ಶೂನ್ಯದಿಂದ ಸಾಧನೆಯವರೆಗೆ

ನನ್ನ ಹಿಂದಿನ ಲೇಖನದಲ್ಲಿ ಖ್ಯಾತ ಚಿತ್ರನಟ ಸುಶಾಂತ್ ಸಿಂಗ್ ರಜಪೂತ್ ಅವರ ಆತ್ಮಹತ್ಯೆ ಕುರಿತಂತೆ ಲೇಖನದಲ್ಲಿ ವಯಕ್ತಿಕ ಸಮಸ್ಯೆಯಿಂದ ಹೊರಬರಲಾರದೇ, ಖಿನ್ನತೆಗೆ ಒಳಗಾಗಿ ಬದುಕನ್ನೇ ಅಕಾಲಿಕವಾಗಿ  ಅಂತ್ಯ ಮಾಡಿಕೊಂಡ ದುರಂತ ಕಥೆಯ ಕುರಿತಂತೆ ಅನೇಕ ಓದುಗರು ವಿವಿಧ ರೀತಿಯ ಟೀಕೆ ಟಿಪ್ಪಣಿಗಳನ್ನು ಬರೆದಿದ್ದರು. ಸಮಸ್ಯೆಗಳಿಂದ ಖಿನ್ನತೆಗೆ ಒಳಗಾಗುವುದು ಸಹಜ ಆದರೆ ಅದನ್ನು  ಸವಾಲಾಗಿ ಸ್ವೀಕರಿಸಿ ಅದರಿಂದ  ಹೇಗೆ ಹೊರಬಂದು ಸಾಧನೆಯ ಮಟ್ಟಲುಗಳನ್ನು ಏರಿ ಯಶಸ್ವಿಯಾಗಿರುವ ಕೆಲವು ಅಧ್ಬುತ ಪ್ರಸಂಗಗಳು ಇದೋ ನಿಮಗಾಗಿ.

ಕ್ರಿಕೆಟ್ ವೀಕ್ಷಕವಿವರಣಾಗಾರ ಶ್ರೀ ಹರ್ಷ ಭೋಗ್ಲೆ ತಮ್ಮ ಬಹುತೇಕ ಕಾರ್ಯಕ್ರಮಗಳಲ್ಲಿ ಪದೇ ಪದೇ ಹೇಳುವ ಶ್ರೀಲಂಕಾದ ಕ್ರಿಕೆಟಿಗ ಮಾರ್ವಾನ್ ಅಟ್ಟಪಟ್ಟು ಅವರ ಅದ್ಭುತ ಶೂನ್ಯದಿಂದ ಸಾಧನೆಯವರೆಗಿನ ಸಾಹಸ ಕಥೆಯನ್ನು ಮೊದಲು ತಿಳಿಯೋಣ

attapattuಆತ ಓದಿನನಲ್ಲಿ ಅತ್ಯಂತ ಬುದ್ಧಿವಂತ ಹಾಗಾಗಿ ಅತ್ಯಂತ ಕಠಿಣವಾದ  ಚಾರ್ಟರ್ಡ್ ಅಕೌಂಟೆಂಟ್ ಪರೀಕ್ಷೆಯನ್ನು ತನ್ನ ಪರಿಶ್ರಮದಿಂದ ಪಾಸು ಮಾಡಿದರೂ ಆತನ ಗಮನವೆಲ್ಲಾ ಕ್ರಿಕೆಟ್ ಮೇಲೆಯೇ. ದೇಶೀಯ ಕ್ರಿಕೆಟ್ಟಿನಲ್ಲಿ ರನ್ನುಗಳ ಸುರಿಮಳೆ ಗರಿಸಿದ ಮೇಲಿಯೇ ಶ್ರೀಲಂಕಾ ಪರ ಟೆಸ್ಟ್ ಕ್ರಿಕೆಟ್‌ಗೆ ಬಹಳ ನೀರೀಕ್ಷೆಯಿಂದ ಪಾದಾರ್ಪಣೆ ಮಾಡಿದ ಮಾರ್ವಾನ್ ಆಟಪಟ್ತು  ತಮ್ಮ ಮೊದಲ ಇನ್ನಿಂಗ್ಸ್‌ನಲ್ಲಿ ಬಾತುಕೋಳಿ ಗಳಿಸಿದರು. ಮೊದಲನೇ ಇನ್ನಿಂಗ್ಸ್ ಅಲ್ವಾ ಒಮ್ಮೊಮ್ಮೆ ಹೀಗಾಗುತ್ತದೆ ಎಂದರೆ, ಮತ್ತೆ ಎರಡನೇ ಇನ್ನಿಂಗ್ಸ್‌ನಲ್ಲಿಯೂ ಶೂನ್ಯವೇ!!.

ಈ ರೀತಿಯಾಗಿ ಕೊಟ್ಟ ಅವಕಾಶವನ್ನು ಸಹುಪಯೋಗಿಸಿಕೊಳ್ಳದೇ, ಎರಡೂ ಇನ್ನಿಂಗ್ಸಿನಲ್ಲಿ ಶೂನ್ಯ ಸುತ್ತಿದ ಅವನನ್ನು ಅಯ್ಕೆದಾರದು ಕೈಬಿಟ್ಟರೂ ಮರ್ವಾನ್  ಪುನಃ ನೆಟ್ಸ್ ಗೆ ಮರಳಿ  ಹೆಚ್ಚಿನ ಅಭ್ಯಾಸ ಮಾಡುತ್ತಾ ಮತ್ತೆ  ಪ್ರಥಮ ದರ್ಜೆ ಕ್ರಿಕೆಟ್ಟಿನಲ್ಲಿ ರನ್ನುಗಳ ಸುರಿಮಳೆಗರೆದು ಆಯ್ಕೆದಾರರ ಗಮನ ಸೆಳೆದರ.

ಸುಮಾರು 21 ತಿಂಗಳ ನಂತರ, ಅವರಿಗೆ ಪುನಃ ಎರಡನೇ ಅವಕಾಶ ಸಿಕ್ಕಿತು.

ಈ ಸಮಯದಲ್ಲಿ, ಬಹಳ ಎಚ್ಚರದಿಂದ ಆಡಲು ಪ್ರಯತ್ನಿಸಿದರಾದರೂ ಮೊದಲ ಇನ್ನಿಂಗ್ಸ್‌ನಲ್ಲಿ 0 ಹಾಗೂ ಎರಡನೇ ಇನ್ನಿಂಗ್ಸಿನಲ್ಲಿ ಹಾಗೂ ಹೀಗೂ ಪ್ರಯತ್ನಿಸಿದ ಕಾರಣ ಟೆಸ್ಟ್ ಕ್ರಿಕೆಟ್ಟಿನಲ್ಲಿ ಮೊದಲ ರನ್ ಗಳಿಸಿ 1 ರನ್ನಿಗೆ ಔಟ್ ಆದ ಪರಿಣಾಮ ಅವರನ್ನು ಮತ್ತೆ ಕೈಬಿಡಲಾಯಿತು. ಛಲಬಿಡದ ತ್ರಿವಿಕ್ರಮನಂತೆ ಮರ್ವಾನ್  ಮತ್ತೆ ಮೈದಾನಕ್ಕೆ ಮರಳಿದ್ದಲ್ಲದೇ ಪ್ರಥಮ ದರ್ಜೆ ಕ್ರಿಕೆಟ್‌ನಲ್ಲಿ ಟನ್ ಗಟ್ಟಲೆ ರನ್ ಗಳಿಸಿ,  ಮೊದಲ ಎರಡು ಟೆಸ್ಟ್ ಗಳಲ್ಲಿ ಆದ ವೈಫಲ್ಯಗಳ ನೋವಿನ ನೆನಪುಗಳನ್ನು ಅಳಿಸಿ ಹಾಕಲು ಸಮರ್ಥರಾದರು.

ಇದಾದ 17 ತಿಂಗಳ ನಂತರ, ಅವರಿಗೆ ಅವಕಾಶವು ಮತ್ತೊಮ್ಮೆ ತಟ್ಟಿ, ಆ ಟೆಸ್ಟಿನ ಎರಡೂ ಇನ್ನಿಂಗ್ಸ್‌ಗಳಲ್ಲಿ ಬ್ಯಾಟಿಂಗ್ ಮಾಡಿದ ಮಾರ್ವಾನ್, ಮತ್ತೆ  0 ಮತ್ತು 0 ಗೆ ಔಟ್ ಆಗುವ ಮೂಲಕ,  ದೊಡ್ಡ ಮಟ್ಟದ ಕ್ರಿಕೆಟ್ಟಿನಲ್ಲಿ ಆಡುವ ಮನೋಧರ್ಮವನ್ನು ಹೊಂದಿಲ್ಲದ ಕಾರಣ ಆಯ್ಕೆದಾರರು ಈತನಿಗೆ  ಮತ್ತೊಂದು ಅವಕಾಶವನ್ನು ಏಕೆ ನೀಡಬೇಕು? ಎಂಬ ಚರ್ಚೆಯೂ ಆಯಿತು.

marvan2ಆದರೆ ಈ ಸತತ ವೈಫಲ್ಯಗಳ ಕುರಿತಂತೆ ಹೆಚ್ಚಿಗೆ ಗಾಬರಿಗೆ ಒಳಗಾಗದ ಮರ್ವಾನ್ ತಮ್ಮ ಬ್ಯಾಟಿಂಗ್ ಕೌಶಲ್ಯದತ್ತ ಹೆಚ್ಚಿನ ಗಮನ ಹರಿಸಿ, ಅಂಜಿಕೆಯಿಲ್ಲದೇ, ಸುಲಲಿತವಾಗಿ ರನ್ ಗಳಿಸುವತ್ತಲೇ ಚಿತ್ತ ಹರಿಸಿದ ಪರಿಣಾಮವಾಗಿಯೇ ಮೂರು ವರ್ಷಗಳ ನಂತರ, ಅವರಿಗೆ ಮತ್ತೊಂದು ಅವಕಾಶ ಸಿಕ್ಕಿತು. ಕಳೆದ ಮೂರು ಬಾರಿಯ ವೈಫಲ್ಯಗಳು ನಡದೇ ಇಲ್ಲವೇನೂ ಎನ್ನುವಂತೆ  ಈ ಬಾರಿ ಅವರು ರನ್ ಗಳಿಸಿದ್ದಲ್ಲದೇ ಪಂದ್ಯದಿಂದ ಪಂದ್ಯದಲ್ಲಿ ಅವರ ಏಕಾಗ್ರತೆ, ವಿಶ್ವಾಸ ಹೆಚ್ಚುತ್ತಾ ಹೋಗಿದ್ದಲ್ಲದೇ,  ಮಾರ್ವಾನ್ 16ಶತಕಗಳು ಮತ್ತು 6 ದ್ವಿಶತಕಗಳು ಸೇರಿದಂತೆ ಶ್ರೀಲಂಕಾ ಪರ ಟೆಸ್ಟಿನಲ್ಲಿ 5000 ರನ್ ಗಳಿಸಿದ ಪ್ರಪ್ರಥಮ ಆಟಗಾರರಾದರು.

ಅಲ್ಲಿಂದ ಮತ್ತೆ ಹಿಂದಿರುಗಿ ನೋಡುವ ಪ್ರಮೇಯವೇ ಬರಲಿಲ್ಲ. ಆಟಗಾರನಾಗಿ ಪ್ರವೇಶ ಪಡೆಲು ಪರೆದಾಡುತ್ತಿದ್ದ ಆಟಪಟ್ಟು, ಟೆಸ್ಟ್ ಕ್ರಿಕೆಟ್‌ನಲ್ಲಿ ತನ್ನ ಎರಡನೇ ರನ್ ಗಳಿಸಲು ಆರು ವರ್ಷಗಳನ್ನು ತೆಗೆದುಕೊಂಡರೂ, ಮರಳಿ ಯತ್ನವ ಮಾಡು ಮರಳಿ ಯತ್ನವ ಮಾಡು ಎನ್ನುವ ಛಲದಿಂದ  ಶ್ರೀಲಂಕಾ ದೇಶದ ಕ್ರಿಕೆಟ್ ತಂಡ ನಾಯಕನಾದರು.

dravidಭಾರತ ಕ್ರಿಕೆಟ್ ತಂಡವೇಕೆ ಇಡೀ ವಿಶ್ವದ ಕ್ರಿಕೆಟ್ ಜಗತ್ತಿನಲ್ಲಿ ಬ್ಯಾಟಿಂಗ್ ತಾಂತ್ರಿಕ ಕೌಶಲ್ಯದಲ್ಲಿ ಪ್ರಖ್ಯಾತವಾಗಿರುವ ಭಾರತದ ಕ್ರಿಕೆಟ್ ತಂಡದ ಗೋಡೆ (wall) ಎಂಬ ಹೆಗ್ಗಳಿಕೆಗೆ ಗುರಿಯಗಿರುವ ಟೆಸ್ಟ್ ಕ್ರಿಕೆಟ್ಟಿನಲ್ಲಿ ಸಚಿನ್ ತೆಂಡೂಲ್ಕರ್, ಮತ್ತು ರಿಕಿ ಪಾಂಟಿಂಗ್ ನಂತರ  ಅಧಿಕ ರನ್ ಗಳಿಸಿ ಮೂರನೇ ಸ್ಥಾನ ಪಡೆದ  ಕನ್ನಡಿಗ ರಾಹುಲ್ ದ್ರಾವಿಡ್ ಅವರ ಆರಂಭವೂ ಮರ್ವಾನ್ ಆಟಪಟ್ಟುವಿನ ಕಥೆಗಿಂತ ಭಿನ್ನವಾಗಿರಲಿಲ್ಲ.

ಕರ್ನಾಟಕದ ಪರ ಯುವ ಆಟಗಾರನಾಗಿ ದೇಸೀ ಕ್ರಿಕೆಟ್ಟಿನಲ್ಲಿ ಸಹಸ್ರಾರು ರನ್ ಗಳಿಸಿದ ಪರಿಣಾಮ ವಿಲ್ಸ್ ವರ್ಲ್ಡ್ ಸೀರೀಸ್‌ನ ಕೊನೆಯ ಎರಡು ಪಂದ್ಯಗಳಿಗೆ 1994 ರ ಅಕ್ಟೋಬರ್‌ನಲ್ಲಿ ಭಾರತದ ಪರ ಆಡಲು ಆಯ್ಕೆಯಾದರೂ ಪಂದ್ಯ  ಆಡುವ ಹನ್ನೊಂದರ ಬಳಗದಲ್ಲಿ ಇರಲಾಗದೇ, ಮತ್ತೆ   ದೇಶೀಯ ಪಂದ್ಯಾವಳಿಗೆ ಮರಳಿ ಇಲ್ಲಿ ರನ್ ಗಳ ಸುರಿಮಳೆ ಗರೆಯತೊಡಗಿದ ಪರಿಣಾಮ 1996ರ ವಿಶ್ವಕಪ್ ಪಂದ್ಯಾವಳಿಗೆ ಆಯ್ಕೆಯಾದರೂ ಅಲ್ಲಿಯೂ ಬೆಂಚ್ ಕಾಯುವ ಪರಿಸ್ಥಿತಿ. ವಿಶ್ವಕಪ್ ನಂತರ ಸಿಂಗಪುರದಲ್ಲಿ ನಡೆದ ಸಿಂಗರ್ ಕಪ್‌ನಲ್ಲಿ ಶ್ರೀಲಂಕಾ ವಿರುದ್ಧದ ತಮ್ಮ  ಪ್ರಪ್ರಥಮ ಏಕದಿನ ಪಂದ್ಯದಲ್ಲಿ ಆಡುವ ಅವಕಾಸ ಪಡೆದ ದ್ರಾವಿಡ್ ಕೇವಲ 3 ರನ್ ಗಳಿಸಿ ಮತ್ತೊಬ್ಬ ಮಹಾನ್ ಬೌಲರ್ ಮುತ್ತಯ್ಯ ಮುರಳೀಧರನ್ ಅವರಿಗೆ ಔಟಾದರು. ಆದಾದ ನಂತರದ ಪಾಕಿಸ್ತಾನದ ವಿರುದ್ಧದ ಪಂದ್ಯದಲ್ಲಿ ಕೇವಲ 4 ರನ್ ಗಳಿಸಿದ್ದಾಗ ದುರಾದೃಷ್ಟ ರೀತಿಯಲಿ ರನ್ ಔಟ್ ಆಗುವ ಮೂಲಕ ಈತ ಅಂತರಾಷ್ಟ್ರೀಯ ಕ್ರಿಕೆಟ್ ಆಡಲು ಅಸಮರ್ಥ ಎಂದು ಜರಿಯತೊಡಗಿದರು.

dra_gang1996ರಲ್ಲಿ ಇಂಗ್ಲೇಂಡ್ ಪ್ರವಾಸಕ್ಕೆ ಆಯ್ಕೆಯಾಗಿ ಅಭ್ಯಾಸ ಪಂದ್ಯಾವಳಿಗಳಲ್ಲಿ ಸರಾಸರಿ ರನ್ನುಗಳನ್ನು ಗಳಿಸಿದರಾದರೂ, ಬೆಂಚ್ ಕಾಯುವ ಪರಿಸ್ಥಿತಿಯಾಗಿತ್ತು. ಜೂನ್ 20 ರಂದು ಲಾರ್ಡ್ಸ್‌ನಲ್ಲಿ ನಡೆಯಬೇಕಿದ್ದ ಟೆಸ್ಟ್ ಪಂದ್ಯದಲ್ಲಿ ಅನೀರೀಕ್ಷಿತವಾಗಿ ಸಂಜಯ್ ಮಂಜ್ರೇಕರ್ ಅನಾರೋಗ್ಯಕ್ಕೆ ತುತ್ತಾದಾಗ ಕಡೆಯ ಕ್ಷಣದಲ್ಲಿ ತಂಡ 11ರ ಬಳಗಕ್ಕೆ ಸೇರಿಕೊಂಡು 7ನೇ ಕ್ರಮಂಕದಲ್ಲಿ ಬ್ಯಾಟಿಂಗ್ಗಿಗೆ ಇಳಿದು ಅವರ ಜೊತೆ ಚೊಚ್ಚಲು ಪಂದ್ಯವನ್ನಾಡುತ್ತಿದ್ದ ಮತ್ತೊಬ್ಬ ಆಟಗಾರ ಸೌರವ್ ಗಂಗೂಲಿಯ ಜೊತೆ ಭರ್ಭರಿ ಬ್ಯಾಟಿಂಗ್ ಮಾಡಿ 95 ರನ್ ಗಳಿಸಿ ಕೇವಲ 5 ರ ನಿಂದ ಶತಕ ವಂಚಿತರಾದರೂ ಭಾರತದ ಕ್ರಿಕೆಟ್ ತಂಡಲ್ಲಿ ಖಾಯಂ ಸದಸ್ಯತ್ವವನ್ನು ಉಳಿಸಿಕೊಂಡಿದ್ದಲ್ಲ್ದೆ 25,000 ಕ್ಕೂಅಧಿಕ ಅಂತರಾಷ್ಟ್ರೀಯ ರನ್ನುಗಳನ್ನು ಗಳಿಸುವುದ್ರರಲ್ಲಿ ಯಶಸ್ವಿಯಾಗಿದ್ದಲ್ಲದೇ ಕೆಲಕಾಲ ಭಾರತದ ಕ್ರಿಕೆಟ್ ತಂಡವನ್ನು ನಾಯಕನಾಗಿಯೂ ಮುನ್ನೆಡಿಸಿದರು. 2003 ವಿಶ್ವಕಪ್ ಸಮಯದಲ್ಲಿ ತಂಡದಲ್ಲಿ ಸ್ಥಾನಗಳಿಸಲು ವಿಕೆಟ್ ಕೀಪಿಂಗ್ ಕೂಡಾ ಮಾದಿ ಅದರಲ್ಲೂ ಯಶಸ್ಸನ್ನು ಪಡೆದು ಸವ್ಯಸಾಚಿಗಳಾಗಿ ಪ್ರಸ್ತುತ  ಬೆಂಗಳೂರಿನಲ್ಲಿರುವ  ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಯಲ್ಲಿ ಕ್ರಿಕೆಟ್ ಕಾರ್ಯಾಚರಣೆಗಳ ನಿರ್ದೇಶಕರಾಗಿ, ಭಾರತ ಎ ಮತ್ತು ಭಾರತ 19 ವರ್ಷದೊಳಗಿನ ಕ್ರಿಕೆಟ್ ತಂಡಗಳ ಮೇಲ್ವಿಚಾರಣೆ ಮಾಡುವ ಮೂಲಕ ಅನೇಕ ಹೊಸ ಪ್ರತಿಭೆಗಳಿಗೆ ಮಾರ್ಗದರ್ಶಕರಾಗಿದ್ದಾರೆ.

ಇನ್ನೂ ಭಾರತದ ಕ್ರಿಕೆಟ್ಟಿನ ಇತಿಹಾಸವನ್ನು ಬದಲಿಸಿದ, ಭಾರತದ ಅತ್ಯಂತ ಅಕ್ರಮಣಕಾರಿ ಮತ್ತು  ಯಶಸ್ವೀ ನಾಯಕ ಎಂದು ಖ್ಯಾತವಾಗಿರುವ ಸೌರವ್ ಗಂಗೂಲಿಯ ಕಥೆಯೂ ಇದಕ್ಕಿಂತ ಭಿನ್ನವಾಗಿರಲ್ಲಿಲ್ಲ. ತನ್ನ 20ನೇ ವರ್ಷದಲ್ಲಿಯೇ ಕಲ್ಕತ್ತಾ ಪರ ದೇಸೀ ಕ್ರಿಕೆಟ್ಟಿನಲ್ಲಿ ಮಾಡಿದ ಸಾಧನೆಗಳಿಂದಾಗಿ ಗಂಗೂಲಿ 1992 ರಲ್ಲಿ ವೆಸ್ಟ್ ಇಂಡೀಸ್ ಪ್ರವಾಸಕ್ಕೆ ಆಯ್ಕೆಯಾಗಿ ತಮ್ಮ ಚೊಚ್ಚಲ ಏಕದಿನ ಅಂತರರಾಷ್ಟ್ರೀಯ ಪಂದ್ಯಾವಳಿಯಲ್ಲಿ ಕೇವಲ 3 ರನ್ ಗಳಿಸಿ ಔಟಾಗಿ ಆತ ಬಹಳ ಸೊಕ್ಕಿನ ಮನುಷ್ಯ ಎಂಬ ಕುಖ್ಯಾತಿಗೆ ಬಲಿಯಾಗಿ, ಪಂದ್ಯದ ಸಮಯದಲ್ಲಿ ಸಹ ಆಟಗಾರರಿಗೆ  ಗಂಗೂಲಿ ಪಾನೀಯಗಳನ್ನು ಕೊಂಡೊಯ್ಯಲು ನಿರಾಕರಿಸಿದನೆಂದು ವದಂತಿ ಹರಡಿ, ಹಾಗೆ ಮಾಡುವುದು ತನ್ನ ಕೆಲಸವಲ್ಲ ಎಂದು ಪ್ರತಿಕ್ರಿಯಿಸಿದ ಎಂಬ ಕಾರಣ ನೀಡಿ ತಕ್ಷಣವೇ ಆತನನ್ನು ತಂಡದಿಂದ ಕೈಬಿಡಲಾಯಿತು.

gangulyತನ್ನದಲ್ಲದ ತಪ್ಪಿಗಾಗಿ ತಂಡದಿಂದ ಹೊರಬಂದರೂ, ಗಂಗೂಲಿ,  ದೇಶೀಯ ಕ್ರಿಕೆಟ್‌ನಲ್ಲಿ ಶ್ರಮವಹಿಸಿ 1993–94 ಮತ್ತು 1994-95 ರಣಜೀ ಪಂದ್ಯಾವಳಿಗಳಲ್ಲಿ ಅತೀ ಹೆಚ್ಚು ರನ್ನುಗಳನ್ನು ಗಳಿಸಿದ್ದಲ್ಲದೇ, 1995-96ರ ಡುಲೀಪ್ ಟ್ರೋಫಿಯಲ್ಲಿ ಗಳಿಸಿದ 171 ರನ್ ಅವರನ್ನು  1996ರ  ಇಂಗ್ಲೆಂಡ್ ಪ್ರವಾಸಕ್ಕಾಗಿ ರಾಷ್ಟ್ರೀಯ ತಂಡಕ್ಕೆ ಪುನಃ ಆಯ್ಕೆಯಾಗಲು ಸಹಕಾರಿಯಾಯಿತು. ಆಲ್ಲಿ  ಒಂದೇ ಏಕದಿನ ಪಂದ್ಯದಲ್ಲಿ ಆಡಿಸಿ ಮೊದಲನೇ ಟೆಸ್ಟಿನಲ್ಲಿ ಅವರನ್ನು ಪರಗಣಿಸಲೇ ಇಲ್ಲ. ಆದರೆ ನಾಯಕ ಮೊಹಮ್ಮದ್ ಅಜರುದ್ದೀನ್ ವಿರುದ್ದದ ವೈಮನಸ್ಯದಿಂದ ಯಾರಿಗೂ ಹೇಳದೇ ಕೇಳದೇ ಇಂಗ್ಲೇಂಡಿನಿಂದ ಭಾರತಕ್ಕೆ ಮರಳಿದ  ನವಜೋತ್ ಸಿಂಗ್ ಸಿಧು ಸ್ಥಾನದಲ್ಲಿ ಜೂನ್ 20 ರಂದು ಲಾರ್ಡ್ಸ್‌ನ ಟೆಸ್ಟ್ ಪಂದ್ಯದಲ್ಲಿ ಅನೀರೀಕ್ಷಿತವಾಗಿ ಗಂಗೂಲಿ ಸ್ಥಾನ ಪಡೆದು ಮತ್ತೊಬ್ಬ ಚೊಚ್ಚಲು ಪಂದ್ಯವನ್ನಾಡುತ್ತಿದ್ದ ರಾಹುಲ್ ದ್ರಾವಿಡ್ ಜೊತೆಯಲ್ಲಿ ಅಮೋಘವಾಗಿ ಆಟವಾಡಿ 131ರನ್ ಗಳಿಸುವ ಮೂಲಕ  ಹ್ಯಾರಿ ಗ್ರಹಾಂ ಮತ್ತು ಜಾನ್ ಹ್ಯಾಂಪ್‌ಶೈರ್ ನಂತರ ಲಾರ್ಡ್ಸ್‌ನಲ್ಲಿ ಚೊಚ್ಚಲ ಪಂದ್ಯವೊಂದರಲ್ಲಿ ಶತಕದ ಸಾಧನೆ ಮಾಡಿದ ಮೂರನೇ ಕ್ರಿಕೆಟಿಗ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಲ್ಲದೇ ಮುಂದೇ ಭಾರತದ ತಂಡ ನಾಯಕರಾಗಿ ಭಾರೀ ಬದಲಾವಣೆ ತಂದರು. ಅವರ ನಾಯಕತ್ವದಲ್ಲಿಯೇ ಅನೇಕ ಪ್ರತಿಭಾನ್ವಿತ ಯುವಕರುಗಳು ಭಾರತದ ಪರವಾಗಿ ಪಾದರ್ಪಾಣೆ ಮಾಡುವ ಅವಕಾಶ ಲಭ್ಯವಾಗಿ 2002 ನ್ಯಾಟ್ವೆಸ್ಟ್  ಪಂದ್ಯಾವಳಿಯ  ಫೈನಲ್ ಪಂದ್ಯದಲ್ಲಿ ಇಂಗ್ಲೇಂಡ್ ವಿರುದ್ಧವೇ ಅದೇ ಲಾರ್ಡ್ಬ್ ನಲ್ಲಿ 325 ರನ್ನುಗಳ ಬೃಹತ್ ಮೊತ್ತವನ್ನು ಯಶಸ್ವಿಯಾಗಿ ಛೇದಿಸಿದ್ದದ್ದು ಈಗ ಇತಿಹಾಸ.

gang_dravidಮುಂದೆ ಕೋಚ್ ಗ್ರೇಗ್ ಚಾಪೆಲ್ ಜೊತೆಗೆಗಿನ ವಿರಸದಿಂದ ಕೆಲ ಕಾಲ ತಂಡದಿಂದ ಹೊರಬಿದ್ದರೂ ಮತ್ತೆ ತಂಡಕ್ಕೆ ಮರಳಿ ತಮ್ಮ ಬ್ಯಾಟನ್ನು ಬೀಸಿ ಅತೀ ವೇಗವಾಗಿ ಏಕದಿನ ಕ್ರಿಕೆಟ್ಟಿನಲ್ಲಿ 11,000 ಗಳಿಸಿ ಆಟಗಾರ ಎಂಬ ಕೀರ್ತಿಗೆ  ಪಾತ್ರರಾಗಿದ್ದಲ್ಲದೇ, ಪ್ರಸ್ತುತ BCCI ಅಧ್ಯಕ್ಷರಾಗಿದ್ದಾರೆ ಮತ್ತು ಮುಂದೆ ICC ಅಧ್ಯಕ್ಷರಾಗುವ ಪಟ್ಟಿಯಲ್ಲಿ ಅಗ್ರಗಣ್ಯರಾಗಿದ್ದಾರೆ. 

DGMಸತತ ವೈಫಲ್ಯಗಳ ನಡುವೆಯೂ ಆರು ವರ್ಷಗಳ ನಿರಂತರ  ಪ್ರಯತ್ನದ ಮೂಲಕ ಯಶಸ್ವಿಯಾದ ಮರ್ವಾನ್ ಆಟಪಟ್ಟು, ಐದು ವರ್ಷಗಳ ಪ್ರಥಮ ದರ್ಜೆ ಕ್ರಿಕೆಟ್ ಆಡಿ ರಾಷ್ತ್ರೀಯ ತಂಡದಲ್ಲಿ ಸ್ಥಾನ ಗಿಟ್ಟಿಸಿ ಮೆರೆದ ರಾಹುಲ್ ದ್ರಾವಿಡ್, ದುರಹಂಕಾರಿ ಎಂಬ ಹಣೆಪಟ್ಟಿ ಪದೆದುಕೊಂಡು ತಂಡದಿಂದ ಹೊರಬಿದ್ದಿದ್ದ ಗಂಗೂಲಿ ಮತ್ತೆ ಭರ್ಜರಿ ಪ್ರದರ್ಶನದೊಂದಿಗೆ ತಂಡಕ್ಕೆ ಮರಳಿ, ಅಕ್ರಮಣಕಾರಿ ಯಶಸ್ವಿ ನಾಯಕನಾದ ಸೌರವ್ ಗೌಂಗೂಲಿಯರ ಈ ಅನುಭವಗಳು, ವೈಫಲ್ಯವನ್ನು ನಿಭಾಯಿಸಿ ಮೆಟ್ತಿ ನಿಲ್ಲಬಲ್ಲಲು ಹೆಣಗಾಡುತ್ತಿರುವ ಇಂದಿನ ಯುವಕರುಗಳಿಗೆ ಪ್ರೇರಣೆಯಾಗಬಲ್ಲದು. There is no shortcut to success and one can achieve their goal only through hard work and dedicationಯಶಸ್ಸಿಗೆ ಯಾವುದೇ ಅಡ್ಡದಾರಿಗಳಿಲ್ಲ. ಕಠಿಣ ಪರಿಶ್ರಮ ಮತ್ತು ಸಮರ್ಪಣೆಯಿಂದ ಮಾತ್ರವೇ  ಗುರಿಯನ್ನು ಸಾಧಿಸಬಹುದು. ಯಶಸ್ವಿಯಾಗಬಹುದು ಎನ್ನುವುದಕ್ಕೆ ಈ ಮೇಲಿನ ಪ್ರಸಂಗಗಳೇ ಜ್ವಲಂತ ಸಾಕ್ಷಿ.

ಇದ್ದನ್ನೇ ಅಂದಿನ ಕಾಲದಲ್ಲಿಯೇ, ಸ್ವಾಮೀ ವಿವೇಕಾನಂದರು ಅತ್ಯಂತ ಸರಳವಾಗಿ  ಏಳಿ ಏದ್ದೇಳಿ, ಗುರಿ ಮುಟ್ಟುವ ತನಕ ನಿಲ್ಲದಿರಿ ಎಂದು ಯುವಜನತೆಯನ್ನು ಬಡಿದೆಬ್ಬಿಸಿದರು. ಸಮಸ್ಯೆಗಳಿಗೆ ಸಾವೇ ಪರಿಹಾರವಲ್ಲ. ಸಾವಿನ ಹೊರತಾಗಿಯೂ, ಯಶಸ್ವಿಯಾಗಲು  ಅನೇಕ ಮಾರ್ಗಗಳಿವೆ. ಆ ಮಾರ್ಗಗಳನ್ನು ಹುಡುಕುವ ಮನಸ್ಥಿತಿಯನ್ನು ಗಳಿಸಬೇಕಷ್ಟೇ.

ಗೆಳೆಯ ಮಹೇಶ್ ಮರಾಠೆ ಮರ್ವಾನ್ ಅಟಪಟ್ತು ಬಗ್ಗೆ ಆಂಗ್ಲ ಭಾಷೆಯಲ್ಲಿ ಕಳುಹಿಸಿದ ವ್ಯಾಟ್ಯ್ಶಾಪ್ ಸಂದೇಶವನ್ನು ಕನ್ನಡೀಕರಿಸಿ ಅದರ ಜೊತೆಗೆ ದ್ರಾವಿಡ್ ಮತ್ತು ಗಂಗೂಲಿಯರ ಯಶೋಗಾಥೆಯ ಒಗ್ಗರಣೆಯನ್ನೂ ಸೇರಿಸಿ ನಿಮಗೆ ಉಣಬಡಿಸಿದ್ದೇನೆ.

ನನ್ನೀ ಪ್ರಯತ್ನ ನಿಮಗೆ ಇಷ್ಟವಾಗಿದ್ದಲ್ಲಿ, ದಯವಿಟ್ಟು Like ಮಾಡಿ. Share ಮಾಡಿ, Subscribe ಆಗಿ

ಏನಂತೀರೀ?

ಸುಶಾಂತ್ ಸಿಂಗ್ ರಜಪೂತ್

ನೆನ್ನೆ ಇಡೀ ದಿನ ಯಾವುದೇ ದೃಶ್ಯ ಮಾಧ್ಯಮ ಮತ್ತು ಫೇಸ್ ಬುಕ್ ವಾಲ್ ಗಳಲ್ಲಿ, ವಾಟ್ಸ್ಯಾಪ್ ಡಿಪಿಗಳಲ್ಲಿ ಬಾಲಿವುಡ್ನ ಖ್ಯಾತ ನಟ ಸುಶಾಂತ್ ಸಿಂಗ್ ರಜಪೂತ್ ಮುಂಬೈನ ತಮ್ಮ ಮನೆಯಲ್ಲಿ ಆತ್ಮಹತ್ಯೆ ಮಾಡಿಕೊಂಡು ಸಾವನ್ನಪ್ಪಿಪ್ಪಿರುವ ಸುದ್ದಿಯದೇ ಚರ್ಚೆ. ಅವನ ಸಾವಿನ ಪರ-ವಿರೋಧಗಳನ್ನು ತಮ್ಮ ತಮ್ಮ ಶೈಲಿಯಲ್ಲಿ ಸಂತಾಪಸೂಚಿಸುತ್ತಿದ್ದರು. ಅದರಲ್ಲೊಬ್ಬರು, ಕಳೆದ ವಾರ ಕನ್ನಡ ಚಿರಂಜೀವಿ ಸರ್ಜಾ ಈ ವಾರ ಸುಶಾಂತ್ ಮರಣ ಹೀಗೆ ಇಬ್ಬರು ಉದಯೋನ್ಮುಖ ಕಲಾವಿದರುಗಳು ವಿಧಿವಶರಾಗಿರುವುದು ನಿಜಕ್ಕೂ ದುಃಖಕರ ಎಂದು ವ್ಯಕ್ತಪಡಿಸಿದ್ದರು. ಅದನ್ನು ನೋಡಿದ ನಾನು ಕಳೆದವಾರ ವಿಧಿಯಾಟವಾದರೇ ಈ ವಾರ ಸ್ವಯಂಕೃತಾಪರಾಧ. ಮೊದಲನೆಯದ್ದಕ್ಕೆ ವಿಷಾಧವಿದೆ ಎರಡನೆಯದಕ್ಕೆ ವಿರೋಧವಿದೆ ಎಂದು ಪ್ರತಿಕ್ರಿಯಿಸಿದೆ.

su1

ಹಾಗೆಂದ ಮಾತ್ರಕ್ಕೆ ಸುಶಾಂತ್ ಸಾವನ್ನು ನಾನು ಸಂಭ್ರಮಿಸುತ್ತಿಲ್ಲ. ಅವನ ಅಕಾಲಿಕ ಮರಣದ ಬಗ್ಗೆ ದುಃಖವಿದೆಯಾದರೂ ಸಾವಿಗಾಗಿ ಆತನು ಆರಿಸಿಕೊಂಡ ವಿಧಾನದ ಬಗ್ಗೆ ಬೇಸರವಿದೆ ಮತ್ತು ವಿರೋಧವಿದೆ. 1986 ಜನವರಿ 21ರಂದು ಬಿಹಾರ್ ರಾಜ್ಯದ ಪಾಟ್ನಾ ದಲ್ಲಿ ಜನಿಸಿದ್ದ ಸುಶಾಂತ್ ಜನ್ಮತಃ ಸುರದ್ರೂಪಿ ಮತ್ತು ಬುದ್ಧಿವಂತ ಕೂಡ. AIEEEನಲ್ಲಿ 7ನೇ ರ್ಯಾಂಕ್ ಪಡೆದು ಮೆಕ್ಯಾನಿಕಲ್ ಇಂಜಿನಿಯರಿಂಗ್ ಓದುತ್ತಿದ್ದ. ಅತನ ಕೆನ್ನೆಯಲ್ಲಿ ಬೀಳುವ ಗುಳಿಗಳಿಂದಲೇ ಎಲ್ಲರರನ್ನೂ ಆಕರ್ಶಿಸವಲ್ಲವನಾಗಿದ್ದರಿಂದಲೇ ತನ್ನ ಇಂಜಿನಿಯರಿಂಗ್ ಪದವಿ ಮಾಡುತ್ತಿದ್ದಾಗಲೇ ಮಾಡಲಿಂಗ್ ಪ್ರಪಂಚದ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟವ ನಂತರ ಹಿಂದಿ ಕಿರುತೆರೆಯಲ್ಲಿ ನಟನಾ ವೃತ್ತಿ ಆರಂಭಿಸಿಕಿಸ್ ದೇಶ್ ಮೆ ಹೇ ಮೇರಾ ದಿಲ್, ಪವಿತ್ರ ರಿಶ್ತಾ ಧಾರವಾಹಿಗಳಲ್ಲಿನ ಲವಲವಿಕೆಯ ಅಭಿನಯಾ ಮೂಲಕ ಬಲು ಬೇಗನೆ ಬಹಳಷ್ಟು ಪ್ರಸಿದ್ದಿ ಪಡೆದುಕೊಂಡಿದ್ದ.

Sushant-Singh-Rajput-dead

2013ರಲ್ಲಿ ಕಾಯ್ ಪೋ ಚೆ ಚಿತ್ರದ ಮೂಲಕ ಬೆಳ್ಳಿ ತೆರೆಗೆ ಲಗ್ಗೆ ಹಾಕಿದ ಸುಶಾಂತ್ ಈ ಚಿತ್ರದ ಅದ್ಭುತ ನಟನೆಗಾಗಿ ಫಿಲ್ಮಫೇರ್ ಪ್ರಶಸ್ತಿಗೂ ನಾಮಿನೇಟ್ ಆಗಿದ್ದ. ನಂತರ ಶುದ್ಧ ದೇಸಿ ರೊಮ್ಯಾನ್ಸ್, ಡಿಟಿಕ್ಟಿವ್ ಬ್ಯೋಂಕೇಶ್ ಬಕ್ಷಿ ಚಿತ್ರದಲ್ಲಿ ನಟಿಸಿ, 2014ರಲ್ಲಿ ಅನುಷ್ಕಶರ್ಮನ ಜೋಡಿಯಾಗಿ ಪಿಕೆ ಚಿತ್ರದಲ್ಲಿ ಸರ್ಫರಾಜ್ ಆಗಿ ಕಾಣಿಸಿಕೊಂಡಿದ್ದು ಆತನಿಗೆ ದೊಡ್ಡ ಹೆಸರನ್ನು ತಂದು ಕೊಟ್ಟಿತು. ಆದಾದ ನಂತರ ಭಾರತೀಯ ಕ್ರಿಕೆಟ್ ಲೋಕದ ಯಶಸ್ವಿ ನಾಯಕನಾದ ಮಹೇಂದ್ರ ಸಿಂಗ್ ಜೀವನಾಧಾರಿತ ಚಿತ್ರ ಎಂ ಎಸ್ ಧೋನಿ, ದಿ ಅನ್ ಟೋಲ್ಡ್ ಸ್ಟೋರಿ ಚಿತ್ರದ ನಾಯಕನದಾಗ ಎಲ್ಲರ ಗಮನ ಈತನತ್ತ ಹರಿಯತೊಡಗಿತು. ಆ ಚಿತ್ರಕ್ಕಾಗಿ ಹಲವರು ತಿಂಗಳುಗಳ ಕಾಲ ಆತನ ಪರಿಶ್ರಮ ವ್ಯರ್ಥವಾಗದೇ, ದೋನಿಯ ರೂಪದಲ್ಲಿ ಅತನ ಪರಕಾಯಪ್ರವೇಶ ಚಿತ್ರವನ್ನು ಯಶಸ್ವಿಗೊಳಿಸಿದ್ದಲ್ಲದೇ ದಿನಬೆಳಗಾಗುವುದರಲ್ಲಿ ಆತ ಅನಾಯಾಸವಾಗಿ ಸ್ಟಾರ್ ಪಟ್ಟಕ್ಕೇರಿಬಿಟ್ಟಿದ್ದ. 2019ರಲ್ಲಿ ತೆರೆಕಂಡ ನಂತರ ಕೇದಾರನಾಥ್ ಮತ್ತು ಚಿಚೋರೆ ಚಿತ್ರಗಳಲ್ಲಿನ ಆತನ ಅಭಿನಯದಿಂದಾಗಿ ಈತ ಹಿಂದೀ ಚಿತ್ರರಂಗದಲ್ಲಿ ಚಿರಕಾಲ ಮಿಂಚಬಲ್ಲ ತಾರೆ ಭರವಸೆ ಮೂಡಿಸಿದ್ದದ್ದು ಸುಳ್ಳಲ್ಲ.

ಯಾವಾಗ ಸ್ಟಾರ್ ಗಿರಿ ಆತನ ನೆತ್ತಿಗೇರಿತೋ ಆಗಲೇ ತನ್ನ ಮನದಾಳದಲ್ಲಿ ಮುಚ್ಚಿಟ್ಟುಕೊಂಡಿದ್ದ ಎಡಪಂಕ್ತೀಯ ಧೋರಣೆಯನ್ನು ಸಾರ್ವಜನಿಕವಾಗಿ ಪ್ರಕಟಿಸತೊಡಗಿದ. ತನ್ನ ಅಭಿನಯ ಮತ್ತು ಪರಿಶ್ರಮದ ಮೂಲಕ ಚಿತ್ರರಂಗದಲ್ಲಿ ಸ್ಥಿರತೆಯನ್ನು ಕಾಪಾಡಿಕೊಳ್ಳುವುದರ ಬದಲು ನಕಲಿ ಜಾತ್ಯಾತೀತರ ಬಕೆಟ್ ಹಿಡಿಯಲು ಆರಂಭಿಸಿದ.ಬಾಲಿವುಡ್ ಸಿನಿಮಾ ಜಗತ್ತನ್ನು ತನ್ನ ಕಬಂಧ ಬಾಹುಗಳಿಂದ ಖಾನ್ ಗಳ ಮೂಲಕ ಆಳುತ್ತಿರುವ ದಾವೂದ್ ಮತ್ತವನ ತಂಡಕ್ಕೆ ಬಹುಪರಾಕ್ ಹೇಳಿದರೆ ಹಿಂದಿ ಚಿತ್ರರಂಗದಲ್ಲಿ ಬಹಳ ಕಾಲ ಉಳಿಯಬಹುದೆಂಬ ಭ್ರಮೆಯನ್ನು ಕಾಣತೊಡಗಿದ. ಪ್ರಿಯಾಂಕ ಚೋಪ್ರಾ, ದೀಪಿಕಾ ಪಡುಕೋಣೆ, ಜಾವೇದ್ ಅಖ್ತರ್, ಸಂಜಯ್ ಲೀಲಾ ಬನ್ಸಾಲಿ, ಕರಣ್ ಜೋಹರ್ ಮುಂತಾದ ಖಾನ್ ಪ್ರಿಯರೊಂದಿಗೆ ಹೆಚ್ಚಾಗಿ ಗುರಿತಿಸಿಕೊಳ್ಳತೊಡಗಿದ್ದಲ್ಲದೇ, ಶ್ರೀ ನರೇಂದ್ರ ಮೋದಿಯವರು ಪ್ರಧಾನ ಮಂತ್ರಿ ಪಟ್ಟಕ್ಕೇರಿದ ಕೂಡಲೇ ಈತನಿಗೂ ಅಸಹಿಷ್ಣುತೆ ಆರಂಭವಾಗತೊಡಗಿತು. ಉತ್ತರ ಪ್ರದೇಶದ ಅಖ್ಲಾಕ್ ಸಾವಿಗೆ ಸಂತಾಪ ವ್ಯಕ್ತಪಡಿಸುವ ಭರದಲ್ಲಿ ತಾನು ರಜಪೂತ ವಂಶದಲ್ಲಿ ಹುಟ್ಟಿದ್ದಕ್ಕೇ ನನಗೆ ನಾಚಿಕೆ ಆಗುತ್ತಿದೆ ಎನ್ನುವ ಆತನ ಸಾರ್ವಜನಿಕ ಹೇಳಿಕೆ ಎಲ್ಲರ ಹುಬ್ಬನ್ನೇರಿಸಿತು. ನೆನ್ನೆ ಮೊನ್ನೆ ಪ್ರವರ್ಧಮಾನಕ್ಕೆ ಬರುತ್ತಿರುವ ನಟನ ಈ ರೀತಿಯ ಉದ್ಧಟತನದ ಹೇಳಿಕೆ ಸಾರ್ವಜನಿಕವಾಗಿ ಅನೇಕ ವಿರೋಧಾಭಾಸವನ್ನು ಎದುರಿಸಬೇಕಾಯಿತು. ವಿದೇಶಿ ಹವಾಲಾದ ಬಗ್ಗೆ ಕಠಿಣ ನಿರ್ಧಾರ ಮತ್ತು ನೋಟ್ ಬ್ಯಾನ್ ಮಾಡಿದ ಮೇಲಂತೂ ಬಾಲಿವುಡ್ದಿನಲ್ಲಿ ಅರ್ಥಿಕ ತೊಂದರೆಗಳನ್ನು ಎದುರಿಸಬೇಕಾಯಿತು. ಅದಲ್ಲದೇ ಖಾನ್ ಗಳ ಚಿತ್ರ ಯಾವಾಗ ಮೇಲಿಂದ ಮೇಲೆ ಸೋಲನ್ನನುಭಿಸತೊಡಗಿತೋ ಆಗ ಅವರನ್ನು ಕೇಳೋರೆ ಇಲ್ಲವಾಯ್ತು. ಕಾಳ ಧನ ಬಿಳಿ ಮಾಡುವ ಅವಕಾಶ ಇಲ್ಲದೆ ಹೋದಾಗ ಸುಶಾಂತ್ ರಜಪೂತ್ ನಂತರ ಹೊಸಾ ನಟರಿಗೂ ಚಿತ್ರಗಳು ಸಿಗದಂತಾದಾಗ ಮೋದಿಯ ಆಡಳಿತವನ್ನು ವಿರೋಧಿಸುತ್ತಾ ಹಿಂದೂಧರ್ಮವನ್ನೇ ಹೀಯಾಳಿಸೋ ವೃತ್ತಿಗೆ ಅವರೆಲ್ಲರೂ ಇಳಿದಾಗ ಗುಂಪಿನಲ್ಲಿ ಗೋವಿಂದಾ ಎನ್ನುವಂತೆ, ದೇಶದ ಇತಿಹಾಸದಲ್ಲಿ ಕ್ಷಾತ್ರತೇಜಕ್ಕೆ ಹೆಸರಾಗಿದ್ದ ರಜಪೂತರ ವಂಶದವನಾಗಿ ರಜಪೂತರನ್ನೇ ದೂಷಿಸುವ ಮಟ್ಟಕ್ಕೆ ಹೋಗಿದ್ದದ್ದೇ ಅಕ್ಷ್ಮಮ್ಯ ಅಪರಾಧ ಎನಿಸಿತಲ್ಲದೆ ಆತನ ಅವನತಿಗೆ ಕಾರಣವಾಯಿತು.

ನೆನ್ನೆ ಬೆಳಿಗ್ಗೆಯವರೆಗೂ ಚೆನ್ನಾಗಿಯೇ ಇದ್ದ 34 ವರ್ಷದ ಸುಶಾಂತ್ ಸಿಂಗ್ ಮುಂಬೈನಲ್ಲಿರುವ ತಮ್ಮ ಮನೆಯ ಬೆಡ್ರೂಂನಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಳ್ಳುವ ಮೂಲಕ ಎಂತಹ ಸಂದರ್ಭದಲ್ಲೂ ಧೃತಿಗೆಡದೇ ಸ್ವಾವಲಂಭಿಗಳಾಗಿ ದೇಶಾದ್ಯಂತ ವ್ಯಾಪಾಗಳಾಗಿ ದೇಶದ ಅರ್ಥಿಕ ಸಧೃಢತೆಗೆ ಕಾರಣವಾಗಿರುವ ರಜಪೂತರಿಗೇ ಅವಮಾನ ಮಾಡಿದ್ದಾನೆ ಎಂದರೆ ತಪ್ಪಾಗಲಾರದು. ಇದುವರೆಗೂ ಆತನ ಅತ್ಮಹತ್ಯೆಗೆ ಕಾರಣವೇನೂ ಎನ್ನುವುದು ತಿಳಿಯದಿದ್ದರೂ, ಕಳೆದ 6 ತಿಂಗಳಿನಿಂದ ಮಾನಸಿಕ ಖಿನ್ನತೆಯಿಂದ ಬಳಲುತ್ತಿದ್ದ ಎನ್ನಲಾಗಿದೆ.

su2

ಇಂತಹ ಕಠಿಣ ನಿರ್ಧಾರಕ್ಕೆ ಕಾರಣವೇನು ಎಂಬುದು ನೆನ್ನೆಯಿಂದಲೂ ಬಹಳವಾಗಿ ಚರ್ಚೆಯ ವಿಷಯವಾಗಿದೆ. ಆತನ ಮಾಜಿ ಪ್ರೇಯಸಿ ಅಂಕಿತಾ ಲೋಖಂಡೆ ಕೆಲ ದಿನಗಳ ಹಿಂದಷ್ಟೇ ನಿಶ್ಚಿತಾರ್ಥಮಾಡಿಕೊಂಡಿದ್ದು ಇಲ್ಲವೇ ಒಂದು ವಾರದ ಹಿಂದೆ ಆತನ ಮಾಜಿ ಮ್ಯಾನೇಜರ್ ಆಗಿದ್ದ ದಕ್ಷಿಣ ಕನ್ನಡದ ಮೂಲದ ದಿಶಾ ಸಾಲಿಯಾನ್ ಕೂಡಾ ಸಂಶಯಾಸ್ಪದವಾಗಿ ಮರಣ ಹೊಂದಿದ್ದೂ ಕೂಡಾ ಈತನ ಸಾವಿನ ಜೊತೆಗೆ ತಳುಕು ಹಾಕಿಕೊಳ್ಳುತ್ತಿದೆ. ಮಾನಸಿಕ ಆರೋಗ್ಯಕ್ಕೆ ಸಂಬಂಧಿಸಿದ ದೀರ್ಘಕಾಲದ ಖಿನ್ನತೆ ಮತ್ತು ಒಂಟಿತನ ಅವನ ಜೀವನವನ್ನು ಈ ರೀತಿಯಾಗಿ ಕೊನೆಗೊಳಿಸುವ ಹಠಾತ್ ನಿರ್ಧಾರಕ್ಕೆ ಬರಲೂ ಕಾರಣವಾಗಿರಬಹುದಾಗಿದೆ.

ಈ ರೀತಿಯಾದ ಸಾವು ನಿಜಕ್ಕೂ ಇಂದಿನ ಯುವಕರಿಗೆ ಅದರಲ್ಲೂ ಧಿಢೀರ್ ಆಗಿ ಪ್ರಜ್ವಲಿಸಿ ಪ್ರವರ್ಧಮಾನಕ್ಕೆ ಬರಬೇಕು ಎಂದು ಬಯಸುವವರಿಗೆ ಎಚ್ಚರಿಕೆಯ ಗಂಟೆಯಾಗಿದೆ. ಹಾಗಾಗಿ ನಾವೆಲ್ಲರೂ ಈ ಸಾವನ್ನು ಒಬ್ಬ ಸೆಲೆಬ್ರಿಟಿಯ ಆತ್ಮಹತ್ಯೆ ಎಂದು ತಿಪ್ಪೆಗೆ ಸಾರಿಸದೆ, ಈ ಘಟನೆಯಿಂದ ಎಚ್ಚರಗೊಂಡು ನಮ್ಮನ್ನು ನಾವು ಚೆನ್ನಾಗಿ ಅರ್ಥಮಾಡಿಕೊಳ್ಳುವ ಸರಿಯಾದ ಸಮಯ ಸಂಧರ್ಭ ಬಂದಿದೆ ತಿಳಿದೋ ಇಲ್ಲವೇ ತಿಳಿಯದೆಯೋ, ಯಾರನ್ನೋ ಮೆಚ್ಚಿಸಲು ಮತ್ತು ಸಮಾಜವನ್ನು ಮೆಚ್ಚಿಸಲು, ತಮ್ಮ ತನವನ್ನು ಬಿಟ್ಟು ಬಕೆಟ್ ಹಿಡಿಯಲು ಹೋಗಿ ನೀರೀಕ್ಷೆಗೆ ತಕ್ಕಂತೆ ತಮಗೆ ಸಿಗಬೇಕಾದದ್ದು ಸಿಗದಿದ್ದಾಗ, ಈ ರೀತಿಯ ಹಾದಿ ತಪ್ಪುವುದು ಸಹಜ. ಇತರರ ನಿರೀಕ್ಷೆಗೆ ತಕ್ಕಂತೆ ಬದುಕುವುದನ್ನು ಬಿಟ್ಟು ನಮ್ಮ ತನವನ್ನು ನಾವು ಎಂದಿಗೂ ಉಳಿಸಿಕೊಂಡಾಗಲೇ ಸಾರ್ವಜನಿಕ ಜೀವನದಲ್ಲಿ , ನಾವು ಸಂತೋಷವಾಗಿರುತ್ತೇವೆ. ಯಾರನ್ನೋ ಮೆಚ್ಚಿಸಲು ನಾವು ನಂಬಿದ ಸಿದ್ಧಾಂತಗಳನ್ನು ಗಾಳಿಗೆ ತೂರಿದಾಗಲೇ ಈ ರೀತಿಯ ಅಸಹಾಯಕತೆ ಮತ್ತು ಒಂಟಿತನದ ಭಾವನೆ ಎಲ್ಲರನ್ನೂ ಕಾಡುತ್ತದೆ. ಇದು ನಮ್ಮ ಮನಸ್ಸನ್ನು ದುರ್ಬಲಗೊಳಿಸುತ್ತಾ ಹೋಗುವುದಲ್ಲದೇ, ನಮ್ಮಲ್ಲಿಯೇ ನಮ್ಮ ಬಗ್ಗೆ ನಕಾರಾತ್ಮಕ ಭಾವನೆಗಳನ್ನು ಮೂಡಿಸುವ ಮೂಲಕ ಇಂತಹ ಕುಕೃತ್ಯಗಳಿಗೆ ಕಾರಣವಾಗುತ್ತದೆ.

su3

ಮನುಜರು ತಪ್ಪು ಮಾಡುವುದು ಸಹಜ. ಅದರಿಂದ ದುಃಖವಾಗುವುದೂ ಸಹಜ ಪ್ರಕ್ರಿಯೆ, ಮುಂದೆ ಆ ರೀತಿಯ ತಪ್ಪುಗಳಾಗದಂತೆ ನಕಾರಾತ್ಮಕ ಭಾವನೆಗಳಿಂದ ಎಚ್ಚರಿಗೆ ವಹಿಸುವುದು ಸರಿಯಾದ ಮಾರ್ಗ. ನಮಗೆ ಮಾನಸಿಕವಾಗಿ ನೋವಾಗಿದ್ದಲ್ಲಿ ಅಥವಾ ಯಾವುದೇ ಸಮಸ್ಯೆಯ ಸುಳಿಯಲ್ಲಿ ಸಿಕ್ಕಿಕೊಂಡಿದ್ದಲ್ಲಿ, ಕುಟುಂಬ ಅಥವಾ ಸ್ನೇಹಿತರೊಂದಿಗೆ ಮುಕ್ತವಾಗಿ ಮಾತನಾಡುವ ಮೂಲಕ ಸಮಸ್ಯೆಗಳನ್ನು ಬಗೆಹರಿಸಿಕೊಳ್ಳಬಹುದು. ಸುಶಾಂತ್ ತಂದೆ ಮತ್ತು ಮಗನಾಗಿ ದ್ವಿಪಾತ್ರದಲ್ಲಿ ನಟಿಸಿದ್ದ ಛಿಛೋರೆ ಚಿತ್ರದಲ್ಲಿ, ಆತ್ಮಹತ್ಯೆಗೆ ಯತ್ನಿಸಿದ್ದ ಮಗನನ್ನು, ಆ ಮನಸ್ಥಿತಿಯಿಂದ ಹೊರಗೆ ತರುವ ಮೂಲಕ ಆತ್ಮಹತ್ಯೆ ಪರಿಹಾರವಲ್ಲ ಎಂದು ನೀಡಿದ್ದ ಸಂದೇಶ ಪ್ರೇಕ್ಷಕರಿಗೆ ಹಿಡಿಸಿ ಆ ಚಿತ್ರ ಅಭೂತಪೂರ್ವ ಯಶಸ್ಸನ್ನು ಕಾಣಲು ಕಾರಣವಾಗಿತ್ತು. ಆದರೆ ಹೇಳುವುದು ಶಾಸ್ತ್ರ ತಿನ್ನುವುದು ಬದನೇಕಾಯಿ ಎನ್ನುವಂತೆ ನಿಜ ಜೀವನದಲ್ಲಿ ಆತ ಆತ್ಮಹತ್ಯೆ ಮಾಡಿಕೊಂಡದ್ದು ನಿಜಕ್ಕೂ ಅಕ್ಷ್ಮಮ್ಯ ಅಪರಾಧ. ಅಂದು ಸುಶಾಂತ್ ದೇಶದಲ್ಲಿ ಅಸಹಿಷ್ಣುತೆಯಿಂದಾಗಿ ರಜಪೂತ ವಂಶದಲ್ಲಿ ನಾನು ಹುಟ್ಟಿದ್ದಕ್ಕೆ ಬೇಸರವಾಗುತ್ತಿದೆ ಎಂದಿದ್ದ. ಇಂದು ಸಮಸ್ಯೆಗಳಿಗೆ ಹೆದರಿ ಬದುಕನ್ನು ಅಕಾಲಿಕವಾಗಿ ಅಂತ್ಯ ಮಾಡಿಕೊಂಡ ಈ ಹೆದರು ಪುಕ್ಕಲನೂ ಓರ್ವ ರಜಪೂತನೇ ಎಂದು ಒಪ್ಪಿಕೊಳ್ಳಲು ನಮಗೆ ನಾಚಿಕೆ ಆಗುತ್ತಿದೆ.

ಅವರವರ ಭಾವಕ್ಕೆ ಅವರವರ ಭಕುತಿ ಎನ್ನುವಂತೆ . ಸುಶಾಂತನ ಬಗ್ಗೆ ನಾನು ಓದಿ ತಿಳಿದಿದ್ದನ್ನು ನಾನು ಇಲ್ಲಿ ಬರೆದಿದ್ದೇನೆ. ಸೆಲೆಬ್ರಿಟಿಯಾದವರು ಜನ ತಮ್ಮನ್ನು ನೋಡುತ್ತಾರೆ ಮತ್ತು ಕೆಲವರು ತಮ್ಮನ್ನೇ ಅನುಸರಿಸುತ್ತಾರೆ ಎನ್ನುವುದನ್ನು ಸದಾಕಾಲವೂ ಮನಸ್ಸಿನಲ್ಲಿಟ್ಟು ಕೊಂಡು ಅದಕ್ಕೆ ತಕ್ಕಂತೆ ಸ್ಪಂದಿಸಬೇಕೇ ಹೊರತು, ತನ್ನ ಸ್ವಹಿತಕ್ಕಾಗಿ ಮತ್ತು ಕೆಲವೇ ಮಂದಿಗಳನ್ನು ಮೆಚ್ಚಿಸುವುದಕ್ಕಾಗಿ ದೇಶದಲ್ಲಿ ದಳ್ಳುರಿ ಎಬ್ಬಿಸುವ ಕಾರ್ಯದಲ್ಲಿ ಆತ ಭಾಗಿಯಾಗಿ, ಸ್ವಧರ್ಮವನ್ನೇ ಬಿಟ್ಟು ಕೊಟ್ಟ ಭ್ರಷ್ಟ ಎನ್ನುವುದಂತೂ ಈಗ ಇತಿಹಾಸ. ಚಲನಚಿತ್ರ ನಟ ಅಥವಾ ನಾಯಕ ಈ ರೀತಿಯಾಗಿ ದುರ್ಬಲ ಮನಸ್ಸಿನಿಂದ ಅತ್ಮಹತ್ಯೆ ಮಾಡಿಕೊಂಡಲ್ಲಿ ಅವನನ್ನೇ ಅನುಸರಿಸುವ ಮಂದಿಗೇನೂ ಈ ನಾಡಿನಲ್ಲಿ ಕೊರತೆಯಿಲ್ಲ. ಅದನ್ನೇ ನಾನು ಹೇಳಿದ್ದು. ಅದರ ಹೊರತಾಗಿ ಅವನನ್ನು ನಿಂದಿಸಿ ಯಾವುದೇ ವಯಕ್ತಿಕ ತೆವಲುಗಳನ್ನು ತೀರಿಸಿಕೊಳ್ಳುವ ಚಪಲ ನನಗಿಲ್ಲ. ಅವನ ಆತ್ಮಕ್ಕೆ ಶಾಂತಿ ಸಿಗಲಿ. ಯಾರೂ ಅತನನ್ನು ಅನುಕರಿಸದಿರಲಿ ಎನ್ನುವದಷ್ಟೇ ನನ್ನ ಆಶಯ.

ಏನಂತೀರೀ?