ ಒತ್ತಡ ಬೀಳುತ್ತದೆ. 30-35 ವರ್ಷ ಧಾಟಿದ ನಂತರ ದೇಹದ ತೂಕವೂ ಹೆಚ್ಚಾಗುತ್ತಾ ಹೋಗುವುದಲ್ಲದೇ, ದೇಹದ ಕಸುವು ಸಹಾ ಕಡಿಮೆಯಾಗುತ್ತದೆ. ಸ್ವಚ್ಚಂದ ಗಾಳಿಯಾಡದ, ಹವಾನಿಯಂತ್ರಿತ ನಾಲ್ಕು ಗೋಡೆಗಳ ಮಧ್ಯೆ ವಿರಾಮವಿಲ್ಲದೇ ಮೇಲಿಂದ ಮೇಲೆ ಒಂದೆರಡು ಗಂಟೆಗಳ ಕಾಲ ಮಿಲ್, ಸೈಕ್ಲಿಂಗ್, ಕ್ರಾಸ್ ಟ್ರೈನರ್ ಮಾಡುತ್ತಾ ಬೆವರನ್ನು ಸುರಿಸಿ ನಂತರ ತೂಕದ ಕಬ್ಬಿಣದ ಗುಂಡುಗಳನ್ನು ಎತ್ತುವ ಮೂಲಕ ವ್ಯಾಯಾಮ ಮಾಡುವುದರಿಂದ ದೇಹಕ್ಕೆ ಆಯಾಸವಾಗುವುದಲ್ಲದೇ ಹೃದಯದ ಮೇಲೆ ಅನಾವಶ್ಯಕ ಒತ್ತಡ ಬೀಳುತ್ತದೆ. ಇದರ ಜೊತೆ ಜಿಮ್ ಟ್ರೈನರ್ ಗಳ ಸಲಹೆ ಮೇರೆಗೆ ವಿವಿದ poutine powder, muscle mass powder, Harmon injection, steroids ಆ ಕ್ಷಣಕ್ಕೆ ಫಲಿತಾಂಶಗಳನ್ನು ನೀಡುತ್ತವಾದರೂ ದೀರ್ಘಕಾಲ ಅವುಗಳನ್ನು ಬಳಸುವುದು ದೇಹಕ್ಕೆ ಮಾರಕ ಎನ್ನುವುದು ಹಲವರ ಅಭಿಪ್ರಾಯ.

pun2

ಬಲ್ಲ ಮೂಲಗಳ ಪ್ರಕಾರ ಪುನೀತ್ ಅವರು ಸದಾಶಿವ ನಗರದ ಅಫಿನಿಟಿ ಇಂಟರ್‌ನ್ಯಾಶನಲ್ ಮತ್ತು ಸ್ವಿಚ್ ವೆಲ್ನೆಸ್ ಎಂಬ ಎರಡು ಜಿಮ್ ಗಳಲ್ಲಿ ತಮ್ಮ ದೇಹದಾಢ್ಯವನ್ನು ಮಾಡುತ್ತಿದ್ದದ್ದಲ್ಲದೇ ಅವರ ಮನೆಯಲ್ಲಿಯೂ ಸುಸಜ್ಜಿತವಾದ ಸಣ್ನದೊಂದು ಜಿಮ್ ಹೊಂದಿದ್ದರು. ಅಫಿನಿಟಿ ಇಂಟರ್‌ನ್ಯಾಶನಲ್ ಪ್ರಮಾಣೀಕೃತ ಜಿಮ್ ಟ್ರೈನರ್ (certified gym trainer) ಮಧು ಅವರು ಮಾಧ್ಯಮದ ಸಂದರ್ಶನವೊಂದರಲ್ಲಿ ಹೇಳಿದಂತೆ ಪುನೀತ್ ಅವರು ವಾರಕ್ಕೆ 4-5 ದಿನಗಳ ಕಾಲ ತಮ್ಮೊಂದಿಗೆ ಪ್ರಮಾಣೀಕೃತ ವೈಯಕ್ತಿಕ ತರಬೇತುದಾರ (certified personal trainer) ಸಲಹೆಯಂತೆಯೇ ದಿನಕ್ಕೆ ಮೂರ್ನಾಲ್ಕು ಗಂಟೆಗಳ ಕಾಲ ದೇಹವನ್ನು ದಂಡಿಸುತ್ತಿದ್ದರಲ್ಲದೇ, ಅವರಿಗೆ ತಿಳಿದಿರುವಂತೆ ಪುನೀತ್ ಯಾವುದೇ ರೀತಿಯ poutine powder ತೆಗೆದುಕೊಳ್ಳುತ್ತಿರಲಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

guru

ಹೀಗೆ ಪುನೀತ್ ಅವರ ಕುಟುಂಬ ವೈದ್ಯರು ಮತ್ತು ಜಿಮ್ ತರಭೇತುದಾರರು ಹೇಳಿರುವಂತೆ ಪುನೀತ್ ಅವರ ಸಾವಿಗೆ ಕೇವಲ ಜಿಮ್ ಮಾಡಿರುವುದೇ ಕಾರಣವಲ್ಲ. ಏಕೆಂದರೆ ಇದೇ ರೀತಿಯ ತರಭೇತನ್ನು ಅವರು ಪ್ರತೀದಿನವು ಮಾಡುತ್ತಲೇ ಇದ್ದರು. ಮಾಧ್ಯಮಗಳಲ್ಲಿಯೇ ತೋರಿಸುರುವಂತೆ ಹಿಂದಿನ ದಿನ ರಾತ್ರಿ 11ರ ವರೆವಿಗೂ ಸಂಗೀತ ನಿರ್ದೇಶಕ ಗುರುಕಿರಣ್ ಅವರ ಹುಟ್ಟು ಹಬ್ಬದ ಪಾರ್ಟಿಯಲ್ಲಿ ಚಿತ್ರರಂಗದ ಬಹುತೇಕ ಗಣ್ಯರೊಂದಿಗೆ ಚೆನ್ನಾಗಿಯೇ ಕಾಲ ಕಳೆದಿದ್ದಾರೆ. ಸಾಯುವ ಎರಡು ಮೂರು ದಿನಗಳ ಹಿಂದಿನಿಂದಲೂ ಶಿವರಾಜ್ ಕುಮಾರ್ ಅವರ ಭಜರಂಗಿ-2 ಸಿನಿಮಾ ಮತ್ತು ದುನಿಯಾ ವಿಜಯ್ ಅವರ ಸಲಗ ಚಿತ್ರದ ಪ್ರಚಾರದಲ್ಲಿ ಶಿವರಾಜ್ ಕುಮಾರ್ ಮತ್ತು ಯಶ್ ಅವರೊಂದಿಗೆ ಲವಲವಿಕೆಯಿಂದಲೇ ಕುಣಿದು ಕುಪ್ಪಳಿಸಿದ್ದದ್ದನ್ನು ನೋಡಿದ್ದೇವೆ. ಹೃದಯಾಘಾತವಾದಾಗ ಒಂದು ಗಂಟೆಯ ಚಿನ್ನದ ಕಾಲಾವಕಾಶವಿದ್ದು ಆ ಒಂದು ಘಂಟೆಯ ಒಳಗೆ ಸೂಕ್ತ ಚಿಕಿತ್ಸೆ ದೊರಕಿದಲ್ಲಿ ಬದುಕುವ ಸಾಧ್ಯತೆ ಇದೆ. ಆದರೆ ಇಲ್ಲಿ ಪುನೀತ್ ಅವರಿಗೆ ತೀವ್ರವಾದ ಹೃದಯಸ್ಥಂಭನವಾಗಿರುವ ಕಾರಣ ಏನೂ ಮಾಡಲು ಸಾಧ್ಯವಾಗಲಿಲ್ಲ ಎಂದೇ ಅವರ ಕುಟುಂಬವೈದ್ಯರು ತಿಳಿಸಿರುವುದು ಗಮನಾರ್ಹ. ಹಾಗಾಗಿ ಜಿಮ್ ಎನ್ನುವುದೇ ಅವರ ಸಾವಿಗೆ ಕಾರಣವಾಗಿರದೇ ಸಾಯುವುದಕ್ಕೊಂದು ಅದೊಂದು ನೆಪವಷ್ಟೇ ಎನ್ನುವುದೇ ನನ್ನ ವಯಕ್ತಿಕ ಭಾವನೆಯಾಗಿದೆ.

WhatsApp Image 2021-10-30 at 8.37.08 AM

ಒಳ್ಳೆಯ ಆಹಾರ, ಸ್ವಲ್ಪ ವ್ಯಾಯಾಮ, ಕಣ್ತುಂಬ ನಿದ್ದೆಯ ಜೊತೆಗೆ ಉತ್ತಮ ಜೀವನ ಶೈಲಿಯನ್ನು ರೂಢಿಸಿಕೊಂಡಲ್ಲಿ ಆರೋಗ್ಯಕರವಾದ ಜೀವನವನ್ನು ಸಾಗಿಸಬಹುದಾಗಿದೆ ಎನ್ನುವುದು ನನ್ನದೇ ಸ್ವ-ಅನುಭವವಾಗಿದೆ. ಅಪಘಾತದಿಂದ ಶಸ್ತ್ರಚಿಕಿತ್ಸೆಗೆ ಒಳಗಾಗಿ ನಾನಾ ರೀತಿಯ ಔಷಧೋಪಚಾರ ಪಡೆದು, ಕೆಲಸದ ಒತ್ತಡದಿಮ್ದ ಸರಿಯಾದ ಸಮಯಕ್ಕೆ ಊಟ ತಿಂಡಿ ನಿದ್ರೆ ಇಲ್ಲದೇ ನಾನಾ ರೀತಿಯ ಕಾರಣಗಳಿಂದಾಗಿ 94 ಕೆಜಿಗಳಷ್ಟು ತೂಗುತ್ತಿದ್ದ ನಾನು, 5 ವರ್ಷಗಳ ಹಿಂದೆ ಉತ್ತಮವಾದ ಆಹಾರ ಪದ್ದತಿಯ ಜೊತೆಗೆ ಜಿಮ್ ನಲ್ಲಿ light stretching exercises, cardio, abs pushup ಮಾಡುವ ಮುಖಾಂತರ 68 ಕೆಜಿಗಳಿಗೆ ದೇಹದ ತೂಕವನ್ನು ಇಳಿಸಿಕೊಂಡು ನಂತರ ಅದೇ ಉತ್ತಮ ಆಹಾರದ ಪದ್ದತಿಯನ್ನೇ ಜೀವನ ಶೈಲಿಯಾಗಿಸಿಕೊಳ್ಳುವುದರ ಜೊತೆಗೆ ಯೋಗಾಸನ ಪ್ರಾಣಾಯಾಮ, ಉತ್ತಮವಾದ ಸಾಹಿತ್ಯ ಚಟುವಟಿಕೆಗಳೊಂದಿಗೆ ನೆಮ್ಮದಿಯ ಜೀವನ ಸಾಗಿಸುತ್ತಿದ್ದೇನೆ.

pun3

ಅದಕ್ಕೇ ಅಲ್ಲವೇ ನಮ್ಮ ಹಿರಿಯರು ಒಂದು ಹೊತ್ತು ಉಂಡವ ಯೋಗಿ. ಎರಡು ಹೊತ್ತು ಉಂಡವ ಭೋಗಿ. ಮೂರು ಹೊತ್ತು ಉಂಡವ ರೋಗಿ. ನಾಲ್ಕು ಹೊತ್ತು ಉಣ್ಣುವವನನ್ನು ಎತ್ಕೊಂಡು ಹೋಗಿ ಎಂಬ ಕಿವಿ ಮಾತನ್ನು ಹೇಳಿದ್ದಾರೆ. ಹಾಗಾಗಿ ಯಾರನ್ನೋ ಮೆಚ್ಚಿಸುವ ಸಲುವಾಗಿ ಕಟ್ಟು ಮಸ್ತಾದ ದೇಹವನ್ನು ಮಾಡಲು ಹೋಗಿ ಅನಾವಶ್ಯಕವಾಗಿ ದೇಹದಂಡನೆ ಮಾಡುತ್ತಾ ಆರೋಗ್ಯವನ್ನು ಹಾನಿ ಮಾಡಿಕೊಳ್ಳದಿರೋಣ. ಜೀವ ಇದ್ದಲ್ಲಿ ಮಾತ್ರವೇ ಜೀವನ. ಹಾಗಾಗಿ ಲಂಘನಂ ಪರಮೌಷಧಂ ಎನ್ನುವಂತೆ ಜೀವಕ್ಕೆ ಎಷ್ಟು ಬೇಕೋ ಅಷ್ಟನ್ನು ತಿನ್ನಬೇಕೇ ಹೊರತು ತಿನ್ನುವದಕ್ಕೇ ಜೀವಿಸಬಾರದು. ಹಾಗೆ ತಿಂದದ್ದನ್ನು ಅಂದಂದೇ ಕರಗಿಸಿಕೊಳ್ಳುವ ಮೂಲಕ ಆರೋಗ್ಯಕರವಾದ ಜೀವನವನ್ನು ನಡೆಸಬಹುದು.

ಜಾತಸ್ಯ ಮರಣಂಧೃವಂ.‌ ಹುಟ್ಟುವಾಗಲೇ ಸಾಯುವ ದಿನವನ್ನೂ ಭಗವಂತ ಹಣೆಮೇಲೆ ಬರೆದು ಕಳುಹಿಸಿರುತ್ತಾನೆ.ಆ ಸಮಯ ಬಂದಾಗ ಹೊರಟು ಹೋಗ್ತಾರೆ. ಮಿಕ್ಕಿದ್ದೆಲ್ಲವೂ ಕೇವಲ ನೆಪ ಅಷ್ಟೇ ಅಲ್ವೇ?

ಏನಂತೀರೀ?
ನಿಮ್ಮವನೇ ಉಮಾಸುತ

ಭೀಮನ ಅಮಾವಾಸ್ಯೆ ಅಣ್ಣಾವ್ರ ನೆನಪು

ಕಹಿ ಘಟನೆಗಳನ್ನು ಆದಷ್ಟು ಬೇಗ ಮರೆತು ಬಿಡಬೇಕು ಅಂತಾ ದೊಡ್ಡವರು ಹೇಳ್ತಾರೆ. ಆದ್ರೇ ಏನ್ಮಾಡೋದು? ಕೆಲವೊಂದು ಘಟನೆಗಳು ಒಂದೊಂದು ಜಾಗ ಒಂದೊಂದು ಹಬ್ಬ ಇಲ್ಲವೇ ವಸ್ತುಗಳೊಂದಿಗೆ ತಳುಕು ಹಾಕಿಕೊಂಡಿರುತ್ತದೆ. ಅದನ್ನು ನೋಡಿದ ತಕ್ಷಣವೇ ಥಟ್ ಅಂತಾ ನೆನಪಾಗಿ ಬಿಡುತ್ತವೆ. ಅದೇ ರೀತಿಯಲ್ಲಿ ಭೀಮನ ಅಮಾವಾಸ್ಯೆ ಬಂದ್ರೇ ಗಂಡನ ಪೂಜೆ, ಭಂಡಾರ ಒಡೆಯುವ ಜೊತೆ ವರ‌ನಟ ಅಣ್ಣಾವ್ರೇ ನೆನಪಾಗ್ತಾರೆ ನೋಡಿ.

ಅದು 2000ನೇ ಇಸವಿ ಜುಲೈ ತಿಂಗಳು ಭೀಮನ ಅಮಾವಾಸ್ಯೆಯ ದಿನ. ನಮ್ಮ ಮನೆಗೆ ಮಹಾಲಕ್ಷ್ಮಿಯಾಗಿ ಮಗಳು ಬಂದು ಕೇವಲ ಎರಡು ತಿಂಗಳಾಗಿತ್ತು. ಮಗಳು ಹುಟ್ಟಿದ ನಂತರದ ಮೊದಲ ಹಬ್ಬ. ಹಾಗಾಗಿ ಮನೆಯಲ್ಲಿ ಭೀಮನ ಅಮಾವಾಸ್ಯೆ ಕಳೆ ಕಟ್ಟಿತ್ತು ಎಂದರೂ ತಪ್ಪಾಗಲಾರದು. ಮಡದಿ ಬಾಣಂತನಕ್ಕೆ ತವರಿಗೆ ಹೋಗಿದ್ದಳು. ಚಿಕ್ಕ ತಂಗಿ ಅವರ ಮನೆಯಲ್ಲಿ ಭಂಡಾರ ಹೊಡೆಯುವುದಕ್ಕೆ ಆದಾಗಲೇ ಕರೆದಾಗಿತ್ತು ಎಲ್ಲಕ್ಕಿಂತಲೂ ಹೆಚ್ಚಾಗಿ ಅಂದು ಕಛೇರಿಯೂ ಇತ್ತು. ಹಾಗಾಗಿ ಬೆಳ್ಳಂಬೆಳಗ್ಗೆಯೇ ಎದ್ದು ಎಣ್ಣೆ ನೀರು ಸ್ನಾನ ಮಾಡಿ ನಮ್ಮ ಮನೆಯಲ್ಲಿ ಪೂಜೆ ಮುಗಿಸಿ ಅಲ್ಲಿಂದ ತಂಗಿಯ ಮನೆಗೆ ಹೋಗಿ ಭಂಡಾರ ಒಡೆದು ತಿಂಡಿ ತಿಂದು ಅಲ್ಲಿಂದ ಅತ್ತೆಯ ಮನೆಗೆ ಹೋಗಿ ಗೌರೀ ದಾರ ಕಟ್ಟಿಕೊಂಡ ಮಡದಿ ಮತ್ತು ಮಗಳನ್ನು ಮಾತನಾಡಿಸಿಕೊಂಡು ಕಛೇರಿಗೆ ಹೋಗಬೇಕು ಎಂದು ರಾತ್ರಿಯೇ ನಿರ್ಧರಿಸಿಯಾಗಿತ್ತು.

raj_kndnap

ಬೆಳಿಗ್ಗೆ ಎದ್ದೊಡನೆಯೇ ಅಂದು ಕೊಂಡಂತೆ ಮನೆಯಲ್ಲಿ ಪೂಜೆ ಮಾಡಿಕೊಂಡು ತಂಗಿಯ ಮನೆಗೆ ಭಂಡಾರ ಒಡೆದು ಇನ್ನೇನು ಉದ್ದಿನ ಕಡುಬಿಗೆ ಕೈ ಹಾಕಬೇಕು ಎನ್ನುವಷ್ಟರಲ್ಲಿ ನಮ್ಮ ತಂಗಿಯ ಮನೆಯ ಪಕ್ಕದವರು ವಿಷ್ಯಾ ಗೊತ್ತಾಯ್ತಾ? ವೀರಪ್ಪನ್ ಅಣ್ಣಾವ್ರನ್ನಾ ಕಿಡ್ನಾಪ್ ಮಾಡ್ಬಿಟ್ಟಿದ್ದಾನಂತೇ ಅಂದ್ರೂ. ಅರೇ ಹೌದಾ? ನನಗೇ ಗೊತ್ತೇ ಇರಲಿಲ್ಲ ಎಂದು ದೇವ್ರೇ ದೇವ್ರೇ ಅವರು ಹೇಳಿದ್ದು ಸುಳ್ಳಾಗಿರಲಿ ಅಂತ ಮನಸ್ಸಿನಲ್ಲಿ ಅನ್ಕೊಂಡು ಟಿವಿ ಹಾಕಿ ಫ್ಲಾಷ್ ನ್ಯೂಸ್ ನೋಡ್ತಿದ್ದೇ ತಡಾ ಎದೆ ಧಸಕ್ ಎಂದಿತು. ಅವರು ಹೇಳಿದ್ದು ನಿಜ. ಹೀಗೆ 21 ವರ್ಷದ ಹಿಂದೆ ಭೀಮನ ಅಮಾವಾಸ್ಯೆಯ ಹಿಂದಿನ ದಿನ ಅಚಾನಕ್ಕಾಗಿ ಕತ್ತಲಿನಲ್ಲಿ ಅಣ್ಣಾವ್ರನ್ನು ಅವರ ಸ್ವಗ್ರಾಮವಾದ ಗಾಜನೂರಿನಿಂದಲೇ ವೀರಪ್ಪನ್ ಅಪಹರಿಸಿದ್ದ.

tyre.jpeg

ಕೂಡಲೇ ಸಮಸ್ಯೆಯ ಗಂಭೀರತೆ ಅರಿವಾಗಿತ್ತು. ಆಗ ನನ್ನ ಆಫೀಸ್ ಇದ್ದದ್ದು ಬೆಂಗಳೂರಿನ ಹೃದಯಭಾಗವಾದ ಎಂ. ಜಿ. ರೋಡನಲ್ಲಿ. ನಮ್ಮ ಮನೆಯಿಂದ ಅಲ್ಲಿಗೆ ತಲುಪಲು ಮೇಖ್ರೀ ಸರ್ಕಲ್ ಇಲ್ಲವೇ ಸದಾಶಿವ ನಗರ ದಾಟಿಯೇ ಹೋಗಬೇಕಾಗಿತ್ತು. ಸುಮ್ಮನೆ ಹೋಗಿ ಸಮಸ್ಯೆಗೆ ಏಕೆ ಸಿಲುಕಿಕೊಳ್ಳಬೇಕು ಎಂದು ಅಂದು ಕಛೇರಿಗೆ ಹೋಗದಿರಲು ನಿರ್ಧರಿಸಿ ಸೀದ ಅತ್ತೆಯ ಮನೆಗೆ ಹೋಗಿ ಮಗಳು ಮತ್ತು ಮಡದಿಯನ್ನು ನೋಡಿಕೊಂಡು ಅತ್ತೆಯ ಮನೆಯ ಆತಿಥ್ಯವನ್ನೂ ಸವಿದು ಮನೆಗೆ ಹಿಂತಿರುಗಿ ಬರುವಷ್ಟರಲ್ಲಿ ನಮ್ಮ ಕಛೇರಿಯಿಂದ ಮನೆಗೆ ಫೋನ್ ಮಾಡಿ ನಂತರ ನಮ್ಮ ಮಾವನ ಮನೆಯ ಲ್ಯಾಂಡ್ ಲೈನ್ ನಂಬರ್ ತೆಗೆದುಕೊಂಡು ಅಲ್ಲಿಗೂ ಕರೆಮಾಡಿದ್ದರು. ವಿಷಯದ ಗಂಭೀರತೆಯನ್ನು ತಿಳಿಸಿ ಪರಿಸ್ಥಿತಿ ತಿಳಿಯಾದ ಮೇಲೆ ಕಛೇರಿಗೆ ಬರುತ್ತೇನೆ ಎಂದು ತಿಳಿಸಿದೆ. ಅವರೂ ಸಹಾ ಅದಕ್ಕೆ ಒಪ್ಪಿ ಅಗತ್ಯವಿದ್ದಾಗ ಫೋನಿನಲ್ಲಿಯೇ ಸಹಕರಿಸು ಎಂದು ಕೇಳಿಕೊಂಡಿದ್ದರು. ಹೇಗೂ ನನ್ನ ತಂಡ 24×7 ಕೆಲಸ ಮಾಡುತ್ತಿತ್ತು. ಅವರಿಗೆ ಕರೆ ಮಾಡಿ ಏನೇನು, ಹೇಗೇಗೇ ಮಾಡಬೇಕು ಎಂದು ಮತ್ತೊಮ್ಮೆ ತಿಳಿಸಿದೆ. ಈಗಿನ ರೀತಿ ಮೊಬೈಲ್ ಇರಲಿಲ್ಲವಾದ್ದರಿಂದ ಯಾವುದೇ ಸಮಸ್ಯೆ ಇದ್ದರೂ ನಮ್ಮ ಮನೆಗಾಗಲೀ ಅಥವಾ ನಮ್ಮ ಮಾವನ ಮನೆಯ ಲ್ಯಾಂಡ್ ಲೈನಿಗೆ ಕರೆ ಮಾಡಿ ಎಂದು ತಿಳಿಸಿದೆ.

ಮಧ್ಯಾಹ್ನದ ಹೊತ್ತಿಗೆ ನನ್ನ ಪ್ರಾಣ ಸ್ನೇಹಿತ ಕೃಷ್ಣ, ಮನೆಯ ಲ್ಯಾಂಡ್ ಲೈನಿಗೇ ಕರೆ ಮಾಡಿ ಎಲ್ಲಿದ್ದೀಯೋ ಅಂದಾ? ಲ್ಯಾಂಡ್ ಲೈನಿಗೆ ಕರೆ ಮಾಡಿ ಎಲ್ಲಿದ್ದೇಯಾ ಅಂತಾ ಕೇಳ್ತೀಯಾ? ಅಂತಾ ಜೋರಾಗಿ ನಗುತ್ತಾ ಮನೆಯಲ್ಲಿಯೇ ಇದ್ದೇನೆ ಏನು ಸಮಾಚಾರ ಅಂದೆ. ಸಮಾಚಾರ ಅಂತೇ ಸಮಾಚಾರ ಎಲ್ಲಾ ನನ್ನ ಗ್ರಹಚಾರ.. ಆಫೀಸಿಗೆ ಹೋಗಿದ್ಯಾ? ಅಂತ ಕೇಳ್ದಾ. ಹೇ ಹೇಗೋ ಹೋಗೋದಿಕ್ಕೆ ಆಗುತ್ತೇ? ಅಣ್ಣಾವ್ರ ಕಿಡ್ನಾಪ್ ವಿಷ್ಯ ತಿಳಿದ್ಮೇಲೆ ಆಫೀಸಿಗೆ ಹೋಗ್ಲಿಲ್ಲ ಅಂದೇ. ನೀನು ಆಫೀಸಿಗೆ ಹೋಗಲ್ಲಾ ಅಂದ್ರೇ ನನಗೆ ಯಾಕೆ ಹೇಳಲಿಲ್ಲಾ ಬಂದೇ ಇರು ಮನೆಗೆ ಬಂದ್ ಮಾಡೀನಿ ಎಂದ. ಅವನು ಹಾಗೆ ಅಂದಾಗಲೇ ನನಗೆ ನೆನಪಿಗೆ ಬಂದಿದ್ದು. ಪ್ರತೀ ದಿನ ಕೃಷ್ಣನನ್ನು ಪಿಕ್ ಅಪ್ ಮಾಡಿ ಎಂಜಿ ರಸ್ತೆಯ ಅನಿಲ್ ಕುಂಬ್ಲೆ ಸರ್ಕಲ್ ಬಳಿ ಇದ್ದ ಅವನ ಇನಿಸ್ಟಿಟ್ಯೂಟ್ ಬಳಿ ಬಿಟ್ಟು ಹೋಗ್ತಾ ಇದ್ದೆ. ಆದ್ರೇ ಅವತ್ತು ಅವಸರದಲ್ಲಿ ಕೃಷ್ಣನಿಗೆ ಆಫೀಸಿಗೆ ಹೋಗ್ತಾ ಇಲ್ಲಾ ಅನ್ನೋದನ್ನು ಹೇಳೋದು ಮರ್ತಿದ್ದೆ.

tyre

ಐದು ಹತ್ತು ನಿಮಿಷದಲ್ಲಿಯೇ ಬುಸು ಬುಸುಗುಟ್ಟುತ್ತಲೇ ಮನೆಗೆ ಬಂದ ಕೃಷ್ಣ ನಿನ್ನಿಂದ ಎಷ್ಟು ಅನಾಹುತ ಆಯ್ತು ಗೊತ್ತಾ? ಬೆಳಿಗ್ಗೆ ನಿನಗೆ ಕಾದೂ ಕಾದೂ ಸುಸ್ತಾಗಿ ಲೇಟ್ ಆಗುತ್ತೇ ಅಂತಾ ಬಸ್ಸಿನಲ್ಲಿ ಇನಿಸ್ಟಿಟ್ಯೂಟಿಗೆ ಹೋದ್ಮೇಲೆ ಅಣ್ಣಾವ್ರ ಕಿಡ್ನಾಪ್ ಆಗಿದ್ದ ಕಾರಣ ಇನಿಸ್ಟಿಟ್ಯೂಟಿಗೆ ರಜೆ ಕೊಟ್ಟಿದ್ದಾರೆ ಅಂತ ಗೊತ್ತಾಯ್ತು. ಸರಿ ಮನೆಗೆ ಹಿಂದಿರಿಗಿ ಬರುವುದಕ್ಕೆ ಯಾವ ಬಸ್ಸೂ ಸಿಗದೇ ಹಾಗೂ ಹೀಗೂ ಸದಾಶಿವನಗರ ಪೋಲೀಸ್ ಸ್ಟೇಷನ್ ವರೆಗೂ ಯಾರ್ಯಾದೋ ಡ್ರಾಪ್ ತೆಗೆದುಕೊಂಡು ಬಂದು ಅಲ್ಲಿಂದ ನಡ್ಕೊಂಡು ರಾಮಯ್ಯ ಕಾಲೇಜ್ ವರೆಗೂ ಬಂದ್ರೇ ಅಲ್ಲಿ ಕೆಲವರು ಅಣ್ಣಾವ್ರ ಕಿಡ್ನಾಪ್ ಆಗಿದ್ದಕ್ಕೆ ಟೈರ್ ಸುಡ್ತಾ ಇದ್ರು. ಅವರು ನನ್ನನ್ನು ನೋಡಿದ ಕೂಡಲೇ ಏನೂ ನಿನ್ನ ಹೆಸ್ರೂ ಅಂದ್ರು. ನಾನು ಕೃಷ್ಣಾ ಎಂದಿದ್ದೇ ತಡಾ, ಫಟ್ ಅಂತಾ ಯಾರೋ ಹಿಂದಿನಿಂದ ತಲೆ ಮೇಲೆ ಹೊಡೆದ ಹಾಗಾಯ್ತು. ಯಾರೋ ಅದು ಹೊಡೆದದ್ದು ಅಂತಾ ತಿರುಗಿ ನೋಡುತ್ತಿದ್ದಂತೆಯೇ ಮತ್ತೊಂದು ಹೊಡೆತ. ಈ ತಮಿಳ್ರೆಲ್ಲಾ ಬಂದು ನಮ್ಮ ಅಣ್ಣಾವ್ರನ್ನು ಕಿಡ್ನಾಪ್ ಮಾಡ್ಬಿಟ್ಟಿದ್ದಾರೆ. ಇವರನ್ನು ಸುಮ್ಮನೇ ಬಿಡಬಾರದು ಅಂತಾ ಯಾರೋ ಹೇಳಿದ್ದು ಕೇಳಿಸ್ತು. ಅರೇ ನಾನು ತಮಿಳಿಗನಲ್ಲ. ಅಪ್ಪಟ ಕನ್ನಡಿಗ. ನನ್ನ ಹಣೆ ಮೇಲಿರುವ ಮುದ್ರೇ ನೋಡಿ ಅಂತಾ ತೋರಿಸಿದ್ದಕ್ಕೆ ಮತ್ತೊಂದು ಒದೆ ಕೊಟ್ತು ಹೋಗ್ ಅಂತಾ ಕಳಿಸಿದ್ರು ನೋಡು. ಎಲ್ಲಾ ನಿನ್ನಿಂದಲೇ ಆಗಿದ್ದು ಎಂದ. ನನಗೆ ಅವನ ಪರಿಸ್ಥಿತಿ ಅರಿವಾಗಿ ನಗು ಬರ್ತಾ ಇದ್ರೂ ಅದನ್ನು ತೋರಿಸಿಕೊಳ್ಳಲಿಲ್ಲ ಸಾರಿ ಸಾರಿ ನನ್ನದೇ ತಪ್ಪು ಎಂದು ಸಮಾಧಾನ ಪಡಿಸಿದೆ. ಅದೇನಪ್ಪಾ ಅಂದ್ರೇ ನನ್ನ ಗೆಳೆಯ ಅವನ ಹೆಸರಿಗೆ ಅನ್ವರ್ಥದಂತೇ ಕೃಷ್ಣ ವರ್ಣದವ. ಅಪ್ಪಟ್ಟ ಕನ್ನಡಿಗನಾದರೂ ನೋಡಲು ಪಕ್ಕಾ ತಮಿಳರಂತೆಯೇ ಇದ್ದ ಕಾರಣ ಈ ರೀತಿಯ ಮುಜುಗರಕ್ಕೆ ಒಳಗಾಗಿದ್ದ.

raj3

ಎರಡು ಮೂರು ದಿನ ಎಲ್ಲರ ಬಾಯಿಯಲ್ಲಿ, ಟಿವಿಯಲ್ಲಿ, ಪೇಪರಿನಲ್ಲಿ ಎಲ್ಲಾ ಕಡೆಯೂ ಅಣ್ಣಾವ್ರ ಮಾತೇ. ಇಡೀ ರಾಜ್ಯ ಅಘೋಷಿತ ಬಂದ್. ಅಣ್ಣಾವ್ರು ಕಿಡ್ನಾಪ್ ಆದಾಗ ಆಫೀಸಿನಲ್ಲಿ ಇದ್ದವರು ಹೊರಗೆ ಬರಲಾಗದೇ ಮೂರ್ನಾಲ್ಕು ದಿನ ಎಲ್ಲವೂ ಅಲ್ಲಿಯೇ. ಅವರ ಪುಣ್ಯಕ್ಕೆ ನಮ್ಮ ಆಫೀಸಿನ ಪಕ್ಕದಲ್ಲಿಯೇ ಇದ್ದ ಬೃಂದಾವನ್ ಹೋಟೆಲ್ ಇದ್ದ ಕಾರಣ ಅಲ್ಲಿಂದಲೇ ನಮ್ಮ ಕಛೇರಿಯವರು ಎಲ್ಲರಿಗೂ ಊಟ ತಿಂಡಿ ವ್ಯವಸ್ಥೆಯನ್ನು ಮಾಡ್ದಿದ್ದ ಕಾರಣ ವಿಧಿ ಇಲ್ಲದೇ ಅವರೆಲ್ಲರೂ ಎಂದಿನಂತೆ ಕೆಲಸ ಕಾರ್ಯಗಳನ್ನು ಮಾಡಿಕೊಂಡು ಹೋಗುತ್ತಿದ್ದ ಕಾರಣ ನನಗೆ ಸ್ವಲ್ಪ ನಿರಾಳವಾಗಿತ್ತು. ಅಗತ್ಯವಿದ್ದಾಗ ಲಾಂಡ್ ಲೈನಿನಿಂದ ಡೈಯಲ್ ಮಾಡಿ, ರಿಮೋಟ್ ಕಂಟ್ರೋಲ್ ಮುಖಾಂತರ ಅಲ್ಪಸ್ವಲ್ಪ ಕೆಲಸ ಮುಗಿಸಿ ಉಳಿದದ್ದೆಲ್ಲವನ್ನೂ ಹುಡುಗರಿಗೆ ಪೋನ್ ಮುಖಾಂತರ ಮಾಡಿ ಹಾಗೂ ಹೀಗೂ ಕೆಲಸ ಮುಗಿಸುತ್ತಿದ್ದೆ.

nokia6100

ನಮ್ಮದೋ online portal ಕಂಪನಿ. ಕ್ಷಣ ಕ್ಷಣಕ್ಕೂ ಅಣ್ಣಾವ್ರ ಕಿಡ್ನಾಪ್ ಬಗ್ಗೆ ಅಪ್ಡೇಟ್ ಮಾಡ್ಬೇಕಾಗಿತ್ತು. ಹಾಗೂ ಹೀಗೂ ಮೂರ್ನಾಲ್ಕು ದಿನ ಕಳೆದ ನಂತರ ಸ್ವಲ್ಪ ತಿಳಿಯಾದ ನಂತರ ನಾನು ಕಛೇರಿಗೆ ಹೋದೆ. ಹೋದ ತಕ್ಷಣವೇ ನಮ್ಮ ಬಾಸ್ ಕರೆದು, ಅಂದಿನ ಕಾಲಕ್ಕೆ ಪ್ರಸಿದ್ಧವಾಗಿದ್ದ Nokia6100 Box piece ಕೈಗಿತ್ತು ಇನ್ನು ಮುಂದೆ ಇದು ನಿನ್ನ official phone ಎಂದು ಕೈಗಿತ್ತಾಗ ಸ್ವರ್ಗಕ್ಕೆ ಮೂರೇ ಗೇಣು. ಅಂದೆಲ್ಲಾ Incoming callಗೆ 4ರೂ. & outgoing callಗೆ 8ರೂ ಇದ್ದ ಜಮಾನ. ಮೊಬೈಲ್ ಫೋನ್ ಸೊಂಟಕ್ಕೆ ನೇತು ಹಾಕಿಕೊಳ್ಳುವುದೇ ಒಂದು ಘನತೆ ಎನ್ನುವಂತಹ ಕಾಲದಲ್ಲಿ ಅಣ್ಣಾವ್ರ ದಯೆಯಿಂದ ನನಗೆ official ಮೊಬೈಲ್ ಬಂದಿತ್ತು.

ಅಣ್ಣಾವ್ರು ಇವತ್ತು ಬಿಡುಗಡೆ ಆಗ್ತಾರೆ ನಾಳೆ ಬಿಡುಗಡೆ ಆಗ್ತಾರೆ ಅಂತ ನಾವೂ ನಮ್ಮ Portalನಲ್ಲಿ ಹಾಕ್ತಾನೇ ಇದ್ವೀ. ಸಮಸ್ತಕನ್ನಡಿಗರೂ ಬಕ ಪಕ್ಷಿಗಳ ತರಹ ಅಣ್ಣಾವ್ರ ಬಿಡುಗಡೆಗೆ ಕಾಯ್ತಾನೇ ಇದ್ರು. ವೀರಪ್ಪನ್ ಕ್ಯಾಸೆಟ್ ಮೇಲೆ ಕ್ಯಾಸೆಟ್ ಕಳಿಸ್ತಾ ಇದ್ನೇ ಹೊರ್ತು ಅವನು ಮಾತ್ರ ನಮ್ಮ ಕರ್ನಾಟಕದ ಪೋಲೀಸರ ಕೈಗೆ ಸಿಗಲೇ ಇಲ್ಲ. ಇಷ್ಟರ ಮಧ್ಯೆ ವೀರಪ್ಪನ್ ತರಹಾನೇ ಮೀಸೆ ಬಿಟ್ಕೊಂಡಿದ್ದ ನಕ್ಕಿರನ್ ಗೋಪಾಲ್ ಮಾತ್ರಾ ಅಡುಗೆ ಮನೆ ಬಚ್ಚಲು ಮನೆಗೆ ಹೋಗುವ ಹಾಗೆ ನಾಡಿಗೂ ಕಾಡಿಗೂ ಅಡ್ಡಾಡುತ್ತಾ ಅಣ್ಣಾವ್ರ ಫೋಟೋ ತಂದು ತೋರಿಸ್ತಿದ್ದದ್ದೇ ಆಯ್ತು. ನಾಗಪ್ಪ ವೀರಪ್ಪನಿಂದ ತಪ್ಪಿಸಿಕೊಂಡು ಬಂದಾಗ ನಮ್ಮ ಆಫೀಸಿನಲ್ಲಿಯೇ ಅವನ Interview ಕೂಡಾ ಮಾಡಿದ್ವಿ. ಅಂತೂ ಇಂತೂ 108 ದಿನಗಳ ನಂತರ ಅಣ್ಣಾವ್ರು ಬಿಡುಗಡೆ ಯಾದ್ಮೇಲೇನೇ ಕರ್ನಾಟಕದಲ್ಲಿ ಹಬ್ಬದ ವಾತಾವರಣ. ಅಣ್ಣಾವ್ರು ನಮ್ಮ ಜೊತೆ ಇಲ್ಲಾ ಅಂತಾ ಬಹುತೇಕ ಕನ್ನಡಿಗರೂ ಶ್ರಾವಣ ಮತ್ತು ಭಾದ್ರಪದ ಮಾಸದಲ್ಲಿ ಬರುವ ಒಂದೂ ಹಬ್ಬವನ್ನೇ ಆಚರಿಸಲಿರಲಿಲ್ಲ.

raj8

ಹೀಗೆ ಪ್ರತೀ ವರ್ಷ ಭೀಮನ ಅಮಾವಾಸ್ಯೆ ಬಂದಾಗಲೂ ನನಗೆ ಅಣ್ಣಾವ್ರು ನನ್ನ ಕಣ್ಣ ಮುಂದೇನೇ ಬಂದು ಹೋಗ್ತಾರೆ. ಅಣ್ಣಾವ್ರು ಇಂದು ಭೌತಿಕವಾಗಿ ನಮ್ಮೊಂದಿಗೆ ಇಲ್ಲದಿರಬಹುದು ಆದರೆ ಅವರ ಸಿನಿಮಾಗಳ ಮುಖಾಂತರ ನಮ್ಮೊಂದಿಗೆ ಚಿರಕಾಲವೂ ಇದ್ದೇ ಇರ್ತಾರೆ ಅಲ್ವೇ?

ಏನಂತೀರೀ?

ನಿಮ್ಮವನೇ ಉಮಾಸುತ