ಸಂಘ ಪರಿವಾರ ಮತ್ತು ಕಾರ್ಯಕರ್ತರು

ಸ್ವಾತ್ರಂತ್ರ್ಯ ಪೂರ್ವದಲ್ಲಿ ಸ್ವಾತ್ರಂತ್ರ್ಯ ಹೋರಾಟಗಾರರೆಂದೇ ತಮ್ಮನ್ನು ತಾವು ಬಿಂಬಿಸಿಕೊಂಡು ಚಳುವಳಿಯಲ್ಲಿ ಮುಂದಿದ್ದ ಕೆಲವು ಹಿಂದೂ ನಾಯಕರೇ ತಮ್ಮನ್ನು ಹಂದಿ ಎಂದ ಕರೆದರೂ ಬೇಸರವಿಲ್ಲ. ಆದರೆ ದಯವಿಟ್ಟು ತಮ್ಮನ್ನು ಹಿಂದೂ ಎಂದು ಕರೆಯದಿರಿ ಎಂದು ಬಹಿರಂಗವಾಗಿಯೇ ಹೇಳಿಕೆ ಕೊಟ್ಟಿದ್ದಲ್ಲದೇ, 1920ರಲ್ಲಿ ನಾಗಪುರದಲ್ಲಿ ನಡೆದ ಕಾಂಗ್ರೇಸ್ ಅಧಿವೇಶನದಲ್ಲಿ ಗೋಹತ್ಯೆ ಮತ್ತು ಖಿಲಾಫತ್ ಚಳುವಳಿಯ ಬಗ್ಗೆ ಸೂಕ್ತವಾದ ನಿರ್ಣಯವನ್ನು ತೆಗೆದುಕೊಳ್ಳಬೇಕೆಂದು ಆ ಅಧಿವೇಶನದ ಉಸ್ತುವಾರಿಯನ್ನು ಹೊತ್ತಿದ್ದ ಮತ್ತು ಸ್ಥಳೀಯ ಕಾಂಗ್ರೇಸ್ಸಿನ ಸಹಕಾರ್ಯದರ್ಶಿಯಾಗಿದ್ದ ಡಾ. ಕೇಶವ ಬಲಿರಾಮ ಹೆಡಗೇವಾರ್ ಅವರು ಕೇಳಿಕೊಂಡಾಗ, ಇದು ಹಿಂದೂ ಮತ್ತು ಮುಸಲ್ಮಾನರ ಐಕ್ಯತೆಗೆ ಭಂಗ ಬರುತ್ತದೆ ಎನ್ನುವ ಕಾರಣ ನೀಡಿ ಡಾ.ಜೀ ಅವರ ಬೇಡಿಕೆಯನ್ನು ಸಾರಾ ಸಗಟಾಗಿ ಮಹಾತ್ಮಾಗಾಂಧಿ ಮತ್ತವರ ತಂಡ ತೀರ್ಮಾನಿಸಿದಾಗ, ಈ ದೇಶದಲ್ಲಿ ಹಿಂದೂಗಳು ಬಹುಸಂಖ್ಯಾತರಾಗಿದ್ದು ಅವರನ್ನು ಒಗ್ಗೂಡಿಸಲು ಒಂದು ಬಲವಾದ ಸಂಘಟನೆಯ ಅವಶ್ಯಕತೆಯನ್ನು ಮನಗಂಡು 27, ಸೆಪ್ಟೆಂಬರ್  1925ನೇ ಇಸ್ವಿಯ ವಿಜಯದಶಮಿಯಂದು ರಾಷ್ಟ್ರೀಯ ಸ್ವಯಂಸೇವಕ ಸಂಘವನ್ನು ಡಾ. ಹೆಡಗೇವಾರ್ ಸ್ಥಾಪಿಸಿದರು.

anghaತಮ್ಮ ಸಂಘಟನೆ ಉಳಿದೆಲ್ಲಾ ಸಂಘಟನೆಗಳಿಗಿಂತಲೂ ಭಿನ್ನವಾಗಿರಬೇಕೆಂದು ಯೋಚಿಸಿ, ವ್ಯಕ್ತಿ ಎಂದ ಮೇಲೆ ಆತ ನಶ್ವರ ಮತ್ತು ಆತನಿಂದ ತಪ್ಪುಗಳಾಗುವುದು ಸಹಜ. ಹಾಗಾಗಿ ಬಹಳ ದೂರಾಲೋಚನೆಯಿಂದ ಯಾವುದೇ ವ್ಯಕ್ತಿಯನ್ನು ಗುರುವಾಗಿಸದೇ, ಸಂಘದಲ್ಲಿ ಯಾವುದೇ ವ್ಯಕ್ತಿಪೂಜೆಗೆ ಆಸ್ಪದವಿಲ್ಲದೇ, ಭಗವಾ ಧ್ವಜವನ್ನು ಗುರುವನ್ನಾಗಿಸಿದರು.

ಡಾ.ಜೀ ಅವರ ಮರಣಾನಂತರ 2ನೇ ಸರಸಂಘಚಾಲಕರಾದ ಮಾಧವ ಸದಾಶಿವ ಗೋಲ್ವಾಲ್ಕರ್ (ಗುರೂಜಿ) ಅವರು ಸಂಘವನ್ನು ಮತ್ತಷ್ಟು ಬೆಳಸಿದ್ದಲ್ಲದೇ, ಸಂಘದ ಚಟುವಟಿಕೆಗಳು ಕೇವಲ ಶಾಖೆಗಷ್ಟೇ ಮೀಸಲಾಗಿರದೇ ಸಮಾಜದ ವಿವಿಧ ಸ್ಥರಗಳಲ್ಲಿ ಸೇವೆ ಸಲ್ಲಿಸುವಂತಾಗಬೇಕೆಂದು ನಿರ್ಧರಿಸಿದ ಕಾರಣದಿಂದಾಗಿಯೇ, ವಿಶ್ವಹಿಂದೂ ಪರಿಷದ್, ವನವಾಸಿ ಕಲ್ಯಾಣ, ಮಜ್ದೂರ್ ಸಂಘ, ಭಾರತೀಯ ಕಿಸಾನ್ ಸಂಘದ ಜೊತೆಯಲ್ಲೇ ರಾಜಕೀಯವಾಗಿ ಪ್ರಾವರ್ಧಮಾನಕ್ಕೆಂದು ಬರಲು ಅಕ್ಟೋಬರ್ 21 1951ರಲ್ಲಿ ಶ್ಯಾಮ ಪ್ರಸಾದ್ ಮುಖರ್ಜಿ ಅವರ ನೇತೃತ್ವದಲ್ಲಿ ಜನಸಂಘ ಸ್ಥಾಪಿತವಾಗಿ ಸುಮಾರು ವರ್ಷಗಳ ಕಾಲ ದೇಶದಲ್ಲಿ ವಿವಿಧ ರಾಜ್ಯಗಳಲ್ಲಿ ಆರಕ್ಕೇರದೇ, ಮೂರಕ್ಕಿಳಿಯದೇ ಇದ್ದ ಪಕ್ಷ 1977 ರಲ್ಲಿ ಜಯಪ್ರಕಾಶ್ ನಾರಾಯಣ್ ಅವರ ಜನತಾ ಪಕ್ಷದೊಂದಿಗೆ ವಿಲೀನವಾದರೂ ನಂತರ ಸಂಘದೊಂದಿಗಿನ ಸಂಬಂಧದ ಕುರಿತಾಗಿ ವಿವಾದಗಳಿಂದಾಗಿ ಬೇಸತ್ತು ಜನತಾಪರಿವಾರದಿಂದ ಹೊರಬಂದು 6ನೇ ಏಪ್ರಿಲ್ 1980 ರಲ್ಲಿ ಶ್ರೀ ಅಟಲ್ ಬಿಹಾರಿ ವಾಜಪೇಯಿ ಮತ್ತು ಶ್ರೀ ಲಾಲ ಕೃಷ್ಣ ಅಡ್ವಾಣಿಯವರ ಸಾರಥ್ಯದಲ್ಲಿ ,ಉದಯವಾಗಿ ನಂತರ ಆ ಎಲ್ಲಾ ನಾಯಕರ ಪರಿಶ್ರಮ ಮತ್ತು ಕಾರ್ಯಕರ್ತರ ನಿಸ್ವಾರ್ಥ ತ್ಯಾಗ ಮತ್ತು ಬಲಿದಾನಗಳಿಂದಾಗಿ ಇಂದು ಬಿಜೆಪಿ ಸುಮಾರು 15+ ರಾಜ್ಯದಲ್ಲಿ ಅಧಿಕಾರ ವಹಿಸಿಕೊಂಡಿದೆಯಲ್ಲದೇ, ಕೇಂದ್ರದಲ್ಲೂ ಅಧಿಕಾರವನ್ನು ನಡೆಸುತ್ತಿರುವುದು ಈಗ ಇತಿಹಾಸ.

ಆದರೆ ಸಂಘ, ಸಂಘ ಪರಿವಾರ ಮತ್ತು ಬಿಜೆಪಿಯಲ್ಲಿ ನಡೆಯುತ್ತಿರುವ ಇತ್ತೀಚಿನ ಬೆಳವಣಿಗೆಗಳು ಮತ್ತು ವಿದ್ಯಮಾನಗಳು ನಿಜಕ್ಕೂ ಸಂಘದ ಸಂಸ್ಥಾಪಕರ ಆಶಯಗಳಿಂದ ದೂರವಾಗುತ್ತಿದೆಯೇ? ಎಂಬ ಭಾವನೆ ಮೂಡುತ್ತಿದ್ದು, ವ್ಯಕ್ತಿ ಪೂಜೆಯೇ ಅಧಿಕವಾಗುತ್ತಿಯೋ ಏನೋ? ಎಂಬ ಕಳವಳ ಮೂಡುತ್ತಿದೆ. ಎಲ್ಲದ್ದಕ್ಕಿಂತಲೂ ಹೆಚ್ಚಿನ ಆಘಾತಕಾರಿ ಎಂದರೆ ಒಬ್ಬ ಕಾರ್ಯಕರ್ತನಾಗಿ ಇದನ್ನು ಪ್ರಶ್ನಿಸಿದವರನ್ನೇ ತಪ್ಪಿತಸ್ಥರನ್ನಾಗಿ ಮಾಡಿ ಅವರನ್ನು ಸಂಘಟನೆಯಿಂದಲೇ ಹೊರದಬ್ಬುವ ಕೆಟ್ಟ ಸಂಪ್ರದಾಯಕ್ಕೆ ಮುಂದಾಗಿರುವುದು ನಿಷ್ಠಾವಂತ ಕಾರ್ಯಕರ್ತರಿಗೆ ಆಘಾತ ಕಾರಿಯಾಗಿದೆ.

ಸಂಘದ ಸ್ವಯಂಸೇಕರ ಸ್ವಾಮಿನಿಷ್ಠೆ ಮತ್ತು ಕಾರ್ಯತತ್ಪರತೆಯ ಬಗ್ಗೆ ಸಂಘ ಮತ್ತು ಸಂಘ ಪರಿವಾರದ ವಿರೋಧಿಗಳೂ ಸಹಾ ಚಕಾರ ಎತ್ತುವುದಿಲ್ಲ. ಸಂಘ ಮತ್ತು ಪರಿವಾರ ಈ ಮಟ್ಟಕ್ಕೆ ಬೆಳೆಯಲು ಕೇವಲ ದೇಶವಲ್ಲದೇ, ವಿದೇಶಗಳಲ್ಲಿಯೂ ಇರುವ ಕೋಟ್ಯಾಂತರ ಕಾರ್ಯಕರ್ತರ ನಿಸ್ವಾರ್ಥ ಸೇವೆಯಿಂದಲೇ ಆಗಿದೆ ಎನ್ನುವುದನ್ನು ಎಲ್ಲರೂ ಒಪ್ಪಿಕೊಳ್ಳುತ್ತಾರೆ. Once a swayamsevak is always a swayamsevak ಎನ್ನುವಂತೆ ಸ್ವಯಂಸೇವಕರಾದವರು ಜೀವನ ಪರ್ಯಂತ ಸಂಘನಿಷ್ಠೆ ಮತ್ತು ಅನುಶಾಸನ ಪಾಲನೆ ಮಾಡುತ್ತಲೇ ಹೋಗುತ್ತಾರೆ. ಅವರೆಂದೂ ವ್ಯಕ್ತಿಗಾಗಲೀ ವ್ಯಕ್ತಿತ್ವಕ್ಕಾಗಲೀ ಪ್ರಾಮುಖ್ಯತೇ ಕೊಡದೇ ಹೋದದ್ದಕ್ಕೇ ಇಂದು ಬಿಜೆಪಿಯಲ್ಲೂ ಪಕ್ಷ ಮತ್ತು ಸಿದ್ಧಾಂತವನ್ನು ಗಾಳಿಗೆ ತೂರಿರುವ ಹಲವು ಭ್ರಷ್ಟರು ಆಯ್ಕೆಯಾಗಿ ಅಧಿಕಾರವನ್ನೂ ಅನುಭವಿಸುತ್ತಿದ್ದಾರೆ.

ಕಾರ್ಯುಕರ್ತರ ನಿಷ್ಟೆ ಮತ್ತು ಪಕ್ಷ ಸಿದ್ಧಾಂತವನ್ನು ದುರ್ಬಳಕೆ ಮಾಡಿಕೊಂಡು ಈ ಭ್ರಷ್ಟ ನಾಯಕರು ಮಾಡುವ ಅಪಸವ್ಯಗಳನ್ನು ಕಾರ್ಯಕರ್ತನಾದವನು ಪ್ರಶ್ನಿಸದೇ, ಕಣ್ಣು ಮುಚ್ಚಿಕೊಂದು ಅದನ್ನು ಸಹಿಸಬೇಕು ಮತ್ತು ವಿರೋಧಿಗಳೊಂದಿಗೆ ಸಮರ್ಥನೆ ಮಾಡ ಬೇಕು ಎಂದು ಬಯಸುತ್ತಿರುವುದು ಪಕ್ಷದ ಹಿತದೃಷ್ಟಿಯಿಂದ ಆಘಾತಕಾರಿಯಾದ ಬೆಳವಣಿಗೆಯಾಗಿದೆ. ಪರಿವಾರದಲ್ಲಿ ತಪ್ಪು ನಡೆದಾಗ ಅಥವಾ ಯಾರೇ ಆಗಲಿ ನಮ್ಮ ಗಡಿ-ಗುಡಿ-ನುಡಿಗಳ ಬಗ್ಗೆ ಅವಹೇಳನ ಮಾಡಿದಾಗ ಮುಲಾಜಿಲ್ಲದೇ, ನಮ್ಮ ವಿರೋಧಿಗಳಿಗಿಂತಲೂ ಮೊದಲು ಸಂಘದ ಕಾರ್ಯಕರ್ತರೇ ಟೀಕಿಸಿ ಅದನ್ನು ಸರಿಪಡಿಸ ಬೇಕು ಎಂದೇ ಸಂಘ ಹೇಳಿಕೊಟ್ಟಿದೆ. ಕಾರ್ಯಕರ್ತನೆಂದೂ ಚಿನ್ನದ ಸೂಜಿ ಎಂದು ಕಣ್ಣಿಗೆ ಚುಚ್ಚಿಕೊಳ್ಳಲಾರ ಎಂಬುದು ಪರಿವಾರದವರೆಲ್ಲರಿಗೂ ತಿಳಿದಿದ್ದರೂ, ಅಧಿಕಾರದ ಅಮಲಿನಲ್ಲಿ ತೇಲಾಡುತ್ತಿರುವವರು ಸಿದ್ಧಾಂತಕ್ಕೆ ಎಳ್ಳು ನೀರು ಬಿಟ್ಟು ಭೋಗ ಪ್ರಧಾನರಾಗಿ ಹೊಂದಾಣಿಕೆ ರಾಜಕೀಯ ಮಾಡುತ್ತಾ ತನಗೆ ತನ್ನ ಮಕ್ಕಳಿಗೆ, ತನ್ನ ಮೊಮ್ಮಕ್ಕಳಿಗೆ ಹೀಗೆ ಹತ್ತಾರು ಮಕ್ಕಳಿಗೆ ವಂಶ ಪಾರಂಪರ್ಯವಾಗಿ ಅಧಿಕಾರ ಮತ್ತು ಆಸ್ತಿಗಳನ್ನು ಮಾಡಿಕೊಂಡು ಹೋಗುತ್ತಿರುವುದು ಕೇವಲ ಪ್ರಜಾತಂತ್ರಕ್ಕಷ್ಟೇ ಅಲ್ಲದೇ ಸಂಘದ ಸಿದ್ಧಾಂತಕ್ಕೂ ವಿರುದ್ಧವಾಗಿದೆ.

  • ಕೇರಳದಲ್ಲಿ ಪ್ರತಿ ದಿನವೂ ಕಮ್ಯೂನಿಷ್ಟರು ಮತ್ತು ಮುಸ್ಲಿಂ ಮತಾಂಧರಿಂದ ಹತರಾಗುತ್ತಿರುವ ಹಿಂದೂ ಕಾರ್ಯಕರ್ತರು
  • ರಾಜ್ಯದಲ್ಲಿ ಗೋಹತ್ಯೆ ನಿಷೇಧವಿದ್ದರೂ ರಾತ್ರೋ ರಾತ್ರಿ ಮನೆಗಳಿಗೆ ನುಗ್ಗಿ ಗೋವುಗಳನ್ನು ಕದಿಯುವ ಗೋಗಳ್ಳರ ವಿರುದ್ಧ ಪ್ರಾಣದ ಹಂಗನ್ನೂ ತೊರೆದು ಹೋರಾಡುವ ಹಿಂದೂ ಕಾರ್ಯಕರ್ತರ ವಿರುದ್ದವೇ ಕೇಸುಗಳು
  • ಹಿಂದೂಗಳ ಪರ ಶ್ರೀರಾಮ ಸಂಘಟನೆ ಮೂಲಕ ಹೋರಾಡುತ್ತಿರುವ ಶ್ರೀ ಪ್ರಮೋದ್ ಮುತಾಲಿಕ್ ವಿರುದ್ಧ ಗಡಿಪಾರಿನ ಜೊತೆಗೆ ನೂರಾರು ಕೇಸುಗಳು
  • ಪಶ್ವಿಮ ಬಂಗಾಳದ ಚುನಾವಣೆಯ ನಂತರ ಅಲ್ಲಿ ಬಿಜೆಪಿಯನ್ನು ಸಮರ್ಥಿಸಿದರೆಂದು ಟಿಎಂಸಿ ಕಾರ್ಯಕರ್ತರು ನಡೆಸಿದ ಕೋಮು ದಳ್ಳುರಿ
  • ನಂಜನಗೂಡು ತಮಿಳು ನಾಡು, ಆಂಧ್ರಪ್ರದೇಶದಲ್ಲಿ ನೂರಾರು ಹಿಂದೂ ದೇವಾಲಯಗಳನ್ನು ಕೆಡವಿದ್ದು
  • ಕೇವಲ ಬೆರಳೆಣಿಕೆಯಷ್ಟು ಹೆಣ್ಣುಮಕ್ಕಳು ಹತ್ತಿಸಿದ ಹಿಜಾಜ್ ಕಿಡಿಯನ್ನು ನಂದಿಸಲಾಗದೇ ಹೋದದ್ದು
  • ಹಿಜಾಬ್ ಚಳುವಳಿಯ ನಂತರ ನಡೆದ ಹರ್ಷನ ಹತ್ಯೆ
  • ಪಠ್ಯ ಪುಸ್ತಕ ಪರಿಷ್ಕರಣೆಯ ಸಮಯದಲ್ಲಿ ಸಮಿತಿಯ ಅಧಕ್ಷ ರೋಹಿತ್ ಚಕ್ರತೀರ್ಥರನ್ನು ಏಕಾಂಗಿಯಾಗಿಸಿದ್ದು
  • ಹಿಂದೂ ತತ್ವ ಸಿದ್ಧಾಂತದ ಅಡಿಯಲ್ಲೇ, ಮೋದಿ ಬ್ರಿಗೇಡ್ ಮತ್ತು ಯುವಾ ಬ್ರಿಗೇಡ್ ಮೂಲಕ ಯುವಕರನ್ನು ಒಗ್ಗೂಡಿಸಿ ಹತ್ತು ಹಲವಾರು ಸಮಾಜಮುಖಿ ಕಾರ್ಯಗಳನ್ನು ಮಾಡುತ್ತಿರುವ ಮತ್ತು ಕರ್ನಾಟಕದಲ್ಲಿ ಬಿಜೆಪಿ ಗೆಲುವಿಗೆ ಹಗಲಿರುಳು ಶ್ರಮಿಸುತ್ತಿರುವ ಮಿಥುನ್ ಚಕ್ರವರ್ತಿ ಸೂಲಿಬೆಲೆಯವರ ವಿರುದ್ದ ವಿರೋಧಿಗಳು ಮುಗಿ ಬಿದ್ದಾಗ ಆತನನ್ನು ಏಕಾಂಗಿಯಾಗಿಸಿದ್ದು
  • ಕೈ ತುಂಬ ಸಂಬಳ ಬರುತ್ತಿದ್ದ ಕೆಲಸವನ್ನು ಬಿಟ್ಟು ತನ್ನ ಪೋಸ್ಟ್ ಕಾರ್ಡ್ ಎಂಬ ಸಂಸ್ಥೆಯ ಮೂಲಕ ಸಾಮಾಜಿಕ ಜಾಲತಾಣಗಳಲ್ಲಿ ಗಟ್ಟಿಯಾಗಿ ನಿಂತು ಬಿಜೆಪಿ ಮತ್ತು ಹಿಂದೂ ಸಂಘಟನೆಗಳ ಪರವಾದಿಸುವ ಮಹೇಶ್ ಹೆಗ್ಡೆಯವರನ್ನೇ ಕಾಂಗ್ರೇಸ್ ಏಜೆಂಟ್ ಎಂದು ಬಿಂಬಿಸಲು ಮುಂದಾಗಿದ್ದು
  • ಇನ್ನು ಪ್ರತೀ ಮಸೀದಿಯಲ್ಲಿ ಶಿವಲಿಂಗವನ್ನು ಹುಡುಕಿ ವಿವಾದ ಎಬ್ಬಿಸಬೇಡಿ ಎಂಬ ಗೊಂದಲಮಯ ಹೇಳಿಕೆಯನ್ನು ಸಂಘದ ಸರಸಂಘಚಾಲಕರಾದ ಶ್ರೀ ಮೋಹನ್ ಭಾಗವತ್ ನೀಡಿದ್ದು
  • ಕಾಶಿಯ ಗ್ಯಾನವ್ಯಾಪಿ ಮಸೀದಿಯಲ್ಲಿ ಲಿಂಗ ದೊರೆತ ವಿಷಯದ ಕುರಿತು ಮಾಧ್ಯಮದಲ್ಲಿ ನಡೆಯುತ್ತಿದ್ದ ಚರ್ಚೆಯಲ್ಲಿ ಶಿವನ ವಿರುದ್ಧವಾಗಿ ಅನ್ಯಕೋಮಿನವರು ಆಕೆಯ ಮೇಲೆ ಮುಗಿ ಬಿದ್ದಾಗ, ಬಿಜೆಪಿ ಪಕ್ಷದ ವಕ್ತಾರೆಯಾಗಿ ಗಟ್ಟಿಯಾಗಿ ಹಿಂದೂ ಪರ ನಿಲುವನ್ನು ಎತ್ತಿ ಹಿಡಿದು ಮುಸ್ಲಿಂ ಸಮುದಾಯದ ಬಗ್ಗೆ ಪ್ರಶ್ನಿಸಿದ್ದನ್ನೇ ಮುಂದು ಮಾಡಿಕೊಂಡು ಆಕೆಯನ್ನು ಪಕ್ಷದಿಂದ ಅಮಾನವೀಯವಾಗಿ ಅಮಾನತು ಗೊಳಿಸಿರುವುದು

ಹೀಗೆ ಹೇಳುತ್ತಾ ಹೋದಲ್ಲಿ ಪುಟಗಟ್ಟಲೇ ದಿನಗಟ್ಟಲೇ ಬರೆಯಬಹುದಾದ ಅಂಶಗಳಿಂದ ಸ್ಪಷ್ಟವಾಗಿ ತಿಳಿಯುತ್ತಿರುವ ವಿಷಯವೇನೆಂದರೆ ಸಂಘ ಪರಿವಾರದಲ್ಲಿ ಕಾರ್ಯಕರ್ತರಿಗೆ ಬೆಲೆಯೇ ಇಲ್ಲದಂತಾಗಿದೆ.

WhatsApp Image 2022-06-06 at 11.54.01 AMಬಿಜೆಪಿಯವರು ಅಧಿಕಾರಕ್ಕೆ ಬರುವ ಮುನ್ನ ಹಿಂದು ಹಿಂದೂ ಎನ್ನುತ್ತಾ ನಾವೆಲ್ಲಾ ಹಿಂದೂ ನಾವೆಲ್ಲಾ ಒಂದು ಎಂದು ಹಿಂದುತ್ವದ ಬಗ್ಗೆ ಜಪಮಾಡುತ್ತಲೇ, ಚುನಾವಣೆ ಘೋಷಣೆ ಆದ ಕೂಡಲೇ ಜಾತಿ ಆಧಾರಿತವಾಗಿ ಇತರೇ ಪಕ್ಷಗಳಿಂದ ನಾಯಕರನ್ನು ಕರೆತಂದು ಟಿಕೆಟ್ ಕೊಟ್ಟು ನಿಸ್ವಾರ್ಥ ಹಿಂದೂ ಕಾರ್ಯಕರ್ತರನ್ನು ಮರಳು ಮಾಡಿ ಸ್ವಲ್ಪವೂ ಖರ್ಚಿಲ್ಲದೇ ಅಧಿಕಾರಕ್ಕೆ ಏರುತ್ತಾರೆ. ಒಮ್ಮೆ ಸಿಂಹಾಸನಾರೂಢರಾದ ಕೂಡಲೇ ಅವರಲ್ಲಿ ಹಿಂದುತ್ವವೆಲ್ಲವೂ ಮಾಯವಾಗಿ ಅವರು ಗಾಂಧಿವಾದಿಗಳಾಗಿ ಪರಮ ಸಹಿಷ್ಣುಗಳಾಗಿ ಹಿಂದೂಗಳಿಗೆ ಯಾರಾದರು ಒಂದು ಕೆನ್ನೆಗೆ ಹೊಡೆದರೆ, ಕೊಂಚವೂ ಪ್ರತಿಭಟಿಸದೇ ಮತ್ತೊಂದು ಕೆನ್ನೆಗೂ ಹೊಡೆಸಿಕೊಂಡು ಬರಬೇಕೆಂದು ಆಗ್ರಹಿಸುತ್ತಾರೆ. ಅಧಿಕಾರ ಇಲ್ಲದಿದ್ದಾಗ 28 ಹಿಂದೂ ಕಾರ್ಯಕರ್ತರ ಬರ್ಬರ ಹತ್ಯೆಯ ಬಗ್ಗೆ ಹಿಂದೂವಾದಿಗಳಾಗಿ ಹೋರಾಟ ಚೀರಾಟ ನಡೆಸುವವರು ಅದೇ ಕಾರ್ಯಕರ್ತರ ಹೆಣ ಮುಂದಿಟ್ಟುಕೊಂಡು ಅನುಕಂಪದ ಆಧಾರಿತವಾಗಿ ಅಧಿಕಾರಕ್ಕೇರಿದ ಕೂಡಲೇ ಬಣ್ಣ ಬದಲಿಸುವ ಗೊಸುಂಬೆಗಳಾಗಿ ರಾಷ್ಟ್ರೀಯವಾದಿಗಳಾಗಿ ಪರಿವರ್ತನೆಗೊಳ್ಳುತ್ತಾರೆ. 28 ಬರ್ಬರ ಹತ್ಯೆಗಳ ಬಗ್ಗೆ ಚಕಾರವನ್ನೂ ಎತ್ತದೇ ಜಾಣ ಮೌನವನ್ನು ತಾಳುವುದಲ್ಲದೇ, ಶಾಸಕನ ಮನೆಯನ್ನು ಸುಡಲೀ, ಶಿಕ್ಶಣ ಸಚಿವರ ಮನೆಯ ಮುಂದೆ ಚಡ್ಡಿ ಸುಟ್ಟರೂ,  ಸಬ್ ಕಾ ಸಾಥ್, ಸಬಕಾ ವಿಕಾಸ್ ಜಪವನ್ನು ಜಪಿಸುವುದನ್ನು ಕಂಡಾಗ ರೋಮ್ ಹೊತ್ತಿ ಉರಿಯುತ್ತಿದ್ದಾಗ ರೋಮ್ ದೊರೆ ನೀರೋ ಪಿಟೀಲು ನುಡಿಸುತ್ತಿದ್ದ ಎಂಬ ಕಥೆ ನೆನಪಾಗುತ್ತದೆ.

ಪ್ರವಾದಿ ಮುಹಮ್ಮದ್ ಅವರ ಬಗ್ಗೆ ನೂಪುರ್ ಶರ್ಮ ಅವಹೇಳನ ಮಾಡಿರುವುದನ್ನೇ ಅಂತರಾಷ್ಟ್ರೀಯ ಸುದ್ದಿಯನ್ನಾಗಿ ಮಾಡಿ ಇದರ ಖಂಡನಾರ್ಹವಾಗಿ ಆ ಮುಸಲ್ಮಾನ ರಾಷ್ಟ್ರಗಳು ಭಾರತೀಯ ಉತ್ಪನ್ನಗಳ ವಿರುದ್ಧ ನಿಷೇಧವನ್ನು ಹೇರಿದ್ದಕ್ಕೆ ಹೆದರಿ ನೂಪುರ್ ಅವರನ್ನು ಅಮಾನತ್ತು ಮಾಡುತ್ತಾರಾದರೇ,

  • ಹಿಂದೂಸ್ಥಾನದ ಪ್ರತೀ ಹಳ್ಳಿಯಲ್ಲೂ ಪ್ರತಿ ದಿನವೂ ಅಲ್ಲಾಹನೇ ನಮ್ಮ ದೇವರು ಅಲ್ಲಾ ಬಿಟ್ಟರೆ ಬೇರೇ ದೇವರಿಲ್ಲಾ ಎಂದು ದಿನಕ್ಕೆ ಐದು ಬಾರಿ ನೂರಾರು ವರ್ಷಗಳಿಂದ ಲೌಡ್ ಸ್ಪೀಕರಿನಲ್ಲಿ ಕೂಗುತ್ತಿದ್ದಾರಲ್ಲಾ ಅದಕ್ಕೇನು ಹೇಳುತ್ತೀರೀ?
  • ದೇಶದ ಎಲ್ಲಾ ಉತ್ಪನ್ನಗಳ ಮೇಲೂ ಸಂವಿಧಾನಬಾಹಿರವಾದ ದೇಶದಲ್ಲಿ ಮಾನ್ಯತೆಯೇ ಪಡೆಯದ ಹಲಾಲ್ ಸರ್ಟಿಫಿಕೇಟ್ ಉತ್ಪನ್ನಗಳನ್ನು ಮಾರಲು ಅನುಮತಿ ನೀಡಿರುವುದಾದರೂ ಏಕೇ ?
  • ನಮ್ಮ ಹಿಂದೂ ಧಾರ್ಮಿಕ ಮೆರವಣಿಗೆಗಳ ಮೇಲೆ ಕಲ್ಲು ತೂರುವ ಮತ್ತು ಈ ದೇಶದ ಕಾನೂನನ್ನು ಕಾಲು ಕಸವನ್ನಾಗಿ ನೋಡುವ ಮಂದಿಯ ವಿರುದ್ದ ಕಠಿಣ ಕ್ರಮವಿಲ್ಲ ಏಕೇ?
  • ಕಾಶ್ಮೀರೀ ಪಂಡಿತರು ಕಾಶ್ಮೀರದ ಮೂಲ ನಿವಾಸಿಗಳು ಎಂದು ಇಡೀ ಜಗತ್ತಿಗೇ ತಿಳಿದಿದ್ದರೂ, ದಿನ ನಿತ್ಯವೂ ಕಾಶ್ಮೀರೀ ಪಂಡಿತರ ಮೇಲೆ ಧಾಳಿ ಮಾಡುತ್ತಿರುವ ಮತಾಂದರ ವಿರುದ್ಧ ಯಾವುದೇ ಕ್ರಮವಿಲ್ಲ ಏಕೇ?
  • ಜನಗಳ ತೆರಿಗೆ ಹಣದಲ್ಲಿ ಅತ್ಯಂತ ಕಡಿಮೆ ವೆಚ್ಚದಲ್ಲಿ ಹತ್ತಾರು ವರ್ಷಗಳ ಕಾಲ ದೆಹಲಿಯ ಜೆ.ಎನ್.ಯು ವಿನಲ್ಲಿ ವಿದ್ಯಾರ್ಥಿಗಳ ಸೋಗಿನಲ್ಲಿ ಭಾರತ್ ತೇರೆ ತುಕ್ಡೇ ಕರೇಂಗೆ ಇನ್ಷಾ ಅಲ್ಲಾ ಇನ್ಷಾ ಅಲ್ಲಾ ಎಂದು ಹೇಳುತ್ತಾ ಹಮೇ ಅಝಾದಿ ಚಾಹಿಯೇ ಎಂದವರ ವಿರುದ್ದ ಕ್ರಮವಿಲ್ಲ ಏಕೇ?

ತಪ್ಪೋ ಸರಿಯೋ ಇತರೇ ಪಕ್ಷಗಳಲ್ಲಿ ಕಾರ್ಯಕರ್ತರಿಗೆ ಇರುವ ಬೆಲೆ ಖಂಡಿತವಾಗಿಯೂ ಸಂಘ ಪರಿವಾರದಲ್ಲಿ ನಿಶ್ವಿತವಾಗಿಯೂ ಇಲ್ಲ ಎನ್ನುವುದು ನಿರ್ವಿವಾದವಾಗಿದೆ. ಅಕಸ್ಮಾತ್ ಕಾರ್ಯಕರ್ತನೇನಾದರೂ ಸಂಕಷ್ಟದಲ್ಲಿ ಸಿಲುಕಿಕೊಂಡಲ್ಲಿ ಅವನ ಪರವಾಗಿ ಪರಿವಾರದ ಯಾವ ನಾಯಕನೂ ಬರಲಾರ ಎನ್ನುವುದು ಅತ್ಯಂತ ಸ್ಪಷ್ಟವಾಗಿದೆ. ಅಕಸ್ಮಾತ್ ಅವನ ಹೆಣ ಉರುಳಿದಲ್ಲಿ ಮಾತ್ರವೇ ಅದರ ರಾಜಕೀಯ ಲಾಭಕ್ಕಾಗಿ ಬರುವುದಂತೂ ನಿಶ್ಚಿತವಾಗಿದೆ.

ಹಾಗಾಗಿ ಸ್ವಂತಕ್ಕೆ ಸ್ವಲ್ಪ. ಸಮಾಜಕ್ಕೆ ಸರ್ವಸ್ವ ಎಂದು ದೇಶ, ಧರ್ಮ ರಕ್ಷಣೆಯ ಗುಂಗಿನಲ್ಲಿ ಸಂಘ ಪರಿವಾರದ ಪರವಾಗಿ ಉಗ್ರವಾಗಿ ಹೋರಾಟ ಮಾಡಿ ದೇಶ, ಧರ್ಮ ಮತ್ತು ಕಾರ್ಯಕರ್ತರ ಬಗ್ಗೆ ಕಿಂಚಿತ್ತೂ ಕಾಳಜಿ ಇಲ್ಲದ, ಸಂಘದ ಸಿದ್ಧಾಂತವನ್ನೇ ಗಾಳಿಗೆ ತೂರುವವರ ಪರ ಹೋರಾಟ ನಡೆಸಿ ಸಾವಿರಾರು ಜನರ ವಿರೋಧ ಕಟ್ಟಿಕೊಂಡು ನೂರಾರು ಕೇಸುಗಳನ್ನು ಹಾಕಿಸಿಕೊಂಡು ಕೋರ್ಟು ಕಛೇರಿ ಅಲೆಯುತ್ತಲೇ ಜೀವನ ಸವೆಸುವ ಇಲ್ಲವೇ ಜೀವವನ್ನೇ ಕಳೆದು ಕೊಳ್ಳುವ ಬದಲು ಸಮಾಜ ಮತ್ತು ಸ್ವಂತ ಎರಡಕ್ಕೂ ಸಮಾನವಾದ ಸಮಯವನ್ನು ಕೊಡುತ್ತಾ ನಮ್ಮನ್ನೇ ನೆಚ್ಚಿಕೊಂಡಿರುವವರ ರಕ್ಷಣೆಯನ್ನೂ ಮಾಡುವ ಜವಾಬ್ಧಾರಿ ಅದೇ ಕಾರ್ಯಕರ್ತರದ್ದೇ ಆಗಿದೆ ಅಲ್ವೇ?

ಏನಂತೀರಿ?
ನಿಮ್ಮವನೇ ಉಮಾಸುತ

ಅಆಇಈ ಯಲ್ಲೂ ಅಪಸವ್ಯವೇ?

ನಾವು ಚಿಕ್ಕವರಿದ್ದಾಗ ಸಮಾಜ ಶಾಸ್ತ್ರದಲ್ಲಿ ಭಾರತವನ್ನು ಕಂಡುಹಿಡಿದವರು ಯಾರು? ಎಂಬ ಪ್ರಶ್ನೆಗೆ 1492 ರಲ್ಲಿ ಪೋರ್ಚುಗೀಸ್ ಮೂಲದ ನಾವಿಕನಾದ ವಾಸ್ಕೋ ಡಿ ಗಾಮಾ ಪೋರ್ಚುಗಲ್‌ನ ಲಿಸ್ಬನ್‌ನಿಂದ ನೌಕಾಯಾನ ಮಾಡುತ್ತಾ ಅಟ್ಲಾಂಟಿಕ್ ಸಾಗರದ ಮೂಲಕ ಕೇಪ್ ಆಫ್ ಗುಡ್ ಹೋಪ್ ಅನ್ನು ಬಳಸಿಕೊಂಡು ಆಫ್ರಿಕಾದ ಪೂರ್ವ ಕರಾವಳಿಯ ಮಲಿಂಡಿಯಲ್ಲಿ ಕೆಲಕಾಲ ಲಂಗರು ಹಾಕಿ ಅಂತಿಮವಾಗಿ ಕೇರಳದ ಮಲಬಾರ್ ಕರಾವಳಿಯ ಕ್ಯಾಲಿಕಟ್‌ಗೆ ಬರುವ ಮೂಲಕ ಭಾರತವನ್ನು ಕಂಡು ಹಿಡಿದರು ಎಂದೇ ಹೇಳಿಕೊಡಲಾಗುತ್ತಿತ್ತು. ಹಾಗಾದರೆ ಅದಕ್ಕೂ ಮುಂಚೆ ಭಾರತದ ಅಸ್ತಿತ್ವವೇ ಇರಲಿಲ್ಲವೇ?

book1ಅದೇ ರೀತಿ ಉನ್ನತ ತರಗತಿಗಳಿಗೆ ಹೋಗುತ್ತಿದ್ದಂತೆಲ್ಲಾ. ಬಾಬರನ ಮಗ, ಹುಮಾಯೂನ್, ಹುಮಾಯೂನನ ಮಗ ಅಕ್ಬರ್, ಅಕ್ಬರನ ಮಗ ಜಹಾಂಗೀರ್, ಜಹಾಂಗೀರನ ಮಗ ಷಹಜಹಾನ್, ಷಹಜಹಾನನ ಮಗ ಔರಂಗಜೇಬ ಇವರೆಲ್ಲರೂ ಭಾರತ ದೇಶವನ್ನು ಆಳುತ್ತಿದ್ದಾಗ ಭಾರತ ಉಚ್ಛ್ರಾಯ ಸ್ಥಿತಿಯಲ್ಲಿತ್ತು. ಈ ದೊರೆಗಳು ಲಲಿತ ಕಲೆ. ಸಾಹಿತ್ಯ, ಸಂಗೀತಗಳಿಗೆ ಅಪಾರವಾದ ಕೊಡುಗೆಯನ್ನು ನೀಡಿದ್ದಲ್ಲದೇ ಈ ಮೊಘಲರ ಕಾಲದಲ್ಲಿಯೇ ಜಗತ್ರ್ಪಸಿದ್ಧವಾದ ತಾಜ್ ಮಹಲ್, ಕುತುಬ್ ಮಿನಾರ್ ಗಳಲ್ಲೇ ನೂರಾರು ವಿಶ್ವವಿಖ್ಯಾತ ಕಟ್ಟಡಗಳು ಭಾರತದಲ್ಲಿ ತಲೆ ಎತ್ತುವ ಮೂಲಕ ಭಾರತ ಸಾಂಸ್ಕೃತಿಕವಾಗಿ ಬೆಳೆಯಿತು ಎನ್ನುವುದನ್ನೇ ಕಲಿಸಿಕೊಡಲಾಗುತ್ತಿತ್ತು. ಹಾಗಾದರೆ ಕಲೆ ಸಾಹಿತ್ಯ, ಸಂಸ್ಕೃತಿ, ವಾಸ್ತು ಶಿಲ್ಪ, ವಿಜ್ಞಾನ, ಗಣಿತ ಮುಂತಾದವುಗಳಿಗೆ ಭಾರತ ಸಹಸ್ರಾರು ವರ್ಷಗಳ ಮುಂಚೆಯೇ ವಿಶ್ವ ಗುರುವಾಗಿರಲಿಲ್ಲವೇ?

ಇದರ ಜೊತೆಯಲ್ಲೇ ದ್ರಾವಿಡರು ಈ ದೇಶದ ಮೂಲವಾಸಿಗಳಾಗಿದ್ದು, ಮಧ್ಯ ಏಷ್ಯಾದಿಂದ ಭಾರತಕ್ಕೆ ಬಂದ ಆರ್ಯರು ಈ ದ್ರಾವಿಡರ ಮೇಲೆ ದಬ್ಬಾಳಿಕೆ ನಡೆಸಿದರು ಎಂಬ ಸಾಕ್ಷಾಧಾರವಿಲ್ಲದ ಹಸೀ ಸುಳ್ಳನ್ನೇ ಕಲಿಸಿಕೊಡುವ ಮೂಲಕ ನಮ್ಮವರಿಗೆ ನಮ್ಮವರ ಮೇಲೇ ದ್ವೇಷಬರುವಂತೆ ನೋಡಿಕೊಳ್ಳಲು ಸಫಲರಾದರು. ಇನ್ನು ಇದೇ ಮೊಘಲರ ಬಳಿ ಸಾಮಂತನಾಗಿದ್ದ ಶಹಾಜಿಯವರ ಮಗ ಶಿವಾಜಿ ತನ್ನ ತಂದೆಯವರ ದಾಸ್ಯದಿಂದ ಸಿಡಿದೆದ್ದು ಗುಡ್ಡಗಾಡಿನ ಮಾವಳೀ ಹುಡುಗರ ಸೈನ್ಯವನ್ನು ಕಟ್ಟಿಕೊಂಡು ಮೊಘಲರ ಸದ್ದನ್ನು ಹುಟ್ಟಡಗಿಸಿ ಹಿಂದವೀ ಸಾಮ್ರಾಜ್ಯವನ್ನು ಕಟ್ಟಿದ ಶಿವಾಜಿ ಮಹಾರಾಜರನ್ನು ಗುಡ್ಡಗಾಡಿನಲ್ಲಿ ಗೆರಿಲ್ಲಾ ಮಾದರಿಯ ಧಾಳಿಕೋರ ಎಂದರೆ, ಮಹಾರಾಣಾ ಪ್ರತಾಪ್ ಹಲವು ಬಾರಿ ಸೋತು ಸುಣ್ಣವಾಗಿ ಹೊದ ರಾಜ ಎಂದೇ ಪರಿಚಯಿಸಿದ್ದವರಿಗೆ ರಾಣಾ ಪ್ರತಾಪ ತಾನು ಸೋಲಿಸಿದ್ದ ಮೊಘಲರ ರಾಜನಿಗೆ ಪ್ರಾಣ ಬಿಕ್ಷೇ ನೀಡಿ ಕಳುಹಿದ್ದದ್ದನ್ನು ತಿಳಿಸದಿರುವ ಜಾಣ ಮರವು ಏಕೇ?

ಇನ್ನು ಮೋಹನ್ ದಾಸ್ ಕರಮ್ ಚಂದ್ ಗಾಂಧಿ ಮತ್ತು ಜವಹರ್ ಲಾಲ್ ನೆಹರು ಅವರ ನೇತೃತ್ವದಲ್ಲಿ ನಡೆಸಿದ ಉಪವಾಸಗಳಿಂದ ಕೂಡಿದ ಅಹಿಂಸಾತ್ಮಕ ಸ್ವಾತಂತ್ರ್ಯ ಹೋರಾಟಗಳಿಂದಾಗಿಯೇ ಆಗಸ್ಟ್ 15, 1947ರಲ್ಲಿ ಬ್ರಿಟಿಷರಿಂದ ಸ್ವಾತ್ರಂತ್ಯ್ರ ದೊರಕಿತು ಎಂಬುದಷ್ಟೇ ಗಿಣಿಪಾಠವನ್ನು ಹೇಳಿಕೊಟ್ಟರೇ ವಿನಃ ಅದೇ ಸ್ವಾತ್ರಂತ್ಯ ಹೋರಾಟದಲ್ಲಿ ತಮ್ಮ ಪ್ರಾಣವನ್ನೇ ದೇಶಕ್ಕಾಗಿ ತ್ಯಾಗ ಮಾಡಿದ, ವೀರ ಸಾವರ್ಕರ್, ಚಂದ್ರಶೇಖರ್ ಆಜಾದ್, ಲಾಲ್ ,ಬಾಲ್, ಪಾಲ್ ತ್ರಿವಳಿಗಳು, ಭಗತ್ ಸಿಂಗ್ ರಾಜಗುರು, ಸುಖ್ ದೇವ್, ಬಟುಕೇಶ್ವರ ದತ್ತ, ಸುಭಾಷ್ ಚಂದ್ರ ಬೋಸ್ ಅಂತಹ ಕ್ರಾಂತಿಕಾರಿಗಳ ಹೋರಾಟವನ್ನು ನಮ್ಮ ಮಕ್ಕಳಿಗೆ ತಿಳಿಸಿ ಕೊಡಲಿಲ್ಲವೇಕೇ?  1847ರ ಪ್ರಥಮ ಸಂಗ್ರಾಮದ ಕಿಚ್ಚನ್ನು ಹತ್ತಿಸಿದ ಮಂಗಲ್ ಪಾಂಡೆಯನ್ನು ಖಳನಾಯಕನಂತೆ ಸಿಪಾಯಿ ದಂಗೆ ಮಾಡಿದವ ಎಂದೇ ಕಲಿಸಿಕೊಡುವುದೇಕೇ?

ನನ್ನನ್ನು ಹಂದಿ ಎಂದು ಬೇಕಾದರೂ ಕರೆಯಿರಿ. ಅದರೆ ಹಿಂದೂ ಎಂದು ಮಾತ್ರ ಕರೆಯದಿರಿ ಎಂದು ಬಹಿರಂಗವಾಗಿಯೇ ಹೇಳಿಕೆ ಕೊಟ್ಟಿದ್ದಂತಹ ಮತ್ತು ಎಡಪಂಥೀಯ ಮನೋಭಾವನೆಯನ್ನೇ ಹೊಂದಿದ್ದಂತಹ ವ್ಯಕ್ತಿ ಈ ದೇಶದ ಪ್ರಧಾನಿಯಾಗಿ ಸತತವಾಗಿ ೨೦-೨೫ ವರ್ಷ ಅಲ್ಪಸಂಖ್ಯಾತ ವರ್ಗಕ್ಕೇ ಸೇರಿದವರೇ ಸ್ವತಂತ್ರ್ಯ ಭಾರತದ ಶಿಕ್ಷಣ ಮಂತ್ರಿಯಾದ ನಂತರ ಸರ್ಕಾರದ ಶಿಕ್ಷಣ ವ್ಯವಸ್ಥೆಯಲ್ಲಿ ಕಲಿಸಿದ್ದೇಲ್ಲವೂ ಹಿಂದೂ ವಿರೋಧಿ ಭಾವನೆಯೇ. ದೇಶಕ್ಕೆ ಸ್ವಾತಂತ್ಯ್ರ ಬಂದರೂ ಶಿಕ್ಷಣ ಸಂಸ್ಥೆಗಳು, ವಿಶ್ವವಿದ್ಯಾನಿಲಯಗಳು ಮತ್ತು ಮಾಧ್ಯಮಗಳು ಕಮ್ಯೂನಿಷ್ಟರ ಕಪಿಮುಷ್ಟಿಯಲ್ಲಿದ್ದ ಕಾರಣ ನಮ್ಮ ನಿರಂತರವಾಗಿ ನಮ್ಮ ಮಕ್ಕಳಿಗೆ ಚಿಕ್ಕವಯಸ್ಸಿನಿಂದಲೇ ದೇಶದ ಹಿರಿಮೆ ಗರಿಮೆಯನ್ನು ಎತ್ತಿ ಹಿಡಿದ ವೀರ ಯೋಧರ ಬದಲಾಗಿ ದೇಶವನ್ನು ಕೊಳ್ಳೆ ಹೊಡೆದವರನ್ನೇ ಗ್ರೇಟ್ ಎಂದು ಹೇಳಿಕೊಳ್ಡುವ ಮೂಲಕ ನಮ್ಮ ದೇಶದ ಬಗ್ಗೆ ಕೀಳರಿಮೆಯನ್ನೇ ಬೆಳಸುತ್ತಾ ಹೋದದ್ದು ಸುಳ್ಳಲ್ಲ.

book4ಕರ್ನಾಟಕದಲ್ಲಿ ಆರಂಭದಿಂದಲೂ ದಲಿತ ಸಾಹಿತ್ಯ, ಬಂಡಾಯ ಸಾಹಿತ್ಯ, ಶೂದ್ರ ಸಾಹಿತ್ಯ ಎಂದು ಸಾರಸ್ವತ ಲೋಕದಲ್ಲಿಯೂ ಜಾತಿಯತೆಯಿಂದ ತುಂಬಿ ತುಳುಕುವಂತೆ ಮಾಡಿದರೆ, ಕಳೆದ ಬಾರಿಯ ಪಠ್ಯಪುಸ್ತಕ ಪರಿಷ್ಕರಣೆ ಸಮಿತಿಯ ಅಧ್ಯಕ್ಷರಾಗಿ ಬರಗೂರು ರಾಮಚಂದ್ರಪ್ಪನವರು
ಆಯ್ಕೆಯಾದ ಮೇಲಂತೂ ಏಕ ಪಕ್ಷೀಯವಾಗಿ ತಮ್ಮ ಎಡ ಪಂತೀಯ ಸಿದ್ಧಾಂತದ ಮನಸ್ಥಿಯಿಂದಾಗಿ, ಭಾರತದ ನೈಜ ಇತಿಹಾಸವನ್ನು ತಿರುಚಿದ್ದಲ್ಲದೇ, ಪಠ್ಯ ಪುಸ್ತಕದ ಸಾಹಿತಿಗಳಲ್ಲೂ ಜಾತಿ, ಧರ್ಮ, ಕ್ಷೇತ್ರಿಯ ವಿಭಜನೆಯ ಮೂಲಕ ಅತ್ಯಂತ ಕೆಟ್ಟ ರೀತಿಯ ಪುಸ್ತಕವನ್ನು ಹೊರತಂದದ್ದನ್ನು ಗಮನಿಸಿದ್ದ ಪ್ರಸ್ತುತ ಸರ್ಕಾರ, ಅವೆಲ್ಲವನ್ನು ಸರಿಪಡಿಸುವ ಸಲುವಾಗಿ ಮೂಲತಃ ಗಣಿತ ಮತ್ತು ವಿಜ್ಣಾನಗಳನ್ನು ಬೋಧಿಸುವ, ಪ್ರವೃತ್ತಿಯಲ್ಲಿ 40+ ಪುಸ್ತಕಗಳು, ರಾಜ್ಯದ ಬಹುತೇಕ ಎಲ್ಲಾ ದಿನಪತ್ರಿಕೆಗಳಲ್ಲೂ ಅಂಕಣಕಾರಾಗಿ ಮಿಂಚುತ್ತಿರುವ, ಸಾಮಾಜಿಕ ಜಾಲತಾಣದ ಮೂಲಕ ನಾಡಿನ ಬಹುತೇಕರ ಮನ ಮತ್ತು ಮನೆಗಳಲ್ಲಿಯೂ ಚಿರಪರಿಚಿತರಾಗಿರುವ ರೋಹಿತ್ ಚಕ್ರತೀರ್ಥ ಅವರನ್ನು ಪುಸ್ತಕ ಪರಿಷ್ಕರಣಾ ಸಮಿತಿಯ ಅಧ್ಯಕ್ಷರನ್ನಾಗಿ ಸರ್ಕಾರ ಘೋಷಿಸುತ್ತಿದ್ದಂತೆಯೇ ಸರ್ಕಾರದ ಕೃಟಾಕಟಾಕ್ಷದಿಂದಾಗಿ ಹತ್ತು ಹಲವಾರು ಪ್ರಶಸ್ತಿ ಪುರಸ್ಕಾರಗಳನ್ನು ಪಡೆದು ಸ್ವತಃ ತಮಗೆ ತಾವೇ ಬುದ್ಧಿ ಜೀವಿಗಳು ಎಂದು ಕರೆದುಕೊಳ್ಳುವ ಮಂದಿ ಆರ್ತನಾದ ಕೇಳದಾಗಿದೆ.
book3
ಇವೆಲ್ಲದರ ನಡುವೆಯೂ ನಿಗಧಿತ ಸಮಯಕ್ಕೆ ಸರಿಯಾಗಿ ರೋಹಿತ್ ಚಕ್ರತೀರ್ಥ ಅವರ ಸಾರಥ್ಯದ ಪುಸ್ತಕ ಪರಿಷ್ಕರರಣ ಸಮಿತಿ 1 ರಿಂದ 10ನೇ ತರಗತಿಯ ವರಗೆ ಕನ್ನಡ ಮತ್ತು ಸಮಾಜ ಶಾಸ್ತ್ರದ ಪುಸ್ತಕಗಳನ್ನು ಕೂಲಂಕುಷವಾಗಿ ಪರಿಶೀಲನೆ ಮಾಡಿ, ಹಿಂದಿನ ಸಮಿಯ ತಪ್ಪುಗಳನ್ನೆಲ್ಲಾ ಸರಿ ಪಡಿಸುವ ಜೊತೆ ಜೊತೆಯಲ್ಲೇ ಚಿಕ್ಕ ಮಕ್ಕಳಿಗೆ ವಯಸ್ಕರ ಶಿಕ್ಷಣದಂತಿದ್ದ ಕೆಲವು ಪದ್ಯ ಮತ್ತು ಗದ್ಯಗಳನ್ನು ತೆಗೆದು ಹಾಕಿ ಅವುಗಳ ಜೊತೆ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಸಂಸ್ಥಾಪಕರಾದ ಡಾ. ಹೆಡಗೇವಾರ್ ಅವರ ಭಾಷಣದ ಪಾಠದ ಜೊತೆಗೆ ಚಕ್ರವರ್ತಿ ಸೂಲೆಬೆಲೆಯವರ ಸುಖ್ ದೇವ್ ಮತ್ತು ರಾಜಗುರು ಅವರ ಕುರಿತಾದ ಕೆಲವು ಪಠ್ಯಗಳನ್ನು ಸೇರಿಸಿದ ಕೂಡಲೇ ಪಠ್ಯಪುಸ್ತಕದಲ್ಲಿ ಕೇಸರೀಕರಣ, ಬ್ರಾಹ್ಮಣ್ಯತೆ ಎಂದು ಬೊಬ್ಬಿರಿಯಲಾರಂಭಿಸಿರುವುದು ನಿಜಕ್ಕೂ ಹಾಸ್ಯಾಸ್ಪದ ಎನಿಸುತ್ತದೆ.

book9ನಿಜ ಹೇಳಬೇಕೆಂದರೆ, ಕೂಸು ಹುಟ್ಟುವ ಮೊದಲೇ ಕುಲವಿ ಹೊಲಿಸಿದರಂತೆ, ಹೀಗೆ ಅಪಸ್ವರವನ್ನು ಎತ್ತಿದ ಬಹುತೇಕರು ಪುಸ್ತಕ ಬಿಡುಗಡೆಗೂ ಮುನ್ನವೇ ಪುಸ್ತಕದಲ್ಲಿರುವ ವಿಷಯಗಳ ಬಗ್ಗೆ ಅರಿಯದೆಯೇ ಕೇವಲ ಅಂತೆ ಕಂತೆಯ ಮಾತುಗಳನ್ನೇ ನಂಬಿ, ಪುಸ್ತಕದ ಬಗ್ಗೆ ಅವಸವ್ಯವನ್ನು ಎತ್ತಿದ್ದಲ್ಲದೇ, ಮಕ್ಕಳಿಗೆ ಕಲಿಸುವ ಪಠ್ಯಪುಸ್ತಕಗಳು ತಮ್ಮ ಮೂಗಿನ ನೇರಕ್ಕೆ ಇರುವಂತೆ ಅನುಕೂಲ ಸಿಂಧುತನವನ್ನು ತೋರುತ್ತಾ ಗದ್ದಲ ಎಬ್ಬಿಸಿ, ಶತ್ರುಗಳ ಶತ್ರುವೇ ಮಿತ್ರ ಎನ್ನುವಂತೆ ತೆರೆಯ ಮರೆಯಿಂದಲೇ ಬರ್ಗೂರು ರಾಮಚಂದ್ರಪ್ಪ ಅ ರೀತಿಯ ಚಾರ್ವಾಕರಿಗೆ ಬೆಂಬಲ ನೀಡುತ್ತಿರುವುದು ಈಗ ಜನರಿಗೆ ಅರಿಯದ ವಿಷಯವೇನಲ್ಲ. ಅವರ ಜೊತೆ ಅವರದ್ದೇ ಪಟಾಲಂ ಪುರುಶೋತ್ತಮ ಬಿಳಿಮಲೆ ಮತ್ತು ದೇವನೂರು ಮಹದೇವ ಮುಂತಾದವರು ಸೇರಿಕೊಳ್ಳುವ ಮೂಲಕ ಉರಿಯುವ ಬೆಂಕಿಗೆ ಮತ್ತಷ್ಟು ಸೀಮೆ ಎಣ್ಣೆ ಸುರಿದಂತಾಗಿದೆ.

book2ಯಾವುದೇ ಟಿವಿ ಛಾನೆಲ್ಲುಗಳನ್ನು ಹಾಕಲೀ, ದಿನಪತ್ರಿಕೆ, ವಾರಪತ್ರಿಕೆ ಮತ್ತು ಮಾಸಪತ್ರಿಕೆಗಳನ್ನು ತೆರೆದರೂ, ಎಲ್ಲಾ ಕಡೆಯಲ್ಲೂ ಪುಸ್ತಕ ಪರಿಷ್ಕರಣೆಯ ಪರ ಮತ್ತು ವಿರೋಧಿ ಹೋರಾಟಗಳು ಆರಂಭವಾಗಿ ಎರಡೂ ಬಣಗಳ ವಾಗ್ಸಮರ ತಾರಕ್ಕಕ್ಕೇರಿದೆ. ತಮ್ಮ ದೇಶದ ಇತಿಹಾಸವನ್ನು ಅರಿಯದವರು/ಮರೆತವರು ಇತಿಹಾಸವನ್ನು ಸೃಷ್ಟಿಸಲಾರರು ಎಂಬ ಸತ್ಯಗೊತ್ತಿದ್ದರೂ, ಇಂದಿನ ಮಕ್ಕಳೇ ನಾಳಿನ ಪ್ರಜೆಗಳು ಎಂಬುದರ ಅರಿವಿದ್ದರೂ ಬೆಕ್ಕಿಗೆ ಚೆಲ್ಲಾಟ ಇಲಿಗೆ ಪ್ರಾಣ ಸಂಕಟ ಎನ್ನುವಂತೆ ವಿದ್ಯಾರ್ಥಿಗಳ ಬಗ್ಗೆ ಯಾರೂ ಸಹಾ ಗಮನಿಸದೇ ಪಠ್ಯಪುಸ್ತಕಗಳಲ್ಲಿಯೂ ತಮ್ಮ ಜಾತಿ, ಧರ್ಮ ಮತ್ತು ರಾಜಕೀಯಗಳನ್ನು ಬೆರೆಸಲು ಮುಂದಾಗಿರುವುದು ನಿಜಕ್ಕೂ ಹೇಯಕರವೇ ಸರಿ.

ಇನ್ನು ರಾಜ್ಯಾದ್ಯಂತ ನಾಯಿಕೊಡೆಗಳಂತೆ ಗಲ್ಲಿಗಲ್ಲಿಗೆ ರಾಜ್ಯಾಧ್ಯಕ್ಷರುಗಳನ್ನು ಹೊಂದಿರುವ, ಹೆಸರಿಗಷ್ಟೇ ಕನ್ನಡ ಸಂಘಗಳಾಗಿ ಬಹಿರಂಗವಾಗಿಯೇ ಕನ್ನಡ ಹೆಸರಿನಲ್ಲಿ ಸರ್ಕಾರೀ ಅನುಧಾನವನ್ನು ಹೊಡೆಯುತ್ತಾ ತಮ್ಮ ಹೊಟ್ಟೆ ಹೊರೆದುಕೊಳ್ಳುತ್ತಿರುವ ಕನ್ನಡ ಸಂಘಗಳೂ ಈ ಪ್ರತಿಭಟನೆ ಮಾಡಲು ಮುಂದಾಗಿರುವುದು ಯಾವ ಪುರುಷಾರ್ಥಕ್ಕೆ? ಎನ್ನುವುದೇ ಅರ್ಥವಾಗುತ್ತಿಲ್ಲ. ಇವರ ಜೊತೆ ಮುಸ್ಲಿಂ ಸಂಘಟನೆಗಳೂ ಕೈ ಜೋಡಿಸಿರುವುದು ನಿಜಕ್ಕೂ ಅಪಾಯಕಾರಿ ಬೆಳವಣಿಗೆಯಾಗಿದೆ.

ಹಿಂದೂಗಳಲ್ಲಿ ಪರಸ್ಪರ ಒಗ್ಗಟ್ಟಿಲ್ಲದ್ದನ್ನೇ ಬಳಸಿಕೊಂಡು ನಮ್ಮ ನಮ್ಮಲ್ಲೇ ಯಾದವೀ ಕಲಹ ತಂದು ದೇಶವನ್ನು ಲೂಟಿ ಮಾಡಿದ ಇತಿಹಾಸ ನಮ್ಮ ಕಣ್ಣ ಮುಂದಿದ್ದರೂ, ಆದರಿಂದ ಆದ ಪ್ರಮಾದಗಳನ್ನು ಹೇಗೆ ಬಗೆಹರಿಸಬೇಕೆಂಬುದರ ಬಗ್ಗೆ ಯೋಚಿಸದೇ, ಪರಸ್ಪರ ಕೆಸರೆರಚಾಟದ ಮೂಲದ ದೇಶೀಯವಾಗಿ ಮತ್ತು ಅಂತರಾಷ್ಟ್ರೀಯವಾಗಿ ಕರ್ನಾಟಕದ ಮಾನವನ್ನು ಹರಾಜು ಹಾಕಲು ಮುಂದಾಗಿರುವ ಪಟ್ಟಭಧ್ರ ಹಿತಾಸಕ್ತಿಗಳ ನಡೆ ಆತಂಕಕಾರಿಯಾಗಿದೆ.

ನಾವುಗಳು ಶಾಲೆಯಲ್ಲಿ ಕುವೆಂಪು, ಮಾಸ್ತಿ, ಬೇಂದ್ರೇ, ಬಸವಣ್ಣ, ಶಿಶುನಾಳ ಷರೀಫ್ ಇವರುಗಳು ಪದ್ಯ ಮತ್ತು ಗದ್ಯವನ್ನು ಓದಿ ಬೆಳೆದವಾದರೂ, ಆ ಲೇಖಕರು ಯಾವ ಜಾತಿ ಎಂಬುದೇ ನಮಗೆ ಅರಿವಿರಲಿಲ್ಲ ಎನ್ನುವುದನ್ನು ಬಿಡಿ ಮತ್ತು ಅದನ್ನು ನಮಗೆ ರಸವತ್ತಾಗಿ ಹೇಳಿಕೊಟ್ಟು ನಮ್ಮನ್ನು ತಿದ್ದಿ ತೀಡಿ ವಿದ್ಯಾವಂತರನ್ನಾಗಿ ಮಾಡಿದ ನಮ್ಮ ಗುರುಗಳಾದ ವಿಮಲಾ , ವೃತ್ತಾಬಾಯಿ, ಸರಸ್ವತಿ, ಗಾಯತ್ರಿ, ಜಯಮ್ಮ, ರಂಗನಾಧ್, ಗೋಪಣ್ಣ, ಅನಂತನಾರಾಯಣ್, ಜಿನರಾಜ್, ನಾಗವೇಣಿ, ಶರ್ಘನಿಜಾ, ಇವೆರೆಲ್ಲರೂ ಯಾವ ಜಾತಿಯವರು ? ಎಂಬುದನ್ನು ತಿಳಿದುಕೊಳ್ಳುವ ಪ್ರಮೇಯವೇ ನಮಗೆ ಇರಲಿಲ್ಲ.

ಅಂಬೇಡ್ಕರ್ ಅಧ್ಯಕ್ಷತೆಯಲ್ಲಿ ರಚಿತವಾದ ಮೂಲ ಸಂವಿಧಾನದಲ್ಲಿ ಇಲ್ಲದೇ ಇದ್ದ ಜಾತ್ಯಾತೀತೆ ಎಂಬ ಪದವನ್ನು ತಮ್ಮ ರಾಜಕೀಯದ ತೆವಲಿಗಾಗಿ ಬಲವಂತವಾಗಿ ತುರುಕಿದ ರಾಜಕಾರಣಿಗಳು ಭಾರತ ಹೆಸರಿಗಷ್ಟೇ ಜಾತ್ಯಾತೀತ ಎನಿಸಿಕೊಂಡಿದ್ದು ಮಕ್ಕಳು ಹುಟ್ವುವಾಗ, ಶಾಲೆಗೆ ಸೇರಿಸುವಾಗ, ಕೆಲಸಕ್ಕೆ ಸೇರುವಾಗ, ಕಡೆಗೆ ಪಂಕ್ತಿಯಲ್ಲಿ ಊಟಮಾಡುವಾಗ, ಅಂತಿಮವಾಗಿ ಸತ್ತ ನಂತರ ಸ್ಮಶಾನದಲ್ಲಿ ಹೂಳುವಾಗಲೂ ಧರ್ಮ, ಜಾತಿ ಆಧಾರಿತವಾಗಿ ಹೋಗಿರುವುದು ವಿಪರ್ಯಾಸವಾಗಿದೆ.

ಪಠ್ಯದಲ್ಲಿರುವ ವಿಷಯಗಳು ಆಯಾ ಹಂತದ ಮಕ್ಕಳ ವಿಕಸನಕ್ಕೆ ಪ್ರೋತ್ಸಾಹಕ ಮತ್ತು ಉಪಯುಕ್ತವಾಗಿರ ಬೇಕೇ ಹೊರತು, ಅದನ್ನು ಬರೆದವರ/ಕಲಿಸಿದವರ ಕುಲ ಗೋತ್ರ ಅವರ ಸಿದ್ಧಾಂತದ ಪರ ವಿರೋಧದಿಂದ ಈ ರೀತಿಯಾಗಿ ವಿವಾದ ಮಾಡುತ್ತಲೇ ಹೋದಲ್ಲಿ ಮಕ್ಕಳ ಮೇಲೆ ಖಂಡಿತವಾಗಿಯೂ ದುಷ್ಪರಿಣಾಮ ಬೀರುವುದರಲ್ಲಿ ಸಂದೇಹವೇ ಇಲ್ಲ.

book6ಮಕ್ಕಳ ಪಠ್ಯ ಪುಸ್ತಕದ ವಿಚಾರದಲ್ಲಿ ಗೊಂದಲ ಎಬ್ಬಿಸಿ ತಮ್ಮ ರಾಜಕೀಯ ಬೇಳೆ ಬೇಯಿಸಿಕೊಳ್ಳಲು ಮಂದಾಗಿರುವುವವರು, ಗುಬ್ಬಿಯ ಮೇಲೆ ಬ್ರಹ್ಮಾಸ್ತ್ರ ಎಂದು ಚಿಕ್ಕ ಮಕ್ಕಳ ಪಠ್ಯಪುಸ್ತಕಗಳೊಂದಿಗೆ ಚಲ್ಲಾಟವಾಡುವ ಬದಲು ಮುಂಬರುವ ಚುನಾವಣೆಗಳಲ್ಲಿ ಪ್ರಜಾಸತ್ತಾತ್ಮಕವಾಗಿ ಇದರ ಕುರಿತಂತೆ ಜನಾಂಧೋಲನ ನಡೆಸಿ ಜನತೆ ಯಾರ ಪರ ಇದ್ದಾರೆ ಎಂದು ತಿಳಿಯಬಹುದಾಗಿದೆ ಅಲ್ವೇ?

ಏನಂತೀರೀ?
ನಿಮ್ಮವನೇ ಉಮಾಸುತ

ಗೋಕುಲಾಷ್ಥಮಿಗೂ ಇಮಾಂ ಸಾಬಿಗೂ ಏನು ಸಂಬಂಧ?

ವಿಜ್ಞಾನದದಲ್ಲಿ ನಾವೆಲ್ಲರೂ ಚಿಕ್ಕವಯಸ್ಸಿನಲ್ಲಿಯೇ ಓದಿರುವ ನ್ಯೂಟನ್ನನ ಮೂರನೇ ನಿಯಮದಂತೆ ಪ್ರತಿಯೊಂದು ಕ್ರಿಯೆಗೂ ಅಷ್ಟೇ ಸಮಾನವಾದ ಮತ್ತು ವಿರುದ್ಧವಾದ ಪ್ರತಿಕ್ರಿಯೆ ಇದ್ದೇ ಇರುತ್ತದೆ. ಕಳೆದ ಒಂದೆರಡು ತಿಂಗಳುಗಳಿಂದ ರಾಜ್ಯದಲ್ಲಿ ನಡೆಯುತ್ತಿರುವ ವಿಧ್ಯಮಾನಗಳನ್ನು ಸೂಕ್ಶ್ಮವಾಗಿ ಗಮನಿಸಿದ್ದವರಿಗೆ ಈ ವಿಷಯದ ಪ್ರಸ್ತಾಪದ ಅರಿವಿರುತ್ತದೆ.

hijab

ಎರಡು ತಿಂಗಳುಗಳ ಹಿಂದೆ ಕೆಲ ಮತಾಂಧ ಪಟ್ಟಭದ್ರ ಹಿತಾಸಕ್ತಿಯ ಜನರು ಬೆರಳೆಣಿಕೆಯ ಕಾಲೇಜು ಹುಡುಗಿಯರ ತಲೆಯನ್ನು ಕೆಡಸಿ ಉಡುಪಿನ ವಿಷಯವಾಗಿ ಉಡುಪಿಯ ಸರ್ಕಾರೀ ಕಾಲೇಜಿನಲ್ಲಿ ಸಣ್ಣ ಪ್ರಮಾಣದಲ್ಲಿ ಹುಟ್ಟು ಹಾಕಿದ ವಿವಾದ ಈ ಪರಿಯಾಗಿ ಬೆಳೆದು ತಮ್ಮ ಬುಡಕ್ಕೇ ಬೆಂಕಿ ಹಚ್ಚಿ ಈ ರೀತಿಯಾಗಿ ದೈನೇಸಿಯಾಗಿ ಬೇಡಿಕೊಳ್ಳಬೇಕಾದ ಪರಿಸ್ಥಿತಿ ಬರಬಹುದು ಎಂಬುದನ್ನು ಖಂಡಿತವಾಗಿಯೂ ಊಹಿಸಲಾರರು. ಇದು ಅವರ ದೂರದೃಷ್ಟಿಯ ಕೊರತೆಯನ್ನು ಎತ್ತಿ ತೋರಿಸಿದ್ದಲ್ಲದೇ ಅವರದ್ದೇನಿದ್ದರೂ ಏಕ್ ಮಾರ್ ದೋ ತುಕಡಾ, ಅಲ್ಲೇ ಡ್ರಾ ಅಲ್ಲೇ ಬಹುಮಾನ ಎನ್ನುವ ಏಕ್ ದಿನ್ ಕಾ ಸುಲ್ತಾನ್ ನಿರ್ಧಾರ ಎಂಬುದು ಜಗಜ್ಜಾಹೀರಾತಾಯಿತು.

ಹಿಜಾಬ್ ಕಿಡಿ ರಾಜ್ಯಾದ್ಯಂತ ಹರಡಿ ಅದಕ್ಕೆ ಪ್ರತಿಯಾಗಿ ಜಾಗೃತಗೊಂಡ ಹಿಂದೂ ಸಮಾಜ ಅದರಲ್ಲೂ ಗಂಡು ಹೆಣ್ಣು ಎಂಬ ಬೇಧವಿಲ್ಲದೇ, ನ್ಯೂಟನ್ 3ನೇ ನಿಯಮದಂತೆ ಯುವ ಸಮಾಜ ಕೇಸರೀ ಶಾಲುಗಳನ್ನು ಹಾಕಿಕೊಂಡು ರಾಜ್ಯಾದ್ಯಂತ ಸಮರ್ಥವಾಗಿ ಅವರನ್ನು ಎದುರಿಸಿದಾಗಲಾದರೂ ಎಚ್ಚೆತ್ತು ಕೊಳ್ಳಬೇಕಿತ್ತು. ಅಷ್ಟರಲ್ಲಿ ಈ ವಿಷಯ ದೇಶ ವಿದೇಶಗಳಲ್ಲಿ ಹರಡಿ ಪರ ವಿರೋಧದ ಚರ್ಚೆ ನಡೆಯುತ್ತಿರುವುದೇ ತಮ್ಮ ಗೆಲುವು ಎಂದು ಭಾವಿಸಿ ಸರ್ಕಾರದ ಸಮವಸ್ತ್ರದ ವಿರುದ್ಧ ಹೈಕೋರ್ಟಿನಲ್ಲಿ ಮೊಕ್ಕದ್ದಮ್ಮೆ ಹೊಡಿದಾಗ ಅವರಿಗೆ ಅರಿವಿಲ್ಲದಂತೆಯೇ ತಮ್ಮ ಗುಂಡಿಯನ್ನು ತಾವೇ ತೋಡಿಕೊಂಡಿದ್ದರು. ಮೊದಲು ಏಕ ನ್ಯಾಯಾಧೀಶರು ವಿಚಾರಣೆ ನಡೆಸಿ ಸದ್ಯದ ಪರಿಸ್ಥಿತಿಯನ್ನೇ ಮುಂದುವರೆಸಿಕೊಂಡು ಹೋಗುವಂತೆ ಮಧ್ಯಂತರ ತೀರ್ಪನ್ನು ನೀಡಿ ಮುಸ್ಲಿಂ ನ್ಯಾಯಾಧೀಶೆಯೂ ಸೇರಿದಂತೆ ತ್ರಿಸದಸ್ಯ ಪೀಠ ಸುದೀರ್ಘವಾದ ಪರ ವಿರೋಧದ ವಾದ ವಿವಾದಗಳನ್ನು ಆಲಿಸಿ ಹಿಜಾಬ್ ಎನ್ನುವುದು ಮುಸಲ್ಮಾನರ ವಸ್ತ್ರದ ಅವಿಭಾಜ್ಯ ಅಂಗ ಎಂದು ಕುರಾನಿನಲ್ಲಿ ಎಲ್ಲಿಯೂ ತಿಳಿಸಿಲ್ಲವಾದ ಕಾರಣ ಆಯಾಯಾ ಶಾಲಾ/ಕಾಲೇಜುಗಳ ನಿಯಮದಂತೇ ಸಮವಸ್ತ್ರಗಳನ್ನು ಧರಿಸ ಬೇಕು ಎಂಬ ಅಂತಿಮ ತೀರ್ಮಾನವನ್ನು ಪ್ರಕಟಿಸಿತು.

ಮಾತೆತ್ತಿದರೆ ಅಂಬೇಡ್ಕರ್ ಅವರ ಸಂವಿಧಾನ ಎಂದು ಅಬ್ಬಿರಿದು ಬೊಬ್ಬಿರುವವರೇ ತಮ್ಮ ಕೋಳಿ ಕೂಗದೇ ಹೋದರೆ ಬೆಳಕಾಗುವುದಿಲ್ಲ ಎಂಬ ಅಡುಗೋಲಜ್ಜಿಯ ಮನಸ್ಥಿತಿಯಲ್ಲಿ ಹೈಕೋರ್ಟಿನ ಆ ತೀರ್ಪಿನ ವಿರುದ್ಧ ರಾಜ್ಯಾದ್ಯಂತ ಮುಸಲ್ಮಾನರು ಒಂದು ದಿನದ ಮಟ್ಟಿಗೆ ಅವರರವರ ಅಂಗಡಿ ಮುಗ್ಗಟ್ಟುಗಳನ್ನು ಮುಚ್ಚುವ ಮೂಲಕ ಪ್ರತಿಭಟನೆ ಮಾಡಿದರು. ಹೈಕೋರ್ಟಿನ ತೀರ್ಪಿನ ಬಗ್ಗೆ ಅಸಮಾನವಿದ್ದಲ್ಲಿ ಅದರ ವಿರುದ್ಧ ಸುಪ್ರೀಂ ಕೋರ್ಟಿನಲ್ಲಿ ಮೇಲ್ಮನವಿ ಮಾಡುವ ಎಲ್ಲಾ ಅವಕಾಶವಿದ್ದರೂ ಹುಂಬತನದಿಂದ ನ್ಯಾಯಾಲಯದ ತೀರ್ಪನ್ನೇ ವಿರೋಧಿಸಿ ಕರೆ ನೀಡಿದ ಬಂದ್ ಈ ರಾಜ್ಯದ ಹಿಂದುಗಳ ಮನಸ್ಸಿನ ಮೇಲೆ ಭಾರೀ ಪ್ರಮಾಣದಲ್ಲಿ ಪರಿಣಾಮ ಬೀರಿದ್ದಂತೂ ಸುಳ್ಳಲ್ಲ.

WhatsApp Image 2022-03-22 at 1.48.52 PM

ಅದೇ ರೀತಿ ಅವರ ಒಂದು ದಿನದ ಪ್ರತಿಭಟನೆ ಹಿಂದೂಗಳ ದೈನಂದಿನ ಚಟುವಟಿಕೆಗಳ ಮೇಲೆ ಯಾವುದೇ ಪರಿಣಾಮ ಬೀರದಿದ್ದನ್ನು ಗಮನಿಸಿದ ಹಿಂದು ಸಂಘಟನೆಗಳು ಸೇರಿಗೆ ಸವ್ವಾ ಸೇರು ಎನ್ನುವಂತೆ ಮುಂದಿನ ಒಂದೆರಡು ತಿಂಗಳುಗಳ ಕಾಲ ರಾಜ್ಯಾದ್ಯಂತ ನಡೆಯಲಿರುವ ಹಿಂದೂ ಜಾತ್ರಾ ಮಹೋತ್ಸವಗಳಲ್ಲಿ ಹಿಂದೂಯೇತರ ವ್ಯಾಪರಸ್ಥರಿಗೆ ಅನುಮತಿ ನೀಡಬಾರದು ಎಂಬ ತೀರ್ಮಾನ ತೆಗೆದುಕೊಂಡಿದ್ದು ಕಾಳ್ಗಿಚ್ಚಿನಂತೆ ಕ್ಷಣ ಮಾತ್ರದಲ್ಲೇ ರಾಜ್ಯಾದ್ಯಂತ ಪಸರಿಸಿ ಬಹುತೇಕ ಎಲ್ಲಾ ಜಾತ್ರಾ ಮಹೋತ್ಸವಗಳಲ್ಲಿಯೂ ಬಹಿರಂಗವಾಗಿ ತಮ್ಮ ಹಿಂದೂ ಜಾತ್ರೆಗಳಲ್ಲಿ ಮುಸ್ಲಿಂ ವ್ಯಾಪಾರಿಗಳಿಗೆ ಅವಕಾಶ ನೀಡುವುದಿಲ್ಲ ಎಂಬ ಪ್ರಕಟನೆ ಹೊರಡಿಸಿದಲ್ಲದೇ ಅದನ್ನು ಒಂದೆರಡು ಜಾತ್ರೆಗಳಲ್ಲಿ ಅಕ್ಷರಶಃ ಪಾಲಿಸಿದ್ದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದಲ್ಲದೇ, ಕೇವಲ ಜಾತ್ರಾ ಮಹೋತ್ಸವವಲ್ಲದೇ ದೈನಂದಿನವಾಗಿ ಆ ಸಮುದಾಯದವವರ ಬಳಿ ಯಾವುದೇ ವ್ಯಾಪಾರ ವಹಿವಾಟುಗಳನ್ನು ಮಾಡುವುದಿಲ್ಲ ಎಂಬ ವಿಷಯ ತಿಳಿಯುತ್ತಿದ್ದಂತೆಯೇ ಅವರ ಜಂಘಾಬಲ ಕಡಿಮೆಯಾಗಿದ್ದಂತೂ ಸುಳ್ಳಲ್ಲ.

WhatsApp Image 2022-03-22 at 8.10.29 PM

ಅಲ್ಲಿಯವರೆಗೂ ಮುಸಲ್ಮಾನರಲ್ಲದವರು ಕಾಫೀರರು, ಅವರೆಲ್ಲರು ಹರಾಮ್ ಗಳು ಎನ್ನುತ್ತಿದ್ದವರೇ, ಈಗ ಇಂತಹ ವ್ಯಾಪಾರಗಳಿಂದಲೇ ತಮ್ಮ ಸಮುದಾಯದ ಬಹುತೇಕರ ಜೀವನ ಸಾಗುತ್ತಿದ್ದು ಅದರಲ್ಲೂ ಬಹುತೇಕರು ಬೀದಿ ಬದಿ ವ್ಯಾಪಾರಿಗಳಾಗಿದ್ದು ನಾವು ಹಿಂದುಗಳೊಂದಿಗೆ ಸಹೋದರ ಭಾವನೆಗಳನ್ನು ಹೊಂದಿದ್ದೇವೆ. ಯಾರೋದ್ದೋ ಒತ್ತಡದಿಂದಾಗಿ ಅಂದು ನಡೆದ ಬಂದ್‌ಗೆ ಒಲ್ಲದ ಮನಸ್ಸಿನಿಂದ ಬೆಂಬಲ ಸೂಚಿಸಿದ್ದೇವೆಯೇ ಹೊರತು ನಮಗೆ ಹಿಂದೂಗಳ ಮೇಲೆ ಯಾವುದೇ ದ್ವೇಷವಿಲ್ಲ, ಹಾಗಾಗಿ ನಮಗೆ ಹಿಂದೂ ಜಾತ್ರೆಗಳಲ್ಲಿ ವ್ಯಾಪಾರ ಮಾಡಲು ಅವಕಾಶ ಕೊಡಿ ಎನ್ನುವ ಮನವಿ ಮಾಡಿದ್ದನ್ನು ನೋಡಿದಾಗ ಥಟ್ ಅಂತಾ ಮನಸ್ಸಿನಲ್ಲಿ ಮೂಡಿದ್ದೇ ಅನ್ಯ ಧರ್ಮದ ಬಗ್ಗೆ ಸ್ವಲ್ಪವೂ ಗೌರವಿಲ್ಲದ ಇಮಾಂ ಸಾಬಿಗೂ ನಮ್ಮ ಗೋಕುಲಾಷ್ಥಮೀಗೂ ಎಲ್ಲಿಯ ಸಂಬಂಧ?

ಇದೇ ಸಮುದಾಯದ ಜನರು ಕೆಲವು ತಿಂಗಳುಗಳ ಹಿಂದೆ

  • ಮಂಗಳೂರಿನಲ್ಲಿ ಹಿಂದೂಗಳಿಂದ ಮೀನು ಖರೀದಿಸ ಬಾರದು ಎಂದು ಸಾರ್ವಜನಿಕವಾಗಿಯೇ ಬಹಿಷ್ಕಾರ ಹಾಕಿದ್ದದ್ದು,
  • ರಂಜಾನ್ ತಿಂಗಳಿನ ಸಮಯದಲ್ಲಿ ದಾವಣಗೆರೆಯ ಚನ್ನಬಸಪ್ಪ ಅವರ ಅಂಗಡಿಯಲ್ಲಿ ಬಟ್ಟೆಗಳನ್ನು ಖರೀಧಿಸಿದ ಮುಸಲ್ಮಾನ ಹೆಣ್ಣುಮಕ್ಕಳ ಬಟ್ಟೆಗಳನ್ನು ರಸ್ತೆಯ ಮಧ್ಯೆಯಲ್ಲಿಯೇ ಎಳೆದು ಬಿಸಾಡಿದ್ದನ್ನೂ,
  • ಕೆಲವೇ ಕೆಲವು ತಿಂಗಳುಗಳ ಹಿಂದೆ ಹಿಂದೂ ಸಹೋದ್ಯೋಗಿಯೊಬ್ಬರೊಡನೆ ಬುರ್ಕಾಧಾರಿ ಹೆಣ್ಣು ಮಗಳು ಬಿಟಿಎಂ ಬಡಾವಣೆಯ ಬಳಿ ಬೈಕಿನಲ್ಲಿ ಬರುತ್ತಿದ್ದಾಗ ಸಾರ್ವಜನಿಕರ ಸಮ್ಮುಖದಲ್ಲಿಯೇ ಆ ಹಿಂದು ವ್ಯಕ್ತಿಯ ಮೇಲೆ ಹಲ್ಲೆ

ಮಾಡಿದ್ದ ವೀಡಿಯೋವನ್ನು ನೋಡಿದ್ದ ಹಿಂದೂಗಳಿಗೆ ಇಂದು ತಮ್ಮ ಬುಡಕ್ಕೆ ಬೆಂಕಿ ಬಿದ್ದಾಗ ಸಾಮರಸ್ಯದ ಬಗ್ಗೆ ಮಾತನಾಡುತ್ತಿರುವುದು ಹಾಸ್ಯಾಸ್ಪದ ಎನಿಸಿದ್ದಂತೂ ಸುಳ್ಳಲ್ಲ.

WhatsApp Image 2022-03-22 at 1.49.17 PM

ಹಾಗಾಗಿಯೇ,ಮೊದಲು ಮಂದಾರ್ತಿ ಜಾತ್ರೆಯಲ್ಲಿ ಆರಂಭವಾದ ಆರ್ಥಿಕ ಭಹಿಷ್ಕಾರ,ಕಾಪು ಜಾತ್ರೆ, ಶಿವಮೊಗ್ಗ ಮಾರಿ ಜಾತ್ರೆ, ಬಪ್ಪನಾಡು ದುರ್ಗಾಪರಮೇಶ್ವರಿ ಜಾತ್ರೆ, ಪಡುಬಿದ್ರಿ ಈಗ ಇತಿಹಾಸ ಪ್ರಸಿದ್ಧ ಪುತ್ತೂರು ಮಹಾಲಿಂಗೇಶ್ವರನ ಜಾತ್ರೆಗಳಲ್ಲಿ ಹಿಂದೂಯೇತರರಿಗೆ ಅಂಗಡಿ ಇಡಲು ಅವಕಾಶವಿಲ್ಲ ಮತ್ತು ಈ ಪರಿಸ್ಥಿತಿ ಖಂಡಿತವಾಗಿಯೂ ಹೀಗೆಯೇ ಮುಂದುವರೆದು ಕೊಂಡು ಹೋಗುತ್ತದೆ.

1947ರಲ್ಲೇ ಧರ್ಮಾಧಾರಿತವಾಗಿ ಈ ದೇಶ ಮೂರು ಭಾಗ ತುಂಡಾಗಿ ಪೂರ್ವ ಮತ್ತು ಪಶ್ಚಿಮ ಪಾಕಿಸ್ಥಾನದಲ್ಲಿ ಮುಸಲ್ಮಾನರದ್ದೇ ಪ್ರಾಭಲ್ಯವಾಗಿ ಅಲ್ಲಿದ್ದ ಸ್ಥಳೀಯ ಹಿಂದೂಗಳ ಮೇಲೆ ಧಾಳಿ ಮಾಡಿ ಅವರ ಆಸ್ತಿ ಪಾಸ್ತಿಗಳನ್ನು ಕಿತ್ತೊಕೊಂಡಿದ್ದಲ್ಲದೇ ಹಿಂದೂ ಹೆಣ್ಣುಮಕ್ಕಳ ಮೇಲೆ ಅತ್ಯಾಚಾರ ನಡೆಸಿ ಕಗ್ಗೊಲೆ ಮಾಡಿ ಅವರನ್ನು ಹೊರಹಾಕಿದರೂ, ಮಹಾತ್ಮಾಗಾಂಧಿಯ ಮಾತು ಕೇಳಿ ಇಲ್ಲಿನ ಮುಸಲ್ಮಾನರಿಗೆ ಇಲ್ಲಿಯೇ ಉಳಿದು ಕೊಳ್ಳಲು ಅವಕಾಶ ನೀಡಿದ್ದಲ್ಲದೇ ಅವರಿಗಾಗಿಯೇ ಅಲ್ಪಸಂಖ್ಯಾತ ವಿಶೇಷ ಅಧಿಕಾರವನ್ನೂ ಸಹಾ ನೀಡಲಾಯಿತಾದರೂ, ಇಲ್ಲಿಯೇ ಹುಟ್ಟಿ ಇಲ್ಲೇ ಬೆಳೆದು ಇಲ್ಲಿಯ ನೀರು ಕುಡಿದು ಇಲ್ಲಿಯ ಅನ್ನ ತಿಂದು ಬೆಳೆದರು ದೇಶ ಮತ್ತು ಧರ್ಮದ ನಡುವಿನ ವ್ಯತ್ಯಾಸ ಅರಿಯದೇ ಪದೇ ಪದೇ ಈ ದುಷ್ಕೃತ್ಯವನ್ನು ನಡೆಸುವವರನ್ನು ಬೆಂಬಲಿಸುತ್ತಲೇ ಈ ದೇಶದ ನೀತಿ ನಿಯಮಗಳನ್ನು ವಿರೋಧಿಸುತ್ತಿರುವರನ್ನು ಎಷ್ಟು ದಿನಗಳ ಕಾಲ ಸಹಿಸಲು ಸಾಧ್ಯ? ಇದೊಂದು ರೀತಿ ಕೆಂಡ ಕೈಯಲ್ಲಿ ಹಿಡಿದರೆ ಕೈ ಸುಡುತ್ತದೆ, ಸೆರಗಿನಲ್ಲಿ ಸುತ್ತಿಕೊಂಡರೆ ಸೀರೆಯನ್ನು ಸುಡುವಂತಾಗುತ್ತದೆೆ ಎಂಬ ಪರಿಸ್ಥಿತಿ ಬಂದಾಗ ಸಹಜವಾಗಿಯೇ ಹಿಂದೂಗಳು ಪ್ರತಿಯಾಗಿ ಜಾಗೃತರಾಗಿದ್ದಾರೆಯೇ ಹೊರತು ಇಡೀ ಇತಿಹಾಸದಲ್ಲಿ ಯಾವುದೇ ಜನರ ಮೇಲೆ ಹಿಂದೂಗಳು ಮೊದಲು ಧಾಳಿ ನಡೆಸಿದ ಇತಿಹಾಸವೇ ಇಲ್ಲಾ.

ಈ ಕೆಳಗೆ ತಿಳಿಸಿರುವ ಪ್ರಕರಣಗಳನ್ನು ಸೂಕ್ಶ್ಮವಾಗಿ ಗಮನಿಸಿದಲ್ಲಿ ಇದೊಂದು ರೀತಿಯ ಸ್ವಯಂಕೃತಾಪರಾಧವಾಗಿದ್ದು ಉಪ್ಪು ತಿಂದ ಮೇಲೆ ನೀರು ಕುಡಿಯಲೇ ಬೇಕು. ತಪ್ಪು ಮಾಡಿದ ಮೇಲೆ ಶಿಕ್ಷೆ ಅನುಭವಿಸಲೇ ಬೇಕು ಎನ್ನುವಂತಾಗಿದೆ.

  • ವಸುದೈವ ಕುಟುಂಬಕಂ ಎಂದು ಇಡೀ ಪ್ರಪಂಚವೇ ಒಂದು ಕುಟುಂಬ ಎಂದು ನಾವು ಭಾವಿಸಿದ್ದರೆ ಅಲ್ಲಾ ಒಬ್ಬನೇ ದೇವನು ಅಲ್ಲಾ ಬಿಟ್ಟರೆ ಅನ್ಯ ದೇವರಿಲ್ಲ ಮತ್ತು ಅಲ್ಲಾಹನಿಲ್ಲದೆ ಅನ್ಯ ಆರಾಧ್ಯನಿಲ್ಲ ಎಂದು ದಿನಕ್ಕೆ ಐದು ಬಾರಿ ಕರ್ಕಶವಾಗಿ ಧ್ವನಿವರ್ಧಕಗಳ ಮೂಲಕ ಅನ್ಯ ಧರ್ಮದ ದೇವರುಗಳನ್ನು ನಿಂದನೆ ಮಾಡುವುದು ಎಷ್ಟು ಸರಿ?
  • ವರದಿ ನಿಮ್ಮ ಪರವಿದ್ದಾಗ ಅಂಬೇಡ್ಕರ್ ಅವರ ಸಂವಿಧಾನ ಅದೇ ನಿಮ್ಮ ವಿರುದ್ಧವಾದಾಗ ಶರಿಯ ಮಾತ್ರವೇ ನಮ್ಮ ಕಾನೂನು ಎನ್ನುವ ವಿತಂಡ ವಾದ ಮಾಡುತ್ತಾ ಅನಕೂಲಸಿಂಧು ಜೀವನ ನಡೆಸುವುದು ಎಷ್ಟು ಸರಿ?
  • ಧರ್ಮ ಎನ್ನುವುದು ಮನೆಯ ನಾಲ್ಕು ಗೋಡೆಗಳ ಮಧ್ಯೆ ಇದ್ದು ಮನೆಯ ಹೊಸಿಲನ್ನು ದಾಟಿದಲ್ಲಿ ನಾವು ಭಾರತೀಯರು ಎಂಬ ಮನಸ್ಥಿತಿ ಸ್ವಾತ್ರಂತ್ಯ ಬಂದು 70+ ವರ್ಷಗಳದರೂ ನಿಮಗೆ ಬಾರದಿರುವುದು ಎಷ್ಟು ಸರಿ?
  • halalಮುಸಲ್ಮಾನ್ ವ್ಯಾಪಾರಿಗಳ ಮೇಲೆ ಹಿಂದೂಗಳು ಆರ್ಥಿಕ ಭಹಿಷ್ಕಾರ ಹಾಕದಿರಿ ಎನ್ನುವವರು, ಮಾಂಸದಿಂದ ಅರಂಭಿಸಿ ಸದ್ದಿಲ್ಲದೆ ಎಲ್ಲಾ ಆಹಾರಗಳಲ್ಲಿಯೂ ಹಲಾಲ್ ಇದ್ದಲ್ಲಿ ಮಾತ್ರವೇ ಖರೀದಿ ಆರಂಭಿಸಿದ್ದಲ್ಲದೇ, alal_Certification_Fees ಎಂಬ ನೆಪದಲ್ಲಿ ಪ್ರತಿವರ್ಷವೂ ಹಿಂದುಗಳಿಂದ ಕೋಟ್ಯಾಂತರ ಝಜಿಯಾ ಕರ ವಸೂಲಿ ಮಾಡುತ್ತಿರುವುದು ಎಷ್ಟು ಸರಿ?
  • ಈ ದೇಶದ ಪ್ರಜೆಗಳಾಗಿದ್ದರೂ ಇಲ್ಲಿಯ ಕಾನೂನುಗಳನ್ನು ಕಾಲ ಕಸಕ್ಕಿಂತಲೂ ಕಡೆಯಾಗಿ ಕಾಣುತ್ತಾ ಪ್ರತಿಯೊಂದನ್ನೂ ಧಿಕ್ಕರಿಸಿವುದು ಎಷ್ಟು ಸರಿ?
  • ದೇವರ ಜೀವನಹಳ್ಳಿಯ ಫೇಸ್ ಬುಕ್ ಪೇಜಿನಲ್ಲಿ ಹಿಂದೂ ದೇವರನ್ನು ಹಬ್ಬಗಳ ವಿರುದ್ಧ ಹಾಕಿದ ಸಂದೇಶವನ್ನು ವಿರೋಧಿಸಿದ್ದಕ್ಕಾಗಿ ಶಾಸಕನ ಮನೆಯನ್ನೇ ಸುಟ್ಟು ಹಾಕಿದ್ದು ಎಷ್ಟು ಸರಿ?
  • ಭಾರತ ಮತ್ತು ಪಾಕಿಸ್ಥಾನಗಳ ನಡುವಿನ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಅಪ್ಪೀ ತಪ್ಪೀ ಪಾಕೀಸ್ಥಾನಕ್ಕೆ ಜಯವಾದಲ್ಲಿ ಭಾರತೀಯರಾಗಿದ್ದೂ ಬಹುತೇಕ ಮುಸಲ್ಮಾನರು ಪಟಾಕಿ ಹೊಡೆದು ಪಾಕೀಸ್ಥಾನದ ವಿಜಯವನ್ನು ಸಂಭ್ರಮಿಸುವುದು ಎಷ್ಟು ಸರಿ?
  • ಪ್ರಾರ್ಥನೆಯ ನೆಪದಲ್ಲಿ ಎಲ್ಲೆಂದರಲ್ಲಿ ಗುಂಪು ಕಟ್ಟಿಕೊಂಡು ರಸ್ತೆಯ ಮಧ್ಯದಲ್ಲಿ, ರೇಲ್ವೆ ಹಳಿಗಳ ಮೇಲೆ, ರೇಲ್ವೆ ಪ್ಲಾಟ್ ಫಾರಂಗಳಲ್ಲಿ, ರೈಲುಗಳಲ್ಲಿ ಬಸ್ಸುಗಳಲ್ಲಿ ನಮಾಜ್ ಮಾಡುವ ಮೂಲಕ ಸಾರ್ವಜನಿಕರಿಗೆ ತೊಂದರೆ ಕೊಡುವುದು ಎಷ್ಟು ಸರಿ?
  • ಸಂವಿಧಾನದ 29 ನೇ ವಿಧಿಯು ಧರ್ಮ, ಜನಾಂಗ, ಜಾತಿ, ಭಾಷೆ ಅಥವಾ ಅವುಗಳಲ್ಲಿ ಯಾವುದಾದರೂ ಆಧಾರದ ಮೇಲೆ ಯಾವುದೇ ತಾರತಮ್ಯವನ್ನು ಮಾಡಬಾರದು ಎಂದಿದ್ದರೂ, ಅಭಿವ್ಯಕ್ತಿ ಸ್ವಾತಂತ್ರ್ಯ ಎಂಬ ಹೆಸರಿನಲ್ಲಿ ಪದೇ ಪದೇ ಹಿಂದೂಗಳನ್ನೂ ಹಿಂದೂ ಆಚರಣೆಗಳನ್ನು ಧಿಕ್ಕರಿಸುತ್ತಾ Love Jihad, Land Jihad, Population Jihad ಮತ್ತು Islamic Jihad Terrorism ನಡೆಸುವುದು ಎಷ್ಟು ಸರಿ?
  • ಕೇವಲ ಸಾವಿರ ವರ್ಷದ ಹಿಂದೆ ಅರಬ್ಬರು ಈ ದೇಶದ ಮೇಲೆ ಧಾಳಿ ಮಾಡುವ ಮೊದಲು ಇಡೀ ದೇಶವೇ ಹಿಂದೂಗಳಾಗಿದ್ದು ಯಾವುದೋ ಆಮೀಷಕ್ಕೋ ಬಲವಂತಕ್ಕೋ ಬಲಿಯಾಗಿ ಮುಸಲ್ಮಾನರಾಗಿ ಮತಾಂತರ ಹೊಂದಿದ್ದರೂ ನಮ್ಮ ನಿಮ್ಮ DNA ಒಂದೇ ಆಗಿದೆ ಎಂಬುದನ್ನು ಮರೆಯುವುದು ಎಷ್ಟು ಸರಿ?
  • 30 ನೇ ವಿಧಿಯು ಎಲ್ಲಾ ಅಲ್ಪಸಂಖ್ಯಾತರು, ಧರ್ಮ ಅಥವಾ ಭಾಷೆಯ ಆಧಾರದ ಮೇಲೆ, ಅವರ ಆಯ್ಕೆಯ ಶಿಕ್ಷಣ ಸಂಸ್ಥೆಗಳನ್ನು ಸ್ಥಾಪಿಸುವ ಮತ್ತು ನಿರ್ವಹಿಸುವ ಹಕ್ಕನ್ನು ಹೊಂದಿರುತ್ತಾರೆ ಎಂಬುದನ್ನೇ ನೆಪಮಾಡಿಕೊಂಡು ಆಧುನಿಕ ಶಿಕ್ಷಣವನ್ನು ನೀಡದೇ ಇಂದಿಗೂ ಭೂಮಿ ಚಪ್ಪಟ್ಟೆಯಾಗಿದೆ ಎಂದು ಮದರಸಾಗಳಲ್ಲಿ ಮತಾಂಧತೆಯನ್ನೇ ಹೇಳಿಕೊಡುವುದು ಎಷ್ಟು ಸರಿ?
  • ಕರಾವಳಿ ಜನರ ಭಾವನೆಯ ವಿರುದ್ಧವಾಗಿ ಕೊರಗಜ್ಜನನ್ನು ಸಾರ್ವಜನಿಕವಾಗಿ ಅವಹೇಳನ ಮಾಡುವುದು ದೇವಾಲಯಗಳ ಕಾಣಿಕೆ ಡಬ್ಬಿಯಲ್ಲಿ ಕಾಂಡೋಮ್ಗಳನ್ನು ಹಾಕುವುದು ಎಷ್ಟು ಸರಿ?
  • ಸಾವಿರ ವರ್ಷಗಳ ಮೊಘಲರ ಆಳ್ವಿಕೆಯಲ್ಲಿ ಏನನ್ನೂ ಸ್ವಂತದಿಂದ ಕಟ್ಟಲಾಗದಿದ್ದರೂ ನಮ್ಮ ಪೂರ್ವಜರು ಆಸ್ತೆಯಿಂದ ಕಟ್ಟಿದ ಧಾರ್ಮಿಕ ಕಟ್ಟಡಗಳನ್ನು ನಾಶ ಪಡಿಸಿದ್ದಲ್ಲದೇ ಕೆಲವುಗಳ ಮೇಲೆ ಗುಂಬಸ್ ಗಳನ್ನು ಕಟ್ಟಿ ಅವುಗಳು ನಿಮ್ಮ ಕೊಡುಗೆ ಎಂದು ಹೇಳಿಕೊಳ್ಳುವುದು ಎಷ್ಟು ಸರಿ?
  • ಅಂದು ಹಿಂದೂ ಹೆಣ್ಣುಮಕ್ಕಳಿಗೆ ಕುಂಕುಮ ಬಳೆ ಹೂವು ಬಿಟ್ಟು ಕಾಲೇಜಿಗೆ ಬನ್ನಿ ಎಂದು ಕೂಗಾಡಿದವರೇ, ಇಂದು ಅದೇ ಕುಂಕುಮ ಬಳೆ ಹೂವುಗಳನ್ನು ಜಾತ್ರೆಯಲ್ಲಿ ಮಾರಲು ಅವಕಾಶ ಕೊಡಿ ಎಂದು ಅಂಗಲಾಚುವುದು ಎಷ್ಟು ಸರಿ?
  • ಶಾಂತಿ ಪ್ರಿಯರು ಎಂದು ಹೇಳಿಕೊಳ್ಳುತ್ತಲೇ, ಇಡೀ ಪ್ರಪಂಚಾದ್ಯಂತ ಅಶಾಂತಿಯನ್ನು ಹಬ್ಬುತ್ತಿರುವುದನ್ನು ನೋಡಿಯೇ ಅಡ್ವಾನಿಯವರು ಎಲ್ಲಾ ಮುಸಲ್ಮಾನರೂ ಭಯೋತ್ಪಾದಕರಲ್ಲಾ. ಆದರೆ ಭಯೋತ್ಪಾದಕರೆಲ್ಲರೂ ಮುಸಲ್ನಾನರೇ ಎಂದು ಹೇಳಿದ್ದು ಸರಿಯಲ್ಲವೇ?

ಹೀಗೆ ಬರೆಯುತ್ತಲೇ ಹೋದರೆ ಪುಟಗಟ್ಟಲೇ ಬರೆಯಬಹುದಾದರೂ, ಈ ದೇಶದ ಎಲ್ಲಾ ಪ್ರಜೆಗಳೂ ನೀರಿನಂತೆ ಬಣ್ಣವಿಲ್ಲದ, ರುಚಿ ಇಲ್ಲದ, ಆಕಾರವಿಲ್ಲದಂತಿದ್ದು ಯಾವ ಪಾತ್ರೆಗೆ ಹಾಗಿದರೂ ಆ ಪಾತ್ರೆಯ ರೂಪತಾಳಿ, ಅದಕ್ಕಿ ಸೇರಿಸಿದ ಬಣ್ಣವನ್ನು ಧರಿಸಿ ಅದಕ್ಕೇ ಸೇರಿದ ಉಪ್ಪು, ಹುಳಿ, ಸಿಹಿ, ಖಾರದ ರುಚಿ ಪಡೆದು ಸರಾಗವಾಗಿ ಹರಿಯುವಂತಿರಬೇಕೇ ಹೊರತು, ಪ್ರತಿಯೊಂದು ಆಗು ಹೋಗುಗಳಿಗೂ ವಿರೋಧಾಭಾಸ ಮಾಡುತ್ತಾ ಗುಂಪು ಕಟ್ಟಿಕೊಂಡು ಹೊಡಿ ಬಡೀ ಕಡೀ ಎಂದು ಆರ್ಭಟಿಸುತ್ತಾ ಹೋದಲ್ಲಿ ಇದಕ್ಕಿಂತಲೂ ಕೆಟ್ಟ ಪರಿಣಾಮವನ್ನು ಅನುಭವಿಸಬೇಕಾಗುತ್ತದೆ.

WhatsApp Image 2022-03-22 at 1.49.04 PM

When you are in Rom, be like a Roman ಎನ್ನುವ ಆಂಗ್ಲ ಗಾದೆಯಂತೆ ಭಾರತದಲ್ಲಿ ಹುಟ್ಟಿ ಬೆಳೆದಿರುವಾಗ ಹೃದಯವಂತ ಭಾರತೀಯನಾಗಿ ಈ ಮಣ್ಣಿನ ಆಚಾರ ವಿಚಾರ ಸಂಸ್ಕಾರ ಮತ್ತು ಸಂಸ್ಕೃತಿಗಳಿಗೆ ಗೌರವ ನೀಡುತ್ತಾ Nation First, Everything Next ಎನ್ನುವ ಮನೋಭಾವನೆ ಬೆಳಸಿಕೊಂಡಲ್ಲಿ ಹಿಂದೂ ಮುಸಲ್ಮಾನರೂ ಮತ್ತೆ ಯಾವುದೇ ರೀತಿಯ ಕೋಮು ದಳ್ಳುರಿ ಇಲ್ಲದೇ ಸೌಹಾರ್ಧತೆಯಿಂದ ಬಾಳಬಹುದೇನೋ ಏನೂ? ಬದಲಾವಣೆ ಎನ್ನುವುದು ನಿರಂತರವಾಗಿರ ಬೇಕು, ಏಕೆಂದರೆ ನಿಂತ ನೀರೂ ಸಹಾ ಕೊಳೆತು ಹೋಗುತ್ತದೆ ಅಲ್ಲವೇ?

ಏನಂತೀರೀ?
ನಿಮ್ಮವನೇ ಉಮಾಸುತ

ನಾವೆಲ್ಲರೂ ಒಂದೇ..

Gm2

ಕೆಲ ವರ್ಷಗಳ ಹಿಂದೆ ನಮ್ಮ ಅಜ್ಜಿಯವರು ಇನ್ನೂ ಬದುಕಿದ್ದರು. ಅದಾಗಲೇ ಅವರಿಗೆ 90+ ವರ್ಷಗಳಷ್ಟು ವಯಸ್ಸಾಗಿತ್ತು. ಸುಮಾರು 80+ ವರ್ಷಗಳ ಕಾಲ ಬಹಳ ಸ್ವಾಭಿಮಾನಿಯಾಗಿ ತನ್ನೆಲ್ಲಾ ಕೆಲಸವನ್ನು ಮಾಡಿಕೊಳ್ಳುತ್ತಾ ನಮ್ಮೂರಿನಲ್ಲಿಯೇ ಇದ್ದವರನ್ನು ವಯೋಸಹಜ ಕಾರಣಗಳಿಂದ ಬೆಂಗಳೂರಿಗೆ ಕರೆದುಕೊಂಡು ಬಂದಿದ್ದೆವು. ಮೂರು ಗಂಡು ಮಕ್ಕಳು ಇಬ್ಬರು ಹೆಣ್ಣುಮಕ್ಕಳ ಹೆಮ್ಮೆಯ ತಾಯಿ. ಬೆಂಗಳೂರಿನಲ್ಲಿ ಇಬ್ಬರು ಗಂಡು ಮಕ್ಕಳು ಮತ್ತು ಒಬ್ಬ ಮಗಳಿದ್ದರೆ ಮೈಸೂರಿನಲ್ಲಿ ಒಬ್ಬ ಮಗ ಮತ್ತು ಶಿವಮೊಗ್ಗದಲ್ಲಿ ಮತ್ತೊಬ್ಬ ಮಗಳಿದ್ದ ಕಾರಣ, ಅಂತಹ ಇಳೀ ವಯಸ್ಸಿನಲ್ಲಿಯೂ ಸ್ವತಃ ಅವರೇ ಅಗ್ಗಾಗ್ಗೇ ಕೆಲ ದಿನಗಳ ಮಟ್ಟಿಗೆ ಒಬ್ಬೊಬ್ಬರ ಮನೆಗಳಲ್ಲಿ ಅವರಿಗೆ ಇಷ್ಟ ಬಂದಷ್ಟು ದಿನಗಳು (ಇಷ್ಟ ಅನ್ನುವುದಕ್ಕಿಂತ ಕಷ್ಟ ಎನಿಸುವಷ್ಟು) ಇದ್ದು ಮತ್ತೊಬ್ಬರ ಮನೆಗೆ ಹೋಗುತ್ತಿದ್ದರು.

ಅಜ್ಜಿಯ ಮಕ್ಕಳು ಒಮ್ಮೆ ಕಾಶೀ ಯಾತ್ರೇ, ಎರಡು ಬಾರಿ ರಾಮೇಶ್ವರದ ಯಾತ್ರೆ, ಮೊಮ್ಮಗಳ ಮನೆಗೆಂದು ಮುಂಬೈಯ್ಯಿಗಲ್ಲದೇ, ನಾಡಿನ ಎಲ್ಲಾ ತೀರ್ಥಕ್ಷೇತ್ರಗಳಿಗೂ ಅದೆಷ್ಟೋ ಬಾರಿ ಕರೆದುಕೊಂಡು ಹೋಗಿದ್ದರು. ಅಜ್ಜಿ ಬರ್ತೇನೇ ಅಂದರೆ ಸಾಕು. ಕಾರಿನಲ್ಲಿ ಹೋಗಿ ಅಜ್ಜಿಯನ್ನು ತಮ್ಮ ಮನೆಗೆ ಕರೆದುಕೊಂಡು ಹೊಗುವ ಮೊಮ್ಮಕ್ಕಳಿದ್ದರು. ಒಟ್ಟಿನಲ್ಲಿ ಜೀವನವಿಡೀ ಕಷ್ಟದಲ್ಲೇ ಬೆಂದಿದ್ದ ನಮ್ಮಜ್ಜಿಗೆ ಕಡೆಯ ದಿನಗಳಲ್ಲಿ ಎಲ್ಲಾ ರೀತಿಯ ಐಶಾರಾಮೀ ಸೌಲಭ್ಯಗಳೂ ಕೈಗೆಟುಕಿತ್ತು. ಇಷ್ಟೆಲ್ಲಾ ಇದ್ದರೂ ನಮ್ಮಜ್ಜಿಗೆ ಅದೋಕೋ ಏನೋ ಅಸಮಧಾನ. ತಾನು ಇನ್ನೂ ಏನನ್ನೂ ನೋಡಿಲ್ಲವಲ್ಲಾ, ತಾನೂ ಇನ್ನೂ ಏನನ್ನು ಅನುಭವಿಸಿಲ್ಲ ಎಂಬ ಕೊರತೆ.

Gm

ಅದೊಮ್ಮೆ ನಮ್ಮ ಮನೆಗೆ ಬಂದವರೊಬ್ಬರು ಲೋಕಾರೂಢಿಯಾಗಿ, ಅಜ್ಜೀ, ಮೊನ್ನೆ ನಮ್ಮೂರಿಗೆ ಹೋಗಿದ್ದಾಗ ಅಲ್ಲೇ ಹತ್ತಿರದ ತೀರ್ಥಕ್ಷೇತ್ರಕ್ಕೆ ಹೋಗಿದ್ದೆವು. ಆ ಪುಣ್ಯಕ್ಷೇತ್ರ ಏನು ಚೆನ್ನಾಗಿದೇ ಅಂತೀರೀ? ಅಲ್ಲಿಯ ದೇವರನ್ನು ನೋಡಲು ಎರಡು ಕಣ್ಣುಗಳು ಸಾಲದು ಎಂದ ತಕ್ಷಣವೇ, ನಮ್ಮಜ್ಜಿಯ ಎಂದಿನ ಡೈಲಾಗ್ ನೆನಪಾಗಿ ,ಅಯ್ಯೋ ನಮಗೆಲ್ಲಿ ಬರಬೇಕು ಅಂತಹ ಪುಣ್ಯ. ನಾನೂ ಇದ್ದೀನಿ ಭೂಮಿಗೆ ಭಾರ ಊಟಕ್ಕೆ ದಂಡ ಅಂತಾ ಹೇಳ್ಬಿಡೋದೇ? ಅರೇ ಇಷ್ಟು ಚೆನ್ನಾಗಿ ನೋಡಿ ಕೊಂಡರೂ ಬಂದವರ ಮುಂದೆ ಈ ರೀತಿಯ ಅಕ್ಷೇಪಣೆ ಮಾತುಗಳನ್ನು ಆಡಿ ನಮ್ಮಲ್ಲರನ್ನು ಮುಜುಗರಕ್ಕೆ ಈಡು ಮಾಡುತ್ತಾರಲ್ಲಾ? ಎಂದು ನಮ್ಮಮ್ಮ ಸಿಡಿಮಿಡಿಗೊಂಡಿದ್ದರು.

ತಮ್ಮ ಅಮ್ಮನ ಗುಣವನ್ನರಿತಿದ್ದ ನಮ್ಮ ತಂದೆಯವರು ಈ ರೀತಿಯ ಸಿಡಿಮಿಡಿಗಳಿಗೆ ತಲೆಯನ್ನೇ ಕೆಡಿಸಿಕೊಳ್ಳುತ್ತಿರಲಿಲ್ಲ. ಅವರೇನೋ ಅವರಮ್ಮನ್ನನ್ನು ಸಹಿಸಿಕೊಳ್ಳುತ್ತಿದ್ದರು ಆದರೆ ನನಗೆ ನಮ್ಮಮ್ಮನ ಸಂಕಟವನ್ನು ಸಹಿಸಲಾಗದೇ ಇದಕ್ಕೆಲ್ಲಾ ಒಂದು ಪರಿಹಾರವನ್ನು ಕಂಡು ಹಿಡಿಯಲೇ ಬೇಕೆಂದು ಮುಂದಿನ ಬಾರಿ ಮತ್ತೊಬ್ಬರೊಂದಿಗೆ ಇದೇ ರೀತಿಯ ಸಂಭಾಷಣೆ ನಡೆಯುತ್ತಿದ್ದಾಗ ಆವರ ಮಾತಿನ ಮಧ್ಯೆಯಲ್ಲಿ ಮೂಗು ತೂರಿಸಿ, ಬಂದವನ್ನು ನೀವು ಕಾಶೀಗೆ ಹೋಗಿದ್ದೀರಾ? ರಾಮೇಶ್ವರ ಎಷ್ಟು ಬಾರಿ ನೋಡಿದ್ದೀರಿ? ಶೃಂಗೇರಿ ಜಗದ್ಗುರುಗಳ ಆಶೀರ್ವಾದ ನಿಮಗೆ ಎಷ್ಟು ಬಾರೀ ಆಗಿದೇ? ಕಂಚಿ ಮಹಾ ಗುರುಗಳನ್ನು ಪೇಜಾವರ ಶ್ರೀಗಳನ್ನು ಎಂದಿಗಾದರು ನಿಮ್ಮ ಮನೆಗೆ ಕರೆಸಿದ್ದೀರಾ? ಎಂದು ಕೇಳಿದಾಗ, ಅವರು ಅಯ್ಯೋ ನಮ್ಮ ಯಜಮಾನರ ಸಂಬಳದಲ್ಲಿ ಸಂಸಾರ ನಡೆಸೋದೇ ಕಷ್ಟ ಆಗಿತ್ತು. ಈಗ ಮಕ್ಕಳು ಈಗ ಕೆಲಸಕ್ಕೆ ಸೇರಿಕೊಂಡ ಮೇಲೆ ಸ್ವಲ್ಪ ಸುಧಾರಿಸಿ ಎಷ್ಟೋ ವರ್ಷಗಳ ನಂತರ ನಮ್ಮೂರಿಗೆ ಹೊಗಿ ಬಂದ್ವೀ, ಹಾಗೇ ಪಕ್ಕದ ಊರಿಗೂ ಹೊಗಿದ್ವೀ ಅಷ್ಟೇ ಎಂದಾಗಾ, ನಾನು ನಮ್ಮಜ್ಜಿಯ ಕಡೆ ನೋಡಿ, ಸುಮ್ಮನೇ ಮಾತನಾಡದೇ, ಏನಜ್ಜೀ? ಏನಂತೀರೀ? ಎಂದು ಹುಬ್ಬೇರಿಸಿದಾಗ, ನಮ್ಮಜ್ಜಿ ಏನೂ ಆಗೇ ಇಲ್ವೇನೋ ಎಂಬಂತೆ ಮೂತಿ ತಿರುಗಿಸಿದ್ದು ಇನ್ನೂ ಹಚ್ಚ ಹಸಿರಾಗಿಯೇ ಇದೆ.

ನಮ್ಮ ದೇಶದ ಸದ್ಯದ ಪರಿಸ್ಥಿತಿಯಲ್ಲಿ ಹೆಚ್ಚಿನ ದೇಶವಾಸಿಗಳ ಮನಸ್ಥಿತಿ ಇದಕ್ಕಿಂತಲೂ ಭಿನ್ನವಾಗಿ ಏನೂ ಇಲ್ಲಾ. ಧರ್ಮಾಧಾರಿತವಾಗಿ ದೇಶ ವಿಭಜನೆ ಆದರೂ, ಯಾರದ್ದೋ ತೆವಲಿಗೆ ಜಾತ್ಯಾತೀತ ರಾಷ್ಟ್ರವಾಗಿಯೇ ಉಳಿದು ಹೋದ ಈ ದೇಶದಲ್ಲಿಯೇ ಹುಟ್ಟಿ ಇಲ್ಲಿನ ಎಲ್ಲಾ ಸೌಲಭ್ಯಗಳನ್ನು ಪಡೆದು ಕೊಂಡು ಪ್ರತಿ ದಿನವೂ, ಈ ದೇಶವನ್ನೇ ಬೈದ್ಯಾಡಿಕೊಂಡು ಅಡ್ಡಾಡುತ್ತಾ, ತಮ್ಮ ಗಂಜಿಯನ್ನು ಬೇಯಿಸಿಕೊಳ್ಳುತ್ತಿರುವ ಮಂದಿಯನ್ನು ನೋಡುವಾಗ ಸಾಮಾಜಿಕ ಜಾಲತಾಣದಲ್ಲಿ ಓದಿದ ಈ ಪ್ರಸಂಗ ನೆನಪಿಗೆ ಬರುತ್ತದೆ.

ವ್ಯಕ್ತಿಯೊಬ್ಬ ಪಕ್ಕದೂರಿಗೆ ಹೋಗುವ ಸಲುವಾಗಿ ನದಿಯನ್ನು ದಾಟಲು ತನ್ನ ನಾಯಿಯೊಂದಿಗೆ ದೋಣಿಯನ್ನು ಏರಿದ. ಆ ನಾಯಿಗೆ ದೋಣಿಯ ಪ್ರಯಾಣ ಮೊದಲ ಬಾರಿಯಾಗಿದ್ದ ಪರಿಣಾಮ ಇದ್ದಕ್ಕಿದ್ದಂತೆಯೇ ಚಡಪಡಿಕೆಯುಂಟಾಗಿ ಅತ್ತಿಂದಿತ್ತ, ಇತ್ತಿಂದಿತ್ತ ಓಡಾಡುತ್ತಾ ಎಲ್ಲರಿಗೂ ತೊಂದರೆ ಕೊಡುತ್ತಿದ್ದದ್ದಲ್ಲದೇ, ದೋಣಿಯನ್ನೂ ಡೋಲಾಯಮಾನ ಸ್ಥಿತಿಗೆ ತಳ್ಳಿತ್ತು.

dog2

ದೋಣಿಯನ್ನು ನಡೆಸುತಿದ್ದವರು ದಯವಿಟ್ಟು ನಾಯಿಯನ್ನು ಒಂದು ಕಡೆ ಹಿಡಿದಿಟ್ಟುಕೊಳ್ಳದೇ ಹೋದಲ್ಲಿ ದೋಣಿಯೇ ಮುಳುಗಿ ಎಲ್ಲರಿಗೂ ತೊಂದರೆ ಆಗಬಹುದು ಎಂದು ಎಚ್ಚರಿಸಿದಾಗ ಆ ನಾಯಿಯನ್ನು ಕಟ್ಟಿ ಹಾಕಲು ಪ್ರಯತ್ನಿಸಿದಾಗ, ಅದು ಭಯದಿಂದಲೋ ಇಲ್ಲವೇ ತನ್ನ ಬುದ್ದಿಯ ಅನುಗುಣವಾಗಿ ಸುಖಾ ಸುಮ್ಮನೇ ಬೊಗಳತೊಡಗಿದಾಗ ಎಲ್ಲರಿಗೂ ಅದರಿಂದ ತೊಂದರೆಯಾಗ ತೊಡಗಿತು. ನಾಯಿಯನ್ನು ಸುಮ್ಮನಾಗಿಸಲು ಅದರ ಮಾಲಿಕ ಮಾಡುತ್ತಿದ್ದ ಎಲ್ಲಾ ಪ್ರಯತ್ನಗಳೂ ವಿಫಲವಾಗುತ್ತಿತ್ತು.

dog1

ಇದೆಲ್ಲವನ್ನು ಗಮನಿಸುತ್ತಿದ್ದ ಹಿರಿಯರೊಬ್ಬರು, ನೀವು ಅನುಮತಿಸಿದರೆ, ನಾನು ಈ ನಾಯಿಯನ್ನು ನಿಮ್ಮ ಮನೆಯಲ್ಲಿದ್ದಂತೆಯೇ ಶಾಂತವಾಗಿರಿಸಬಲ್ಲೇ ಎಂದಾಗ ಮಾಲಿಕನಿಗೆ ಮರುಭೂಮಿಯಲ್ಲಿ ಓಯಸಿಸ್ ಸಿಕ್ಕಂತಾಗಿ ಕೂಡಲೇ ಒಪ್ಪಿಕೊಂಡರು. ಮಾಲಿಕರರು ಒಪ್ಪಿಕೊಂಡ ಕೂಡಲೇ ಆ ಹಿರಿಯರು ನಾಯಿಯನ್ನು ಎತ್ತಿ ನದಿಗೆ ಎಸೆದು ಬಿಟ್ಟರು. ಅಚಾನಕ್ಕಾಗಿ ಈ ರೀತಿ ನೀರಿಗೆ ಬಿದ್ದ ನಾಯಿ ತನ್ನ ಜೀವವನ್ನು ಉಳಿಸಿಕೊಳ್ಳುವ ಸಲುವಾಗಿ ಈಜಲಾರಂಭಿಸಿತು, ಸ್ವಲ್ಪ ಹೊತ್ತು ಈಜಿದ ನಂತರ ನಾಯಿಯ ಶಕ್ತಿಯೆಲ್ಲವೂ ಕ್ಷೀಣಿಸತೊಡಗಿದಾಗ ಹತಾಶೆಯಿಂದ ತಾನು ನೀರಿನಲ್ಲಿ ಮುಳುಗಿ ಸಾಯುತ್ತಿದ್ದೇನೆ ಎಂಬ ಅನುಭವ ಆಗ ತೊಡಗಿದಾಗ ಜೀವ ಉಳಿಸಿಕೊಳ್ಳುವುದಕ್ಕಾಗಿ ಹೆಣಗಾಡುತ್ತಿದ್ದನ್ನು ಗಮನಿಸಿದ ಆ ಹಿರಿಯರು ನಾಯಿಯತ್ತ ತಾವು ಹೊದ್ದಿಕೊಂಡಿದ್ದ ಶಲ್ಯವನ್ನು ಎಸೆದರು. ಬದುಕಿದೆಯಾ ಬಡ ಜೀವ ಎಂದು ಆ ಶಲ್ಯವನ್ನು ನಾಯಿ ಹಿಡಿದುಕೊಂಡಾಗ ನಿಧಾನವಾಗಿ ತಮ್ಮ ಶಲ್ಯವನ್ನು ಎಳೆದುಕೊಂಡು ನಾಯಿಯನ್ನು ಮತ್ತೆ ದೋಣಿಯೊಳಗೆ ಎಳೆದು ಕೊಂಡರು ಆ ಹಿರಿಯರು. ನೀರಿನಿಂದ ದೋಣಿಗೆ ಬಂದ ಕೂಡಲೇ ತನ್ನನ್ನು ಬದುಕಿಸಿದ ಆ ಹಿರಿಯರಿಗೆ ಪ್ರೀತಿಯಿಂದ ಅವರ ಪಾದಗಳನ್ನು ನೆಕ್ಕಿ ನೆಮ್ಮದಿಯಿಂದ ತನ್ನ ಮಾಲಿಕನ ಬಳಿ ಬಂದು ತೆಪ್ಪಗೆ ಬಂದು ಕುಳಿತಿದ್ದಲ್ಲದೇ, ಇಡೀ ಪ್ರಯಾಣದ ಪೂರ್ತಿ ಕಮಿಕ್ ಕಿಮಿಕ್ ಎನ್ನಲಿಲ್ಲ.

ನಾಯಿಯ ಬದಲಾದ ನಡವಳಿಕೆಯನ್ನು ಕಂಡ ಮಾಲಿಕರು ಮತ್ತು ಇತರೇ ಪ್ರಯಾಣಿಕರು ಆಶ್ಚರ್ಯಚರಾಗಿ, ದೋಣಿ ಹತ್ತಿದಾಗ ಅಷ್ಟೆಲ್ಲಾ ಹಾರಾಡುತ್ತಿದ್ದ ನಾಯಿ, ನೀರಿನಿಂದ ಹೊರಬಂದ ಕೂಡಲೇ ಶಾಂತವಾಗಿ ಹೇಗಾಯಿತು? ಎಂದು ಕೇಳಿದಾಗ, ಆ ಹಿರಿಯರು ಸಣ್ಣಗೆ ನಕ್ಕು ನಾನು ಆ ನಾಯಿಗೆ ದೋಣಿಯ ನಿಜವಾದ ಶಕ್ತಿಯ ಪರಿಚಯವನ್ನು ಮಾಡಿ ಕೊಟ್ಟೆನಷ್ಟೇ. ದೋಣಿಯಲ್ಲಿದ್ದಾಗ ಅದರ ಅವಶ್ಯಕತೆಯನ್ನು ಅರಿಯದೇ ಸುಮ್ಮನೆ ಹಾರಾಡುವ ಮೂಲಕ ಉಳಿದೆವರೆಲ್ಲರ ಜೀವಕ್ಕೆ ಕುತ್ತು ತರುತ್ತಿದ್ದೇನೆ ಎಂಬ ಅರಿವು ಆ ನಾಯಿಗೆ ಇರಲಿಲ್ಲ. ಯಾವಾಗಾ ನಾನು ಅದನ್ನು ನೀರಿಗೆ ಎಸೆದೆನೋ, ಅಗ ಅದಕ್ಕೆ ತನ್ನ ಜೀವದ ಬಗ್ಗೆ ಅರಿವಾಗಿದ್ದಲ್ಲದೇ, ಅದಕ್ಕೆ ನೀರಿನ ಶಕ್ತಿ ಮತ್ತು ದೋಣಿಯ ಉಪಯುಕ್ತತೆಯ ಅರ್ಥವಾಗಿ ಜೀವ ಉಳಿಸಿಕೊಂಡರೆ ಸಾಕು ಎನ್ನುವಂತಾದಾಗ ಅದನ್ನು ನೀರಿನಿಂದ ಎಳೆದು ದೋಣಿಗೆ ತಂದೆ ಹಾಗಾಗಿ ಅದು ಸುಮ್ಮನಾಯಿತು ಎಂದರು.

ಮೊದಲನೆಯ ಪ್ರಸಂಗದಲ್ಲಿನ ನಮ್ಮ ಅಜ್ಜಿಯವರನ್ನು ಖಂಡಿತವಾಗಿಯೂ ಎರಡನೇ ಪ್ರಸಂಗದಲ್ಲಿನ ನಾಯಿಗೆ ಹೋಲಿಸುತ್ತಿಲ್ಲವಾದರೂ, ಇಬ್ಬರ ಮನೋಭಾವನೆಯೂ ಸದ್ಯದ ಕೆಲವು ಭಾರತೀಯರ ಮನೋಭಾವನೆಗಳು ಒಂದೇ ಎಂದು ತೋರಿಸುವ ಸಲುವಾಗಿ ಈ ಎರಡೂ ಉದಾಹರಣೆಗಳನ್ನು ಹೇಳಬೇಕಾಯಿತು. ನಿಜ ಹೇಳಬೇಕೆಂದರೆ ಅವರೆಲ್ಲರಿಗೂ ತಮ್ಮ ದೇಶ/ಕುಟುಂಬ ಮತ್ತು ತಾವು ಅನುಭವಿಸುತ್ತಿರುವ ಸೌಲಭ್ಯಗಳ ಅರಿವಿರದೇ ಸದಾ ಕಾಲವೂ ಅಕ್ಕ ಪಕ್ಕದ ಮನೆಯ ಮತ್ತು ದೇಶಗಳಲ್ಲಿ ನೆಮ್ಮದಿಯಾಗಿದ್ದಾರೆ ಎಂದೇ ಭಾವಿಸಿರುತ್ತಾರೆ. ಅವರಾರಿಗೂ ಅಕ್ಕ ಪಕ್ಕದ ಕುಟುಂಬ, ರಾಜ್ಯ, ದೇಶಗಳ ಅರಿವೇ ಇರುವುದಿಲ್ಲ. ಎಲ್ಲವನ್ನೂ ಯಾರಿಂದಲೂ ಕೇಳಿಯೋ ಇಲ್ಲವೇ ಪೂರ್ವಾಗ್ರಹ ಪೀಡಿತ ಮಾಧ್ಯಮಗಳಲ್ಲಿ ಪ್ರಸಾರವಾಗುವ ತುಣುಕುಗಳನ್ನು ನೋಡಿಯೋ ಇಲ್ಲವೇ ವೃತ್ತಪತ್ರಿಕೆಗಳ ಮೂಲಕ ಅರ್ಧಂಬರ್ಧ ಕೇಳಿ, ನೋಡೀ ಓದಿ ನಮ್ಮ ಕುಟುಂಬ/ರಾಜ್ಯ/ದೇಶ ಸರಿ ಇಲ್ಲ, ಇಲ್ಲ ಬದುಕುವುದಕ್ಕೇ ಅಸಾಧ್ಯ ಎಂದು ಬೊಬ್ಬಿರಿಯುತ್ತಿರುತ್ತಾರೆ. ಹೀಗೆಯೇ ದೇಶದಲ್ಲಿ ಅಸಹಿಷ್ಣುತೆ ಇದೆ ಎಂದು ಹೇಳಿದ ಖ್ಯಾ(ಕುಖ್ಯಾ)ತ ನಟನ ಮಡದಿಯೊಬ್ಬಳು ಈಗ ಅತನಿಂದಲೇ ವಿಚ್ಚೇದನ ಪಡೆದು ಇದೇ ದೇಶದಲ್ಲೇ ವಾಸಿಸಬೇಕಾದ ಅನಿವಾರ್ಯ ಪರಿಸ್ಥಿತಿಯೂ ನಮ್ಮ ಕಣ್ಣಮುಂದಿದೆ.

ind4

ಸ್ವಾತಂತ್ರ್ಯ ಬಂದು ಇಷ್ಟು ವರ್ಷಗಳಾದರು, ಇಲ್ಲಿಯ ಭಾಷೇ, ಇಲ್ಲಿಯ ಸಂಸ್ಕಾರ ಮತ್ತು ಸಂಸೃತಿ ತಮ್ಮದ್ದಲ್ಲಾ ಎಂದು ಹೇಳುವವರನ್ನು ಎರಡನೆಯ ಪ್ರಸಂಗದಲ್ಲಿ ನೀರಿಗೆ ಎಸೆದಂತೆ, ನೆರೆಯ ಪಾಪೀಸ್ಥಾನ, ಬಾಂಗ್ಲಾದೇಶ, ಆಫ್ಗಾನೀಸ್ಥಾನ, ಅಷ್ಟೇ ಏಕೆ ಬರ್ಮಾ ಇಲ್ಲವೇ ಶ್ರೀಲಂಕ ಅದೂ ಬೇಡವೆಂದರೆ, ಉತ್ತರ ಕೊರಿಯಾ, ಸೊಮಾಲಿಯಾ, ದಕ್ಷಿಣ ಸುಡಾನ್, ಸಿರಿಯಾ, ಇರಾಕ್ ದೇಶಗಳಿಗೆ 6 ತಿಂಗಳ ಕಾಲ ಕಳಿಸಿಬಿಟ್ಟರೆ ಸಾಕು.

ind6

ಅವರಿಗೆ ಭಾರತ ದೇಶದಲ್ಲಿರುವ ನಿಜವಾದ ಸ್ವಾತಂತ್ರ್ಯ, ಸಹಿಷ್ಣುತೆ ಮತ್ತು ಸಮಾನತೆಯ ಬಗ್ಗೆಯ ಅರಿವಾಗಿ ಮುಂದೆಂದೂ ಕಮಿಕ್ ಕಿಮಿಕ್ ಎನ್ನಲಾರರು. ನಮ್ಮ ದೇಶ ವಿವಿಧತೆಯಲ್ಲಿ ಏಕತೆಯನ್ನು ಹೊಂದಿರುವಂತಹ ರಾಷ್ಟ್ರ ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವ ದೇಶವಾದ ಭಾರತದಲ್ಲಿ ಎಲ್ಲರಿಗೂ ಇಲ್ಲಿ ಎಲ್ಲರಿಗೂ ನೆಮ್ಮದಿಯಾಗಿ ಸರ್ವ ಸ್ವತ್ರಂತ್ರ್ಯವಾಗಿ ಬದುಕುವ ಸಮಾನ ಹಕ್ಕಿದೆ ಮತ್ತು ಅಭಿವ್ಯಕ್ತಿ ಸ್ವಾತಂತ್ರ್ಯವಿದೆ. ಇಲ್ಲಿ ಎಲ್ಲಾ ಧರ್ಮ, ಜಾತಿ ಮತ್ತು ಭಾಷೆಗಳ ಜನರಿಗೂ ಬದುಕಲು ಅವಕಾಶವಿದೆ. ಆದರೆ ಅವರವರ ಧರ್ಮ, ಜಾತಿ ಎಲ್ಲವೂ ಅವರ ಮನೆಯ ನಾಲ್ಕು ಗೋಡೆಗಳ ಮಧ್ಯೆ ಸೀಮಿತವಾಗಿದ್ದು ಮನೆಯಿಂದ ಹೊರೆಗೆ ಬಂದಾಗ, ಎಲ್ಲರಿಗೂ ದೇಶವೇ ಪ್ರಧಾನವಾಗ ಬೇಕು.

india2

ಈ ದೇಶದಲ್ಲಿ ಹುಟ್ಟಿ ಇಲ್ಲಿನ ಸಕಲ ಸೌಲಭ್ಯಗಳನ್ನು ಪಡೆದು ಬೆಳೆದು ದೊಡ್ಡವರಾಗಿ ವಿದ್ಯಾವಂತರಾದ ಮೇಲೆ ಈ ದೇಶದ ಕಾನೂನಿನ ಅನುಗುಣವಾಗಿ ನಡೆಯಬೇಕಾದದ್ದು ಅವರೆಲ್ಲರ ಕರ್ತವ್ಯವೇ ಹೌದು. ದೇಶದ ಏಕತೆ ಮತ್ತು ಅಖಂಡತೆ ಅವರೆಲ್ಲರೂ ಕಟಿಬದ್ದರಾಗಿರಬೇಕು. ದುರಾದೃಷ್ಟವಶಾತ್ ಮತಾಂಧತೆಯಿಂದಲೋ, ಭಾಷಾ ಧುರಾಭಿಮಾನದಿಂದಲೋ, ಅಥವಾ ತಮ್ಮ ಸಿದ್ದಾಂತದ ಅಮಲಿನಿಂದಲೋ ಪ್ರತಿ ದಿನವೂ ದೇಶವನ್ನು ತುಂಡರಿಸುವ ಮಾತುಗಳನ್ನಾಡುವ ಮಂದಿಯೇ ಇತ್ತೀಚಿನ ದಿನಗಳಲ್ಲಿ ಹೆಚ್ಚಾಗಿ ಹೋಗಿರುವುದು ಈ ದೇಶದ ವಿಪರ್ಯಾಸವೇ ಸರಿ.

ind1

ಕೋಟ್ಯಾಂತರ ಹೋರಾಟಗಾರ ತ್ಯಾಗ ಬಲಿದಾನಗಳಿಂದ ಸ್ವಾತ್ರಂತ್ಯ್ರಗೊಂಡ ದೇಶಕ್ಕಿಂತಲೂ ಅವರೆಲ್ಲರಿಗೂ ಅವರವರ ಧರ್ಮ, ಜಾತೀ, ಭಾಷೆ, ಮತ್ತು ಸಿದ್ಧಾಂತವೇ ಹೆಚ್ಚು ತಾವು ಈ ದೇಶದ ಕಾನೂನು, ಸಂಸ್ಕಾರ, ಸಂಸ್ಕೃತಿಗೆ ತಲೆಬಾಗುವುದಿಲ್ಲ ಎಂದು ದಿನ ಬೆಳಗಾದರೇ ದೇಶ ನಿಂದನೆ ಮಾಡುತ್ತಾ, ಜನರನ್ನು ಎತ್ತಿಕಟ್ಟಿ ಅಸಹಕಾರ ಚಳುವಳಿಗಳನ್ನು ಮಾಡುವ ಮೂಲಕ ದೇಶದಲ್ಲಿ ದೊಂಬಿ ಎಬ್ಬಿಸುತ್ತಾ, ವಿದೇಶಿಗರ ಮುಂದೇ ದೇಶದ ಮಾನವನ್ನು ಹರಾಜು ಹಾಕುವವರನ್ನು ಮುಲಾಜಿಲ್ಲದೇ ಅವರಿಗಿಷ್ಟ ಬಂದ ದೇಶಕ್ಕೆ ಈ ಕೂಡಲೇ ಗಡಿಪಾರು ಮಾಡಿದಾಗಲೇ ದೇಶ ಮತ್ತು ಸಮಾಜದ ಸ್ವಾಸ್ಥ್ಯ ನೆಮ್ಮೆದಿಯಾಗಿರುತ್ತದೆ ಮತ್ತು ದೇಶ ಅಭಿವೃದ್ಧಿಯ ಪಥಕ್ಕೆ ಮರಳುತ್ತದೆ. ಇಲ್ಲದೇ ಹೋದಲ್ಲಿ ಪ್ರತೀ ದಿನ ಇಂತಹ ಕ್ಷುಲ್ಲಕ ಸಮಸ್ಯೆಗಳನ್ನು ಪರಿಹರಿಸುವುದಕ್ಕೇ ನಮ್ಮೆಲ್ಲರ ಸಂಪನ್ಮೂಲಗಳು ವ್ಯರ್ಥವಾಗಿ ದೇಶ ಅಧೋಗತಿಗೆ ಜಾರುತ್ತದೆ.

ಏನಂತೀರೀ?
ನಿಮ್ಮವನೇ ಉಮಾಸುತ.

ಮಾತೃ-ಧರ್ಮ

ತಲಕಾವೇರಿಯಲ್ಲಿ ಸುತ್ತಮುತ್ತಲಿನ ಪ್ರದೇಶದಲ್ಲಿ ಈ ತಿಂಗಳ ಆರಂಭದಲ್ಲಿ ಸುರಿದ ಭಾರೀ ಮಳೆಯಿಂದಾಗಿ ಭೂಕುಸಿತವುಂಟಾಗಿ, ತಲಕಾವೇರಿಯ ಪ್ರಧಾನ ಅರ್ಚಕರಾದ ಶ್ರೀ ನಾರಾಯಣಾಚಾರ್  ಅವರ ಧರ್ಮ ಪತ್ನಿ ಮತ್ತು ಅವರ ಸಹೋದರ ಮತ್ತು ಅವರ ನೆರೆಹೊರೆಯವರು  ಆ.5ರಂದು  ಭೂಕುಸಿತದಲ್ಲಿ ‌ ಮೃತಪಟ್ಟ ವಿಷಯ ಎಲ್ಲರಿಗೂ ತಿಳಿದ ವಿಷಯವಾಗಿದ್ದು ಆ ಕುರಿತಂತೆ ಲೇಖನವನ್ನೂ ಬರೆದಿದ್ದೆ.

ಪೋಷಕರ ಮತ್ತು ಸಂಬಂಧೀಕರ ಅಕಾಲಿಕ ಮರಣದ ಸುದ್ದಿ ಕೇಳಿ ದೂರದ ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡಿನಲ್ಲಿ ಇದ್ದ ನಾರಾಯಣಾಚಾರ್ ಅವರ ಪುತ್ರಿಯರಾದ ಶಾರದಾ ಅಚಾರ್ ಮತ್ತು ನಮಿತಾ ಆಚಾರ್ ದುರ್ಘಟನೆಯ ಸ್ಥಳಕ್ಕೆ ಒಂದೆರಡು ದಿನಗಳಲ್ಲಿಯೇ ಬಂದಾಗ ಎಲ್ಲರಂತೇ ನಾನೂ ಸಹಾ ಅವರಿಬ್ಬರ ಬಗ್ಗೆ ಮರುಕ ಪಟ್ಟಿದ್ದೆ. ತಂದೆ ಮತ್ತು ತಾಯಿಯರನ್ನು ಏಕ ಕಾಲದಲ್ಲಿಯೇ ಕಳೆದುಕೊಳ್ಳುವಂತಹ ಪರಿಸ್ಥಿತಿ ಯಾವ ಶತ್ರುವಿಗೂ ಬಾರದಿರಲಿ ಎಂದೇ ಪ್ರಾರ್ಥಿಸಿದ್ದೆ. ಜಿಲ್ಲಾಡಳಿತ ದ ಬಹಳ ಪ್ರಯತ್ನದ ನಂತರ ಮೃತರ ಕೆಲವು ದೇಹಗಳನ್ನು ಹೊರತೆಗೆದು ಅವರ ಅಂತ್ಯ ಸಂಸ್ಕಾರ ಪುತ್ರಿಯರ ನೇತೃತ್ವದಲ್ಲಿಯೇ ನಡೆದಾಗ ಅಯ್ಯೋ ಪಾಪವೇ ಎಂದು ಬೇಸರಿಸಿದ್ದೆ.

ಸರ್ಕಾರವೂ ಸಹಾ ತನ್ನ ನೀತಿ ನಿಯಮಗಳಂತೆ ಮರಣ ಹೊಂದಿದವರ ಪರಿಹಾರಾರ್ಥವಾಗಿ  ಅಕ್ಕ ತಂಗಿಯರಿಬ್ಬರಿಗೂ ಆಗಸ್ಟ್  15ರಂದು ತಲಾ 2.5 ಲಕ್ಷ ಪರಿಹಾರ ಚೆಕ್‌ ವಿತರಿಸಿ,  ನಾರಾಯಣಾಚಾರ್ ಅವರೊಡನೆಯೇ ಮೃತಪಟ್ಟಿದ್ದ  ಅವರ ಸಹೋದರ ಆನಂದ ತೀರ್ಥರು ಬ್ರಹ್ಮಚಾರಿಗಳಾಗಿದ್ದರಿಂದ ಅವರ ಪರಿಹಾರದ ಹಣವನ್ನು ಅವರ ಸಹೋದರಿ ಸುಶೀಲಾರಿಗೆ ನೀಡಲಾಗಿತ್ತು. ಆದರೆ, ಇದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ ಅಕ್ಕ ತಂಗಿಯರು ಆನಂದ ತೀರ್ಥ ಅವರನ್ನು ನಮ್ಮ ತಂದೆಯವರೇ ನೋಡಿಕೊಳ್ಳುತ್ತಿದ್ದರಿಂದ ಅವರ ಪರಿಹಾರವೂ ನಮಗೇ ಸೇರಬೇಕು. ತಮ್ಮ ಅತ್ತೆಯಾದ ಸುಶೀಲಾರಿಗೆ ಪರಿಹಾರದ ಚೆಕ್‌ ನೀಡಿದ್ದು ಸರಿಯಲ್ಲ ಎಂದು ಆಕ್ಷೇಪ ವ್ಯಕ್ತಪಡಿಸಿದ್ದದ್ದನ್ನು ವೃತ್ತ ಪತ್ರಿಕೆಯಲ್ಲಿ ಓದಿದಾಗ ಎಲ್ಲರ ಮನೆಯ ದೋಸೆಯೂ ತೂತೇ.  ಅವರ ಕುಟುಂಬದ ಸಮಸ್ಯೆಗಳನ್ನು ಅವರೇ  ಕುಳಿತು ಪರಸ್ಪರ ಚರ್ಚೆ ಮಾಡಿಕೊಂಡು  ಬಗೆ ಹರಿಸಿಕೊಳ್ಳುತ್ತಾರೆ ಎಂದೇ ಎಲ್ಲರೂ ಭಾವಿಸಿದ್ದರು.

ಕಹಾನಿಮೇ ಟ್ವಿಸ್ಟ್ ಎನ್ನುವಂತೆ ಆಗಸ್ಟ್ 26ರಂದು ಭಾಗಮಂಡಲ ನಾಡ  ಕಛೇರಿಗೆ ಬಂದ ತಲಕಾವೇರಿಯ ಗಜಗಿರಿ ಭೂಕುಸಿತದಲ್ಲಿ ತಮ್ಮ ಪಾಲಕರು ನಾಪತ್ತೆಯಾಗಿರುವ ಬಗ್ಗೆ ಭಾಗಮಂಡಲ ಪೊಲೀಸ್‌ ಠಾಣೆಗೆ ದೂರು ನೀಡುವಾಗ ಶಾರದಾ ಆಚಾರ್‌, ನಮಿತಾ ಆಚಾರ್‌  ಎಂದೇ ನಮೂದಿಸಿದ್ದ ಅರ್ಚಕ ನಾರಾಯಣಾಚಾರ್‌ ಅವರ ಪುತ್ರಿಯರು  ತಮಗೆ ನೀಡಲಾದ ಪರಿಹಾರ ಚೆಕ್ಕಿನಲ್ಲಿ ತಮ್ಮ ಹೆಸರನ್ನು ಬದಲಿಸಿ ಕೊಡಬೇಕೆಂದು  ಹಿಂತಿರುಗಿಸಿದ್ದಾರೆ. 

ನಾರಾಯಣಾಚಾರ್‌ ಪುತ್ರಿಯರು ತಮ್ಮ ವಿದ್ಯಾಭ್ಯಾಸದ ಸಮಯದಲ್ಲಿಯೇ ಅನ್ಯ ಧರ್ಮೀಯರನ್ನು ಪ್ರೀತಿಸಿ ಅವರನ್ನೇ ಮದುವೆಯಾಗಿ ಅನ್ಯ ಧರ್ಮಕ್ಕೆ ಮತಾಂತರವಾಗಿ ತಮ್ಮ ಹೆಸರನ್ನು ನಮಿತಾ ನಜೇರತ್‌, ಶೆನೋನ್‌ ಫರ್ನಾಂಡಿಸ್‌ ಹೆಸರಿಗೆ ಬದಲಾಯಿಸಿಕೊಂಡಿರುವ ಕಾರಣ  ಪರಿಹಾರದ ಚೆಕ್ಕನ್ನು ತಮ್ಮ ಬದಲಾದ ಹೆಸರಿನಲ್ಲಿ ಕೊಡಬೇಕೆಂದು ಕೋರಿಕೊಂಡಿದ್ದನ್ನು ಮನ್ನಿಸಿದ ಅಧಿಕಾರಿಗಳು ಮೂಲ ಹೆಸರು ಕಾನೂನುಬದ್ಧವಾಗಿ ಬದಲಾಗಿರುವುದಕ್ಕೆ ದಾಖಲೆ ಸಲ್ಲಿಸುವಂತೆ ಉಪ ತಹಸೀಲ್ದಾರ್‌ ಸೂಚನೆ ನೀಡಿದ್ದಾರೆ.

18 ವರ್ಷ ದಾಟಿದ ನಂತರ ಯುವಕ ಯುವತಿಯರು ವಯಸ್ಕರಾಗಿದ್ದು ಆವರ ಇಚ್ಚೆಯಂತೆ ಯಾರನ್ನು ಬೇಕಾದರೂ ಮದುವೆಯಾಗ ಬಹುದು ಮತ್ತು ಸ್ವ ಇಚ್ಚೆಯಿಂದ ಮತಂತಾರ ಹೊಂದಬಹುದು ಎಂದು ದೇಶದ  ಕಾನೂನು ಹೇಳುತ್ತದೆ. ಅಷ್ಟು ವರ್ಷ ಹೆತ್ತೂ ಹೊತ್ತು ಸಾಲ ಸೋಲ ಮಾಡಿ ಸಾಕಿ ಸಲಹಿದ ಮಾತಾ ಪಿತೃಗಳನ್ನೂ ಮತ್ತು ಮಾತೃಧರ್ಮವನ್ನು ಮತ್ತು ಮಾತೇ ದೇಶವನ್ನು ತ್ಯಜಿಸಿ ಹೋಗಿದ್ದವರಿಗೇಕೆ ಸರ್ಕಾರೀ ಪರಿಹಾರವಾಗಿ ನಮ್ಮ ತೆರಿಗೆಯ ಹಣವನ್ನು ಏಕೆ ಕೊಡಬೇಕು? ಎನ್ನುವುದು ಎಲ್ಲರ ಪ್ರಶ್ನೆಯಾಗಿದೆ.

ಅಷ್ಟು ದೊಡ್ಡ ಅರ್ಚಕರಾಗಿ ನಮ್ಮ ಸನಾತನ ಸಂಸ್ಕಾರ, ಸಂಸ್ಕೃತಿ ನಮ್ಮ ಧರ್ಮವನ್ನು ಎಲ್ಲರಿಗೂ ತಿಳಿ ಹೇಳುತ್ತಿದ್ದ ವಯೋವೃದ್ಧರಾದ ತಮ್ಮ ಪೋಷಕರಾದ ನಾರಾಯಚಾರ್ ದಂಪತಿಗಳನ್ನೇ ಧಿಕ್ಕರಿಸಿ ತಮ್ಮ ತೆವಲಿಗೆ ವಿದೇಶಕ್ಕೆ ಹೋದವರಿಗೆ ಈಗ ಕೇವಲ ಅವರ ಹೊಟ್ಟೆಯಲ್ಲಿ ಹುಟ್ಟಿದ ಮಾತ್ರಕ್ಕೇ ಪೋಷಕರ ಆಸ್ತಿಯನ್ನೇಕೆ ಕೊಡಬೇಕು?

ಬೇರೆಯವರಿಗೆ ಧರ್ಮ ಬೋಧನೆ ಮಾಡುವವರ ಮನೆಯಲ್ಲಿಯೇ ತಮ್ಮ ಮಕ್ಕಳಿಗೆ ನಮ್ಮ ಸನಾತನ ಆಚಾರ, ವಿಚಾರ,  ಸಂಸ್ಕಾರ ಮತ್ತು ಸಂಪ್ರದಾಯಗಳನ್ನು ಕಲಿಸದಿದ್ದಲ್ಲಿ ಇತರಿಗೆ ಅವರು ಧರ್ಮ ಬೋದನೆಯನ್ನು ಹೇಗೆ ಮಾಡುತ್ತಾರೆ ? ಮತ್ತು ಹಾಗೆ ಬೋಧನೆ ಮಾಡಿದರೆ ಇತರರು ಹೇಗೆ ಸ್ವೀಕರಿಸುತ್ತಾರೆ? ದೀಪದ ಕೆಳಗೆ ಸದಾ ಕತ್ತಲು ಎನ್ನುವಂತೆ ಯಾರು ಸನಾತನ ಹಿಂದೂ ಸಂಸ್ಕೃತಿಯ ರಾಯಭಾರಿಗಳು ಅಂತಾ ಇಷ್ಟು ದಿನವೂ ಎಲ್ಲರೂ ಭಾವಿಸಿದ್ದರೋ ಅಂಥಹವರ ಮನೆಯಲ್ಲಿಯೇ ಇಬ್ಬರೂ ಮಕ್ಕಳು ಅನ್ಯಧರ್ಮಕ್ಕೆ ಮತಾಂತಾರ ಹೊಂದಿ ವಿದೇಶಕ್ಕೆ ಹಾರಿ ಹೋಗಿ ಈಗ ಕೇವಲ ಆಸ್ತಿಗಾಗಿ ತಮ್ಮ ಬಂಧುಗಳೊಡನೆಯೇ ಬಡಿದಾಡುತ್ತಿದ್ದಾರೆ ಎಂದರೆ, ಅವರಿಗೆ ಧರ್ಮ  ಮತ್ತು ಸಂಸ್ಕಾರದ ಕೊರತೆ ಎದ್ದುಕಾಣುತ್ತಿದೆ ಎಂದೆನಿಸುತ್ತದೆಯಲ್ಲವೇ?

ಅವರ ವಯಕ್ತಿಕ ಆಸ್ತಿಯಾಗಲೀ ಅಥವಾ ಸರ್ಕಾರದ ಪರಿಹಾರ ಹಣವನ್ನು ಕೊಡುವ ಸಮಯದಲ್ಲಿ ಯಾವ ಸಂಬಂಧೀಕರು ಮೃತರ ಜೊತೆಗಿದ್ದು ಅವರ ಅಂತ್ಯ ಕಾಲದಲ್ಲಿ ನೋಡಿಕೊಳ್ಳುತ್ತಿದ್ದರೋ ಅಂದರೆ ಉಳುವವನೇ ರೈತ ಎನ್ನುವಂತೆ ಅವರಿಗೆ ಮಾತ್ರವೇ ಆಸ್ತಿ ಪಾಸ್ತಿ ಮತ್ತು ಪರಿಹಾರವನ್ನು ನೀಡಬೇಕೇ ಹೊರತು ಮತಾಂತರಗೊಂಡು ಪೋಷಕರನ್ನು  ಅನಾಥ ಹೆಣವನ್ನಾಗಿ ಮಾಡಿದವರಿಗೆ  ಏಕೆ ನೀಡಬೇಕು? ಎಂಬ ಸಂದೇಹ ಎಲ್ಲರಲ್ಲೂ ಕಾಡುತ್ತಿದೆ?

ಇನ್ನು ಚಿಕ್ಕಮಗಳೂರು,ಕೊಡಗು ಮುಂತಾದ  ಗುಡ್ಡಗಾಡು ಪ್ರದೇಶಗಳಲ್ಲಿ ಮತಾಂತರದ ಪಿಡುಗು ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ನಡೆಯುತ್ತಿದೆ ಎಂದು ಎಲ್ಲಾರೂ ಹೇಳುತ್ತಿದ್ದರೂ ಸಾಕ್ಷಾಧಾರದ ಕೊರತೆ ಎಂಬ ನೆಪದಲ್ಲಿ ಸುಮ್ಮನಿದ್ದ ಸರ್ಕಾರಕ್ಕೆ ಈ ಪ್ರಕರಣ ಸೂಕ್ತ ಸಾಕ್ಷಿಯಾಗ ಬಹುದಲ್ಲವೇ?

ಎಲ್ಲರಂತೆ ತಮ್ಮ ಮಕ್ಕಳೂ ಚೆನ್ನಾಗಿ ಓದಿ ದೊಡ್ಡವರಾಗಲೀ ಎಂದು ಸಾಲ ಸೋಲ ಮಾಡಿಯಾದರೂ ಕಾನ್ವೆಂಟ್ ಸ್ಕೂಲಿಗೆ ಬಡವ ಬಲ್ಲಿದರಾದಿಯಾಗಿ  ಸೇರಿಸುವ ಹಪಾ ಹಪಿ ಅಲ್ಲಿ ಶುರುವಾಗಿದೆ. ಇನ್ನು ಆ ಕಾನ್ವೆಂಟ್ ಸ್ಕೂಲ್ಕಳಲ್ಲಿ ಹಣೆಗೆ ಕುಂಕುಮ ಇಡಬಾರದು, ಕೈಗೆ ಬಳೆ ಹಾಕಿಕೊಳ್ಳಬಾರದು, ತಲೆಗೆ ಹೂವು ಮುಡಿಯ ಬಾರದು, ಮಂಡಿಯ ಮೇಲಿ ಇರುವಂತೆಯೇ ಲಂಗವನ್ನು ಹಾಕಿಕೊಳ್ಳಬೇಕು ಎಂದು  ನಮ್ಮ ಮುಗ್ಧ ಮಕ್ಕಳ ಮನಸ್ಸನ್ನು ಹಂತ ಹಂತವಾಗಿ ಪಾಶ್ಚಾತ್ಯೀಕರಣಗೊಳಿಸುತ್ತವೆ. ಇನ್ನು ಬಹುತೇಕ ಶಾಲೆಗಳಲ್ಲಿ ಹಿಂದೂ ಹಬ್ಬಗಳಿಗೆ ಕಿಂಚಿತ್ತೂ ಗೌರವವಿಲ್ಲದೇ, ಕ್ರಿಸ್ಮಸ್ ಹ್ಯಾಲೋವಿನ್ ಡೇ, ಫಾದರ್ಸ್ ಡೇ, ಮದರ್ಸ್ ಡೇ,  ವಾಲೆಂಟೇನ್ಸ್ ಡೇ ಎಂಬ ಹಬ್ಬಗಳನ್ನು ಅದ್ದೂರಿಯಾಗಿ ಆಚರಿಸುವ ಮೂಲಕ ಪರೋಕ್ಷವಾಗಿ ನಮ್ಮ ಮಕ್ಕಳನ್ನು ನಮ್ಮ ಧರ್ಮದ ಬಗ್ಗೆ ಜಿಗುಪ್ಸೆ ಹೊಂದಿ ಮತಾಂತರಕ್ಕೆ ಅಡಿಪಾಯವನ್ನು ಹಾಕುತ್ತಿರುವುದು ಈ ಎಲ್ಲಾ ಘಟನೆಗಳಿಗೆ ಕಾರಣೀಭೂತವಾಗುತ್ತಿದೆ.

ತಮ್ಮ ತೆವಲಿಗೆ ಹೆತ್ತ ತಂದೇ ತಾಯಿಯರು, ಮಾತೃಭೂಮಿ ಮತ್ತು ಮಾತೃಧರ್ಮ ತ್ಯಜಿಸಿ ದೂರದ ದೇಶದಲ್ಲಿ ಮೋಜು ಮಸ್ತಿ ಮಾಡಲು ಹೋದವರಿಗೆ  ಪರಿಹಾರವನ್ನಾಗಲೀ, ಅವರಿಗೆ ಸಂಬಂದಿಸಿದ ಆಸ್ತಿಯನ್ನಾಗಲೀ ಕೊಡದೇ ಅವರ ಜೊತೆಗಿದ್ದ ಸಂಬಂಧೀಕರಿಗಾಗಲೇ ಅಥವಾ ಸರ್ಕಾರವೇ ಮುಟ್ಟುಗೋಲು ಹಾಕಿಕೊಳ್ಳುವ ಮೂಲಕ ಮಾತೃಗಳನ್ನೂ ಧರ್ಮವನ್ನೂ ಧಿಕ್ಕರಿಸಿ ಹೋಗುವವರಿಗೆ ಎಚ್ಚರಿಕೆಯ ಗಂಟೆಯನ್ನಾಗಿಸಬೇಕು.

ಇದ್ದಾಗ ಸರಿಯಾಗಿ ನೋಡಿಕೊಳ್ಳದೇ, ಸತ್ತಾಗ ಎದೆ ಬಡಿದು ಕೊಂಡು ಅತ್ತೂ, ಕರೆದು, ಹತ್ತಾರು ಜನರಿಗೆ ಭಕ್ಷ್ಯ ಭೋಜನಗಳನ್ನು ಬಡಿಸಿದರೆ ಎದ್ದು ಬರುವರೇ ಹೆತ್ತವರು?

ಮಾತಾ ಪಿತೃಗಳನ್ನೂ ಮತ್ತು ಮಾತೃ ಧರ್ಮವನ್ನು ಧಿಕ್ಕರಿಸಿ ಹೋದವರಿಗೆ ಅಂತಿಮವಾಗಿ ಪೋಷಕರು ಸತ್ತಾಗ ಅವರ ಆಸ್ತಿ ಪಾಸ್ತಿಗಳನ್ನು ಯಾವ ಅರ್ಹತೆಯಿಂದ ಅನುಭವಿಸುತ್ತಾರೆ?

ಏನಂತೀರೀ?

ದಾನ ಮತ್ತು ಧರ್ಮ ಎಲ್ಲಾ, ಇಲ್ಲೇ ಡ್ರಾ, ಇಲ್ಲೇ ಬಹುಮಾನ

ಸುಮಾರು ಹನ್ನೆರಡು ಹದಿಮೂರು ವರ್ಷಗಳ ಹಿಂದಿನ ಮಾತು. ಅವತ್ತು ಶನಿವಾರವಾದ್ದರಿಂದ ಕೆಲಸಕ್ಕೆ ರಜೆ ಇದ್ದ ಕಾರಣ ಯಾವುದೋ ಕೆಲಸಕ್ಕೆಂದು ಹೊರಗೆ ಹೋಗಿ ಮನೆಗೆ ಹಿಂದಿರುಗುವಾಗ ಮಟ ಮಟ ಮಧ್ಯಾಹ್ನವಾಗಿ ಹೊಟ್ಟೆ ಕೂಡಾ ತುಂಬಾನೇ ಹಸಿದಿತ್ತು. ಮನೆ ಒಳಗೆ ಕಾಲಿಟ್ಟೊಡನೆಯೇ ನಮ್ಮ ತಾಯಿಯವರು ಯಾರೊಂದಿಗೂ ಮಾತನಾಡುತ್ತಿರುವ ಶಬ್ಧ ಕೇಳಿಸಿ, ಯಾರು ಬಂದಿರಬಹುದು ಎಂದು ಯೋಚಿಸುತ್ತಾ ಸೀದಾ ಬಚ್ಚಲು ಮನೆಗೆ ಹೋಗಿ ಕೈ ಕಾಲು ತೊಳೆದುಕೊಂಡು ಬಂದು ನೋಡಿದರೆ, ಯಾರೋ ಅಪರಿಚಿತ ಹೆಂಗಸು ನೋಡಲು ಬಹಳ ಕೃಶಕಾಯಳು, ಉಡಲು ಒಂದು ಒಳ್ಳೆಯ ಸೀರೆಯೂ ಇಲ್ಲದ ಹೆಂಗಸಿಗೆ ನಮ್ಮಮ್ಮ ಊಟವನ್ನು ಬಿಡಿಸುತ್ತಾ ಆಕೆಯ ಜೊತೆ ಲೋಕಾಭಿರಾಮವಾಗಿ ಮಾತನಾಡುತ್ತಿದ್ದವರು ನನ್ನನ್ನು ಕಂಡ ಕೂಡಲೇ ಏನೋ ಆಣ್ಣಾ ಹೊಟ್ಟೆ ಹಸಿಯುತ್ತಿದೆಯಾ, ಒಂದು ಐದು ನಿಮಿಷ ತಡೀ. ಇವರ ಊಟ ಮುಗಿದ ನಂತರ ಎಲ್ಲರಿಗೂ ಒಟ್ಟಿಗೆ ಬಡಿಸುತ್ತೇನೆ. ನಾವೂ ಕೂಡಾ ನೀನು ಬರೋದನ್ನೇ ಕಾಯುತ್ತಿದ್ದೆವು. ಬೆಳೆಗ್ಗೆಯೂ ಏನೋ ಅವಸರವಸರದಲ್ಲಿ ತಿಂಡಿನೂ ಸರಿಯಾಗಿ ತಿನ್ನದೆ ಹೋಗಿಬಿಟ್ಟೆ ಎಂದು ಮಾತೃವಾತ್ಸಲ್ಯ ಎತ್ತಿ ತೋರಿಸಿದರು. ಹೂಂ ಹಾಗೇ ಆಗಲಿ ಅವರ ಊಟ ಮುಗಿದ ನಂತರ ತಟ್ಟೆ ಹಾಕಿ ಕರೆಯಿರಿ ಎಂದು ಅಲ್ಲಿಯೇ ಇದ್ದ ನನ್ನ ಪುಟ್ಟ ವಯಸ್ಸಿನ ಮಗನನ್ನು ಎತ್ತಿಕೊಂಡು ಆಟವಾಡಿಸುತ್ತಾ ನನ್ನ ಕೊಠಡಿಗೆ ಹೋದೆ. ಸ್ವಲ್ಪ ಹೊತ್ತಿನ ನಂತರ ತಟ್ಟೆ ಹಾಕಿ ಎಲ್ಲರನ್ನೂ ಊಟಕ್ಕೆ ಕರೆದರು. ಹಾಗೆಯೇ ಊಟ ಮಾಡುತ್ತಿರುವಾಗ ನಿಧಾನವಾಗಿ ಆಕೆ ಯಾರಮ್ಮಾ? ಈ ಮೊದಲು ಅವರನ್ನು ನೋಡಿದ ನೆನಪಿಲ್ಲವಲ್ಲಾ ಎಂದೆ. ಓ ಅವರಾ, ಯಾರೂ ಬಡ ಮುತ್ತೈದೆ. ಯಜಮಾನರಿಗೆ ಆರೋಗ್ಯ ಸರಿ ಇಲ್ವಂತೇ, ಮಕ್ಕಳಿಬ್ಬರೂ ತಿರುಪತಿಯಲ್ಲಿ ವೇದಾಧ್ಯಯನ ಮಾಡುತ್ತಿದ್ದಾರಂತೇ. ಹೀಗೆ ನಾಲ್ಕಾರು ಮನೆಗಳಲ್ಲಿ ಕೊಡುವ ಅಲ್ಪ ಸ್ವಲ್ಪ ದಾನ ಧರ್ಮದಿಂದ ಜೀವನ ನಡೆಸುತ್ತಿದ್ದಾರಂತೆ. ಹೇಗೂ ಶ್ರಾವಣಮಾಸ ಮಟ ಮಟ ಮಧ್ಯಾಹ್ನದ ಸಮಯದಲ್ಲಿ ಮುತ್ತೈದೆ ಬಂದಿದ್ದಾರೆ, ನೋಡಿದರೆ ಊಟ ಆಗಿರಲಿಲ್ಲ ಎಂದು ಎದ್ದು ಕಾಣುತ್ತಿತ್ತು ಅದಕ್ಕೇ ಊಟಕ್ಕೇಳಿ ಎಂದೆ. ಮೊದ ಮೊದಲು ಸಂಕೋಚದಿಂದ ಬೇಡ ಬೇಡ ಎಂದಾಕೆ, ನನ್ನ ಒತ್ತಾಯಕ್ಕೆ ಮಣಿದು ಊಟಕ್ಕೆ ಕುಳಿತುಕೊಂಡರು. ಒಳ್ಳೆ ಕೋಳಿ ಕೆದಕಿದಹಾಗೆ ನಾಲ್ಕು ತುತ್ತು ತಿಂದರಷ್ಟೆ. ನಾನೇ ಒಂದೈವತ್ತು ರೂಪಾಯಿ, ಒಂದು ಪಾವು ಅಕ್ಕಿ ಮತ್ತು ತೆಂಗಿನ ಕಾಯಿ ಕೊಟ್ಟು ಕಳುಹಿಸಿದೆ ಎಂದರು ನಮ್ಮಮ್ಮ.

ಊಟ ಹಾಕಿ ದುಡ್ಡು ಕೊಟ್ಟು ಕಳುಹಿಸಿದ್ದಕ್ಕೆ ನನಗೇನು ಬೇಸರವಿಲ್ಲಾ ಆದರೆ ಈ ರೀತಿ ಅಪರಿಚಿತರನ್ನು ನಾವು ಯಾರೂ ಇಲ್ಲದಿದ್ದ ಸಮಯದಲ್ಲಿ ಮನೆಯೊಳಗೆ ಕುಳ್ಳರಿಸಿ ಊಟ ಹಾಕುವ ಮೊದಲು ಸ್ವಲ್ಪ ಜಾಗೃತೆ ವಹಿಸಿ. ಕಾಲ ತುಂಬಾನೇ ಕೆಟ್ಟುಹೋಗಿದೆ ಯಾವ ಹುತ್ತದ್ದಲ್ಲಿ ಯಾವ ಹಾವಿರುತ್ತದೆ ಎಂದು ಯಾರಿಗೂ ಗೊತ್ತಿರುವುದಿಲ್ಲ ಎಂದೆ. ಅದಕ್ಕೆ ಪ್ರತ್ಯುತ್ತರವಾಗಿ ಇಲ್ಲಾ ಕಣೋ, ರಾಮಕೃಷ್ಣಯ್ಯನವರ ಮನೆಯವರು ಆಕೆಯನ್ನು ಇಲ್ಲಿಗೆ ಕಳುಹಿಸಿದ್ದಾರೆ. ಆವರ ಮನೆಗೆ ತುಂಬಾನೇ ದಿನಗಳಿಂದ ಬರುತ್ತಿದ್ದಾರಂತೆ ಅದಕ್ಕೇ ನಾನು ಒಳಗೆ ಕರೆದು ಕೂರಿಸಿದೆ. ಇಲ್ಲಾಂದ್ರೆ ಒಳಗೇ ಸೇರಿಸ್ತೀನಾ? ಎನೋ ನಮ್ಮ ಕೈಯಲ್ಲಿ ಆಗೋವರೆಗೂ ನಾಲ್ಕಾರು ಜನರಿಗೆ ದಾನ ಧರ್ಮ ಮಾಡಿಬಿಡಬೇಕು ಅದು ನಮ್ಮನ್ನಲ್ಲದಿದ್ದರೂ ನಮ್ಮ ಮಕ್ಕಳನ್ನು ಒಂದಲ್ಲಾ ಒಂದು ರೀತಿ ಕಾಪಾಡುತ್ತದೆ. ನೋಡು ಈ ಅನ್ನದ ಮುಂದೆ ಕುಳಿತು ಹೇಳ್ತಿದ್ದೀನಿ. ನಾವು ಇರಲಿ ಬಿಡಲಿ ನೀನೂ ಕೂಡಾ ಇದೇ ರೀತಿ ನಿನ್ನ ಕೈಯಲ್ಲಿ ಆದ ಮಟ್ಟಿಗೆ ಸಹಾಯ ಮಾಡು ಅದು ನಮ್ಮ ವಂಶವನ್ನು ಖಂಡಿತಾ ಕಾಪಾಡಿಯೇ ತೀರುತ್ತದೆ. ನಿಮ್ಮ ತಾತ ಮುತ್ತಾತಂದಿರು ಮಾಡಿದ ಪುಣ್ಯ ಫಲವೇ ಇಂದು ನಮ್ಮನ್ನು ಈ ರೀತಿಯಾಗಿ ಇಟ್ಟಿರುವುದು ಎಂದಾಗ. ಏ ಇದೇನು ಊಟದ ಮುಂದೆ ಕೂತು ಸಾಯುವ ಮಾತು. ಬಿಡ್ತು ಅನ್ನಿ, ನೀವಿಬ್ಬರೂ ಇನ್ನೂ ಇಪ್ಪತ್ತು-ಇಪ್ಪತೈದು ವರ್ಷಗಳವರೆಗೂ ಆರಾಮಾಗಿ ನಿಮ್ಮ ಮೊಮ್ಮಕ್ಕಳು ಮರಿ ಮಕ್ಕಳನ್ನು ಎತ್ತಿ ಆಡಿಸ್ತೀರಿ ಎಂದು ಸಮಧಾನ ಪಡಿಸಿ ಊಟ ಮುಗಿಸಿದೆವು. ಅದಾದ ನಂತರ ಆಕೆ ಪ್ರತೀ ಶನಿವಾರ ತಪ್ಪದೇ ನಮ್ಮ ಮನೆಗೆ ಆಕೆ ಬಂದು ಕೊಟ್ಟದ್ದನ್ನು ತೆಗೆದುಕೊಳ್ಳುತ್ತಾ ದುರಾಸೆ ಪಡದೆ, ಬಾಯಿ ತುಂಬಾ ನಾಲ್ಕಾರು ಒಳ್ಳೆಯ ಮಾತುಗಳನ್ನಾಡಿ ಮಕ್ಕಳಿಗೆ ಆಶೀರ್ವದಿಸಿ ಹೋಗುತ್ತಿದ್ದರು. ಆಕೆಯ ಸಜ್ಜನಿಕೆಯ ಪ್ರಭಾವಕ್ಕೆ ಒಳಗಾಗಿ, ಅಮ್ಮಾ ಕೂಡಾ ಅವರನ್ನು ನಮ್ಮ ತಂಗಿಯರ ಮನೆಯ ಒಳಗೊಂಡಂತೆ ಇನ್ನೂ ಮೂರ್ನಾಲ್ಕು ಮನೆಯವರಿಗೆ ಪರಿಚಯಿಸಿದ್ದರು.

rail

ಈ ಘಟನೆಯಾದ ಸ್ವಲ್ಪ ದಿನಗಳಲ್ಲೇ ನಾನು, ನಮ್ಮ ಮಡದಿ ಮತ್ತು ನಮ್ಮ ಸಣ್ಣ ವಯಸ್ಸಿನ ಮಕ್ಕಳೊಂದಿಗೆ, ಅಮೇರಿಕಾ ಪ್ರವಾಸಕ್ಕೆ ಹೋಗುವ ಸಲುವಾಗಿ ವೀಸಾ ಪಡೆಯಲು ಚೆನ್ನೈಗೆ ಹೊರಟೆವು. ಈಗಿನಂತೆ ಆಗೆಲ್ಲಾ ಹೊಟೇಲ್ಗಳು ಇಂಟರ್ನೆಟ್ ಬುಕಿಂಗ್ ಇಲ್ಲದ ಕಾರಣ, ಅಲ್ಲೇ ಎಂಬೆಸಿ ಅಕ್ಕ ಪಕ್ಕದ ಹೋಟೇಲ್ನಲ್ಲೇ ಬಾಡಿಗೆ ರೂಮ್ ಹುಡುಕೋಣ ಎಂದು ನಿರ್ಧರಿಸಿ ಮಧ್ಯಾಹ್ನದ ಬೃಂದಾವನ್ ರೈಲು ಹತ್ತಿದೆವು. ಇಡೀ ಬೋಗಿಯಲ್ಲಿ ಜನ ತುಂಬಿ ತುಳುಕುತ್ತಿದ್ದವರು, ವಾಣಿಯಂಬಾಡಿ ತಲುಪುವ ಹೊತ್ತಿಗೆ ಸಾಕಷ್ಟು ಜನ ಇಳಿದುಬಿಟ್ಟಿದ್ದರಿಂದ ಭೋಗಿಯೆಲ್ಲಾ ಖಾಲಿ ಖಾಲಿ ಎನಿಸತೊಡಗಿತ್ತು. ಅಷ್ಟರಲ್ಲಿ ನನ್ನ ಮಕ್ಕಳಿಬ್ಬರಿಗೂ ನಿದ್ದೆ ಬರಲು ನಮ್ಮ ಸೀಟಿನುದ್ದಕ್ಕೂ ಮಕ್ಕಳಿಬ್ಬರನ್ನು ಮಲಗಿಸಿ ನಾನು ಪಕ್ಕದಲ್ಲಿದ್ದ ಮತ್ತೊಂದು ಖಾಲೀ ಸೀಟಿನಲ್ಲಿ ಕುಳಿತುಕೊಂಡೆ. ನನ್ನ ಪಕ್ಕದಲ್ಲಿ ವಯಸ್ಕರೊಬ್ಬರು ಕುಳಿತಿದ್ದರು. ರೈಲು ಹೊರಟು ಒಂದು ಐದು ಹತ್ತು ನಿಮಿಷವಾಗಿರ ಬಹುದು. ನಿಧಾನವಾಗಿ ಅವರೇ ಮಾತಿಗಿಳಿದು ನೀವು ಕನ್ನಡಿಗರೇ ? ಎಂದು ಕೇಳಿದರು. ಅದಕ್ಕೆ ನಾನು ಹೌದು ಎಂದೆ. ಓಹೋ ಬಹಳ ಸಂತೋಷ ಇಡೀ ಬೋಗಿಯಲ್ಲಿ ಕನ್ನಡಿಗರೇ ಕಾಣದೆ ಮನಸ್ಸಿಗೆ ಬೇಜಾರಾಗಿತ್ತು ಎಂದರು ಆ ಹಿರಿಯರು. ಹಾಗೆ ಮುಂದುವರಿದು ನಮ್ಮ ಮನೆಯ ಬಗ್ಗೆ ವಿಚಾರಿಸಿದರು. ನಾನೂ ಕೂಡ ಬೆಂಗಳೂರಿನಲ್ಲಿ ನಿಮ್ಮ ಮನೆ ಎಲ್ಲಿ ಎಂದು ಕೇಳಿದಾಗ, ಅರವಿಂದ ನಗರ ಎಂದು ಅವರು ಹೇಳಿದರು. ಓ ಆರವಿಂದ ನಗರದ ಪೋಸ್ಟ್ ಆಫೀಸಿನ ಹತ್ತಿರವೇ ಎಂದು ವಿಚಾರಿಸಿದಾಗ, ಹೌದು ಆ ಪೋಸ್ಟ್ ಆಫೀಸೇ ನಮ್ಮ ಮನೆ ಕೆಳಗಡೆ ಪೋಸ್ಟ್ ಆಫೀಸಿಗೆ ಬಾಡಿಗೆ ಕೊಟ್ಟಿದ್ದೇವೆ ಮೇಲೆ ನಾವು ವಾಸಿಸುತ್ತಿದ್ದೇವೆ ಎಂದು ತಿಳಿಸಿ, ನಿಮಗೆ ಆ ಕಡೆ ಪರಿಚಯವಿದೆಯೇ ಎಂದು ಮರು ಪ್ರಶ್ನಿಸಿದರು. ಒಹೋ, ನಿಮ್ಮ ಮನೆಯ ಪಕ್ಕದ ಗಣೇಶ ನಮ್ಮ ಸ್ನೇಹಿತ ಎಂದೆ. ಹೀಗೆ ಅವರಿಗೆ ಕೊಂಚ ಹತ್ತಿರವಾದೆ. ಹಾಗೆಯೇ ಮಾತು ಮುಂದುವರಿಸಿ ನೀವು ಮೂಲತಃ ಯಾವ ಊರಿನವರು ಎಂದು ವಿಚಾರಿಸಿದೆ. ಅವರು ನಾವು ಜೋಡಿ ಗುಬ್ಬಿಯವರು ಎಂದರು. ಹಾಗಾದರೆ, ನಿಮಗೆ ಪ್ರೇಮ ಅಪ್ಪಣ್ಣ ಗೊತ್ತೇ? ಪ್ರೇಮ ನಮ್ಮ ಅಕ್ಕ ಎಂದೆ. ಅದಕ್ಕವರು ಅಪ್ಪಣ್ಣ ನಮ್ಮ ಸಮೀಪದ ಬಂಧು ಎಂದರು. ಅಲ್ಲಿಗೆ ನಾವು ದೂರದ ಸಂಬಂಧಿಗಳಾದೆವು. ಹಾಗೇ ಮುಂದುವರಿಸಿ ನಿಮಗೆ ಮೂಲತಃ ಜೋಡಿ ಗುಬ್ಬಿಯವರೇ ಆದರೂ ಈಗ ಭದ್ರಾವತಿಯ ನಾರಾಯಣ ಅವರು ನಿಮಗೆ ಏನಾಗಬೇಕು ಎಂದೆ? ಅದಕ್ಕವರು ಅವರೂ ಸಹ ನಮಗೆ ಹತ್ತಿರದ ಸಂಬಂಧಿಗಳಾದರೂ ಅವರಿಗಿಂತ ಅವರ ಅಳಿಯ ಡಾ.ರಾಮಕೃಷ್ಣ ನಮಗೆ ಬಹಳ ಆಪ್ತರು ಎಂದರು, ಆಗ ನಿಧಾನವಾಗಿ ನಸುನಗುತ್ತಾ ಆ ರಾಮಕೃಷ್ಣನವರೇ ನಮ್ಮ ಚಿಕ್ಕಪ್ಪನವರು. ನಮ್ಮ ತಂದೆಯ ಸ್ವಂತ ತಮ್ಮ ಎಂದೆ, ಹೀಗೆ ನಾನಾ ಕಡೆಯಿಂದ ಸುತ್ತೀ ಬಳಸೀ ಬಂದರೂ ನಾನು ಅವರೊಂದಿಗೆ ಸಂಬಂಧ ಬೆಸೆಯುತ್ತಿದ್ದದ್ದು ನೋಡಿ ಅವರಿಗೆ ತುಂಬಾ ಸಂತೋಷವಾಗಿ, ಅರೇ ನೋಡಿ ಒಬ್ಬರಿಗೊಬ್ಬರು ಪರಿಚಯವೇ ಇಲ್ಲದವರು ಈಗ ನೋಡಿ ಎಷ್ಟು ಹತ್ತಿರದ ಸಂಬಂಧಿಗಳೇ ಆಗಿ ಹೋಗಿಬಿಟ್ಟೆವು ಎಂದರು. ಸರೀ ಈಗ ಚೆನ್ನೈಗೆ ಬರುತ್ತಿರುವ ಕಾರಣ ಏನು ಎಂದು ವಿಚಾರಿಸಿ, ನಾವು ವೀಸಾಕ್ಕೆಂದು ಹೋಗುತ್ತಿರುವ ವಿಷಯ ತಿಳಿದು ಎಲ್ಲಿ ಉಳಿದುಕೊಳ್ಳುವ ವ್ಯವಸ್ಥೆ ಮಾಡಿಕೊಂಡಿದ್ದೀರಿ ಎಂದು ಕೇಳಿದರು. ಅದಕ್ಕೆ ನಾನು, ಇನ್ನು ಎಲ್ಲೂ ವ್ಯವಸ್ಥೆ ಆಗಿಲ್ಲ. ಅಲ್ಲಿಗೆ ಹೋಗಿ ಹೋಟೆಲ್ ಬುಕ್ ಮಾಡಬೇಕು ಎಂದೇ. ಆ ಕೂಡಲೇ, ಛೇ.. ಛೇ.. ಛೇ.. ಎಲ್ಲಾದರೂ ಉಂಟಾ, ನೀವು ನಮಗೆ ಇಷ್ಟು ಹತ್ತಿರದ ಸಂಬಂಧಿಗಳಾಗಿ ನಮ್ಮ ಮನೆ ಇದ್ದರೂ ಬೇರೆಲ್ಲೋ ಹೋಟೆಲ್ನಲ್ಲಿ ಉಳಿಯುವುದೇ, ಇಲ್ಲಾ ನೀವೆಲ್ಲಾ ನಮ್ಮ ಮನೆಯಲ್ಲೇ ಉಳಿಯಬೇಕು ಎಂದರು. ಅರೇ ಇದೇನಪ್ಪಾ? ಹಿಂದೆಂದೂ ಪರಿಚಯವಿಲ್ಲದಿದ್ದವರು ಈಗ ಎಲ್ಲೋ ಬಾದರಾಯಣ ಸಂಬಂಧ ಬೆಸೆದು ಕೊಂಡು ಅವರ ಮನೆಗೆ ಹೋಗುವುದು ಹೇಗೆ ಎಂದು ಯೋಚಿಸುತ್ತಿರುವಾಗಲೇ, ಯಾಕೇ ನಿಮ್ಮ ಮನೆಯವರಿಗೆ ಹೇಳಬೇಕೇ ಎಂದು ಅವರೇ ನಮ್ಮ ಮಡದಿಯ ಕಡೇ ನೋಡಿ, ಈ ಮುದ್ದಾದ ಮಕ್ಕಳನ್ನು ಕರೆದುಕೊಂಡು ನೀವೆಲ್ಲರೂ ನಮ್ಮ ಮನೆಗೇ ಬರಬೇಕು ಎಂದು ನಿವೇದಿಸಿದರು. ಸರಿ ದೊಡ್ಡವರು ಆಷ್ಟೊಂದು ಬಲವಂತ ಮಾಡುತ್ತಿದ್ದಾರಲ್ಲಾ ಎಂದು ಒಲ್ಲದ ಮನಸ್ಸಿನಿಂದಲೇ ಒಪ್ಪಿಕೊಂಡೆವು. ಅಷ್ಟರಲ್ಲಾಗಲೇ ಅರಕೋಣಂ ತಲುಪಿಯಾಗಿತ್ತು. ಕೂಡಲೇ ಅವರ ಮಡದಿಗೆ ಮೊಬೈಲ್ ಕರೆ ಮಾಡೀ ಸುಭಧ್ರಾ, ನಾನು ಮತ್ತು ನಮ್ಮ ಸಂಬಂಧಿಗಳ ಕುಟುಂಬದೊಂದಿಗೆ ಬರುತ್ತಿದ್ದೇವೆ ಅದಕ್ಕೆ ಬೇಕಾದ ವ್ಯವಸ್ಥೆ ಮಾಡು ಎಂದು ತಿಳಿಸಿದರು,

ಚೆನ್ನೈ ರೈಲ್ವೇ ನಿಲ್ದಾಣದಿಂದ ಆಟೋ ಮಾಡಿಕೊಂಡು ನೇರವಾಗಿ ಅವರ ಮನಗೆ ಹೋದರೆ, ನಮ್ಮ ಬರುವಿಗಾಗಿ ಅವರ ಮಡದಿ ಮತ್ತು ಅವರ ಮಗ ಕಾಯುತ್ತಾ ಇದ್ದಾರೆ. ಹೋದ ತಕ್ಷಣವೇ, ರಾಯರು ನಮ್ಮ ಸಂಬಂಧಗಳನ್ನೆಲ್ಲಾ ಸೂಕ್ಷ್ಮವಾಗಿ ತಿಳಿಸಿ ನಮಗೇ ಪ್ರತ್ಯೇಕ ಕೊಠಡಿಯ ವ್ಯವಸ್ಥೆ ಮಾಡಿ ಕೊಟ್ಟು ನಾವು ಕೈಕಾಲು ಮುಖ ತೊಳೆದುಕೊಂಡು ಬರುವಷ್ಟರಲ್ಲಿ ಊಟದ ತಟ್ಟೆ ಹಾಕಿದ್ದರು ಎಲ್ಲರೂ ಒಟ್ಟಿಗೆ ಊಟಕ್ಕೆ ಕುಳಿತು ಕೊಂಡೆವು, ಆಕೆಯ ಹೆಸರು ಸುಭದ್ರಮ್ಮ ಎಂದು ಇದ್ದರೂ ಆಕೆ, ಸಾಕ್ಷಾತ್ ಅನ್ನಪೂರ್ಣಮ್ಮನೇ ಸರಿ. ಬೇಡ ಬೇಡಾ ಎಂದರೂ ಒತ್ತಾಯ ಪೂರ್ವಕವಾಗಿ ರುಚಿ ರುಚಿಯಾದ ಬಿಸಿ ಬಿಸಿ ಹುಳಿ,ಸಾರು, ಜೊತೆಗೆ ಬಾಳಕ , ಹಪ್ಪಳ ಸಂಡಿಗೆಯೊಂದಿಗೆ ಭೂರೀ ಭೋಜನವಾಯಿತು. ಊಟವಾದ ನಂತರ ಅವರ ಮಗ ಚೆನ್ನೈನಲ್ಲಿ ಪ್ರತಿಷ್ಠಿತ ಕಂಪನಿಯಲ್ಲಿ ಉದ್ಯೋಗಿಯಾಗಿರುವ ಕಾರಣ ಈಗ ಕೆಲ ವರ್ಷಗಳಿಂದ ಚೆನ್ನೈನಲ್ಲಿ ನೆಲಸಿರುವುದಾಗಿ ತಿಳಿಸಿದರು. ಹಾಗೇ ಮಾತನಾಡುತ್ತಾ ಮಾರನೇಯ ದಿನ ಬೆಳಿಗ್ಗೆ 9ಗಂಟೆಗೆಲ್ಲಾ ವೀಸಾ ಕಛೇರಿಗೆ ಹೋಗಬೇಕಾಗಿರುವುದರಿಂದ, ನಾವು ಬೆಳಿಗ್ಗೆಯೇ ಹೊರಡುತ್ತೇವೆ. ನೀವು ವೃಥಾ ತೊಂದರೆ ತೆಗೆದುಕೊಳ್ಳಬೇಡಿ ಎಂದೆ. ನಾನು ಈ ಮಾತನ್ನು ಹೇಳುತ್ತಿದ್ದಂತೆಯೇ ಸುಭದ್ರಮ್ಮನವರು? ಯಾಕೇ? ನಮ್ಮ ಮನೆಯ ಅಡಿಗೆ ಹಿಡಿಸಲಿಲ್ಲವೇ? ಅಥವಾ ಹೊರಗೆ ತಿನ್ನುವ ಚಪಲವೇ? ಅದೆಲ್ಲಾ ಬೇಡ. ನಾನೇ ಬೆಳಿಗ್ಗೆ ತಿಂಡಿ ಮಾಡಿಕೊಡುತ್ತೇನೆ. ಸುಮ್ಮನೆ ತಿಂಡಿ ತಿಂದು ಹೋಗಿ ಎಂದು ಎಷ್ಟೋ ದಿನಗಳಿಂದ ಪರಿಚಯ ಇರುವ ಹಾಗೆ ತೀರಾ ಸಲುಗೆಯಿಂದ ಅಧಿಕಾರಯುತವಾಗಿ ಆಜ್ಞಾಪಿಸಿದರು. ನೀರಲ್ಲಿ ಬಿದ್ದಾಗಿದೆ. ಇನ್ನು ಚಳಿಯೇನು, ಬಿಸಿಲೇನು? ಎನ್ನುವಂತೆ ಅವರು ಹೇಳಿದ್ದಕ್ಕೆ ಮರು ಮಾತನಾಡದೇ ಒಪ್ಪಿಕೊಳ್ಳಲೇ ಬೇಕಾಯಿತು.

rotti

ಮಾರನೇಯ ದಿನ ಬೆಳಿಗ್ಗೆ ನಾವು ಎದ್ದು ಮಕ್ಕಳಿಗೆಲ್ಲಾ ಸ್ನಾನ ಮಾಡಿಸಿ ಅವರನ್ನೆಲ್ಲ ತಯಾರು ಮಾಡಿ ನಮ್ಮಕೊಠಡಿಯಿಂದ ಹೊರಬರುವುದನ್ನೇ ಕಾಯುತ್ತಿದ್ದ ಸುಭದ್ರಮ್ಮನವರು, ಎಲ್ಲಾ ಬಂದ್ರಾ? ನೀವು ಬರಲೀ ಎಂದೇ ಕಾಯುತ್ತಿದ್ದೆ ಎಂದು ಹೇಳಿ ಪಟ ಪಟನೇ ಬಿಸಿ ಬಿಸಿಯಾದ ಅಕ್ಕಿ ರೊಟ್ಟಿ ಅದಕ್ಕೆ ಗಟ್ಟಿಯಾದ ಕಾಯಿ ಚೆಟ್ನಿ ಅದರ ಮೇಲೆ ಮನೆಯಲ್ಲೇ ಕಡಿದು ಮಾಡಿದ್ದ ಹಸನಾದ ಬೆಣ್ಣೆ ಹಾಕಿಕೊಟ್ಟರು. ಅಷ್ಟು ಬೆಳ್ಳನೆಯ, ತೆಳುವಾದ ಮತ್ತು ಗರಿಗರಿಯಾದ ಅಕ್ಕಿರೊಟ್ಟಿಯನ್ನು ನನ್ನ ಜೀವಮಾನದಲ್ಲೇ ತಿಂದಿರಲಿಲ್ಲ. ಹಾಗಾಗಿ ರೊಟ್ಟಿಯನ್ನು ಗಡದ್ದಾಗಿ ತಿಂಡಿ ತಿಂದು ಎಂಬೆಸಿ ಕೆಲಸ ಮುಗಿಸಿಕೊಂಡು ಹಿಂದಿರುಗಿ, ಮಧ್ಯಾಹ್ನ ಮತ್ತು ರಾತ್ರಿ ರುಚಿಚಿಯಾದ ಊಟ ಹಾಕಿದ್ದಲ್ಲದೆ, ರಾತ್ರಿ ಹೊರಡುವಾಗ ನಮ್ಮ‌ ಮನೆಯವರಿಗೆ ಅರಿಶಿನ ಕುಂಕುಮ, ಮಕ್ಕಳ ಕೈಗೆ ಚಾಕೆಲ್ಪೇಟ್ ತೆಗೆದುಕೊಳ್ಳಿ ಎಂದು ಸ್ವಲ್ಪ ಹಣವನ್ನೂ ಕೊಟ್ಟು ಕಳುಹಿಸಿದ್ದರು,. ನಮ್ಮದು ಉಂಡೂ ಹೋದ ಮತ್ತು ಕೊಂಡೂ ಹೋದ ಎನ್ನುವ ಕಥೆಯಾಗಿತ್ತು. ರೈಲಿನಲ್ಲಿ ಅಚಾನಕ್ಕಾಗಿ ಸಿಕ್ಕಿ ಪರಿಚಯವಾಗಿ ಅದು ಸಂಬಂಧಕ್ಕೆ ತಿರುಗಿ, ವಿಶ್ವೇಶ್ವರಯ್ಯ ಮತ್ತು ಸುಭದ್ರಮ್ಮ ದಂಪತಿಗಳು ಆದಿನ ನಮಗೆ ಕೇವಲ ಆಶ್ರಯದಾತರಾಗಿರಲಿಲ್ಲ. ಬದಲಾಗಿ ಸಾಕ್ಷಾತ್ ಶ್ರೀ ಪಾರ್ವತಿ ಮತ್ತು ಪರಮೇಶ್ವರನಂತೆ ನಮ್ಮನ್ನು ಸಲಹಿದ್ದರು. ಹೋಟೆಲ್ ರೂಮೊಂದನ್ನು ಬಾಡಿಗೆ ಹಿಡಿದು ಅಲ್ಲಿಯೇ ಊಟೋಪಚಾರಗಳನ್ನು ಮುಗಿಸಿ ನಮ್ಮ ಉದ್ದೇಶವನ್ನು ಪೂರೈಸ ಬಹುದಾಗಿದ್ದರೂ, ಇವರು ತೋರಿದ ಹೃದಯ ವೈಶಾಲ್ಯತೆ, ಅತಿಥಿ ಸತ್ಕಾರಕ್ಕೆ ಬೆಲೆ ಕಟ್ಟಲಾಗದು. ಮುಂದೆ ಅವರು ಬೆಂಗಳೂರಿಗೇ ಸಂಸಾರ ಸಮೇತರಾಗಿ ಹಿಂದಿರುಗಿ, ಬಾಣಂತನಕ್ಕೆ ಹೋಗಿದ್ದ ಸೊಸೆಗೂ ಮಗಳು ಜನಿಸಿ ಅವಳ ನಾಮಕರಣ ಮುಂದೆ ಆ ಮಗುವಿನ ವರ್ಷದ ಹುಟ್ಟು ಹಬ್ಬ ಹೀಗೆ ನಾನಾ ಕಾರ್ಯಕ್ರಮಗಳಿಗೆ ನಾವು ಅವರ ಮನೆಗೆ ಹೋದರೆ, ಅವರೂ ಸಹಾ ನಮ್ಮ ಮಗನ ಮುಂಜಿ, ಗೃಹಪ್ರವೇಶ ಹೀಗೆ ನಮ್ಮ ಮನೆಯ ಸಭೆ ಸಮಾರಂಭಗಳಿಗೆ ಹೋಗಿ ಬಂದು ಮಾಡುತ್ತಾ ಹತ್ತಿರದ ಸಂಬಂಧಿಗಳಿಗಿಂತಲೂ ಹೆಚ್ಚಾಗಿಯೇ ಹೋದೆವು.

ನಾವು ಮಾಡಿದ ಪುಣ್ಯಕಾರ್ಯಗಳು ನಮ್ಮ ಮಕ್ಕಳನ್ನು ಮತ್ತು ಮರಿಮಕ್ಕಳನ್ನು ಕಾಪಾಡುತ್ತದೆ ಎಂಬ ಮಾತು ಪ್ರಚಲಿತದಲ್ಲಿದೆ. ಆಂದು ನಮ್ಮ ತಾಯಿಯವರು ಅದಾರೋ ಅಪರಿಚಿತ ಹೆಂಗಸಿಗೆ ಮಾಡಿದ ಉಪಕಾರಕ್ಕೆ ಇಂದು ಆ ಭಗವಂತ ವಿಶ್ವೇಶರಯ್ಯನವರ ರೂಪದಲ್ಲಿ ಬಂದು ಅದರ ಋಣವನ್ನು ತೀರಿಸಿದ್ದ. ಅಪರಿಚಿತರಿಗೆ ಸತ್ಕಾರ‌ ಮಾಡಬೇಡಿ‌ ಎಂದು ನಮ್ಮ ತಾಯಿಯವರಿಗೆ ಹೇಳಿದ್ದ ನಾವೇ ಇಂದು ಅಪರಿಚಿತರ ಮನೆಯಲ್ಲಿ ಸತ್ಕಾರಕ್ಕೆ ಒಳಗಾಗಿದ್ದೆವು ಅದಕ್ಕೇ ಹೇಳೋದು ನಾವು ಮಾಡಿದ ದಾನ ಧರ್ಮಗಳಿಗೆ ಮುಂದಿನ ತಲೆಮಾರು ಇಲ್ಲವೇ ಮುಂದಿನ ಜನ್ಮದವರೆಗೂ ಕಾಯುವ ಅವಶ್ಯಕತೆಯೇ ಇಲ್ಲ. ಇಂದೇನಿದ್ರೂ ಅಲ್ಲೇ ಡ್ರಾ ಅಲ್ಲೇ ಬಹುಮಾನ. ಹಾಗಾಗಿ ಸಾಧ್ಯವಾದಷ್ಟೂ ದಾನ ಧರ್ಮಗಳನ್ನು ಯಾವುದೇ ಪ್ರತಿಫಲಾಪೇಕ್ಷೆ ಇಲ್ಲದೇ ನಿಸ್ವಾರ್ಥವಾಗಿ ಮಾಡೋಣ . ಹೀಗೆಯೇ ದಾನ ಧರ್ಮ ಮಾಡುವಷ್ಟು ಸಿರಿ ಸಂಪತ್ತು ಮತ್ತು ವಿಶಾಲವಾದ ಮನಸ್ಸನ್ನು ಕೊಡಲಿ ಎಂದು ಆ ಭಗವಂತನನ್ನು ಕೇಳೋಣ. ಭಗವದ್ಗಿತೆಯಲ್ಲಿ ಶ್ರೀ ಕೃಷ್ಣನೇ ಹೇಳಿರುವಂತೆ, ಕರ್ಮಣ್ಯೇವಾಧಿಕಾರಸ್ತೇ, ಮಾಫಲೇಷು ಕದಾಚನ. ನಿಮ್ಮ ಕೆಲಸಗಳನ್ನು ನೀವು ಮಾಡಿ, ಫಲಾಫಲಗಳನ್ನು ನನ್ನ ಮೇಲೆ ಬಿಡಿ ಎನ್ನುವಂತೆ ನಮ್ಮ ಪಾಲಿನ ಕರ್ತ್ಯವ್ಯಗಳನ್ನು ನಾವು ಸರಿಯಾಗಿ ಮಾಡುವುದರ ಮೂಲಕ ಎಲ್ಲರಿಗೂ ಆದರ್ಶಪ್ರಾಯರಾಗೋಣ. ಇಂದು ನಮ್ಮ ತಾಯಿಯವರೂ ಇಲ್ಲ ಮತ್ತು ಆ ಬಡ ಹೆಂಗಸೂ ನಮ್ಮ ಮನೆಗೆ ಬರುತ್ತಿಲ್ಲವಾದರೂ ಅವರು ಮಾಡಿದ ಪುಣ್ಯ ಕೆಲಸ ಮತ್ತು ಆಶೀರ್ವಾದಗಳು ನಮ್ಮನ್ನು ಸದಾಕಾಲವೂ ಕಾಯುತ್ತಲೇ ಇರುತ್ತದೆ.

ವೀಡಿಯೋ : https://youtu.be/BFDl0OWY9Vc

ಏನಂತೀರೀ?

.